مطالبة وزير الداخلية بإسقاط جنسية عصام الحضري

[aymanfekry]

مطالبة وزير الداخلية بإسقاط جنسية عصام الحضري
محام يتهم الحضري بخيانة مشاعر العرب والمصريين

http://www.alwafd.org/v3/upload/news/esam%20alhdary667_1203788680.jpg

كتب - محمد صلاح: أرسل نبيه الوحش المحامي انذارا الي اللواء حبيب العادلي وزير الداخلية يطالب فيه بإسقاط الجنسية المصرية عن المدعو عصام الحضري حارس مرمي منتخب مصر والنادي الاهلي لهروبه الي سويسرا، أكد الإنذار أن اللاعب الكبير هرب من مصر ضاربا عرض الحائط بالتقاليد والعادات العريقة لناديه الكبير ومتجاهلا مشاعر ملايين المصريين والعرب الذي صنعوا نجوميته وخائنا لبلده مصر الحبيبة خيانة عظمي ليس لأنه قدوة فحسب،

ولكن لاستهانته بالرابطة التي تجري في العروق مجري الدم وهي رابطة الولاء والانتماء والتي يرمز لها بالجنسية، مفضلا عليها بعض الدولارات واليورو والشيكل الأمر الذي لا يستحق معه الاحتفاظ بتلك الجنسية العظيمة التي يتهافت القاصي والداني علي الحصول عليها بأي ثمن.

المصدر (http://www.alwafd.org/v3/News/NewsDetail.php?id=2444&type=main&PHPSESSID=f7f08a7a6bcd60a8652a5aaf0fdc73f8)

[kyo vs Ichigo]

هل ترك لاعب لناديكم يعتبر جريمة خطيرة وخيانة عظمى يجرد لاجلها من جنسية وتمحى من خلاله هويته وانتمائه. باي حق حتى يتجرء هدا الشخص ويطالب بهدا المطلب الوقح.
مع الاسف مثل هاته المواقف والتصرفات تجعل امتنا محط سخرية و استهزاء باقي الامم.

[xander]

لا يا عم

مش اوي كده

اسقاط جنسيه ايه وهبل ايه

ده اتجنن ولا ايه

ميرفع قضيه على حكماء العرب عشان دايسين على رقابنا وهاينيننا ف كل مكان

جاي تتشطر على ده يا خي

روح بلا وجع دماغ

[totti272]

مش للدرجة دى

يروح لحال سبيله

عزرة الوحيد إنه جاهل

[loverman370]

قال نبيه الوحش قال
وحش على نفسو ياعم
يروح يطالب بإسقاط الجنسيه عن العملاء إلي بيشتغلو مع إسرائيل
وقيادات الحزب الوطني إلي سارقين الشعب
وعلى رأسهم أحمد عزو يتربى في عزو

ضد المطلب طبعا وأرفضه قلبا وقالبا

[yasserbasha2006]

ناس بتزيط في الزيطة و عايشين اللحظة و ملهمش لزمة

دول في الآخر لعيبة كورة

مش سياسيين و لا جنود و قواد في الجيش

هههههههههه

آل جنسية آل

كفاية بس غضب الجماهير عليه

[dr_joky]

لالالالالالالالالالالالالالالالا
مش للدرجه دى
جنسيه ايه اللى نسحبها منه
كفايه عليه لما ييجى مصر " ده لو جه "
يبقى محدش معبره

[elkorsanelmasre]

ههههههههههههههه

لا والهى يراجل منقيم عليه الحد ونقتلوه ......

ايه الهبل دا يعم اكيد المحام دا صينى وبطريته فضيت يجدعان ....

على رئي مرتضي منصور ( انتا عبيط )

[حسين الاهلاوي]

لاء طبعا
اية علاقة الكورة
بالكلام دة

[prince_zezo]

مش لدرجة اسقاط جنسيته ,,

كفايه انه سقط من عيونا كلنا ,,

ومنظره بقا وحش جدا ,,

ومش عارف بجد باي و ش هايقابل الناس في الشارع لما يرجع ,,

[beckham_250]

ايه الناس دى اسقاط جنسية ايه

هو كان جاسوس ده مجرد راجل

هرب لنادى تانى يشوف مصلحته

وشغله ده كلام جنسيه قال !!!

[aboumoustafa]

اظن الموضوع صعب شويه
علي الرغم مما فعله الحضري

[ميدو المان]

دى ناس بدور على الشهرة وخلاص

والمفروض الاعلام يتجاهلها لان الحكاية مش ناقصة هبل

[nemo_spider]

ههههههههههه
الراجل بيشتهر على حس الحضرى احنا شعب فهلوى بيستغل المواقف لنفسه صح

[كمال عمر]

يا جماعة الخير اسقاط جنسية ايه !؟ معقولة !؟
اولا وبعيدا عن العواطف يجب ان نعرف ان عمر لاعب الكرة على الملاعب قصير جدا وخاصة في الشرق الاوسط . ويجب علينا ان نضع اقدامنا في حذاء الحضري حتى نعرف لماذا فعل ذلك . ورغم ان ما فعله هو ضد اللوائح ولكن لا اشك في ان الحضري اراد ان يحسن من مستواه المعيشي وهذا من حقه وهنا يجب ان لا نلومه على ذلك واما ما قاله القيعي بان الحضري تم الضحك عليه بواسطة السماسره فهذا غريب لأن اللاعب الدولي يجب عليه ان يفهم القوانين جيدا والآن اصبح من الصعب تضميد الجرح الذي سببه لجميع محبيه في مصر .