استفسار عن الصرع

[اهله]

لو سمحتم انا عندى اختى عندها 17 سنه وبيحصلها الاتى:
ممكن تكون بتكلمنى وبعدين ابص الاقيها بربشت بعينيها وتركيزها ضاع للحظات بسيطة وبعدين تصبح عادية تانى بابا شك فى ان يكون عندها صرع بس احنا وديناها لاكبر دكتورين فى مصر وقالو ان كل اللى عندها شوية ضعف واخذت فيتامينات وبعد كدة الموضوع رجع تانى
والموضوع ده بيحصل لما بتكون مرهقة ولازم تنام كتير اوى علشان تتظبط وبرضوا اول ما بتكون صاحية من النوم بيحصلها كده
عايزه اقول حاجة انا ماما كان عندها صرع بس بسيط اوى ماكنش بيتعدى الصداع مش اكتر من كدة وهى اخذت الدوا اثناء رضاعة اختى لمدة 3 شهور بس لما الدكتور عرف قالها توقف الدواء علشان اختى
فى حاجة كمان اختى عملت رسم مخ وطلعت سليمه
بجد ياريت حد يساعدنى ويقولى حتى نتوجه لمين
وكنت من حوالى سنتين شوفت ان فى مستشفى صرع انشئت جديد فى مصر هى تقريبا كانت فى عين شمس لو حد يعرف العنوان ياريت يقولى

[طبيب الزمان]

أختي الكريمة:
الأعراض التي توصفينها تتشابه بشدة مع نوع من أنواع الصرع يعرف بالغياب absence ،و فيه يفقد المريض التركيز لثواني معدودة دون أن يفقد اتزانه أو يسقط و بالطبع لا يتذكر ما حدث.
أولا عليكم مراقبة الأمر عن كثب لأن المريض في تلك الحالة لا يستجيب للمؤثرات الخارجية مثل النداء عليه بعكس مجرد عدم التركيز أو الشرود الذي يستجيب المريض لمجرد سماع صوت. أما عن رسم المخ السليم، ففي بعض أنواع الغياب يكون رسم المخ سليما و يحتاج لرسم المخ و المريض محروم من النوم أو رسم المخ لمدة 24 ساعة عن طريق جهاز محمول يعرف ب Ambulatory EEG monitoring .
أما عن الأطباء فعليك التوجه لطبيب أمراض نفسية و عصبية و ليس مخ و أعصاب كما يفعل الكثيرون.
الحالة بسيطة جدا تستتجيب للعلاج و الذي يجب أن بستمر لفترة لا تقل عن سنتين وقد تصل ل 4 سنوات بعد اّخر نوبة. و تزول نهائيا بعد فترة.

[اهله]

السلام عليكم ورحمة الله وبركاته
بجد يا دكتور جزاك الله كل الخيرات على الاهتمام والرد
وياريت لو حضرتك تقولى على اسم وعنوان وتليفون دكتور يكون كويس نقدر نتابع معاه وطبعا يكون من مصر

[اهله]

؟؟؟؟؟؟؟؟؟؟؟

[اهله]

السلام عليكم ورحمة الله وبركاته
لوووووووووووووووسمحتم يا دكاترة المنتدى حد يقولى على اسم وعنوان وتليفون دكتور يكون كويس و يكون اخصائى أمراض نفسية و عصبية ويكون من مصر

[Dr.Ziad]

لأن وظيفة العيادة مساعدة الأخوة في التشخيص و العلاج و ليس دليلاً للأطباء , دليل الأطباء مكانه نقابة الأطباء أختي ..

[اهله]

السلام عليكم ورحمة الله وبركاته
شكرا دكتور زياد على الرد
هوا فعلا الدكتور (طبيب الزمان ) جزاه الله خيرا شخص مرض اختى بس مش معنى كدة ان ممكن اعالجها عن طريق النت زى ما حضرتك بتقول ان مهمتكم التشخيص والعلاج لان اعتقد ان مرض اختى مش سهل بحيث انه ممكن يتم متابعته عن طريق النت
وكل اللى انا طلبته انكم تقولولى على دكتور كويس لان انا ممكن ابحث فى نقابة الاطباء زى ما حضرتك بتقول بس ممكن اروح لدكتور ميكونش على مستوى
فمعتقدش ان فيها اى حاجة لما حد يساعدنى ويقولى على دكتور ممكن نثق فيه لان للاسف احنا فعلا كشفنا على اختى عند اكتر من دكتور وكل واحد يقول ان مش عندها حاجه بس اللى انا شايفاه غير كدة واكدهولى الدكتور(طبيب الزمان)
فبجد انا محتاجة ان حد يقولى على اسم دكتور كويس

[اهله]

؟؟؟؟؟؟؟؟؟؟

[Dr.Ziad]

عذرا أختي , لا مجال لذكر أسماء اطباء هنا , أتمنى أن يساعدك أحد بالرسائل الخاصة ..

أتمنى أن تتفهمي موقفي و تسمحي لي بإغلاق الموضوع ..