شحاتة يفتح النار: لست مسنودا من علاء وجمال مبارك وكفاكم تقطيعا في فروتي

[romio1975]

فتح الكابتن حسن شحاتة المدير الفني لمنتخب مصر النار علي كل منتقديه قبل واثناء مشاركة فريقه في بطولة كأس الأمم الافريقية من خلال حوار ساخن جدا اجرته معه قناة دبي الرياضية مساء الثلاثاء علي هامش احتفالات تكريم ابطال القارة السمراء في احتفالية تاريخية من قبل أمير دبي.

شحاتة الذي صمت كثيرا قبل البطولة و تحمل العديد من الانتقادات التي شككت في قدراته التدريبية برغم قيادته لمنتخب مصر نجو لقب بطولة الأمم الافريقية في عام 2006 بالقاهرة .. لم يستطع كبح جماحه لأكثر من 48 ساعة بعد تحقيقه لاروع انتصار كروي في تاريخ مصر (بحسب المراقبين) وقام بالهجوم الشديد علي كل من كال له سهام النقد واتهمه بأنه مدرب محظوظ دون ان يسمي أحدا بعينه الا ان أغلب هجماته توجهت نحو شباك أعضاء في منظومة الكرة المصرية بل وعلي الأدق مسئولين كبار في اتحاد الكرة المصري.

لم يحتاج المعلم لأكثر من سؤالا واحدا من محاوره حول موقفه من التبربص به من قبل احد كبار مسئولي اتحاد الكرة وحول ما اذا كان مسنودا من قبل علاء وجمال مبارك نجلي الرئيس المصري .. فجاءت ردوده كالتالي :


"أنا لست مسنودا من أحد .. لا الاستاذ جمال ولا الاستاذ علاء ولا اي شخص في هذا البلد .. ولو كنت مسنودا ما كانت لاتعرض لهذا الهجوم العنيف الذي وصل الي حد التقطيع في فروتي دون سبب واضح سوي كراهية البعض لحسن شحاتة"

"نعم تربص بي البعض بشكل واضح قبل واثناء البطولة وحتي نهايتها .. للأسف هم من أهل البيت .. لا افهم موقفهم .. لقد سخروا استوديوهاتهم التحليلية للتقطيع في شخص حسن شحاتة و قدراته كمدرب وليس لتقديم أي نقد موضوعي .. كان واضحا استقدامهم شخصيات معينة كضيوف للتحليل معهم وأغلبهم موجهون من اجل نفس الهدف"

"الهدف الدائم كان اظهاري في شكل المحظوظ فقط او الحديث عن دور اللاعبين فقط في الانتصارات .. فلأكن محظوظا او لا اكون .. الهم في النهاية اننا حققنا انجازات لمصر .. هذا كل ما يهم .. ليس لدي مشاكل شخصية مع احد .. المشكلة لديهم هم"

"اللاعبين ساندوني في تلك التحديات بقوة .. وكلهم يعلمون بما يحدث .. حتي المحترفون خارج مصر من غير المتابعين لما يحدث في الداخل .. وأسأل لاعبا مثل زيدان .. سيؤكد لك ذلك"

"صدق الكابتن سمير زاهر جينما قال ان المشكلة في اتحاد الكرة أن كل اعضائه اعلاميون .. وللأسف برغم انه شخصيا كثيرا ما جمعنا معا من أجل التصافي والتصالح وكل مرة نجلس ونقرأ الفاتحة ونمسك بالمصحف .. لكنها فيما يبدوا كانوا يقرأون الفاتحة بقصد أخر .. ولا تمر أيام حتي يواصلون دورهم في التقطيع في حسن شحاتة"

" انهم غير مصريين .. كانوا يتمنون سقوط مصر بسبب كراهيتهم لحسن شحاتة .. وأقول لهم .. (يروح حسن شحاتة في داهية) .. لكن المهم ان تفوز مصر"

"هؤلاء اعداء النجاح .. وفي النهاية انا اؤدي واجبي فقط من اجل مصر اولا قبل ان يكون من اجل مجد شخصي لي .. وللأسف ما كانوا يفعلونه بالتاكيد يؤثر علينا والمثل الشهير يقول " العيار اللي ميصيبش يدوش"

" اقول لهم في اخر كلامي .. وجودكم في الاتحاد حتي الآن بسببنا بعد انتصارنا في 2006 .. فهل يعقل ما يفعلون".

[hmd007]

مش قادر تصبر يا ابو على لحد ما ترجع مصر
الكلام دا مكانه هنا فى مصر
مش فى دبى

[romio1975]

شوبير نهايتة قربت ان شاء الله

[احمد مصرى]

بصراحة انا شايف ان ملوش لازمة الكلام دلوقتى ياحسن ياشحاته بالاضافة ان كنت متابع لشوبير وتحليلة فى البطولة الراجل كان كويس جدا وموضوعى وفى الوقت اللى بيستحق شحاته فيه الاشادة كان اول واحد بيهنى هو شوبير
انا مش عارف ليه الراجل ده مظلوم كتير
الراجل ده بيعرف يفصل بين الادوار والمهام والمواقف وفى اختلافه مع اى حد مبيجعلش الاختلاف ده ياثر على حياده فى نقد سواء الايجابى او السلبى
بصراحة انا معجب بشوبير وشايف انه مظلوم فى امور كثيرة

[totti272]

بدون تعليق

[yasserbasha2006]

شحاااااااااتة بطل كل المصريين

و أثبت أنه على قدر عالي جدا من الكفاءة

و على عيننا و راسنا من فوق...

و محدش يقدر يقول عليه كلمة غلط

و ان شاء الله يا شوبير سينتهى نهاية

تجعله عبرة لمن يعتبر و من لا يعتبر أيضا

أعوذ بالله...لسه فيه ناس بهذه الإستغلالية

و هذه التفاهة و الوضاعة؟؟؟

[h131200]

حقه
ياخد بتاره م ن كل واحد وقف بوشه
سامع ياروميو
سامعين يا اهلوية اللي كنتو تسعو روميو يقول الشمس لونها بني وانتو تقولو اه والله لونها بني
حقه شحاتة ينال من كل اللي وقفه بوشه وكانو محضرين السكاكين للتقطيع في شحاتة لو خسر البطولة مثلا
لكن ربنا شايف وعارف

[loverman370]

أنا مش عارف الناس دي عايزه إيه من مصر
نفسهم يشوفو كل الدنيا خراب ودمار علشان يقعدو ينتقدو ويرطرطو بالكلام على الناس
وإلا مش هايلاقو شغل
أنا كنت عايزكو تشوفو وش شوبير بعد ماتش كوت دي فوار
كان خايف ومرعوب من الناس إلي هايهزقوه
ويقولو شفت ياشوبير الراجل إلي كنت بتغلط فيه
أهو مكسر الدنيا
ربنا ياخد ويهدي كل حد بيحاول يبوظ علينا فرحتنا

[ramywhynot]

شوبير هوه اللي ظاهر في الصوره

انا مش عارف الراجل ده عاوز ايه بالظبط

وتعليقاته في حق اللعيبه تغيظ فمثلا يقول بنحاول نعمل اتصال تليفوني مع عصام الحضري ...بس لو عرف ان فيه مكافأه هيجي جري !!

وممكن تشوفوا موضوع "شوبير يحدث فركشه"

الغريبه بقي ان الراجل ده عنده وظايف كتير اوي
عضو مجلس شعب
ثائب الاتحاد
صاحب مصنع ملابس
و......و .....

يالاه كفايه كده لحسن انا متغاظ منه :)

[romio1975]

حقه
ياخد بتاره م ن كل واحد وقف بوشه
سامع ياروميو
سامعين يا اهلوية اللي كنتو تسعو روميو يقول الشمس لونها بني وانتو تقولو اه والله لونها بني
حقه شحاتة ينال من كل اللي وقفه بوشه وكانو محضرين السكاكين للتقطيع في شحاتة لو خسر البطولة مثلا
لكن ربنا شايف وعارف



بص يا أخ بهاء احنا لما بننتقد كنا بننتقد عن حق ومش عن افترى على حد لأنو مش معقول كان الأداء زفت وطين ونقول لا ده روعة ومفيش أخطاء
ولعلمك الأنتقادات دى هى اللى وصلت شحاتة على ما هو عليه الآن لأنه استفاد من النقد كثيرآ وصلح اخطاؤه وعيوبة والكل كان من حقة ينتقد
احنا لا ظلمنا حد ولا جاملنا حد لأن كل شىء كان واضح امام العيان وجنابك بنفسك فى حوار بينى وبينك قبل كده على الماسنجر انتقدت حسن شحاته واقريت انه كان عنده اخطاء عديدة
محدش هيقول على الفسيخ شربات والعكس صحيح

[h131200]

بص يا أخ بهاء احنا لما بننتقد كنا بننتقد عن حق ومش عن افترى على حد لأنو مش معقول كان الأداء زفت وطين ونقول لا ده روعة ومفيش أخطاء
ولعلمك الأنتقادات دى هى اللى وصلت شحاتة على ما هو عليه الآن لأنه استفاد من النقد كثيرآ وصلح اخطاؤه وعيوبة والكل كان من حقة ينتقد
احنا لا ظلمنا حد ولا جاملنا حد لأن كل شىء كان واضح امام العيان وجنابك بنفسك فى حوار بينى وبينك قبل كده على الماسنجر انتقدت حسن شحاته واقريت انه كان عنده اخطاء عديدة
محدش هيقول على الفسيخ شربات والعكس صحيح


انا اشدت بيه في 2006
وانتقدته في التصفيات اعتقد او في المباريات الودية
لكن في نقطتين
الاولى حسن شحاتة
شحاتة هو شحاتة بتبع 2006 طبعا بيصير تطورات .. ما بيصير اخطاء وتتصلح فهمتني ؟:smailes108:

النقطة التانية
بالنسبة للاهلوية بصفة عامة الجماهير والاعلام وكل الناس صاحبة الانتماء الاهلاوية في كل مكان اللي اتخذو راي موحد
ب 2006 الاهلي كان يضم مجموعة متميزة ومتناسقة جدا من اللاعبين وشحاتة استدعى اعتقد 8 لاعبين .. بهديك الحالة انتو ارجعتو الفضل بعد ربنا في الفوز بالبطولة للكتيبة الاهلوية المتناسقة . لكن اليوم وجدتو ان هذا المفهوم تدمر وانتهى في استدعاء شحاتة ل 4 او 5 لاعبين من الاهلي .. فهاي النقطة لها تأثييييييير كبير جدا على اعترافكم بشحاتة وقدرته الفنية او يعني ملكمش حجة

اعتقد النقتطين مترابتطين والاختلاف في الراي موجود عندكم انتم في الفكرة اللي كنتم حامليها .
شحاتة هو شحاتة . بس اللعيبة مش هي اللعيبة

[romio1975]

بالنسبة للاهلوية بصفة عامة الجماهير والاعلام وكل الناس صاحبة الانتماء الاهلاوية في كل مكان







مفيش فايدة عقدة الأضطهاد مترسخة داخلكم من جلاديكم :D

[h131200]

مفيش فايدة عقدة الأضطهاد مترسخة داخلكم من جلاديكم :D


لا انتا مفهمتنيش
انا اقصد ان الراي كان يقوده الاهلوية . في كل المناصب .
منصب اعلامي مثلا يقوده شخص منتنمي للاهلي كان يحمل هذه الفكرة من خلال دوره الاعلامي ..
شخص كمشجع نضرب مثلا انتا روميو .. كنت تحمل هذا المفهوم كعضو في برامج نت وكنت تنشره بحكم قدرتك على كتابة مواضيع مثلا .. وهكذا

فكانت الفكرة واحدة لكل الاهلوية في الاتجاه المضاد ضد حسن شحاتة

[romio1975]

لا انتا مفهمتنيش
انا اقصد ان الراي كان يقوده الاهلوية . في كل المناصب .
منصب اعلامي مثلا يقوده شخص منتنمي للاهلي كان يحمل هذه الفكرة من خلال دوره الاعلامي ..
شخص كمشجع نضرب مثلا انتا روميو .. كنت تحمل هذا المفهوم كعضو في برامج نت وكنت تنشره بحكم قدرتك على كتابة مواضيع مثلا .. وهكذا

فكانت الفكرة واحدة لكل الاهلوية في الاتجاه المضاد ضد حسن شحاتة



يا أخ انا بتكلم عربى
انت لا تحجر على رأيى وانتقادى
وانا اعترف بأننى انتقدت حسن شحاتة سواء فى البطولة الماضية وما بعدها ايضآ ولم يكن انتقادى من فراغ المنتخب كان لا لون له ولا طعم ولا رائحة ولا تكتيك واضح او مفهوم
نحن لسنا بصغار حتى ننتقد لمجرد الأنتقاد فقط وانت تعلم ذلك جيدآ ومن حقنا ان ننتقد ما هو خاطىء
واكررها لك حسن شحاتة استغفاد كثيرآ من هذا الأنتقاد سواء مننا او من غيرنا واصلح اخطاؤه وبالرغم من الفوز بالكأس ما زالت ايضآ هناك اخطاء صغيرة
عيب عليك لما تقول اننا بننتقد فقط لأنه زملكاوى وانت اعلم بأنه لم يكن هدفى اصلآ ولا افكر فيه وما يهمنى هو منتخب بلدى فقط سواء هو او غيره

[hmd007]

لا انتا مفهمتنيش
انا اقصد ان الراي كان يقوده الاهلوية . في كل المناصب .
منصب اعلامي مثلا يقوده شخص منتنمي للاهلي كان يحمل هذه الفكرة من خلال دوره الاعلامي ..
شخص كمشجع نضرب مثلا انتا روميو .. كنت تحمل هذا المفهوم كعضو في برامج نت وكنت تنشره بحكم قدرتك على كتابة مواضيع مثلا .. وهكذا

فكانت الفكرة واحدة لكل الاهلوية في الاتجاه المضاد ضد حسن شحاتة



مين اللى جاب الاخ دا هنا
انت يا ابنى مش عندكم ثلج دلوقتى والحراره تحت الصفر
ادخل بسرعه لتاخد برد

[h131200]

قال يعني انتا عايش في جنوب افريقيا

اسكت ياد اسكت

[hmd007]

قال يعني انتا عايش في جنوب افريقيا

اسكت ياد اسكت


هههههههههههههههه
الجو هنا احلى من عندك
انا فاتح البلكونه وقاعد بالفانيله (الحملات) بس:smailes60:

[h131200]

عيب عليك لما تقول اننا بننتقد فقط لأنه زملكاوى وانت اعلم بأنه لم يكن هدفى اصلآ ولا افكر فيه وما يهمنى هو منتخب بلدى فقط سواء هو او غيره



هو ايه اللي عيب !!!!!!
انا اتحدث عن فكرة منذ سنتين ازا انتا عندك مبدا مصري ظاهر وباطن
فانا بتكلم بصفة عامة

سيبك من الوجوه اللي بتضحك بوشك ومن جوة بتكرهك
ويخرب بيت اللي يحبه وهو من جواه بيكره
ويخرب بيت اللي بيكرهه وهو من جواه بيحبه وواقف جمبه واحد بيكره

الله يخرب بيتنا احنا يا شيخ:D

[romio1975]

سيبك من الوجوه اللي بتضحك بوشك ومن جوة بتكرهك
ويخرب بيت اللي يحبه وهو من جواه بيكره
ويخرب بيت اللي بيكرهه وهو من جواه بيحبه وواقف جمبه واحد بيكره

الله يخرب بيتنا احنا يا شيخ:D



بيقول ايه ده ؟؟؟

طب فى الآخر وهو بيفتح السمكة لقى الخاتم والا لا ؟؟؟ :biggrincl

[h131200]

هههههههههههههههه
الجو هنا احلى من عندك
انا فاتح البلكونه وقاعد بالفانيله (الحملات) بس:smailes60:


تحب اصورلك نفسي
اصلي عيب اتكلم هنا
:smailes60:

بالمرة تشوف الشمس اللي بتشع بررة

[beckham_250]

لا انتا مفهمتنيش
انا اقصد ان الراي كان يقوده الاهلوية . في كل المناصب .
منصب اعلامي مثلا يقوده شخص منتنمي للاهلي كان يحمل هذه الفكرة من خلال دوره الاعلامي ..




كان ولا يزال كل المناصب يقودها الاهلاويه

[حسين الاهلاوي]

رجعنا بقي تاني للكلام اللي يقرف

[hmd007]

لا لقى بهاء فى وشه بيقوله....................

[hmd007]

خد يا بهاء





http://mitdamses.googlepages.com/1.JPG

[ميدو المان]

بصراحة انا شايف ان ملوش لازمة الكلام دلوقتى ياحسن ياشحاته بالاضافة ان كنت متابع لشوبير وتحليلة فى البطولة الراجل كان كويس جدا وموضوعى وفى الوقت اللى بيستحق شحاته فيه الاشادة كان اول واحد بيهنى هو شوبير
انا مش عارف ليه الراجل ده مظلوم كتير
الراجل ده بيعرف يفصل بين الادوار والمهام والمواقف وفى اختلافه مع اى حد مبيجعلش الاختلاف ده ياثر على حياده فى نقد سواء الايجابى او السلبى
بصراحة انا معجب بشوبير وشايف انه مظلوم فى امور كثيرة

ههههههههههههههه
شوبير اللى اهم حاجه عنده مصلحته بقى موضوعى ومحايد وكمان مظلووووم:biggrincl

[sebai87]

عاوز اقول حاجه يا جماعة كابتن شوبير يوم ماتش كوت ديفوار اللي كان اتفرج عليه كان يشوف وشه وهوا دمه محروق ان مصر كسبت حتى وهوا بيكلم اللاعيبه في التليفون وحشه كان احمر وصوته كان مخنوق حتى مهما حاول انه يخبي مشاعره كانت واضحه هوا كان جاي مجهز نفسه على هزيمة المنتخب عشان ياكل في حسن شحاته وحاجه كمان هوا دايما بيتبع اسلوب الاسقاط ودي حاجه في علم النفس انك لما يبقى فيك حاجه تقوم تحطها في الناس التانية ودليلي على كلامي انه في اول برنامج الدرجة التالتة كان بيقول بلاش بقى يا جماعه الناس اللي بتصطاد ومستنية الغلطات رغم ان الدنيا كلها عارفة ان هوا اللي بيعمل كده ومفيش غيره بصراحه انا بعذر حسن شحاته وحاسس بالحرقه اللي جواه ومصدق كل كلمه هوا قالها

[beckham_250]

منه لله شوبير بتاع مصلحته وبس

انا مش عارف الراجل ده عايز ايه من


حسن شحاته



بتاع مصلحته وبس والاهلاويه بيكرهوه قبل الزملكاويه