عبر عن رايك في هذة القضية بصراحة [الأرشيف]

مشاهدة النسخة كاملة : عبر عن رايك في هذة القضية بصراحة

raadkhalil

02-13-2008, 08:18 PM

اخواني
اذا كان امام كل واحد مننا مع اختلاف الجنسيات (انا مصري ) فرصة للعمل داخل وطنة وفي مجال تخصصة والعائد منها عادي ولكنة في المقابل سوف يظل وسط من يحب ووسط كل من يعرفهم (وبلاخص الاهل )
وفي نفس الوقت فرصة للعمل بالخارج في احدي الدول العربية وبعائد جيد ولكن في المقابل ان تتخلي عن القرب ممن تحب وتعرف وتصبح غريب في هذة البلد

فما تفاضل بينهم
العمل في بلدك
ام
السفرللخارج

ارجوا عند وضع الردود ان تكون فعلا معبرة عما بداخلنا وليست لمجرد الرغبة في اي وضع
وهذة الردود سوف تكون سبيل مساعدة للكثير

tito_misr

02-13-2008, 11:32 PM

أنا
أفضل ابقي فى بلدى

medozzz0

02-13-2008, 11:32 PM

شكراً للموضوع الجيد
ولكنها ليست بقضيه او اى شىء ولكن اخى انظر للموضوع من جانب أخر.. انا معاك ان فى ترك الأهل والأقارب والغربه وخلافه وذلك صعب على اى شاب .. ولكن اخى المطلوب منك هو السعى من اجل حياه افضل وحياه كريمه ولبناء مستقبلك .. وبعدين وضع البلد حالياً لا يصلح لان يبدأ اى شاب حياته او الزواج او.. او.. الى اخره .. والحمد لله.. الفرد منا يكاد يعيش بمفرده ويتحمل مصاريفه بالعافيه فما بالك ان اتى بزوجه .. واى اب لن يترك ابنته لاى شاب حتى يطمئن عليها وعلى مستقبلها معه.. وهذا لن يتحقق للشباب فى ظل الظروف التى نعيشها من بطاله وان كان هناك تعيين فليس تعيين بتثبيت .. الله المستعان اسعى نحو الأفضل اخى الكريم..
اسف للإطاله وتقبل مرورى

raadkhalil

02-14-2008, 05:45 PM

vierose

02-15-2008, 10:01 PM

انا افضل العمل في بلادي
لكي اساهم في تطورها .....
و بالمناسبة اشكرك اخي raadkhalil
على الموضوع الجميل
منورة دائما

raadkhalil

02-16-2008, 02:10 AM

انا افضل العمل في بلادي
لكي اساهم في تطورها .....
و بالمناسبة اشكرك اخي raadkhalil
على الموضوع الجميل
منورة دائما

بجد شكرا ليكي علي مشاركاتيك وردوديك الجميلة في مواضيعي اختي vierose

kamal302

02-16-2008, 03:38 PM

بالنسبة لي كنت قد درست في الخارج و كنت اعمل في نفس الوقت.
وساقول ما اراه من خلال تجربتي.
السفر و العمل بالخارج اكيد سيوفر لك مستقبل اكثر من بلدك لكن في نفس الوقت، صعب لانك ستبدا من جديد بدون اصدقاءك و اهلك و الذين تحبهم ، في الاول سيكون من الصعب التاقلم في وسط مختلف عنك من حيث البيئة و الناس و المجتمع و اللغة و ربما ستفكر بالرجوع. الا انه و مع مرور الوقت ستعتاد.
لكن رغم ذلك ستستفيد لانك ستعتمد على نفسك في كل الامور .
في الاخير ان من رايي ان تجرب ، فالحياة تجارب.
تحياتي

raadkhalil

02-16-2008, 05:46 PM

بجد شكرا www.bramjnet.com upload by HOSSAM93

بحبك يا غايب

02-17-2008, 07:42 AM

raadkhalil

02-17-2008, 07:55 AM

الموضوع حصل معاى فعلا
اخوى اختار السفر وانا اخترت الاهل والاحباب
بعد سنتين بالظبط أخوى اشترى قطعة ارض فى بلدى
وحاليا بيدور على عروسة للزواج
انا بقى كويس انى بقدر اصرف على نفسى من غير ما احتاج من ابوى او أخى
طبعا فرق كبير جداااااااااااااااااااااااا
وبصراحه ندمت انى ما سفرت فى مواقف كتير حتى هنا فى شغلى
انت بقى تختار ايه
..............

شكرا ليك اخي الكريم
انا للاسف كانت امامي فرصة للسفر لحد امس وفي اخر لحظة بعد عمل جواز السفر والفيزا جات اعتزرت عنها لكي ابقي في بلدي
لكن بجد حاسيس بشئ من الحزن من جوايا
عموما الحمد الله

EXIT1988

02-18-2008, 04:42 AM

لا طبعا

أزاى

مستحيل

مش ممكن

أفضل فى البلد دى

أأقعد فى مصر أعمل ايه
أنا لسه فى سنه 3 فى الكليه (تجاره عربى زى 90% من شباب مصر)
بقالى 3 سنين قاعد ع القهوه
هههههههههه
آل وايه بيقولولى اركب القطر
قطر مين يا سيدى
قطر ايه اللى انت جاى تقول عليه

انا مع اول فرصه سفر مش هأقعد فى البلد اللى عاوزه ال..... دى

انا جاتلى فرصه سفر وانا فى سنه أولى فى الكليه وكنت خلاص على وشك بس للأسف محصلش نصيب

انا ليه واحد صاحبى سافر usa وشغال هناك دلوقتى بقاله سنه تقريبا سألناه على الكليه والدراسه قال ........ فيما معناه (مالهومش لازمه)
هو ناوى يقعد هناك حوالى 10 سنين ما ينزلش لأنه لو نزل هيلبس فى الجيش وحلنى بقه لو عرف يسافر تانى

يعنى من الآخر القعاد هنا مش جايب همه ومش هيأكلنى عيش حاف لما أتخرج
يعنى دلوقتى اهلى بيصرفوا عليه
طب لما أخلص ؟ هفضل أخد مصروفى من والدى زى العيال الصغيرة؟
هتقوقولى دور على شغل فى اى حاجه
أى حاجه اللى انتوا بتتكلموا عنها (زى حوار القطر ) آخرها فى المرتب هيبقى كام لواحد خريج تجاره عربى بمقبول (معايا enlish كويس و مخلص ليفل 9 genral و ليفل 4 conversation )
الكورسات اللى انا واخدها دى بتاعات الجامعه الامريكيه

بعد كل الهم ده هااااااخد كام لو اشتغلت فى مصر

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

ملحوظه : كان فى واحد فى الليفيلات بتاعت الانجليش فى ليفل 1 conversation كان شغال فى الامارات ب 4000 درهم
نزل ياخد الليفيل الواحد عشان يزيد مرتبه +2500 درهم

وهو لسه بيقول يا هادى

هنا هيدونى كام
والنبى حد يرد عليا؟

بحبك يا غايب

02-18-2008, 06:53 AM

شكرا ليك اخي الكريم
انا للاسف كانت امامي فرصة للسفر لحد امس وفي اخر لحظة بعد عمل جواز السفر والفيزا جات اعتزرت عنها لكي ابقي في بلدي
لكن بجد حاسيس بشئ من الحزن من جوايا
عموما الحمد الله

هو طبعا الحمد لله
وكل واحد بياخد نصيبه ... والرزق الى مكتوب ليك هو الى انت هتاخده هنا او فى الخارج
.............................................
بس فى مثل بيقول
(( وجدت الفقر فى بلدى غريب ... والغنى فى بلد الغريب قريب ))
بس عاوز الحئق انا بتحصل ليا مواقف بندم انى ما سفرتش
والى مجننى اكتر ان الحمد لله موقع مصر ومصادرها وكيدا كويسة جدااااااااااا
وفيها فلوس بالهبل يعنى احنا ولا زى الصومال مثلا فى موقعا والجو الى فيها وكيدا
عشان نسكت ونقول يعنى الحكومة هنا تعمل ايه .... لكن احنا عندنا كفاية بس قناة السويس
انتوا عارفين لو كل واحد عامل ربنا وراعى ضميره والحكومة بطلت تسرق الفلوس وتنهب فى الغلابة وربنا لنكون احسن من اوربا .........

raadkhalil

02-18-2008, 10:01 PM

صح والله فعلا
بس الحمد الله علي كل شي
وبعدين محدش يعرف الخير فين

bismilah

02-19-2008, 12:51 PM

السلام عليكم
موضوع جميل انا شخصيا اعمل في بلدي
و قد جرب العمل في الخارج لكن لله الحمد
توفرت لي فرصة العمل في بلدي لكن ظروف العمل و فرصة او مرتبة العمل
تختلف حسب الامكانيات و الدراسة فكلما بدل الشخص منا مجهودا في دراسته سيثمر
هدا عن توفره على فرصة عمل جيدة في بلده اكيد دون ان يتغرب في بلاد الناس
و لكن هناك ظروف يمنعك من تحقيق هدا في بلدك كما انه ليس كل شخص يتوفر
على شهادة عالية يعمل جيدا لدى تضطر الى الخجرة الى خارج بلاد من اجل مستقبلك
المهم انا شخصيا افضل العمل في بلدي انا اصلا اعمل في بلدي و الحمد لله اعمل جيدا
مشكووووووور على الموضوع فعلا يستحق النقاش

Ahmedfikry11

02-19-2008, 01:34 PM

احنا ممكن ناخد الموضوع ده من كذا ناحية

1- لو الفرصة ذات جدوى و ممكن تنقلك نقله مادية كبيرة يبقى لازم تروح عشان لو ماسفرتش او على الاقل ما حصلش نصيب يبقى انت عملت اللى عليك ومتلومش نفسك بعد كده.
2- لو مفيش جدوى كبيرة او تقريبا بنفس العائد اللى هتخده هنا يبقى خليك هنا وسط أهلك وأصحابك
3- لو حطروح يطلع عينك هناك و صحتك هضيع يبقى خليك والعكس صحيح يعنى لو البهدله هنا سافر احسن مع وجود نفس الفرص المتكافئة من غير بهدلة طبعاً.
4- كل واحد لازم يدور على مصلحته فى الوقت الصح والمكان الصح واللى هيعود عليه برزق حلال

و أنا رأى الشغل بيجيب شغل فى اى حتة ولو ليك نصيب فى حاجة هتاخدها بس اسعالها واعملها الف حساب وطريقة وأحسن من القعدة فى البيت أو على القهوة واصحابك هيفضولوا اصحابك برضه وكل حتة فيها شغل ومتسمعش كلام اللى يقولك مفيش شغل وبعدين ممكن تكون نفسك فى اى حتة برة أو جوه ولو قررت ترجع بلدك تانى اعمل مشروع يفيدك ويفيدنا معاك بالمرة أو لو اشتغلت فى مشروع يبقى البلد استافدت من خبرتك فى الخارج وبس كده.

أنا اسف لو كنت طولت عليكوا فى الكلام

angel2200

02-19-2008, 01:44 PM

لا اسمــــــــــع مسمعــــــــــشى ليـــــــــــــة
ولا اقـــولك شووووف النــــاس هنــــــا بتعمـــل ايـــة فى بعــض على لقمـــة العيــــش

سيبـــك انتا من الكــلام الفــاضى بتـــاع الشغـــل هنــــا والمستقبـــل ومش عارف ايــة؟
ولا فــرضــا اشتغلت هنـــا مرتبك حيكفيــك تبنــــى مستقبلك وتفنــح بيت وتعيش حيــاة كريمة
اتحـــدى لو 1% من الشبــــاب المتخــرجيـــن حيــلاقوا وظيفـــة تحقق كل الحاجـــات دى

انا عـــن نفســـى حتى لو فى فــرصــة عمـــل هنـــا مش حــاخدهــــا
انا افضـــل السفـــر احســـــــن.. انا والـــدى واخـــوية الكبيــر هنـــاك
يبقـــى انـــا اقـــعد ليــــــــة....؟

فى الاخـــر بس انــا عــاوز اقــول حاجـــة بلــدنا دى متنفعـــش تعيــش فيهــا
وتتمـــتع بيهــــا الا اذا كنت مرتــــــــــــــاح مــــــــاديـــا

وشكــــــــــــرا للموضوع الجميــــــــــــــل

EXIT1988

02-19-2008, 02:11 PM

فى الاخـــر بس انــا عــاوز اقــول حاجـــة بلــدنا دى متنفعـــش تعيــش فيهــا
وتتمـــتع بيهــــا الا اذا كنت مرتــــــــــــــاح مــــــــاديـــا

وشكــــــــــــرا للموضوع الجميــــــــــــــل

انت أستاااذ جبت من الآخر

والنبى يا جماعه عشان الناس تاخد بالها من أن الشغل هنا مش جايب همه
روحوا شوفوا أزازه الزيت بكام وكيلو الرز بكام وكيلو السكر بكام و الأيجارات بكام
انت لو شاب لسه متخرج
وعاوز تكون نفسك عشان تجوز هتقعد كام سنه تحوش لو اهلك ما ساعدوش
فكر وقولى و أعتبر انك شغال فى شركه وبتاخد حوالى 800 جنيه يعنى مرتب معقول
أحسب الحسبه وتعالى قولى هتعيش أزااااااااااااى
عاوز تخطب وتجيب شبكه وتجيب عفش وطبعا أم العروسه هتقعد تخنق اللى جايبينك
وتقولك دى توتو بنت طنط تيتى خطيبها جايبلها أوده نوم ب20 ألف
واوده سفره ب15
وأنتريه ب 16

وأنت مفيش فى جيبك 100 جنيه على بعضهم :smailes85:

قولى بقه ياللى عاوز تقعد فى مصر هتعمل بمرتبك أيه
هتاكل
ولا تشرب
ولا تركب مواصلات
ولا تدفع ايجار
ولا تتجوز
ولا تدفع فواتير غاز على كهربه على ميه على زباله

بكره يدفعونا فواتير على الساعات اللى بنمشيها فى الشارع :smailes83:

والنبى حد عاقل يحسبهالى :smailes73:

دا حاجه تقصر العمر :smailes39:
وفى الأخر مش عاجبهم الشباب اللى كانوا عاوزين يهاجروا وغرقوا (الله يرحمهم ويرحمنا):smailes73:

أأقولكم على حاجه
مش الحكومه بتقولنا أركبوا القطر

أنا عندى فكره :smailes61:

أحنا نسرق القطر ونفككه ونبيعه خرده أهو نعملنا قرشين نبتدى بيهم :pissed:

angel2200

02-19-2008, 02:50 PM

ههههههههههههههههههه
والله الحتـــة الاخيــرة دة جامـــدة
بـــلاش نتكلم فى الاحــوال الاقتصـــادية
بجــــد الواحـــد بينقهـــر وبتعب نفسيــا
لما افكـــرفى الشبــاب ال مفيش ادامهم فرص سفـــر

دوووول يعملوا ايــــــــــــة
حسبــى الله ونعــم الوكيل

raadkhalil

02-19-2008, 07:51 PM

فعلا معاك حق في الي بتقولة

atilogi

02-19-2008, 09:27 PM

في الحقيقة ان كان العمل في بلادي فافضل وان كان خاجها فهدا لا يعني انني سابقى في بلدي يجب ان اعمل على عائلتي التي ربتني مند صغري و ارد الجميل و الحمد لله رب العالمين.

raadkhalil

02-19-2008, 09:47 PM

شكرا ليك اخي الكريم
ان كنت تري الموضوع من هذة الزاوية فانك محك لان الاهل لا يمكن رد جميلهم باي صورة

المليون عقل 100

02-21-2008, 08:18 AM

شكرااااااااااااا

raadkhalil

02-21-2008, 05:49 PM

شكرا علي المرور اخي الكريم