حوار صريح جدا جدا بينا وبين البنات يا ريت الكل يخش

[elkorsanelmasre]

(( الحوار المثالي بين الشبــاب و البنــات ))
.
.
الموضوع عبارة عن حوار مثير بين فريقين
فريق [ الشباب ]
فريق [ البنات ]
هناك أمور يكرهها الرجل في المرأه أو لا يستطيع فهمها !!!!
(( و ))
هناك أمور تكرهها المرأة في الرجل أو لا تستطيع فهمها!!!!
وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة
و موضوعية وبعيداً عن التعصب حتى نستمتع و نخرج منه بنتائج إيجابية.
[ بداية الحوار ]
ستقوم البنت "بما ان الي كاتب الموضوع شاب احم احم " بطرح تساؤل عن أمر معين لا يعجبه في البنت
وستقوم البنت بالرد وتبرير الموقف
وبعد إعطاء الإجابة والمبررات الكافية يصبح المجيب في وضع الهجوم
ويطرح سؤال على الجنس الاخر.....وهكذا يستمر الحوار
[ملاحظة]
يحق للجميع المشاركه وابداء الرأي
وأرجوا أن نكون مع الحق دائماً بعيداً عن الإنتماء و التحيز
(( صافرة البداية )) :smailes60: :smailes60:

[بنوووتة نواعم]

ماادري ليش الاولاد شايفين نفسهم المشكله انو كل خطاء في الدنيا بسسبب الاولاد يقهرني فيهم كدبهم الزايده وعدم احترامهم لمشاعر الاخرين
*سعودية وافتخر*

[elkorsanelmasre]

السلام عليكم

اختى بنوووتة نواعم نواعم الكذب غريذه جو الانسان وموجوده في الطرفين الشباب والبنات بس الحقيقه تقال ان في الشباب زياده شويه لان البنات غالبا بصفه عامه تحب الولد يكذب عليها ........

[اليرموق]

الحقيقة أنا مش فااهمة المووضووع أوى يعنى أوكى هقول صفة مثلا مش بحبها فى الشباب

وبعدين ........ ؟؟؟؟ سورى بجد مش فاهمة الحوار هيمشى أزاى

[elkorsanelmasre]

اليرموق الله ينور عليكى هو دا بظبط

[اليرموق]

اليرموق الله ينور عليكى هو دا بظبط

طيب هقوووول صفة مش بحبهااااا مثلا زى أنهم بتقبلوو الخطأ لنفسهم ولا يتقبلوو على حوااء

يعنى مثلا يعمل الغلط ويقوول أنا راااجل يكلم بناات يقول أنا راجل

يتأخر براا البيت ويقول أنا رااجل ..... بجد الكلمة دى بيديقنى جدااا هو الأحترام بابنت ولا

الولد هو لو أتقى ربنا فى كل حاااااجة فى خروجو فكلاموو فأفعاالو ميبقاااش راااجل !!!!


دى مثلا صفة مش بحبهااااا


لكن بالنسبة أختى البنوتة الكدب صفة عاااامة بين الجنسين وفى بناات ممكن تقولى عليهم هم

اللى أخترعو الكدب فأنا أعتقد أن الكدب مش بس للشباباب وأيضا الفتياات .......

[vierose]

طيب هقوووول صفة مش بحبهااااا مثلا زى أنهم بتقبلوو الخطأ لنفسهم ولا يتقبلوو على حوااء

يعنى مثلا يعمل الغلط ويقوول أنا راااجل يكلم بناات يقول أنا راجل

يتأخر براا البيت ويقول أنا رااجل ..... بجد الكلمة دى بيديقنى جدااا هو الأحترام بابنت ولا

الولد هو لو أتقى ربنا فى كل حاااااجة فى خروجو فكلاموو فأفعاالو ميبقاااش راااجل !!!!


دى مثلا صفة مش بحبهااااا


لكن بالنسبة أختى البنوتة الكدب صفة عاااامة بين الجنسين وفى بناات ممكن تقولى عليهم هم

اللى أخترعو الكدب فأنا أعتقد أن الكدب مش بس للشباباب وأيضا الفتياات .......

نعم اختي اليرموق كلامك صح الكذب متبادل بين الجنسين معا .

عايشين في الاكاذيب البنت تكذب على الولد و الولد كمان لذى من الصعب ان تجد من يقول الصدق في زمننا هذا

[بقايا امنية]

انا من رايي ان مش كل الشباب زى بعض وكل واحد لية عيوب مختلفة بس مش بيعجبنى الشاب اللى بيكلم بنات ويقول صداقة محترمة ومش بيعجبنى من يتهاون بحقوق المرأة وبيعجبنى الشخص الملتزم بدينة وبيحافظ على صلاتة
واشكرك لان مواضيعك بتتيح الفرصة للمناقشة

[اليرموق]

نعم اختي اليرموق كلامك صح الكذب متبادل بين الجنسين معا .

عايشين في الاكاذيب البنت تكذب على الولد و الولد كمان لذى من الصعب ان تجد من يقول الصدق في زمننا هذا

لكن أحب أن أوضح لكى جانب أن الكاذبوون أو من يشغفهم حب التسلية فهم لبعض ومع بعض

ما من شاب يخرج مع فتااه خارج الضوابط الشريعة ألا و يجمعهم نفس الصفااات هو كااذب

وأيضاا هى كاااذبة

ويتحقق قول الله تعاالى " الطيبون للطيبات والخبيثون للخبيثات" صدق الله العظيم

انا من رايي ان مش كل الشباب زى بعض وكل واحد لية عيوب مختلفة بس مش بيعجبنى الشاب اللى بيكلم بنات ويقول صداقة محترمة ومش بيعجبنى من يتهاون بحقوق المرأة وبيعجبنى الشخص الملتزم بدينة وبيحافظ على صلاتة
واشكرك لان مواضيعك بتتيح الفرصة للمناقشة

أختى أمنية يوجد لدى تعليق على كلامك

فمثلا أنتى ذكرتى

مش بيعجبنى الشاب اللى بيكلم بنات ويقول صداقة محترمة

الحقيقة من اللى بنشوفوو دلوقتى أصلا لا تسمى بالصداقة ولكن لها مسميات أخرى وهذا ليس موضوعنا

لكن فى دنياا الظلام تجد لدينا شعاع نور يضئ لنا بلأمل وهم الشباب الذى ما زال لديهم

مبادئ ويحرصون على الألتزاام بالحدود التى وضعها لنا ديننا الحنيف


وقال تعالى : ( وإذا سألتموهن متاعاً فسئلوهن من ورآء حجاب ذلكم أطهر لقلوبكم وقلوبهن )
وقال سبحانه وتعالى : ( وقل للمؤمنات يغضضن من أبصرهن )

صدق الله العظيم

ونحن بطبيعة دراستنا لا نستطيع تجنبهم نهائيااااا والعكس ولكن ما علينا سوى الأنضباط بتلك الحدود ولى كلمة أخير فى تلك المسأله أن البنت المسؤال الأول والأخير على طبيعة
علاقتها مع زملائها من الجنس الأخر

[elkorsanelmasre]

اليرموق

طيب الحمد لله ان الجنس الناعم احممم الستات يعنى اعترفت ان الكذب صفه متبدله بين الاتنين الشباب والفتيات ....

هقولك على حاجه طبعا انا مش بتكلم على الشباب الى سهرنين طول اليل في شقق ويروحو الفجر وعيشين كأن العالم بلا اله هو وهبهم الحياه ولهم حساب على افعالهم فبلاش نطرح موضيع زى دى لانى بصراحه مش هعرف اتناقش معاكو فيها ...

ثانيا لو بنتكلم عن الشباب الى عارف ربنا .. ومش متشدد ايون علشان نبقا على نور ...

فا انا مثلا ممكن اسهر عند حد من اصحابي لحد واحده واتنين بليل واروح عادى دى مش اسمها سرمحه ولا قلت ادب لا عادى انا شاب ومحدش يقدر عليا حاجه ....

لكن البنت لاء طبعا احنا في مجتمع شرقي وله عادات وتقليد البنت مينفعش تخرج عنها وبعدين البنت لو اتأخرت بره على ثبيل المثال هتكون عرضه لحوادث احنا في غنا عنها ...

وعلى هذا السبيل في حجات كتير جدا متاحه للراجل او الشاب ومش مسموح بيها للبنات لان البنات ليهم طابع خاص ولهم حياء وعفه لزم تتاخد في الاعتبار ....

وايضا فانا اقبل حجات على نفسي ولا اقبلها على اختى ليه لان اختى مش زى حد ...

طبعا عارف ردك هتقولى ما البنات التانيه ولاد ناس بردوه ...

هقولك هما لو ولاد ناس زى اختى مش هيسمحوا ليا انى اتعدى حدودى ....

يبقا نقول ايه ربايه البنت واصلها اهم حاجه فيها وهيا الى بتحطها في مكنها الصح ....

[elkorsanelmasre]

vierose


عندك حق والهى العظيم انا بشوف ناس في الجامعه بقرف منهم بجد ....

تلقي البنت وقفا لابسا لابس وبتعمل حركات وبتقول كلام ..... اموت واعرف دى عاوزه ايه ..ههههههه

بس مش صعب انك تلاقي حد بيقول الصدق ولا حاجه اصل حسبه بالعقل بسيطه الكذب زى ما بيقولوه ملوش رجلين ....

انا عن نفسي قبل مكذب بتخيل نفسي وانا كذبي اتكشف والموقف المحرج الى هكون فيه اقوم بالع لسانى واعد ساكت لو مكنش عندى حاجه اقولها ....

لو كل الناس عملت كدا الحياه فعلا هتتغير ......

[elkorsanelmasre]

بقايا امنية

اختى الفاضله اختى اليرموق اجابة اجابه وافيه شامله لكى ...

وشكرا على مجملتك الطيفه ....

[elkorsanelmasre]

انا بقا اكتر حاجه بتنرفزنى في البنات انهم بصراحه حشرين اوى ..

ورغين كمان لوكلوك كتير جدا لما الواحد بيجيلوه صداع ......ههههههههههههه

[vierose]

vierose


عندك حق والهى العظيم انا بشوف ناس في الجامعه بقرف منهم بجد ....

تلقي البنت وقفا لابسا لابس وبتعمل حركات وبتقول كلام ..... اموت واعرف دى عاوزه ايه ..ههههههه

بس مش صعب انك تلاقي حد بيقول الصدق ولا حاجه اصل حسبه بالعقل بسيطه الكذب زى ما بيقولوه ملوش رجلين ....

انا عن نفسي قبل مكذب بتخيل نفسي وانا كذبي اتكشف والموقف المحرج الى هكون فيه اقوم بالع لسانى واعد ساكت لو مكنش عندى حاجه اقولها ....

لو كل الناس عملت كدا الحياه فعلا هتتغير ......

و الله اخي القرصان انا ايضا مثلك لا اعرف كيف اكذب .
و اذا كتب علي وكذبت تظهر علي علامات الكذب ههههههه و اصبح مظطرة لقول الحقيقة .....

[eso_eso]

انا بقا اكتر حاجه بتنرفزنى في البنات انهم بصراحه حشرين اوى ..

ورغين كمان لوكلوك كتير جدا لما الواحد بيجيلوه صداع ......ههههههههههههه

هههههههههههه
اكيد مش كل البنات رغاين وكمان مش كلهم حشرين اوي زي ما انت بتقول
بس عموما انا رأي ان الرغي الكتير اوي عمال علي بطال ده بيرجع للفراغ والتفاهه
وده اكيد مش بيبقي عند البنات بس يعني ده بيرجع لشخصيه البني ادم بنت كانت او ولد

[kamal302]

شكراااااااا على الموضوع
انا شخصيا ليست عندي اية ملاحظات على الجنس اللطيف.
لاني صراحة بعض الصفات التي لا احبها و الموجودة في االبنات هي موجودة ايضا عند
الذكور. كما انه لا يجب ان نحكم على فئة من الرجال بسبب نموذج معين من الناس والعكس صحيح.
لانه قانون التعميم قانون باطل.
اماالكذب و النفاق فهي صفة تخص الجنس البشري بالعموم.
و ان شاء الله لي عودة حينما اجد صفة لا احبها في البنت ههههه
تحياتي. :smailes104:

[nemo_spider]

اكتر حاجة بتضايق هى فكرة المساواة بين الراجل و الست
او الولد و البنت
لازم البنات تعرف انه مينفعش يتساوا بالولاد و خصوصا ف حكاية الخروج و الـتأخر برة البيت.

[elkorsanelmasre]

و الله اخي القرصان انا ايضا مثلك لا اعرف كيف اكذب .
و اذا كتب علي وكذبت تظهر علي علامات الكذب ههههههه و اصبح مظطرة لقول الحقيقة .....


ههههههههههههه اهوه انتى في نعمه بقا يعنى وشك فاضحك ....

[elkorsanelmasre]

هههههههههههه
اكيد مش كل البنات رغاين وكمان مش كلهم حشرين اوي زي ما انت بتقول
بس عموما انا رأي ان الرغي الكتير اوي عمال علي بطال ده بيرجع للفراغ والتفاهه
وده اكيد مش بيبقي عند البنات بس يعني ده بيرجع لشخصيه البني ادم بنت كانت او ولد

السلام عليكم

وجه نظرك صائبه eso_eso طبعا مش كل البنات رغين وحشرين بس الاغلبيه منهم كدا فعلا .....

الفضائل والرزائل موجوده في الجنسين طبعا بس احنا بنتكلم على الصفه الغلبه ....

[elkorsanelmasre]

شكراااااااا على الموضوع
انا شخصيا ليست عندي اية ملاحظات على الجنس اللطيف.
لاني صراحة بعض الصفات التي لا احبها و الموجودة في االبنات هي موجودة ايضا عند
الذكور. كما انه لا يجب ان نحكم على فئة من الرجال بسبب نموذج معين من الناس والعكس صحيح.
لانه قانون التعميم قانون باطل.
اماالكذب و النفاق فهي صفة تخص الجنس البشري بالعموم.
و ان شاء الله لي عودة حينما اجد صفة لا احبها في البنت ههههه
تحياتي. :smailes104:



منرو يا غالى وشكرا لاهتمامك بالموضوع ...

معاك طبعا ان قانون التعميم غلط بس لما يبقا عندك مثلا حوالى 80 % من البنات بيحطو مكياخ ويروحوا لكوفير يوميا سعتها نقدر نقول ان البنات كلهم بيحبوا التجمل .... دا على ثبيل المثال يعنى ...

لكن لكل قاعده شواذ طبعا ....

وبجد انا مستنيكى تجيب صفه في البنات اكتر من الشباب .....

[elkorsanelmasre]

اكتر حاجة بتضايق هى فكرة المساواة بين الراجل و الست
او الولد و البنت
لازم البنات تعرف انه مينفعش يتساوا بالولاد و خصوصا ف حكاية الخروج و الـتأخر برة البيت.


معاك طبعا ان البنات مينفعش تتساوى باراجل في كل حاجه ...

فيه اه مثلا عاوزه تشتغل وماله اوكى ...
عاوزه مثلا تخش مجلس الشعب عادى ...
تركب عاديه نو بروبلم ...

لكن ترجع من عند صحبتها الساعه 3 الفجر لاء طبعا بس مهو بردوه الولد عليه مثقوليه في حمايه البيت وحمايه اهلوه والمفروض ميتأخرش هو كمان بره ...الى لوجود ظروف تحتم عليه التأخر بره ...

ومع ذالك برده هيا لو عاوزه تخرج بليل عادى بس مش لوحدها يكون معاها حد يحميها لان المجتمع الوقتى بقا مسعور ...

ربنا يهدينا يارب ...

[اليرموق]

وايضا فانا اقبل حجات على نفسي ولا اقبلها على اختى ليه لان اختى مش زى حد .......

هى دى النقطة بجد مش عارفلها تفسير !!!!!

ماهو بردوو حراام عليك أنك تكلم بنااااااااااااات

ماهو ذنب وهى لو كلمتك نفس الذنب يبقى أية الفرق ؟؟؟؟؟


طبعا عارف ردك هتقولى ما البنات التانيه ولاد ناس بردوه ...

هقولك هما لو ولاد ناس زى اختى مش هيسمحوا ليا انى اتعدى حدودى ....

يبقا نقول ايه ربايه البنت واصلها اهم حاجه فيها وهيا الى بتحطها في مكنها الصح
أنا معااك اللى تعمل كداااااااااا متبقاااااش ولا بنت نااس ولا حاجة

وتستاااهل كل كلام يتقال عليهااااااا وهى اللى جابتو لنفسهااااااااااااا

لكن مفيش فرق بنكو عند ربناااااااااااااااا هى عصت وهو عصى

[اليرموق]

انا بقا اكتر حاجه بتنرفزنى في البنات انهم بصراحه حشرين اوى ..

ورغين كمان لوكلوك كتير جدا لما الواحد بيجيلوه صداع ......ههههههههههههه

عاارف لية مش ندور على السبب الأول

ماهم لوكلوك لية لأنك طوول النهاار فى الشغل بتكلم أصدقائك فى الشغل بتقااابل نااااس وبطلع الطااقة دى معاهم
وعقبال ما بتروحلها بتكون خلصت الطاقة دى ومعندكش أستعداد لأستقبال حاجة تاانية

وهى غالبا الرغايين ما بيكونو من ربات البيوت وبقول غالبا لأن فى منهم طبعا مش عندو الصفة دى

لأن طبعا طول النهار لوحدها منتظرااك فى ميعادك وما بتصدق أنك تيجى

وتفرغ طاقتها فى الرغى معاك أنت وبعدين مكنش الزوج يسمع زوجتو

ويشاركها كل أحوالها مين يسمعهاا بس لما يكونو مخطوبين يتمنى تقعد تتكلم

ليل ونهاار بلا كلل أو ملل

عجبى .!!!!! هذا دفاعى

[اليرموق]

اكتر حاجة بتضايق هى فكرة المساواة بين الراجل و الست
او الولد و البنت
لازم البنات تعرف انه مينفعش يتساوا بالولاد و خصوصا ف حكاية الخروج و الـتأخر برة البيت.


عشان أحنا فمجتمع شرقى ليس ألا
تعالى نسمع كلام الحق رب العزة سبحانه وتعاااالى
فنحن سوااااااااااء

[kamalrohit]

حوار ساخن ههههههههههههههههههه

[return_0]

أنا أظن أن المشكل يكمن في القلب و الحب الحقيقي و الصراحة بين الطرفين و و .........
لا حول ولا قوة إلى بالله لا أستطيع حتى الكلام في هذه المواضيع أنا حقيقتا أريد أن أعرف كيف تستطيعون الكلام في هذه الأمور و أريد أيضا أن تفيدونا كيف تجدون الوقت ل النقاش في هذه الأمور يا ناس أنت أمام الإنترنت يعني ان العالم كله بين يديك و تضيع وقتك في هذه الأمور طالع كتاب إبحث عن معلومة جديدة زد في معلوماتك هذا معقول أما أن تنصب نفسك خبير في العلاقات و تبدا تحلل لنا المشاكل بين الرجل و المرأة و ماتكره المرأة في الرجل والله هذا شيئ غريب جدا . أنا أظن أن كثرة الأفلام هي السبب في هذه الأمور نعم هذا هو لقد سرطنتم عقولكم بهذه الأمور بسبب الإكثار من الأفلام فالأمر طبيعي أنت تتفرج على فيلم ويقوم البطل بخيانة البطلة فتتأثر(لأنك حساس) و تقول "لا يمكن" و لله يجب أن أبحث هذا المشكل الكبير و المصيبة العظمى مع إخواني في برامج نت و الملايين تموت في غزة و الشيشان و العراق و أنتم شغلكم الشاغل ما الذي تكره البنت في الولد . يا رجل تكره تحب و لا عمرها ما حبت و المفيد ما دخلنا نحن ما الذي سيفيدنا نحن معشر القراء .
أنا أعلم أنكم الآن في هذه اللحظة تقولو و الله هذا شخص معقد و متعصب لا يفهم في الحب و الحنان و" دقة قديمة كما يقول إخواننا في سوري"
على كل حال أنا راضي عن نفسي هكذا "و في التعقد حكمة "
وأرجو منكم أن تحاوروني و نجعل النقاش من "ماذا تكره حواء في آدم " إلى "حوار بين شخص قديم و معقد و شخص متفتح و جديد يلمع "
و أنا في انتظار عتابكم

[اليرموق]

أخى سؤال بسيط إلك وما دعاااك لتضيع من وقتك لحواارك معاانا وأنت كما قلت العالم بين يديك يمكنك أن تبحث عن معلوومة ؟


و لله يجب أن أبحث هذا المشكل الكبير و المصيبة العظمى مع إخواني في برامج نت و الملايين تموت في غزة و الشيشان و العراق و أنتم شغلكم الشاغل ما الذي تكره البنت في الولد

وأيضاا على أى أساس أتهامك لمن يدخلوون لمحاورة فى تلك "الأمور" على حد تعبيرك

لا يدرووون بما لا يحدث بعالم وأعتبرت أننا جميعااا "ناس فاضية وبتضيع وقت وخلاص"

مغيبين ومهمشين عن ما يحدث بــ لعااالم .......

الملايين تموت في غزة و الشيشان و العراق

أخى هنا بنفس المنتدى يوجد قسم الأعلامى لمناقشة تلك القضايا

وهنا قسم الشباب يناقشون فية الأمور التى يهوهااا أنفسهم وعن أنفسهم

ولكن ليس مناقشة القضايا السياسية " فلكل مقام مقال "

أنا أعلم أنكم الآن في هذه اللحظة تقولو و الله هذا شخص معقد و متعصب لا يفهم في الحب و الحنان و" دقة قديمة كما يقول إخواننا في سوري"
على كل حال أنا راضي عن نفسي هكذا "و في التعقد حكمة "

وما الحكمة فى التعقد هو عدم تقبل الأخرين ومهاجمتهم كما رأيت منك

كان من الممكن أن تعرض وجهة نظرك بأسلوب لا تهاجم فية غيرك ولا تتهم فية أحد ........

وأن كنت ترفض هذة الأفكاار كان عليك أن تتقبلها أولا وبعد ذالك أن تعرض سلبياتها ....

نجعل النقاش من "ماذا تكره حواء في آدم " إلى "حوار بين شخص قديم و معقد و شخص متفتح و جديد يلمع "

أخى يجب عليك قبل أن تتطرح مثل تلك الفكرة أن تأخذ أذن صاحب الموضوع ولكن

ليس من حقك أن تغير فى الموضووع وأن كان للأصلح من وجهة نظرك فمن الممكن أن تنشأ

موضوع من البداية وعرضة للمناقشة

و أنا في انتظار عتابكم

أخى أنا قد طرحت أسئله عليك للتناقض الذى لاحظتة من كلامك أنك رفضت المحاورة فى هذا

الموضوع وأردت أن تحول الموضوع لفكرة أخرى أعتقد أنها لا تختلف كثيرااااا

وتريد المحاورة فية فهل هذاا لا يضيع من وقتك وهل أنت لست متااابع لما يحدث فى البلاد

الأخرى؟

[return_0]

أخى سؤال بسيط إلك وما دعاااك لتضيع من وقتك لحواارك معاانا وأنت كما قلت العالم بين يديك يمكنك أن تبحث عن معلوومة ؟

و لله أنا نادرا جدا ما أدخل لقسم الشباب لأني لا أستطيع تحمل المواضيع المطروحة فيه و لأن العالم الذي بين يدي أخذ مني كل وقتي . على كل حال أنا شاركت في هذا الحوار لأني سئمت من الوضع و أردت أن أعبر عن رأيي (لأني لم أستطع التحمل ).

أخى هنا بنفس المنتدى يوجد قسم الأعلامى لمناقشة تلك القضايا

وهنا قسم الشباب يناقشون فية الأمور التى يهوهااا أنفسهم وعن أنفسهم

ولكن ليس مناقشة القضايا السياسية " فلكل مقام مقال "

و الله إذا كان مقام قسم الشباب هو "ما تكره البنت في الولد و مايكره الولد في البنت" فهذا سيزيد الطين بلة و تصبح المشكلة مصيبة و لكن بصراحة لقد صدقت لأنه يعبر عن واقع الشباب فعلا .
سأعود معك إلى لب النقاش الذي طرحتموه بينكم , هناك قاعدة مقدسة نعيش عليها أنا و أنت و كل الشباب "إن أكرمكم عند الله أتقاكم " لا يوجد فرق بين البنت و الولد في ميزان الله و يوجد نساء يوزنون عند الله بألف رجل فلب الحوار و صلب الموضوع ليس له معنا و أتحداك لو تثبتيلي العكس و هذا الموضوع و المواضيع التي تشابهه تثير الفتنة بين الرجال و النساء و تبعدهم عن المفيد و هو طاعة الله فالبنت لو أطاعت الله فهي خير من ألف رجل عاصي و العكس . أما أن نتحدث عن الفتات التي تكذب عن الولد و الفتات تقول إن الرجال ليسو بصادقين ثم يأتي آخر ويقول البنات فيهم كذا و كذا .
أرجوك أقنيعيني مالفائدة من هذا الحوار أعطيني الفوائد التي سنستخلصها نحن كقراء و لهذا السبب كتبت ردي السابق أريد أن أفهم ما الفائدة من هذا الحوار .
و الموضع كما قلت لك بسيط لا يحتاج إلى هذا الكم من الكلام لأن ميزان الحكم بين الولد و البنت هو تقوى الله .
خى أنا قد طرحت أسئله عليك للتناقض الذى لاحظتة من كلامك أنك رفضت المحاورة فى هذا

الموضوع وأردت أن تحول الموضوع لفكرة أخرى أعتقد أنها لا تختلف كثيرااااا

وتريد المحاورة فية فهل هذاا لا يضيع من وقتك وهل أنت لست متااابع لما يحدث فى البلاد

أنا لست أضيع في وقتي لأني هنا كناصح و لست هنا كمجادل و لأني أغضب كثيرا عندما أرى مثل هذه المواضيع لأنها لا تمسنا بصلة كمسلمين فشباب الإسلام همهم الوحيد نصرة دينهم و التناصح بينهم , فلو كان هذا الحوار يتكلم عن مشاكل الشباب فعلا (الهجرة, التبعية ل الغرب , مشاكل التوظيف , التسرب المدرسي ...) لكان خيرا لكم و لنا .

و لو أزعجتكم بردي و رأيت أني أضيع في وقتي فهذا هو آخر رد لي على هذا الموضوع .

[اليرموق]

و لله أنا نادرا جدا ما أدخل لقسم الشباب لأني لا أستطيع تحمل المواضيع المطروحة فيه و لأن العالم الذي بين يدي أخذ مني كل وقتي . على كل حال أنا شاركت في هذا الحوار لأني سئمت من الوضع و أردت أن أعبر عن رأيي (لأني لم أستطع التحمل ).

ولما لا تحااول أنت وضع مووضيع مفيدة دون أن تشارك فى موضيع ومهاجمة أصحابها

أخى أنا لا أتحاامل عليك وأعتذر أن كاان أسلوبى قااااسى فى بدااية ردى ولكن الحقيقة دا كاان

رد فعل لردك الساابق وللأتهااماتك التى وجهتهالنا وعلى أسلوب عرض رأيك اللى أستفزنى

جداااااااا أخى الكريم أود أن أوضح لك نقطة أن كنت تحب أن لا تتقبلها فعليك بمحوها من

ذاكرتك ان مثل أتبااع هذا الأسلوب لعرض وجهة نظر لا يفيد فى الحل وسترى من الجميع

يضربون بها عرض الحاااائط ولا يستمعوون لهااا فعليك أن كنت تريد التغير فأبدأ أنت بوضع

تلك الموضوعاات الهااادفة أن كنت تريد عموم الفائدة ولكن أحذر مهاجمة الغير وأن كانت

بدعوى النصيحة فهى بلا فاااائدة ................ ومثلما قلت فى سابق أن لم تتقبلها فكأن شئ

لم يكن ........


و الله إذا كان مقام قسم الشباب هو "ما تكره البنت في الولد و مايكره الولد في البنت" فهذا سيزيد الطين بلة و تصبح المشكلة مصيبة و لكن بصراحة لقد صدقت لأنه يعبر عن واقع الشباب فعلا .

وأيضااا لا تأخذ كلامى على هويتك فلا أقصد بكلامى أن قسم الشباب للتفاهة وتلك الأمور

أن كنت تريد التعديل فأبدأ بنفسك وأعرض وجهة نظرك فى موضوعاتك وأطرحهاا للنقااش



أنا لست أضيع في وقتي لأني هنا كناصح

أخى الكريم أستوقفتنى كلمتك هاااته كثيرااااااا

ناااااصح وهل تعلم مقومات النصيحة الناجحة النصيحة ذاتها فهى "هي إحسان إلى المنصوح بصورة الرحمة له فالنصيحة لها شروط لا بد من تواجدها عند النصيحة، حتى تكون مقبولة ويكون لها أثر في نفس المنصوح.

وأيضاا أريد منك قبل ألقاك للنصيحة أن تتأكد جيداااا من شروط النصيحة فهى هامه جدا للناصح

قبل بدأ نصيحته ...........



و لو أزعجتكم بردي و رأيت أني أضيع في وقتي فهذا هو آخر رد لي على هذا الموضوع

لا يوجد أزااعااج ما دمنا نتكلم دون أتهااام أحد تجهيل أحد فلا يوجد أزعااج

لا... أنا أريد منك حينمااا سمح لك وقتك أن تعرض آرائك ووجهاات نظرك وأفكارك

فتفيد وتستفيد ....... وأأكد عليك دوون مهااااجمة ويارب ماأكون تقلت بكلامى

شكرااااااااا***

[تريسكة]

الصراحة انه الاولاد دائما ما يبدون بالخيانه عندما يشعرون ان البنت ملك لهم فحابه اسأل سبب الخيانه هو الملل ؟ او محبة التغيير؟

[elkorsanelmasre]

أنا أظن أن المشكل يكمن في القلب و الحب الحقيقي و الصراحة بين الطرفين و و .........
لا حول ولا قوة إلى بالله لا أستطيع حتى الكلام في هذه المواضيع أنا حقيقتا أريد أن أعرف كيف تستطيعون الكلام في هذه الأمور و أريد أيضا أن تفيدونا كيف تجدون الوقت ل النقاش في هذه الأمور يا ناس أنت أمام الإنترنت يعني ان العالم كله بين يديك و تضيع وقتك في هذه الأمور طالع كتاب إبحث عن معلومة جديدة زد في معلوماتك هذا معقول أما أن تنصب نفسك خبير في العلاقات و تبدا تحلل لنا المشاكل بين الرجل و المرأة و ماتكره المرأة في الرجل والله هذا شيئ غريب جدا . أنا أظن أن كثرة الأفلام هي السبب في هذه الأمور نعم هذا هو لقد سرطنتم عقولكم بهذه الأمور بسبب الإكثار من الأفلام فالأمر طبيعي أنت تتفرج على فيلم ويقوم البطل بخيانة البطلة فتتأثر(لأنك حساس) و تقول "لا يمكن" و لله يجب أن أبحث هذا المشكل الكبير و المصيبة العظمى مع إخواني في برامج نت و الملايين تموت في غزة و الشيشان و العراق و أنتم شغلكم الشاغل ما الذي تكره البنت في الولد . يا رجل تكره تحب و لا عمرها ما حبت و المفيد ما دخلنا نحن ما الذي سيفيدنا نحن معشر القراء .
أنا أعلم أنكم الآن في هذه اللحظة تقولو و الله هذا شخص معقد و متعصب لا يفهم في الحب و الحنان و" دقة قديمة كما يقول إخواننا في سوري"
على كل حال أنا راضي عن نفسي هكذا "و في التعقد حكمة "
وأرجو منكم أن تحاوروني و نجعل النقاش من "ماذا تكره حواء في آدم " إلى "حوار بين شخص قديم و معقد و شخص متفتح و جديد يلمع "
و أنا في انتظار عتابكم

السلام عليكم

اخى الفاضل return_0اولا شرفت الموضوع بردك الكريم ....

ثانيا : احنا طبعا متعطفينا مع غزه والشيشان و كل مسلم وحد بالله وعرف ان الدين الاسلامى ظهر بالنقاش وحورا العقل مش بالعفيه ولا بحد السيف يعنى العقل ربنا كرمنا بيه وفضلا على سائر المخلوقات ....

ازاى بنقدر نتنقاش .. اهم حاجه احترم وجه نظر الطرف الاخر ومزتهزئش بيها ...

وان كنت حضرتك شايف ان الموضوع مضيعه للوقت فا اسمحلى مكنتش دخلت وقرأت الموضوع وحطيت رد وبعدين انا محطتش نفسي خبير ولا حاجه ومعملتش نفسي قاضي وحكمت على حد ان بطرح موضيع لنقاش .... يعنى موضيع تخاطب العقل المنفتح الاشخاص الى تقدر تجارى الحياه وفي نفس الوقت تتمسك بدينها مش الشخصيه المعقده الى تعد تهاجم الناس بدافع الغيره على الدين وعلى اخونا في العراق وغزه وهما اكتر الناس بتضر بالدين والاسلام بجهلهم ...

وموضع الافلام دا بجد دمك خفيف فيه لانى فعلا انسان حساس ومش بحب اهاجم حد بضلاله ...


وسورى يعنى الى هفيدك ايه لو مش عجبك متقرأوش انتا حر تقرأ الى يعجبك وانا حر اطرح اى موضوع يعجبنى ...

و ليه بتقول على نفسك انك معقد ودقه قديمه ... عموما دى وجه نظرك في نفسك انتا حر فيها بردوه ...

وموضع النقاش دا فا ممكن حضرتك تعمل موضوع تكتب فيه الى يعجبك ...

ومره تانيه واخيره انشا الله انى انا مش مسءول عن شعورك نحيتى دى وجه نظرك وانتا حر فيها لكن انا مسئول عن وجه نظرى في نفسي ... يارب تكون فهمتنى

[elkorsanelmasre]

اختى اليرموق

اولا شكرا على المدفعه عنى في غيابي ..

ثانيا ردودك مع الاستاذ return_0 عجبتنى جدا ....

[elkorsanelmasre]

الصراحة انه الاولاد دائما ما يبدون بالخيانه عندما يشعرون ان البنت ملك لهم فحابه اسأل سبب الخيانه هو الملل ؟ او محبة التغيير؟

اختى تريسكه شكرا لمروك ولنا عاوده انشا الله بس لما الوقت يسمح ...

[ziger]

الموضوع حلو
و الحاجه اللى مش بتعجبنى فى البنات انى بحس ساعات احم احم ان فى بعض غباء شوية
اه فى رجالة أغبياء بس بتظهر فى البنت بوضوح شوية
يعنى لو حصل حاجه و تحاول تفهمها
متفهمش خلاص مخها قفل ان انت غلط

[اليرموق]

جزاك الله كل خيرر أخى قرصاااان ........

وأنت لو فمثل الموقف كنت فعلت أفضل من ذالك ......

الموضوع حلو
و الحاجه اللى مش بتعجبنى فى البنات انى بحس ساعات احم احم ان فى بعض غباء شوية
اه فى رجالة أغبياء بس بتظهر فى البنت بوضوح شوية
يعنى لو حصل حاجه و تحاول تفهمها
متفهمش خلاص مخها قفل ان انت غلط

ههههههههههههه غبــــــاء لأ فى تفسير للنقطة دى بطبيعة الحال

قله أنفتاح البنت على المجتمع مثلما الولد فى تعاملها مع الناااس

فى تحكيمها للأمور وجعلها حاسمة للمواقف فقليل ما تلقى هذا

أن تكون بنت فى هذا الموضــع فغالبـا ما بيكون رجال مما

يجعلهم أكثر أنفتااح وأكثر أحكااام للأمور ....... لكن ليس بغباااااااااااء

ولى عـــــــــودة مرة أخـــرى للمتابعة

[kamal302]

..............
...........و ان شاء الله لي عودة حينما اجد صفة لا احبها في البنت ههههه
تحياتي. :smailes104:


............وبجد انا مستنيك تجيب صفه في البنات اكتر من الشباب .....
و ها انا ذا قد رجعت كما وعدت.
انا الاحظ ان البنات رغم كل مشاعر الحنية و المودة والرحمة اشد عصبية من الرجل.
يعني اكيد الرجل معروف عنه العصبية و الشدة .لكن البنت حينما تغضب لا تسيطر على افعالها و لا تستطيع ان تتحكم في نفسيتها .
و ايضا البنت تحلل الاشياء من خلال احاسيسها اكثر من عقلها.لدى نسمعها تقول في غالب الاحيان.القضية دي حاسة انها.............. او احساسي بيقولي ان........
او انها تقول هذا الموضوع لا احبه لاني بصراحة لا ارتاح له..........
وايضا البنت تنخدع بسرعة للمظاهر وممكن اي واحد يخدع البنت بقليل من المظاهر الكذابة.
واضف الى ذلك ان البنت بدورها تستطيع و بجدارة ان تخدع اشد الرجال .

[angel2200]

موضـــــــوع هــــايـــل قرصــــــــــان ونقــــــــاش اجمـــــــل

[elkorsanelmasre]

و ها انا ذا قد رجعت كما وعدت.
انا الاحظ ان البنات رغم كل مشاعر الحنية و المودة والرحمة اشد عصبية من الرجل.
يعني اكيد الرجل معروف عنه العصبية و الشدة .لكن البنت حينما تغضب لا تسيطر على افعالها و لا تستطيع ان تتحكم في نفسيتها .
و ايضا البنت تحلل الاشياء من خلال احاسيسها اكثر من عقلها.لدى نسمعها تقول في غالب الاحيان.القضية دي حاسة انها.............. او احساسي بيقولي ان........
او انها تقول هذا الموضوع لا احبه لاني بصراحة لا ارتاح له..........
وايضا البنت تنخدع بسرعة للمظاهر وممكن اي واحد يخدع البنت بقليل من المظاهر الكذابة.
واضف الى ذلك ان البنت بدورها تستطيع و بجدارة ان تخدع اشد الرجال .


الله عليك يا kamal302 قولنا انك خطير محدش صدقنا وبجد الموضوع دا انا ملحظوه من زمان ... خطير خطير يعنى مش اى كلام ..هههههههههه

[elkorsanelmasre]

موضـــــــوع هــــايـــل قرصــــــــــان ونقــــــــاش اجمـــــــل



ميرسي يا angel2200 على تشجيعك وعلى رئيك ...