برامج

رداً على ما بدر منه في برنامج الرياضة اليوم دقيقة حداد على جمال حمزه [الأرشيف] - برامج نت
المساعد الشخصي الرقمي

مشاهدة النسخة كاملة : رداً على ما بدر منه في برنامج الرياضة اليوم دقيقة حداد على جمال حمزه

beckham_250
03-09-2008, 09:12 AM
بسم الله الرحمن الرحيم
كان في قاعدة مشهورة أوي بتتكلم في بند من بنود الانتماء والاخلاص بتقول ان في فرق الكورة ابن النادي اللي اتربى فيه هوا بيكون أكتر واحد عنده غيره على ناديه !
وطبعا بما اننا نادي الحصريات والانفرادات فكسر جمال باشا حمزة القاعدة بطريقة بشعة ومستفذة لما نزل ماتش علشان بمزاجه او غصب عنه بقى ينطرد في اقل من 15 دقيقة !
وبعد كده يطل علينا النهاردة في شاشات التليفزيون مع الغندور ويقول انا اسف !
آسف ايه ياجمال باشا؟
البطولة دي لو كانت ضاعت كان كل الناس قالت انتا السبب !
وهيا فعلا كانت على وشك انها تروح علشان يستمر مسلسل المسخرة اللي بيحصل في الزمالك ويكون سبب ضياع بطولة كاملة هيافة واستهتار لاعب تحت شعار انا كنت متنرفز علشان بحب النادي
عمرنا ماشوفنا ان اللي بيحب ناديه ينزل ياخد انذارين في اقل من ربع ساعة وينطرد ويخلي فرقته تلعب ناقص واحد علشان الباشا بيحب فرقته !
وييجي لنقطة مهمة ولولبية لما الغندور يسأله مش عيب لما لاعيب كبير زييك وعنده خبرة يعمل اللي عملته ده ؟
ويكون الرد ماهو زيدان في نهائي كاس العالم خرج عن شعوره برده وهوا انا هكون خبرتي اكبر من زيدان ؟
الرد بتاعي انا المتواضع بقى انه انتا اصلا مش زي زيدان في اي حاجه خالص علشان تشبه نفسك بيه في موقف واحد؟ وبعدين زيدان اتشتم بدينه وبا ابشع الشتائم!
انتا الحكم كان شتمك علشان تعمل كل الحوار ده؟
وعلى الوجه الآخر تماما للعملة نلاقي عكس اللي عمله جمال بيه حمزة اللي عاش طول عمره جوه نادي الزمالك واللي لحم كتافه من خيره كان على وشك يضيع فرقته!! والمنضم بقاله شهر ولا اتنين محمد عبد الله واللي شوفناه كلنا وشوفنا دموعه بعد الجون التاني وكأن الراجل ده كابتن نادي الزمالك اللي بيلعب فيه بقاله عقدين من الزمن مش شهرين !

ابن النادي المنافس لما بيحس ان فرقته بتضيع بياكل النجيله واحنا للأسلف فرقتنا غرقانة ومفيش ولا راجل من رجالتها وولاد النادي ينتشلوها من غرقها ويكون المبرر : الآداء وحش في الدوري لأن الدوري ضاع خلاص مننا ونوعدكم بالكاس !
علشان نفوجأ جميعا بإن الفرقة في المركز الخامس وشغالة في الانحدار لتحت وقبلنا فرقتين طلايع الجيش وبتروجيت اللي شبحان الله كانو في الممتاز (ب) من سنتين تلاتة ويكونو فوق نادي الزمالك العريق نادي البطولات ويبقو قبلنا في الجدول ! والكاس كان هيضيع مننا ونخرج من دور التمانية وللأسف مش على ايد تشيلسي الانجليزي ولا ريال مدريد الاسباني ده احنا كنا طايرين لما جبنا جون التعادل مع اسمنت السويس !!!
وكل لاعيب له قصة وحدوتة ويبقى اسم الرجال في الفريق معروف وللأسف هما قلة وكل موسم بيقلو واحد بس رجالتنا لسه موجودين الحمد لله
h131200
03-09-2008, 09:46 AM
الضغط الرهيب على لاعبي الزمالك بيخليها تعمل اكتر من كدا
اللي عمله جمال حمزة يعمله اي لاعب واي بني ادم تاني
انا متخيل زي ما جماهير الزمالك مضغوطة اللعيبة كمان مضغوطة ممكن يكون مش كلهم ومش بنفس الدرجة
احساسنا بالفوز على الاسمنت وكاننا فزنا بالكاس جاي من شدة الضغط
بكاء اللعيبة في اكتر من مشهد
كل هاي امور بتدل على ان لعيبة الزمالك محبطة لدرجة كبيرة ومش متحملين الضغط الرهيب اللي شايلينه .. لكن هالكلام لن يخلي عنهم المسؤولية وميخلنيش اسيب جمال حمزة بدون انتقاد لكن بنفس الوقت لازم اراعي انه بالاول وبالاخر بشر زينا زيه
coamp
03-09-2008, 10:03 AM
والله ما عارف اقول ايه.. أنا بحب جمال بس الموضوع عجيب فعلا
romio1975
03-09-2008, 10:03 AM
بشر زينا زيه

أعتررررررض
MMORTEGA2002
03-09-2008, 10:04 AM
الضغط الرهيب على لاعبي الزمالك بيخليها تعمل اكتر من كدا
اللي عمله جمال حمزة يعمله اي لاعب واي بني ادم تاني
انا متخيل زي ما جماهير الزمالك مضغوطة اللعيبة كمان مضغوطة ممكن يكون مش كلهم ومش بنفس الدرجة
احساسنا بالفوز على الاسمنت وكاننا فزنا بالكاس جاي من شدة الضغط
بكاء اللعيبة في اكتر من مشهد
كل هاي امور بتدل على ان لعيبة الزمالك محبطة لدرجة كبيرة ومش متحملين الضغط الرهيب اللي شايلينه .. لكن هالكلام لن يخلي عنهم المسؤولية وميخلنيش اسيب جمال حمزة بدون انتقاد لكن بنفس الوقت لازم اراعي انه بالاول وبالاخر بشر زينا زيه

ضغط ايه يابهاء
دانتو بتلاعبو السويس وبكامل نجومكوا
ضغط ايه بس اللى بتتكلم عليه
loverman370
03-09-2008, 10:07 AM
ضغط ايه يابهاء
دانتو بتلاعبو السويس وبكامل نجومكوا
ضغط ايه بس اللى بتتكلم عليه


هههههههههههههههه
جامده بجد الحته بتاعت الضغط دي
يمكن يقصد الضغط بتاع الحذاء ؟؟؟؟
أصل أحذية اللاعبين كانت ضيقه قوي عليهم ومش عارفين يلعبو منها
ويمكن هو ده السبب ؟؟؟؟
yasserbasha2006
03-09-2008, 11:39 AM
خخخخخخخخخخ

أسمنت السويس

ههههههههههههههه
حسين الاهلاوي
03-09-2008, 01:37 PM
بالتوفيق لحرس الحدود في الكاس
ههههههههههههههههه
Ruud Van Nistlroy
03-09-2008, 03:26 PM
هيييييييييييييييييييييه دنيا

ابقوا قابلوني كلكم لو حال الزمالك انصلح اليومين دول
aymanfekry
03-09-2008, 04:10 PM
العيب مش عليه العيب على اللي مستضيفه قدوته خالد الغندور ، الله يرحم الشورت والشبشب ووقفته على الخط يوم ماتش الاهلي وهو ........ ولة بلاش
الغندور كبيره يعمل اعلان وخلاص مش يقدم برامج