الحريف :: تصميم للأسف أحبطنى

[tarek55]

السلام عليكم ورحمة الله وبركاته
أمامكم تصميم لوحة أعلانية 4 م * 2 م
بس للاسف العميل أحبطنى
وده الحوار اللى دار بينه وبينه
أنا : اتفضل حضرتك ده تصميمك
العميل : ايه ده يا عم الحج
أنا : فيه ايه حضرتك
العميل : فين التصميم ده مش حلو خالص
أنا عايز متش كوره يكون جوه اللوحة
أنا : حضرتك دى لوحة على طريق عام واللوحات اللى زى كده لازم تكون بسيطة
علشان بأقل نظره للوحة يتفهم المقصود منها
العميل : انت هتمشينى على كيفك اعمل اللى قولتلك عليه والا هروح أعملها عند حد تانى
أنا عايزك تحط صورة واحد بيجيب جون وصورة واحد بيرفع أثقال وصورة لاعب تنس
وابقى كتر من صور كرة القدم وزى ما قولتلك أنا عايز متش كورة فى اللوحة
أنا : أبشر . بس أعملى تشكيل للفريق اللى انت عايزه على اللوحه وأنا تحت أمرك
ولك فكره من عندى الوجه التانى من اللوحة نعمله تصميم لنتيجة المباراه .
أو جايز يكون فى ضربات جزاء . المهم ننتظر النتيجة وبعدين نعمل التصميم
................................................
أسف طولت عليكم بس أعذرونى الراجل جابلى احباط
................................................
وده هو التصميم اللى عمل المشكلة . ايه رأيكم

http://i61.photobucket.com/albums/h75/tarek55/001.jpg

[forex man]

تصميم جميل جدا وجماله فى بساطه دى حاجة اسمها علم دلالة

وفعلا عندك حق لازم أى إعلان Out Door

لازم يكون ليه مواصفات خاصة ونسب خاصة جدا

ومقاس الفونت محسوب جدا

والهيرو اللى فى الصورة أقصد البطل بتاعك لازم يكون بسيط وسهل العين تلقطه على الطريق

خاصة لو واحد ماشى سريع مش هيقدر يعرف المنتج او الإعلان دا غير لما يكون سهل وبسيط والعين تقدر تحفظه

وكمان اقترح لصاحبك دا ممكن تعمله لاعب كورة زى هينرى مثلا وتجيب منطقة الرأس بس

وكمان جزء من الراس وتركز على العينين بزووم وطبعا معاها معالجات ضؤية

وتكتب اسم المحل مرة تانية ورقم التليفون

غير كدة هتبقى مهرجان اولمبيات مش محل خالص لوول


ربنا يوفقك يا صاحبى

وعلى فكرة انا بعتلك رسالة على الخاص ياريت تطلع عليا

تحياتى

[أمجـاد]

ما شاء الله عنك اخي
ميدع والتصميم لا كلام عليه

فمن لا يجد دلالة المعنى في هذا التصميم
فلا تهتم لرأيه اطلاقا
واصل اخي الكريم
بالتوفيق

[shaheenlions.eg]

جميل أخى الكريم
و لكن أظن إن الكرة و اللهب الذى يحيطها شكل فيكتور
أنا وجدتهم من قبل
و لكن تصميم رائع و العميل دماغه تعبانة

بالتوفيق

[ahmed355]

لولا اختلاف الأزواق لبارت السلع

[ويني الدبدوب]

رقم الموبايل صغير شوية

بكن تصميم أنيق

[egysamba]

تصميم جميل جدا أخى ولكن لى نقد

اللوحة بسيطة جدا

كنت ممكن تعمل كلمة الحريف 3d مثلا

أو تضبف خلفية رياضة حتى لو بدرجة لونية خفيفة

الكلام على أقل تقدير مفروض يكوت أخضر "رياضى يعنى"

أتمنى أن تتقبل النقد

دمت بود

[koka_top2]

معلش يا عم هو في ناس كتير كده ساعات بيكون ليها طلبات غبيه زيها

بس والله العظيم التصميم تحفه فنيه بجد

ربنا يوفقك

ويوفقني أنا كمان وكل ألي بيشتغل زي وزيك في الشغل ده

KaReEm

[memo62]

تصميم اكثر من رائع والزبون اللى مايفهمش ده سيبك منه ورزقك على الله

[DashCall]

بصراحه أنا لو كنت شفت الاعلان ده ممكن يجي في بالي إنه إعلان عن جريدة رياضية
أو ممكن برنامج تلفزيون
الراجل عنده نقطه مهمة وهي إنك ما أظهرتش فكرة المحل وهي بيع الأدوات الرياضية
هو غبي و ما يفهمش و الاعلان هيطلع شكله ( فلاحي ) بس إنت خلاص مجبر
إقبض منه المعلوم و اعمله اللي هو عايزه .. و أوعى تحط اسمك على اللوحه :)
و على فكره جميل جميل جميل جدا التصميم الأولاني
في مجال الدعايه إنت معرض لكل الافكار .. خليك مرن

[besybunny]

السلام عليكم
بصراحة عندك حق العميل ده صعب قوى
بسم الله ماشاء الله تصميمك حلو جدا و متوفر فيه ميع الشروط

بس المشكله ان فى عملاء كتير مش بيفهموا كدة
هم عايزين الى فى دماغهم و دى مشكله عامة مش مشكلتك انت بس

المفروض اننا نحاول نوصل معاهم لفكر محايد بحيث نطلع تصميم متوفر فيه المواصفات
و احتياجات العميل

اعتقد انك ممكن تحاول تفهمه ان الى بيقولوه ده مش ينفع و يضر بالتصميم
مع انى اشك انه يتقبل ده اصلا

ربنا معاك و يكون فى عونك

انا متابعة ليك شغل كتير بجد بسم الله ماشاء الله عليك
ربنا يكرمك
مش ده العميل الى يجبلك احباط

اختك فى الله