مشاهدة النسخة كاملة : الكاف يقرر اقامة كأس أمم إفريقيا للمحليين في كوت ديفوار
romio1975
02-25-2008, 10:40 PM
http://images.filbalad.com:8890/filgoal/NewsPics/Medium/1602556.jpg
شحاتة يخوض تحدي جديد مع منتخب مصر
قرر الاتحاد الافريقي لكرة القدم (كاف) اقامة بطولة كأس أمم إفريقيا للاعبين المحليين في نسختها الأولى في كوت ديفوار في الفترة من 22 فبراير إلى 8 مارس 2009.
وجاء قرار الكاف خلال اجتماعات المكتب التنفيذي مساء الأحد في تونس.
وسيشارك في البطولة الجديدة ثمانية منتخبات فقط.
وستلعب كل المنتخبات بلاعبيها المحليين فقط أو المحترفين داخل فارة إفريقيا فقط دون الاستعانة باللاعبين المحترفين خارج القارة.
وستقام البطولة الجديدة كل عامين في الأعوام الفردية
نسر الشرق
02-25-2008, 11:46 PM
السلام عليكم ورحمة الله وبركاته
فعلا هو تحدى جديد لحسن شحاته
لانه سوف يخوص غمار تجربة جديدة وسوف يقوم بالترتيب للحدث من حيث اقامة المعسكرات وخوض المباريات الودية وهذا عبأ جديد ومهمة جديدة تضاف اليك يا حسن شحاتة
ربنا يوفقك
amrlion
02-25-2008, 11:46 PM
يعنى ايه مش فاهم؟؟
يعنى كل سنه امم افريقيا ؟؟؟
واحده ام محترفين
وواحده من غير ام محترفين؟؟؟
كاف فعلا
حسين الاهلاوي
02-26-2008, 01:43 AM
هيا نقصة
هيا دول افريقيا دي فيها لاعيبة محلية
طبعا الكاس هتكون عربية شمال افريقيا
علشان اللاعيبة المحلية
حسين الاهلاوي
02-26-2008, 01:44 AM
مش سمير زاهر كان قال انها هتتعمل في مصر
دي الناس دية بميت وش
loverman370
02-26-2008, 05:01 AM
أنا كنت نزلت موضوع من فتره طويله عن بطولة أفريقيا لغير المحترفين دي
وكانت الأخبار ساعتها بتقول إن مصر بتتقدم لتنظيمها على أرضها
رأيي إنها خطوه إيجابيه لتنشيط المنتخبات الإفريقيه
إلي شايفها بصراحه في أمم أفريقيا الأخيره
كانت بمستوى لا يليق ولايقارن بمستوى المنتخبات الأوروبيه ومنتخبات الأمريكتين
وطبعا المنتخبات الأسيويه
وكون إنها تضم لاعبين غير محترفين خارج القاره ده برضو شيء إيجابي جدا
علشان نوري العالم إن أفريقيا قادمه إن شاء الله بقوه شديده
في كؤوس العالم القادمه بقيادة منتخب بلدي مصر
إن شاء الله
::شكرا::
المليون عقل 100
02-26-2008, 07:58 AM
بالتوفيق----------
علاء حمدان
02-26-2008, 08:55 AM
ان شاء الله هتكون حكر للمصريين لاننا اصلا بنلعب بالمحليين
Ruud Van Nistlroy
02-26-2008, 09:03 AM
بطولة فاشلة
واللي فكر فيها بني ادم غبي
هي ناقصة ضغط علي اللاعبين
ولا اي حاجة بتجيب فلوس وخلاص
beckham_250
02-26-2008, 09:12 AM
بطوله ملهاش لازمه مين هيقعد ويسيب البطولات الجامده دى
ويتفرج على امم افريقيا للمحليين
؟؟؟!!!!
Ruud Van Nistlroy
02-26-2008, 09:26 AM
السؤال اللي بيطرح نفسي الوقتي
هل دوريات افريقيا ستتوقف من اجب البطولة الخربانة دي ؟؟؟
والسؤال اللي بيجمع نفسه
هل سيكون لهذه البطولة تصفيات ؟؟؟؟
ولو فيها هيكون نظامها ايه ؟؟؟؟
وهتتعمل امتي ؟؟؟؟؟
حاجة جميلة خالص
beckham_250
02-26-2008, 09:31 AM
السؤال اللي بيطرح نفسي الوقتي
هل دوريات افريقيا ستتوقف من اجب البطولة الخربانة دي ؟؟؟
والسؤال اللي بيجمع نفسه
هل سيكون لهذه البطولة تصفيات ؟؟؟؟
ولو فيها هيكون نظامها ايه ؟؟؟؟
وهتتعمل امتي ؟؟؟؟؟
حاجة جميلة خالص
اول حاجه البطوله دى مصيرها الفشل لان الدوريات مش معقوله هتتوقف
شهر كل شويه ثانيا التصفيات هتقعد ليها 5 اشهر اقله
ثالثا الارهاق اللى هينتج للاعبين عن كثرة المباريات
لنفترض ان البطوله هتكون فى الصيف مثلا يبقى
هتعمل تعطيل لفترة اعداد الانديه مما ينعكس
بالسلب على الاداء فى الفرق
yasserbasha2006
02-26-2008, 10:23 AM
لالالالالالالالالالالالا
أي كلام يا عم بطولة تعبانة
لن تقارن أبدا بنظيرتها الكبرى
amrhamdyelshreef
02-26-2008, 01:09 PM
:smailes6: انا نفسى افهم الناس دى بتفكر ازاى!
اذا كان كل منتخب كوتيفوار محترفين يبقى نخلى الدورة بتاعت المحليين عندهم!!
طيب هما هيلعبو بمين والا هيجيبو لعيبة من حوارى كوتيفوار والا من الساحة اللى جنب محطة القطر العمومية اللى فى كوتيفوار؟
بلا خيبة دى حاجة تسد النفس
خليـــــــــل
02-26-2008, 03:20 PM
هذه البطولة ستعرف سيطرية منتخبات شمال افريقيا خصوصا مصر وتونس بالدرجة الأولى ثم المغرب
