دعوة لكل مصري بهذا المنتدي(6 ابريل)

[اليرموق]

السلام عليكم ورحمه الله وبركاته

اخواني الاعزاء

انا الا اريد التزويق ولا التنميق في الموضوع او الكلام
كل ما اريد توصيله هو رسالة..فقط رسالة لكل من يخاف علي مستقبله في هذه البلد
في هذه الام التي لطالما عانت ولاقت الاهاويل علي يد الحكام الظلمة
انها مصر...
انقل اليك تقرير من الاستاذ سعد دومة وفي نهايته تعرف دورك الايجابي في هذ المنتدي

لو انتا شايف ان كله سليم
و الاسعار رخيصة
و الحرية
و احترام الانسان
و توفر فرص العمل

فهذا الكلام ليس لك

اما اذا كنت عايش معانا
تعاني معانا
ايا كان انتمائك السياسي


او مكبر دماغك
خليك معانا
إتفقت كافه القوي الوطنية في مصر علي
أن يكون
يوم 6 إبريل
يوم إضراب عام في مصر

:smailes24:

عاجبك الى فية البلد

عاجبك الناس الى بتضيع كل يوم 3 ساعات قدام طابور العيش علشان تاخد اقل حقوقها و اقل حاجة فى الاكل و هو العيش

عاجبك حالك انت ؟

عاجبك الاسعار دلوقتى ؟

عاجبك ناس زى احمد عز تحتكر السوق و محدش يكلمهم ؟


عاجباك الواسطة و المحسوبية و السرقة و الفساد ؟

عاجبك شوارع مصر ؟

عاجبك حال التعليم ؟

عاجبك التسلط و قلة الادب الى موجودة عند الشرطة المصرية ؟


عاجبك ان فوق 82% من شعب مصر عايش تحت خط الفقر ؟






-

-





لو انت مش عاجبك كل دة

متقولشى و انا مالى

متقولشى انا مقدرشى اعمل حاجة و مفيش حاجة فى ايدى

محدش هيتحرك علشان يدافع عنك وو يجيبلك حقك

لازم كل الناس تتحرك

و على الاقل تثبت وجودها و اعتراضها و لو بالاضراب بس

خلى اليوم دة الى كلنا نقول للحكومة فية احنا موجودين

احنا بشر و عايزين تعيش

يوم 6 إبريل
خليك قاعد في البيت
أوعي تنزل

ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم

ماتروحشي المعسكر



دة الوقت الى نتكلم فية

و الوقت الى نقول للحكومة فية .........

عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان

مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا

قول لأصاحبك مايروحوش الشغل همه كمان وخليهم يدخلوا الإضراب
و حاول انت بايدك الى تغير مصيرك




ما المطلوب مني
اقل شئ يوم 6 ابريل كن سلبيخليك في البيت ماترحش الشغل
ما ترحش مشاوير
عايزين الشوارع فاضية الا
المظاهرات
اكتب في المنتديات
صمم بانرات و ملصقات
كلم اصحابك
رسائل المحمول
الصق على الحيطة
كلم سواقين الميكروباص

الأطراف اللتي أعلنت تأييدها حتى
الآن
الكرامة وكفاية والوسط والعمل
وحركة موظفي الضرائب العقارية
وحركة إداريي وعمال القطاع
التعليمي ونقابة المحامين وحركة
عمال المطاحن (في انتظار موقف
الإخوان المسلمين)الأخوان وافقوا
على التضامن مع حركة عمال
المحلة، واعتبار يوم الأحد 6 أبريل2008 يوما للغضب الشعبي:
"ضد النظام الجائر".

خلينا واقعيين حركة كفاية كبيرها كام
الف يتعاطف معاهم
(اذا شلينا الاخوان المسلمين من
الموضوع)
لكن الموضوع ليس كفاية او او
الموضوع نسبت لا نفسنا قبل الجميع
اننا يمكننا ان نفعل شئ
المفتى نصر فريد واصل: التظاهر والعصيان المدني واجب على كل مسلم إذا كان هدفه مصلحة الوطن
جبهة علماء الأزهر تدعو الأمة للانتفاض ضد الحكام الخونة
سفينة حربية أمريكية تقتل مصريا وتصيب اثنين وحكومتنا غير معنية
مجدي حسين:6 ابريل خطوة فى اتجاه الثورة وأي مصري أفضل من مبارك
إنه العصيان يا سادة _ بقلم:أحمد سعد دومة*


مـنـــــــقــول كتابــــة الموضوع بــواســطة أحمد فخر

[bismilah]

ربنا يوفقكم في استقطاب الشعب كله
في هدا الاضراب يا اليرموق و ان يكون
له وقع على رؤسات المناصب العليا

[kamal302]

نسأل الله ان يأخذ بيد شعوبنا المساكين.
ونتمنى ان يكون هناك تغيير
و حظ سعيد لاخوتنا في مصر

[mahmoud ms]

ربنا يسهل
ونشوف حنقدر نعمل أية

[eso_eso]

يارب كل مصري يشارك اليوم ده في الاضراب
وحدش يروح الشغل
ولا حد يفتح اي محل
وربنا معانا

[noosaa]

الف شكر يا ريوووووووووووووم على موضوعك الجميل

على فكره انا من ساعه ماجاتلى الرساله على الميل من اسبوعين كده وانا مستعده للاضراب
ربنا يرحمنا ويفرجها علينا

مشكووووووووووره يا قمر مره تانيه

[mohdoo7]

ربنا كبير يا اختي

ربنا يسهل !!! و ربنا معانا و


انشاء اللة ينصرنا علي الظالم

[ezz_wing]

مشكور يا ريم
لهذا الحس والغيره والإيجابيه

لا أحب اإطاله فلو قمت بالرد ربما ما تسع
المقال ,,,,

كما قلت بكلامك أختى الكريمه واجبتى
بنقلك للخبر

عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان

مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا


((((عايزين , ومش عايزن)))))

طب أحنا فين....؟!؟؟!!
هكذا هو حال شعب مصر للأسف يا ريم
وليس معنى ذلك انى بجانب كذا أو كذا

لا لإنى من أبناء البلد وهذا الشعب
إحناء شعب سلبى جداً لأقصى حد
وعاوزين كل حاجه تتعمل لنا لأسف

وليس معنى ذاك ان الحكومه بريئة براة
الذئب من دم ابن يعقوب

بل ملق عا عاتقها ما يحدث لهذا الشعب الكادح
الذى يتفرد بالكثير عن غيره من الشعوب
فله موروث ثقافى ودينى وحضارى كبيير

(خير أجناد الأرض)

ولكن أين نحن الأن , والحكومه يمارس عليها
الكثير من الضغوطات الدوليه , وكم بُحت أصواتنا
بالصحف وبالنقابات..إلخ ولكن بلا رد ولا حياة لمن تنادى

وكله نازل قزف وسب وتجريح وعراك دونما النظر عا
لب وصلب المشكله والمضمون

تحضرنى هذه الأيه الكريمه
{وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاء وَالأَرْضِ
وَلَكِن كَذَّبُواْ فَأَخَذْنَاهُم بِمَا كَانُواْ يَكْسِبُونَ} (96) سورة الأعراف
----------------------------
بالله عليك أحاول التواجد للهروب من الواقع المرير
ولو للحظات منه نراه بكل يوم ,
بالتوفيق

[اليرموق]

ربنا يوفقكم في استقطاب الشعب كله
في هدا الاضراب يا اليرموق و ان يكون
له وقع على رؤسات المناصب العليا

اللهم آآآآآآآمين يـــــارب العالمين

نــــورت المتصفح أخى ربـيــــع

نسأل الله ان يأخذ بيد شعوبنا المساكين.
ونتمنى ان يكون هناك تغيير
و حظ سعيد لاخوتنا في مصر

يسلملنا دعائك أخى الجمييييييل كمااااال

ويـــــــاريت نشوف تغيييييييير

ربنا يسهل
ونشوف حنقدر نعمل أية

بــــس أنت أعمل اللى عليك والبااقى على الله يا محمود

يارب كل مصري يشارك اليوم ده في الاضراب
وحدش يروح الشغل
ولا حد يفتح اي محل
وربنا معانا

يـــــــــارب يإسراء والله أنا عماله أكلم كل اللى أعرفهم عشان اليوم داااااا

وربنا يعنا يـــــــــارب

الف شكر يا ريوووووووووووووم على موضوعك الجميل

على فكره انا من ساعه ماجاتلى الرساله على الميل من اسبوعين كده وانا مستعده للاضراب
ربنا يرحمنا ويفرجها علينا

مشكووووووووووره يا قمر مره تانيه

الشكر ليكى يا عسسسسسسسسل على تشريفك لينااااااااااااا

مية مية يا ننوسة وسنستمر وربنا معانا أن شاء الله

ربنا كبير يا اختي

ربنا يسهل !!! و ربنا معانا و


انشاء اللة ينصرنا علي الظالم


اللهم أميييييييين أخى

وأن شاء الله نقدر نعمل حاجة يـــــارب

[اليرموق]

مشكور يا ريم
لهذا الحس والغيره والإيجابيه

والله دااا من الضغط اللى أحنا شايفينوووو

ولازم نشوف للموضوع دا حل ........




((((عايزين , ومش عايزن)))))


دا حقنا يا عز نقول عايزين ومش عايزين



طب أحنا فين....؟!؟؟!!

أحنا اللى طاالع عنينا فى الغلا

أحنا اللى بيتمص دمهم فى الضرايب

أحنا اللى بنرضى بالبقايا ونقول الحمد لله

أحنا اللى عايشين فى زمن المحسوبيات والبطاله وووو

أحنا اللى مش لقيين جهه تنصف أو توصل صوتناا

أنا قولتها وبقولها وهفضل أقولها لنا الله

عايزنها فى كل الضغووط دى نعمل أية وأحنا عندنا كل حلم بيتحطم

قبل ما تفكر تحلم بية أصلا والله يا عز فى ناااس شكلهم عايشين لكن فى الحقيقة هم ميتين

عشوائيات وبلاوى تعرف أنا ليا صديقة كانت بتعمل بحث عن فئة معينة من المجتمع متعلقة بالعشوائيات

نزلت معاها الميدان العملى أقسم بالله ما أستحملت أقعد ولا ثانية فى المكان اللى ناااس عايشة طول حياتها

فى وراضين وبيقولو الحمد لله تقدر تقولى نعمل أية ؟؟؟؟ ومين المسؤاااال

والمفروض نقوووول أإحنا اللى فين ولا نقول فينك يا حكووومة دااااا موجز والله يا عز اللى

أنا أتكلمت فية دااااااا القضايا فى المجتمع لا تنتهى والأزمــــات والكوراث كل يوم بيزيد

وبيسألو أية سبب أنتشار الجرااايم !!!!!!!!!!!!!

هكذا هو حال شعب مصر للأسف يا ريم

وأيضا هم المسئولين عن تــــواكل الشعب المصرى أن كان فى فرصة للتواكل أصلا

وليس معنى ذلك انى بجانب كذا أو كذا

لا لإنى من أبناء البلد وهذا الشعب

لكن أنا أتحدث بمدافعة عن الشعب ضد الحكومة و أنا لا أتحدث هكذا من منطلق نظرى فقط

ولكن أنا شفت الناااس دى عملى يمكن دى أكتر حاجة مستفزانى جداااااااااا

إحناء شعب سلبى جداً لأقصى حد
وعاوزين كل حاجه تتعمل لنا لأسف

حتى السلبية والتوااكل حكوماتنا هى المسئوله عنهاااااااا

كم من شكوى طلبت يد العون من الحكومات وأديرت لها ظهرهااااا إلى أن تحطمت

كل أمالهم مما جعلهم يسلكون السلبية كأسهل طريق ل"تكبير الدماغ"


وليس معنى ذاك ان الحكومه بريئة براة
الذئب من دم ابن يعقوب

بل ملق عا عاتقها ما يحدث لهذا الشعب الكادح
الذى يتفرد بالكثير عن غيره من الشعوب
فله موروث ثقافى ودينى وحضارى كبيير

(خير أجناد الأرض)

وهى مسئوله ومازالت لا تنقص من مسئوليتها أمام تلك المهاازل

شئ ونحن كل ماتحدثنا فية نطالب بالتحسين هل هذا ليس من حقنا ؟؟؟؟؟؟؟؟

ولكن أين نحن الأن , والحكومه يمارس عليها
الكثير من الضغوطات الدوليه , وكم بُحت أصواتنا
بالصحف وبالنقابات..إلخ ولكن بلا رد ولا حياة لمن تنادى

وكله نازل قزف وسب وتجريح وعراك دونما النظر عا
لب وصلب المشكله والمضمون

تحضرنى هذه الأيه الكريمه
{وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاء وَالأَرْضِ
وَلَكِن كَذَّبُواْ فَأَخَذْنَاهُم بِمَا كَانُواْ يَكْسِبُونَ} (96) سورة الأعراف
----------------------------
بالله عليك أحاول التواجد للهروب من الواقع المرير
ولو للحظات منه نراه بكل يوم ,
بالتوفيق

نتمنى مستقبل أفضل دون سب وتجريح وعراك ولكن علينا بمجرد إضــــــــــراب

لعل وعسى تتحرك الحكومة بشئ من الأيجابية

وأسفة ليك ياعز أن كنت متحمسة زيادة فى كلااامى لكن الموضوع كبير

ويستحق أكثر من ذااااااالك

[ملك الألعاب 91]

نتمنى التوفيق للأشقاء المصريين
و السلام عليكم

[lwald]

الله يوفقكم و قلوبنا معاكم و جميع الوطن العربي معاكم

[hussien007]

انا من كتر الكلام اللى عايز اقوله
مش عارف اقول ايه ولا ايه
خايف اقول حاجه وانسى حاجاات
الموضوع ده يخص حياة كل مصرى
الحياة اللى اتحولت الى جحيم بكل المقاييس
انا مش فاهم اللى بيحصل
هما مش كانوا بيقولوا ان الشرطة فى خدمة الشعب
ولا هى الخدمة بالنسبة للشرطه انهم يعذبوا فى الشعب
ويلفقولهم قواضى ويمصوا دمهم بأى طريقة
احنا خلاص بقينا عايشين فى غابة
والشعب عامل زى الضباع قوى بس جبان
لائمتى هنفضل كده؟؟؟!
امتنى هنحرر نفسنا من الجبن ده ونقدر نقول لا بصوت عالى فى وش الظالم
طول ما انت شايف نفسك ضعيف مش هتعمل اى حاجه
طول ما انت مستنى ان غيرك هو اللى يبدأ غيرك ده برده هيستنى ان غيره يبدأ وبرده مش هتعملوا حاجه
انا كلامى مش للناس المتحمسه
انا كلامى للناس اللى مش عارفه تعيش وخايفه تقول لا
الناس اللى عايشه بمبدأ {خلينى ماشى حنب الحيط احسن}
صدقنى لو فضلت كده مش هيسبوك برده هيهدوا الحيط على دماغك
هو كل اللى مطلوب منك ايه
هتريح يوم من الشغل او من الجامعة او.......
يوم مش هيفرق معاك كتير اليوم ده فى امل انه يعدل مسار حياتك الجاية

معلش طولت عليكم ونسيت اشكر صاحبة الموضوع
شكراً أختى ريم على طرح الموضوع

يثبت الموضوع لمدى اهميته

[اليرموق]

الله يبـــــارك لك ياحسين بجد ربنـــــــا يسعدنا بجد أن فى اليوم داا نقدر نعمل حاجة

ونقدر نووصــــل اللى عايــــزين نوصـــــلووو

وجزااك الله كل خيـــر أخى على شعورك الأيجــــــابى دااااا

شكرااااااااااا لك

[الملاك الجريح]

طبعا الموضوع مهم بس انا خايف علينا بعد الاضراب اذا كان دكاترة الجامعة الي هم المفروض روح البلد راحو يعملو اضراب اتحقق معاهم احنا هيعمله فينا ايه انا معاك الي المعتقل

[ezz_wing]

[FONT="Comic Sans MS"]

والله دااا من الضغط اللى أحنا شايفينوووو

ولازم نشوف للموضوع دا حل ........




/FONT]

أولاً: أخت الكريمه
من أول كمات بطرحك للموضوع وباكثر من
قسم قلت حماس شباب وغيره وإيجابيه
وحس وطنى ودينى أولاً

وتذكرينى بأيام المظاهرات والمشاكسات
التى ما أنتهت بنا إلا .....نقول الحمد لله
لاكن بالموضوع




دا حقنا يا عز نقول عايزين ومش عايزين



جميل معك حق


أحنا اللى طاالع عنينا فى الغلا

أحنا اللى بيتمص دمهم فى الضرايب

أحنا اللى بنرضى بالبقايا ونقول الحمد لله

أحنا اللى عايشين فى زمن المحسوبيات والبطاله وووو

أحنا اللى مش لقيين جهه تنصف أو توصل صوتناا

أنا قولتها وبقولها وهفضل أقولها لنا الله



نعم ولكن أختى الكريمه مجرد سؤال سأطرحه للجميع
هل أديتى ما عليك اليوم (ناحية أى شىء..)
تعليمك عملك ,بلدك ,قريتك,أهلك,عائلتك,ربك....

إذا كنا نحاسب الأخرين فل نحاسب أنفسنا أولاً
لو كل بدأ بمحاسبة نفسه والعمل والبدء بنفسه
لكل ما حولنا تغير

أخت الكريمه أمشى بالشوارع, أدخلى المطاعم
روحى النوادى , روحى المدارس, روحى المسنشفيات
جوبى بكل بقاع بلدك...

فعلها مره بحيات بأسبوع أو يوم, كرحلة إستكشافيه
وأخبرنى مذا قابلت من إيجابيات وسلبيات.....

ومن الإيجابى والسلبى

هل الحكومه تلزم من يرمى بورقه وزباله بشارع والله
وصلت أكوام الزباله والخرابات للمساجد ..

هل إذا مررت بالشارع وفتيات تتفنن فى الإثاره وكل ما هو
يثير الغرايز لد شاب ربما قارب الثلاثين إن لم يكن الأربعين
وما تزوج او وجد فرصة عمل

من المخطى ومن الجانى والمجن عليه

إذا مررت بالمقاهى ومئات من اشباب بكل مكان لتدمير الوقت
والصحه,

فنعمتان مغبون فيهما الصحه والفراغ

وعراك وشجار من أجل مباره كره قدم, فى حين عملنا ندوه ثاقفيه
اوأى كانت لا نجد إلا من يعدو عاصوابع اليد.....

وملايين المملينه تنفق عا مباريات الكره, وأطعمه من الخارج
حتى أكل القطط والكلاب مستورد, وأستحى ان أذكر لكم

قائمه بمنتجات أستوردتها مصر وقمت بنشرها بمقال لى
بجريده الإسبوع , حتى طالب الكثير من نواب الشعب
ببيان بماتستوردة الدوله

نحن شعب مستهلك, ولسنا منتج, بصريح العباره
عاله والأرقام موجوده وكذلك حال أغلب دول عربيه

أنظرى حولك كل شىء مستورد أو من الصين
وعا رغم من عشرات ومألاف المصانع ولكننا

بديل الأمم والشعوب إذا كان مكان بالديل أساسا

أخت الكريمه لقد عشت خراج مصر كثيراً وببعض الدول
الغربيه والعربيه, ولكن نحن شعب محتاج صحوه
محتاج ثوره

شعب يآله الحاكم , وما غير السمع والطاعه
فأستخف قومه فاطاعوه (فرعون)

بالخارج الشعب هو القائد ولكن بالدول العربيه
هو المقود, بعد الإستقلال من الإحتلال الأجنبى

أحتلت البلاد العربيه, بيد أبنائها
وبعقول ممسوخه ومغسوله تربت وترعرت
فى أحضان بوش وأمريكا

================
فى زحمة الفاضائيات والقنوات المفتوحه
أقسم بالله أنى أستحى أن أشاهد التلفاز مع أمى او أختى
مما يعرض من سفاقه وإبتزال صريح

وكنت أشاهد الكثير من المحطات الغربيه
بالخارج بدول أجنبيه معهم

فأين نحن, وأين سرنا وإلى أين المنتهى

هل هذه بلد بها قبر الرسول, وهل هنا مهبط
الأنبياء, وهل تلك من قال أدخلوها بسلام
وخير بلاد الأرض وهل وهل.....عشرات الأسئله

أختى لقد هدم الإسلام بيد المسلمين
وكما قيل
الخطر ليس من الغرب عا الإسلام
ولكن من أبنائه

إنه عهد جديد لإحتلال , لا يكون بدبابه أومدفع




عايزنها فى كل الضغووط دى نعمل أية وأحنا عندنا كل حلم بيتحطم

قبل ما تفكر تحلم بية أصلا



صدقينى انا بطلت أحلم مما أراه باليوم
وعا صفحات الجرائد, وربما أرد عليك بشمول أكثر فيما بعد


والله يا عز فى ناااس شكلهم عايشين لكن فى الحقيقة هم ميتين

لا داع أختى لذكر ذالك لإنى مررت بالكثير وشفت الاكثر
بعينى , وما أريد تذكير...




والمفروض نقوووول أإحنا اللى فين ولا نقول فينك يا حكووومة


أعتقد سبق الرد
لا المفروض نبحث عن أنفسنا, نراجع أنفسنا
أحب مقوله لإمام قيل عنه من الغرب لو عاش البناء لكان حال العرب والمسلمين
غير الحال ودقت الكنائس فرحاً وإحتفلاً لموته بدول غربيه

الشهيد حسن البناء
أصلح نفسك.....
أقم الإسلام بقلوبكم يقام عا أرضكم...

ولا يعبر كلامى هذا عاأنتماء ما



وبيسألو أية سبب أنتشار الجرااايم !!!!!!!!!!!!!

ربما أجيب عليك برد أخر


وأيضا هم المسئولين عن تــــواكل الشعب المصرى أن كان فى فرصة للتواكل أصلا




أختى لو أنى لم أذهب للكليه مثلاً وفضلت السهر عا تلفزيون
اومشاهدة مباراه , او تأخرت بالعمل ...

من لمسؤل عا تواكل

أختى شوفى أخر إنتخابات الرئاسه ومجلس الشعب
وشوفى إللى راحو وإللى ما رحوش
وتعرفى ممن التواكل

لو كل خرج وأدلى بصوته وأعترض إذا ما حدث تزوير
يعمى كبر دماغك هما بيعملو إللى عايزنيه بينجو وبسقطو إللى عا مزاجهم

صوتك امانه وتحاسب عليه يوم القيامه فلما ما أدليت
لأختيار ما يمثل صوتك وينفع بلدك

لأسف (وإيه اللى يضمنى ما فى تزوير.. يا سيدى ما أكثرمن 80 عضو
من الأخوان المسلمين إللى هم غير راض عنهم الحكومه وعدوها اللدود نجحو..)

ليه ما خرجت بتعديل الدستورى ..وغيرها ..؟؟!!!



لكن أنا أتحدث بمدافعة عن الشعب ضد الحكومة و أنا لا أتحدث هكذا من منطلق نظرى فقط

ولكن أنا شفت الناااس دى عملى يمكن دى أكتر حاجة مستفزانى جداااااااااا

حتى السلبية والتوااكل حكوماتنا هى المسئوله عنهاااااااا




أختى اتفق ولا أتفق
من المسئل عن تواكل , الغش, الرشاو الفحشاء...إلخ
من موبقات ما إنتشرت ببلد إلا وسلط الله عليها
السنين والوباء وجور السلطان كما اخبرنا النبى





كم من شكوى طلبت يد العون من الحكومات وأديرت لها ظهرهااااا إلى أن تحطمت



أختى أقرائى التاريخ جيداً
أذا أراد الشعب الحياه فلابد ان يستجيب القدر

كم من حكومات نكست وفنيت , وجلت غمتها
أما ثورة وإراده الشعب التغيير

أراد الحياه اراد النجاه, أراد ان يستفيق وان يتحرك
فمتى نستفيق أم نتظر من ياتى ليصفحنا من الخلف

لنفق, ويكن ما كان, نحن شعب ثورى
شعب لا يرد بالظلم لا يرد بالخنوع
فلما الصمت والسكوت لما السلبيه


نتمنى مستقبل أفضل دون سب وتجريح وعراك ولكن علينا بمجرد إضــــــــــراب

لعل وعسى تتحرك الحكومة بشئ من الأيجابية



اها صدقينى سنجلس نتحدث هنا , حتى يوم 6 فبراير من العام
القادم وليس بهذا الشهر, لان هذا هو حالنا وما نملكه

مجرد الكلام

عذراً عا الإطاله
أحب
خير الكلام ما قل ودل وأحب أقول
وخيره ما طال وما مل
وعذراً عا الإسترسال


وأسفة ليك ياعز أن كنت متحمسة زيادة فى كلااامى لكن الموضوع كبير

ويستحق أكثر من ذااااااالك

نعم أخت الكريمه ليت الحماس
يكفى , لأشعلنا الأرض نيرانا
من حماس الشباب

وما اكملت ردى بخصوص المشكله
والموضوع,لنى أشفق عليكم
وعا نفسى من الواقع المر

ولكن الحمد لله
نحن احسن من الكثير من ادول والبلاد
وغيرنا ربما يتمنى ولو 1% من النعم
التى أنعم الله علينا بها
بمصرنا العزيزه

ولا أريح الجميع انا لا أنتمى لأى تيار سياسى حزبى أو دينى..

ولكن بين قوسين(مسلم عربى مصرى)

وراىء مسئول عنه ويعبرر عن راى كاتبه

[angel2200]

اكيــد كلنــا حنشــارك فى الاعتصــام دة.
لان بجـد خـلاص الـواحـد زهــق من اسلوب الحيـاة ال النـاي عايشة بيـة..

محدش عارف يقوول رائيـة .. محدش عـأرف ينتخب الرشح ال هوة واثق انة حيعمل حاجة لو مسك منصب .. مفيش تعليـم .. اكل ملووث .. مية ملووثة .. مستشفيـات اخر اهمـال .. تهـاون فى حق اخوانـا المسلمين فى فلسطيـن .. قمـع واعتقـال لاى صوت مخـالف. منـع نـاس من الترشح للانتخـابـات وتوزير فى كل حـاجة.

مثـلا فى الجـامعة عنـدنـا فى نسبة كبيرة للاخوان المسلمين والتيـارات المعارضة حلو..!
من تقريبـا اسبوعين وعربيات الامن المركـزى والمطـافى ادام بوابة الجامعة الرئيسية
والعسـاكر فيها والظبـاط قـاعدين مستعدين كــأننـا فى حـالة حرب واستفـار عسكرى

منظــر ولا كـأنــنـا فى العراق او افغـانستـان وشويـة الاقيهم جـايبين عربيـات كتير من نقل جنود الامن ومدرعـة واقفة ادام مبنى المحـافظـة كـــأننــا فى حالة حـرب..

بجد الواحـد اتخنـق وكفـاية بقــا .. بجـد كفـاية ال احنــا عايشينة وبنشووفة دة مفيش حريـة.

اكيــد اليوم دة مش هووة ال حيصحح الدنيــا وال فيهــا نبقـــى غلطـانين لو كنـا فاهمين كـدة.
اليوم دة هدفـة حاجة واحدة اننــا نوصـل رسـالة للنظــام الحـاكم ان النـاس زى مـا جمعوا بعض وعرفوا يقفوا ويعملوا حـاجة فى يوووم. نقدر بردة اننــا نعمل انقـلاب بردة فى يوووم..

انـا شـايف ان دة الهـدف الاسـاسى من الاعتصـام

[iori02said]

ربنا يوفقكم .

[الملاك الجريح]

اكيــد كلنــا حنشــارك فى الاعتصــام دة.
لان بجـد خـلاص الـواحـد زهــق من اسلوب الحيـاة ال النـاي عايشة بيـة..

محدش عارف يقوول رائيـة .. محدش عـأرف ينتخب الرشح ال هوة واثق انة حيعمل حاجة لو مسك منصب .. مفيش تعليـم .. اكل ملووث .. مية ملووثة .. مستشفيـات اخر اهمـال .. تهـاون فى حق اخوانـا المسلمين فى فلسطيـن .. قمـع واعتقـال لاى صوت مخـالف. منـع نـاس من الترشح للانتخـابـات وتوزير فى كل حـاجة.

مثـلا فى الجـامعة عنـدنـا فى نسبة كبيرة للاخوان المسلمين والتيـارات المعارضة حلو..!
من تقريبـا اسبوعين وعربيات الامن المركـزى والمطـافى ادام بوابة الجامعة الرئيسية
والعسـاكر فيها والظبـاط قـاعدين مستعدين كــأننـا فى حـالة حرب واستفـار عسكرى

منظــر ولا كـأنــنـا فى العراق او افغـانستـان وشويـة الاقيهم جـايبين عربيـات كتير من نقل جنود الامن ومدرعـة واقفة ادام مبنى المحـافظـة كـــأننــا فى حالة حـرب..

بجد الواحـد اتخنـق وكفـاية بقــا .. بجـد كفـاية ال احنــا عايشينة وبنشووفة دة مفيش حريـة.

اكيــد اليوم دة مش هووة ال حيصحح الدنيــا وال فيهــا نبقـــى غلطـانين لو كنـا فاهمين كـدة.
اليوم دة هدفـة حاجة واحدة اننــا نوصـل رسـالة للنظــام الحـاكم ان النـاس زى مـا جمعوا بعض وعرفوا يقفوا ويعملوا حـاجة فى يوووم. نقدر بردة اننــا نعمل انقـلاب بردة فى يوووم..

انـا شـايف ان دة الهـدف الاسـاسى من الاعتصـام

والله العظيم انا عيطت لما قرات ردك يا عمرو وكلامك مظبوط

[ezz_wing]

اكيــد كلنــا حنشــارك فى الاعتصــام دة.
لان بجـد خـلاص الـواحـد زهــق من اسلوب الحيـاة ال النـاي عايشة بيـة..

محدش عارف يقوول رائيـة .. محدش عـأرف ينتخب الرشح ال هوة واثق انة حيعمل حاجة لو مسك منصب .. مفيش تعليـم .. اكل ملووث .. مية ملووثة .. مستشفيـات اخر اهمـال .. تهـاون فى حق اخوانـا المسلمين فى فلسطيـن .. قمـع واعتقـال لاى صوت مخـالف. منـع نـاس من الترشح للانتخـابـات وتوزير فى كل حـاجة.

مثـلا فى الجـامعة عنـدنـا فى نسبة كبيرة للاخوان المسلمين والتيـارات المعارضة حلو..!
من تقريبـا اسبوعين وعربيات الامن المركـزى والمطـافى ادام بوابة الجامعة الرئيسية
والعسـاكر فيها والظبـاط قـاعدين مستعدين كــأننـا فى حـالة حرب واستفـار عسكرى

منظــر ولا كـأنــنـا فى العراق او افغـانستـان وشويـة الاقيهم جـايبين عربيـات كتير من نقل جنود الامن ومدرعـة واقفة ادام مبنى المحـافظـة كـــأننــا فى حالة حـرب..

بجد الواحـد اتخنـق وكفـاية بقــا .. بجـد كفـاية ال احنــا عايشينة وبنشووفة دة مفيش حريـة.

اكيــد اليوم دة مش هووة ال حيصحح الدنيــا وال فيهــا نبقـــى غلطـانين لو كنـا فاهمين كـدة.
اليوم دة هدفـة حاجة واحدة اننــا نوصـل رسـالة للنظــام الحـاكم ان النـاس زى مـا جمعوا بعض وعرفوا يقفوا ويعملوا حـاجة فى يوووم. نقدر بردة اننــا نعمل انقـلاب بردة فى يوووم..

انـا شـايف ان دة الهـدف الاسـاسى من الاعتصـام

اهلا أخى عمر
معلش يا باشا
قطعنا الأجازه والرحله بتاعتك
جيت لقتنا فى حالة حرب
هههههههه

والله شر البليه ما يضحك يا عموور
والله بضحك من الغلب بجد

ياااااااااااااااااااااااااااااه
أمتى التغيير ولاإصلاح

وهل التغيير يكن من القاعده ام من القمه
((((((( أعجبنى هذا الحوار))))

حوار شعب وحاكم

قال الشعب للحاكم: إذا صلح الحاكم صلح الشعب وإذا فسد الحاكم فسد الشعب.
فأجاب الحاكم وقال: إنما الحاكم واحد من الشعب،
فإذا صلحت الرعية صلح الحاكم وإذا فسدت الرعية فسد الحاكم.
الشعب: أنما أمرنا بأمرك وحكمنا بيدك.
الحاكم: سننا القوانين فتجاوزتموها ووضعنا الخطط فخالفتموها
ونصبنا لكم موازين القسط فبخستموها، أولم تقولوا بمثلما تكونوا يولى عليكم!؟
الشعب: بلى.
الحاكم: فأنظروا إلى أنفسكم سمحتم للواسطات أن تمر بينكم وتغافلتم عن تطبيق القواني
ن فيما بعضكم وأثرتم الغش على معاملتكم، فما كان مال الدولة أصبح مالكم،
تسرفون في أضاعة الوقت في أعمالكم.
الشعب: نعم ولكن ليس كل الشعب تلك هي أوصافهم،
حيث المخلص أساساً ضائع حقه من بيننا والمجد فينا مصيره التهميش والداعي إلى التطوير
مصيره التطفيش والذي يحاول أن يتكلم أو يتفوه بكلمه عن الواقع يهدد بالتفنيش!
الحاكم: إذا هذه المشكلة.
الشعب: نعم وأدهى وأمر، الثقة في الغرب على العرب أبناء الوطن
في كل صغيرٍ وكبير وكأنما نحن خشبٌ مسندة.
الحاكم: إنما تمنح الثقة لمن كان ولاءه للأرض.
الشعب: وعن أي أرضٍ تتكلم! عن أرض تعج بكل من هب ودب؟
الحاكم: من هب ودب لا يحملون الضغينة لساكنيها ولا يتنصرون على من أسترعاهم
وما كانت الجوازات والجنسيات إلا منح يتم بها تطويق أمتداداتنا وتقطيع صلاتنا وحدودٍ خفية
رسمها لنا أعدائنا بأسم الدولة مرة وباسم الذات، فحقكم كفلناه ولكنكم خنتم ضننا،
اقدقنا عليكم بالخير فنكرتم جميلنا وواليتم عدونا.
الشعب: إذاً ما هو الحل؟
الحاكم: إرجعوا إلى العمل بوطنيتكم وادحروا الفتنة من بينكم
وأمنحونا الأمان تنالوا الثقة منا ولا يكون ذلك إلا بالتعمير والعمل الجاد والتطوير.
الشعب: ولمن كان مصيره التهميش والتطفيش؟
الحاكم: ليجد في الطلب ولا يعجز فإن كان ما تقولون حقاً فمصيره النجاح ولو بعد حين.
الحاكم: الحياة بيننا لا تزيد على السبعين، فكيف تريدون أن تعيشوها هذا هو السؤال.
الشعب: نعم. نريد أن نعيشها بأمان مثلما كنا نعيشها زمان
ولكن من دون قيودٍ أو إذلال من غير هم الدين بالليل وذل معيشة الحياة بالنهار
ومن دون أن يستاثر أحد بالثروة على أحد فالأرض خلقها الله للجميع وكذلك خيراتها
وحالنا لم تكن كذلك لولا الإستئثار وعدم العدل في توزيع الثروات حتى تمنا منا
الواحد بأن يكون خيلاً أو جماد.
الحاكم: هذا صحيح ولا أنكره ولكن ليس ذلك وحده،
وكذلك لأنكم لا تعرفون من هو عدوكم ومن يستغلكم، وكيف كنتم يوماً أخلاء وكيف زرعتم الفتنة بينكم!؟
الشعب: إذا فلنتفق.
الحاكم: نعم فلنتفق على أن تقضوا أولاً طرفكم
وسمعكم عن كل ما يكون خارج دياركم أولاً ولتملوا جنباً إلى جنب وأن تحاولوا أن تكونوا منارا
ً يحتذى بكم ومثلاً يهتدي به غيركم وان تبدئوا التغيير بأنفسكم
أولم يقول ربكم (أن الله لا يغير ما بقوم حتى يغيروا ما بأنفسهم) فما تظنون أنتم بأنفسكم؟
الشعب: كل خير.
الحاكم: نعم كل خير وأنا أضن بكم الخير كذلك.
فالمشكلة أساساً تكون فيكم وقبل كل شيئ، فأصلحوا ما بين أنفسكم يصلح الله ما لكم.
فالمجانين من يلومون الغير والعقلاء من يلوموا أنفسهم.:smailes99:
فكان هذا الحديث بين شعب وحاكم وأنت عزيزي القارئ هو الحكم.:smailes28:

[mahmoud ms]

(أن الله لا يغير ما بقوم حتى يغيروا ما بأنفسهم)
صدق الله العظيم
عندك حق يا عز
لازم أحنا نتغير الأول

[mahmoud ms]

http://img134.imageshack.us/img134/5319/ecb6b5e0b0ae9.jpg

الجملة دي بتوضح كل اللي أحنا محتاجينة عشان نتغير بجد
وتبقى حياتنا أفضل
ونلاقي كل اللي عاوزينة

[~KokO~]

يا ريم انتى فعلا مبدعه ودا مش جديد عليكى

بجد بارك الله فيكى وربنا يشجعنا على الخير

واسال الله الرحمه لنا ولجميع المسلمين
واخر كلامى حسبنا الله ونعم الوكيل وعلى الله فليتوكل المؤمنون

تحياتى

[ahmed tamer]

الموضوع حلو ياريم وبصراحة اتخرت فى الرد
لان عارف ان الاعتصام مش هو الحل او حتى جزء من الحل
لان ناس كتير جدا ويمكن بنسبة 75% مش هيعملو بكدة
وعايزة تعرفى لية 1- الام بترمى اولادها الصغارلطليقها علشان تعيش حايتها
مع قدرتها المادية على الصرف عليهم يبقى مش هترمى بلادها
2- الاب بيبخل على مين اولادة وساعات بيعطى فلوس بالعافية ومعاملة سيئة
يبقى دة كريم على بلدة
3- الاخوات بينصبو على بعض وبيضربو بعض علشان ورث وفلوس احيانا بتكون
قليلة بس الطمع والجشع بيعمى يبقى هيحبو بلدهم
4- الاصحاب بيخنو بعض وبيسبب مشاكل او مصيبة لصحبة علشان بنت او فلوس او كرة
يبقى هيكون مخلص لبلدة
5- الشباب بيجرى وراء التفاهات ونسى انو راجل والمفروض يكون قائد
6- البنات وابتعادهم عن الدين بلبسهم السى وتفكيرهم السلبى هيربو ازاى صح
7- نتيجة خمسة وستة زيادة حالات الطلاق
8- موظفين مش بيرعو الحق فى شغلهم وفلوس حرام ياخدهو يبقى دة هيدور على الحق لبلدة
انا كدة قولت جزء من اخطاء الشعب وللاسف نسبة كبيرة من القولتهم منتشرين جدا والصالح بقى قليل وسط كل دة طبعا البلد ليها اخطاء اكبر
بس لو 8 حاجات دولت اتصلحو وبقيت نسبة قليلةوضعيفة منهم كدة ساعتها هيكون
فى اعتصام بجد ووقفة بحق وكل واحد هيفكر فى اهلة والادة وجيرانة واصحابة
اتمنى ان الاعتصام يجيب نتيجة وان كان الاحتمال ضعيف

[angel2200]

الموضوع حلو ياريم وبصراحة اتخرت فى الرد
لان عارف ان الاعتصام مش هو الحل او حتى جزء من الحل
لان ناس كتير جدا ويمكن بنسبة 75% مش هيعملو بكدة
وعايزة تعرفى لية 1- الام بترمى اولادها الصغارلطليقها علشان تعيش حايتها
مع قدرتها المادية على الصرف عليهم يبقى مش هترمى بلادها
2- الاب بيبخل على مين اولادة وساعات بيعطى فلوس بالعافية ومعاملة سيئة
يبقى دة كريم على بلدة
3- الاخوات بينصبو على بعض وبيضربو بعض علشان ورث وفلوس احيانا بتكون
قليلة بس الطمع والجشع بيعمى يبقى هيحبو بلدهم
4- الاصحاب بيخنو بعض وبيسبب مشاكل او مصيبة لصحبة علشان بنت او فلوس او كرة
يبقى هيكون مخلص لبلدة
5- الشباب بيجرى وراء التفاهات ونسى انو راجل والمفروض يكون قائد
6- البنات وابتعادهم عن الدين بلبسهم السى وتفكيرهم السلبى هيربو ازاى صح
7- نتيجة خمسة وستة زيادة حالات الطلاق
8- موظفين مش بيرعو الحق فى شغلهم وفلوس حرام ياخدهو يبقى دة هيدور على الحق لبلدة
انا كدة قولت جزء من اخطاء الشعب وللاسف نسبة كبيرة من القولتهم منتشرين جدا والصالح بقى قليل وسط كل دة طبعا البلد ليها اخطاء اكبر
بس لو 8 حاجات دولت اتصلحو وبقيت نسبة قليلةوضعيفة منهم كدة ساعتها هيكون
فى اعتصام بجد ووقفة بحق وكل واحد هيفكر فى اهلة والادة وجيرانة واصحابة
اتمنى ان الاعتصام يجيب نتيجة وان كان الاحتمال ضعيف

اولا يــا ابو حميــد مع احترامــى الكـامل لرائيــك بس انتـا خلطت الاوراق ببعضهـــا.

بمعنــى.....

ان الاعتصـام والاضراب يوم 6 ابريــل دة غرضــة الاعتراض على السيـاسـة ال بيتبعهـا النظام الحـاكم والاعتراض على اسلوب الحيـاة ال همـا فرضينة علينـــا...
ودة انتوا وضحت جـزء منهــم فى الجزء دة
- موظفين مش بيرعو الحق فى شغلهم وفلوس حرام ياخدهو يبقى دة هيدور على الحق لبلدة
انا كدة قولت جزء من اخطاء الشعب وللاسف نسبة كبيرة من القولتهم منتشرين جدا والصالح بقى قليل وسط كل دة طبعا البلد ليها اخطاء اكبر


شوووف يــا ابو حميـد دى سيــاسة بلــد .... يعنى عاوز تعرفنى ان الحكوومة مش عارف ان الموظف ال بيــاخد 700 و 800 او حتى 1000 دة اذا خدهم اسـاســا حيعيشووة ازاى..!
وهوة مطلوب منة اكل وشرب وعلاج ومصارف مدارس ومواصلات و.. و.. و.. ....
يبقـى الموظف الغلبـان دة يعمــل ايــة..!!
اكيد حيعتمد على حاجات غير شرعية سواء انه يـاخد رشاوى او اى حاجة تساعدة على المعيشة
دوول بيعتمدوا انهم يشغلــوا الشعب فى لقمـة العيش والحيــاة بدال مـا يتشغلوا فى الحرية والديمقراطية وازاى ننمى بلدنـا ونعمـر فيهــا..

تبقــى سيـاسـة ولا لاء...!

امــا يــا ابوحميــد بــاقى النقط ال انتــا زكرتهــا كلهــا دة نـابع من قلة الوعى الدينى عند النـاس
نتيجــة ايـة بقــا...!!

انـا اقولك نتيجة اسلوب الحيـاة ال احنـا عايشينة ... النظـام ال فرضووة علينـا وهوة تجويع الشعب...

تخيل كدة كـام مصرى متغرب برة البلد عشـان لقمـة العيش دوول لو كـانوا هنــا كانت البلد حتبقى عاملة ازاى....!

بسمع من النـاس الكبيرة فى السن عن الحيـاة من 50 سنة كانت عاملة ازاى..!
وازاى كان النـاس كلهم عيلة واحدة قلبهم على قلب بعض .

يــا احمــد ارجهع واقوول ان الاضراب دة الهدف منـة حاجة واحــدة بس...
تووصيل رســالة للنظـام الحـاكم ان ايـامة حتبقـى معدوودة اذا استمر الوضـع على كـدة
المرة دى غيـر كل المرات ال فـــاتت...

واكبر دليل على كـلامى انزل شووف استعدادات الحكوومة من الامن المركزى والجيش
عند المبـانى الرئيسيـة فى كل المحـافظـات...

اذا كـان الجيش ادخل المرة دى بـأمر من الريــس المرة الجـاية مش حيحتــاج اذن عشـان يدخل
ضـد الحكوومــة ... لان الجيش عمــرة مــا يقف ضد الشعب ابـدا.. عمرهـا ما حصلت فى تاريخ مصر

خدهــا منى الايـام الجـاية حنشووف حاجات كتير جديدة فى بلدنــا ...

[ahmed tamer]

اولا يــا ابو حميــد مع احترامــى الكـامل لرائيــك بس انتـا خلطت الاوراق ببعضهـــا.

بمعنــى.....

ان الاعتصـام والاضراب يوم 6 ابريــل دة غرضــة الاعتراض على السيـاسـة ال بيتبعهـا النظام الحـاكم والاعتراض على اسلوب الحيـاة ال همـا فرضينة علينـــا...
ودة انتوا وضحت جـزء منهــم فى الجزء دة


شوووف يــا ابو حميـد دى سيــاسة بلــد .... يعنى عاوز تعرفنى ان الحكوومة مش عارف ان الموظف ال بيــاخد 700 و 800 او حتى 1000 دة اذا خدهم اسـاســا حيعيشووة ازاى..!
وهوة مطلوب منة اكل وشرب وعلاج ومصارف مدارس ومواصلات و.. و.. و.. ....
يبقـى الموظف الغلبـان دة يعمــل ايــة..!!
اكيد حيعتمد على حاجات غير شرعية سواء انه يـاخد رشاوى او اى حاجة تساعدة على المعيشة
دوول بيعتمدوا انهم يشغلــوا الشعب فى لقمـة العيش والحيــاة بدال مـا يتشغلوا فى الحرية والديمقراطية وازاى ننمى بلدنـا ونعمـر فيهــا..

تبقــى سيـاسـة ولا لاء...!

امــا يــا ابوحميــد بــاقى النقط ال انتــا زكرتهــا كلهــا دة نـابع من قلة الوعى الدينى عند النـاس
نتيجــة ايـة بقــا...!!

انـا اقولك نتيجة اسلوب الحيـاة ال احنـا عايشينة ... النظـام ال فرضووة علينـا وهوة تجويع الشعب...

تخيل كدة كـام مصرى متغرب برة البلد عشـان لقمـة العيش دوول لو كـانوا هنــا كانت البلد حتبقى عاملة ازاى....!

بسمع من النـاس الكبيرة فى السن عن الحيـاة من 50 سنة كانت عاملة ازاى..!
وازاى كان النـاس كلهم عيلة واحدة قلبهم على قلب بعض .

يــا احمــد ارجهع واقوول ان الاضراب دة الهدف منـة حاجة واحــدة بس...
تووصيل رســالة للنظـام الحـاكم ان ايـامة حتبقـى معدوودة اذا استمر الوضـع على كـدة
المرة دى غيـر كل المرات ال فـــاتت...

واكبر دليل على كـلامى انزل شووف استعدادات الحكوومة من الامن المركزى والجيش
عند المبـانى الرئيسيـة فى كل المحـافظـات...

اذا كـان الجيش ادخل المرة دى بـأمر من الريــس المرة الجـاية مش حيحتــاج اذن عشـان يدخل
ضـد الحكوومــة ... لان الجيش عمــرة مــا يقف ضد الشعب ابـدا.. عمرهـا ما حصلت فى تاريخ مصر

خدهــا منى الايـام الجـاية حنشووف حاجات كتير جديدة فى بلدنــا ...

بص ياريس الحكومة بتغلط اوكية فى ذل صح فى سرقة صح ومن فترة صح
سؤالين الاول لية الحكومة بتعمل كدة
لية دلوتى بس حصل اعتراض مع ان السرقة موجودة من بدرى
اجابة الاول لان لو الحكومة لقت شعب بيراعى ضميرة مش بيسكتو على الظلم على الشر
مكنوش عملو كدة انت بتقول 1000 جنية او 800 مش بيعملو حاجة والله ناس كتير عايشة بيهم ومبسوطين وفى سعادة جدا يوم القيامة تقول اية لما تاخد فلوس حرام لما تشوف حالات زينة وتسكت علشان فلوس تاخدها دة انا اعيش والادى بعيش حاف ولا اخد فلوس حرام تنكد علية حياتى وتخلينى مش راجل اى اسباب تخلى ام ترمى اولادها مع قدرتها على الصرف عليهم
اى اسباب تخلى اخ يضرب اخوة علشان ورث اى اسباب تخلى اب بيخل على اولادة كل دة بسبب ضيق معيشة طبعا استحالة
اجابة التانى السرقة موجودة من بدرى لية مكلمتوش ها لاننا سلبين اتعلمنا السكوت كبر دماغك
طالما انت عايش خلاص لكن لما لقيت نفسك مش عارف تعيش لا رجعة الموضوع زى الاول اسرقة بس بلاش تخلونا نعيش عيشة ضيقة صح
وراجع اكد على كلامك ان الحكومة بتسرق ومفيش تنظيم ومفيش ادارة ولازم وقفة ضدها
بس الاول نعمل واقفة مع الشعب نفسة لان الحكومة لو اتغيرت فهى جية مننا احنا فا لازم نصلح نفسنا علشان يطلع مننا رجالة بحق
وياريت الاعتصام يجيب نتيجة وياريت نكمل ونشيل الغلط من جذورة علشان نعيش مرتحين بقى

[سمارة الزملكاوى]

السلام عليكم ورحمه الله وبركاته


إتفقت كافه القوي الوطنية في مصر علي
أن يكون
يوم 6 إبريل
يوم إضراب عام في مصر
يوم 6 إبريل
خليك قاعد في البيت أو شاركنا فى الميادين العامة
أوعي تنـــــــــزل لكن شاركنا
ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر
عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان
مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا
قول لأصاحبك مايروحوش الشغل همه كمان وخليهم يدخلوا الإضراب
) حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفي الضرائب العقاريه - عمال غزل المحلة - حركة إداريي وعمال القطاع التعليمي - نقابة المحامين - حركة أستاذه الجامعات(
6أبريـــــــــــــــــل
أضراب عام في مصر سلمي
أبعت رسايل لخمسة من أصحابك
ولو كل واحد بعت لخمسة
في ظرف يومين البلد كلها حتعرف
بالموبايل
بالأرضي
بالأيميلات
أو حتي رسايل عالشات في قنوات التليفزيون
أنسخوا رسالتنا وأبعتوها تعليق على كل المقالات ألي بتقروها
بيكوا وبينا البلد دي حتتغير أنشاء الله
المسيحين مع المسلمين لصالح مصر


يالا يامحمد يالا يامينا مصر مش هتتغير إلا بإيــــدينـــــــا

[dxteam]

أنا مش رايح المدرسة .
مش نازل الشارع .
مش عامل حاجة .

[angel2200]

اخــر الاخبــار والمــديــا الخـاصة بـأعتصــام 6 ابريـــل

http://www.bramjnet.com/vb3/showthread.php?p=5954235#post5954235

فى المنتدى الاعــلامى

[قطر الندئ]

ربنا معاااااكو
ويفرج عليكم
........................