شاب ينوي ترشيح نفسه لرئاسة جمهورية مصر العربية

[بسام_القلوب]

في البداية قد يظن البعض ان الموضوع استظراف او خفة دم ولكني اخذه علي محمل الجد اي ترشح لاي منصب يحتاج دعاية ولكن الدعاية لرئاسة الجمهورية تحتاج لمبالغ مالية كبيرة ولذا قررت في نفسي ان استخدم اي امكانات متاحة لي للدعاية لنفسي لكي ارشح نفسي لرئاسة جمهورية مصر العربية واخدت علي عاتقي ان اجعل من الاسلام دستورا وان اجعل العدل هو سيفي اطيح به بالظالمين والعتاه اتمني ان اكون مثل سيدي عمر بن الخطاب عليه رضوان الله في عدله وان اكون مثل سيدي ابو بكر الصديق في سداد رأيه وان اكون مثل سيدي عثمان بن عفان في حيائه وان اكون مثل سيدي علي بن ابي طالب في حكمته عليهم رضوان الله اجمعين .

هدفي حماية المظلوم واعطاء الحقوق والنهضة بالأمة الاسلامية والعربية .

ولن اقول الا كلمة قالها من هو خير مني خليفة رسول الله صلي الله عليه وسلم " ان احسنت قأعينوني وان اساءت فقوموني "

اخذا علي نفسي عهدا قد اخذه من هو خير مني اني ساضع راسي في التراب حتي ياخذ الضعيف المظلوم حقه وساضع راس القوي الظالم في التراب حتي اخذ الحق منه .

[angel2200]

اولا انتــــا قريت الدستور كووويس وقريت تعديل قانون المادة 76

الى بتقوووووول

ويلزم لقبول الترشيح لرئاسة الجمهورية أن يحظى المتقدم المستقل للترشيح بتأييد ‏250‏ عضواً على الأقل من الأعضاء المنتخبين للمجالس النيابية المنتخبة (الشعب والشورى والمجالس الشعبية المحلية للمحافظات).

ويجب ألا يقل عدد المؤيدين عن ‏65‏ من أعضاء مجلس الشعب، و‏25‏ من أعضاء مجلس الشورى‏، و10 من كل مجلس شعبي محلي للمحافظة من ‏14‏ محافظة على الأقل، واستكمال الـ ‏20‏ الباقين من المجالس النيابية والمحلية.‏


دة كـــــــــدة لو انتا مستقــــــــل وطبعا عمـــــــــر ما حد يعرف يجمع كـــل الاصوات دى
لن بأختصار كل المجالس دى النسبة الكبيــــــــــرة فيهــــــــــــــــا من الحزب الوطنى..

يبقى باقى حــــــــــــل وحيد انك تكون رئيـــــــس لحـــــــــزب معترف بيه من الدولة ولية نشاطات كتيـــــــــــــــــر........................ .

وطبعا دة مش حيحصل .................
يبقى يا برنس تصرف نظر عن الموضوع..............

[Samer Azizi]

السلام عليكم و رحمة الله و بركاته
___________________

الله يوفقك

[mman2005]

في البداية قد يظن البعض ان الموضوع استظراف او خفة دم ولكني اخذه علي محمل الجد اي ترشح لاي منصب يحتاج دعاية ولكن الدعاية لرئاسة الجمهورية تحتاج لمبالغ مالية كبيرة ولذا قررت في نفسي ان استخدم اي امكانات متاحة لي للدعاية لنفسي لكي ارشح نفسي لرئاسة جمهورية مصر العربية واخدت علي عاتقي ان اجعل من الاسلام دستورا وان اجعل العدل هو سيفي اطيح به بالظالمين والعتاه اتمني ان اكون مثل سيدي عمر بن الخطاب عليه رضوان الله في عدله وان اكون مثل سيدي ابو بكر الصديق في سداد رأيه وان اكون مثل سيدي عثمان بن عفان في حيائه وان اكون مثل سيدي علي بن ابي طالب في حكمته عليهم رضوان الله اجمعين .

هدفي حماية المظلوم واعطاء الحقوق والنهضة بالأمة الاسلامية والعربية .

ولن اقول الا كلمة قالها من هو خير مني خليفة رسول الله صلي الله عليه وسلم " ان احسنت قأعينوني وان اساءت فقوموني "

اخذا علي نفسي عهدا قد اخذه من هو خير مني اني ساضع راسي في التراب حتي ياخذ الضعيف المظلوم حقه وساضع راس القوي الظالم في التراب حتي اخذ الحق منه .

بس يا أستاذ بسام هناك الكثير من المعوقات تمنع ترشيحك:
أولا:- معوقات قانونية.
1. صغر سن حضرتك.
2.عدم حصولك على تأييد مجلس الشعب الذى تقع الأغلبية للحزب الوطنى الديمقراطى.
3. عدم حصولك على أية مؤهلات علمية مناسبة على الأقل مؤهل جامعى.
ثانياً:- معوقات خاصة بالنظام.
1. عدم وجود ديمقراطية.
2. عدم معرفة الناس بحضرتك.
3. عدم وجود رصيد لحضرتك لدى الناس فى خدمة الجماهير.
4. إفتقار حضرتك للخبرة السياسية.
5. إفتقار حضرتك للخبرة العملية.

بالإضافة إلى عشرات المعوقات الأخرى... وصدقنى إلى عايز يصلح المجتمع يبتدى بنفسه وبين جيرانه وأصحابه مش يفكر أنه يبقى رئيس جمهورية.. وتخيل حضرتك لو كل واحد صلح من نفسه أكيد هيبقى مننا واحد كوفأ أنه يكون رئيس جمهورية.

يا أخى شيل مسئولية نفسك بس أمام الله يوم القيامة .. صدقنى مسئولية 80 مليون إنسان مش سهلة.. ربنا مش طالب منك إلا نفسك .. وأغلب الحكام الصالحين اللذين وصلوا للحكم لم يسعوا إلى الحكم وكانواه يهربون من الولايه .. ولكن كانت الظروف وضغط المجتمع والشعور بالواجب هو الذى يدفعهم لقبول الولايه رغماً عنهم.. يعنى الحكام الصالحين كان بشر عاديين صالحين فى مجتمعهم وبيخدموا مجتمعهم لوجه الله الكريم.. ولا يسعون للرئاسة.

وصلاحهم ومؤهلاتهم وأعمالهم الخيرية هى التى دفعت الناس فى ظروف تاريخية معينة أن تختارهم.. أو أن الأمة كانت تحتاج لقيادتهم فى ظروف سيئة ولم يكن هناك من هو أفضل منهم لتولى المسئولية.

أما حكاية أنى أرشح نفسى علشان أكون حاكم عادل دى متأخذنيش فيها نوع من حب الذات شوية وطموح شخصى من الممكن أن ينقلب إذا تحقق لك ذلك إلى أن تصبح حاكماً غير عادل.. لأنه لا بد أن تطهر قلبلك من حب السلطة وحب النفس للسعى إلى السلطة وأن تعتبرها مسئولية كبيرة هناك من هو أجدر منك وأكفأ وأعلم على تولى الحكم .. إلا إذا وضعتك الظروف دون رغبة منك فى تولى تلك المسئولية لخدمة الأمة.

[tofaan87]

وانا اول الذين يعطون لك صوتهم

بالتوفيق بالتوفيق

[بسام_القلوب]

اول حاجة اسم الموضوع شاب (ينوي) صحيح انه فيه معوقات بس أي معوقات بس ممكن انها تزلل ان شاء الله .
ثاني حاحة بالنسبة لصغر سني مش مهم لاني لسه دي بداية بالنسبة للاصوات دي ربنا يحلها
ثالث حاجة مفيش حد اتولد عارف كله حاجة يعني لعبة السياسة ممكن الواحد يتعرف عليها وحده وحده بس الفرق بينك وبين الغير لعبك هيكون شكله ايه .
رابع حاجة المؤهل ان شاء الله فات الكتير ومعدش الا القليل .
خامس حاجة كل اللي بعمله محاوله في معرفة الناس بيا
سادس حاجة بالنسبه اللي ممكن اكون غير عادل سيدنا علي لما قبل ما يقتل واحد في المعركه قال الرجل الشهادتين فقتله سيدنا علي ولما حكي للرسول رد عليه الرسول فيما معناه " اشققت قلبه " يعني دي مسالة ذمه وضمير .
سابع حاجة مين اللي قال ان همسكم طول عمري مش يمكن ربنا ياخذ اجلي قبل ما اترشح ويمكن اقلد تجربة ماليزيا "الرئيس محمد مهاتير "
ثامنا بقي يا اخي لو مصر بس انا قدرت احول دستورها الي دستور اسلامي ده يكفني انه اقابل ربي بيه .
اخيرا ليه ديما نفترض الأسوأ ليه مفيش عندنا أي امل ليه اصلا نموت أي حلم يكون في بداية تكونه الامارة مش سهله ولكن ادعو من الله ان يعني عليها دده لو حصل نصيب وبقيت حاجة والظروف احيانا بتحتم حاجة تانية يعني ظروف الامارة اختلفت عن السابق .
جزاكم الله خيرا علي كل النصائح وشكرا علي كل الردود لكل من سمير عزيز وطوفان وممان وانجل )

[fixed]

معلومة بسيطة
ان الدستور بيشترط
في المرشح ان لايقل
عمرة
عن
اربعين
عاما
وشكرا

[بسام_القلوب]

معلومة بسيطة المهم الفكرة
معلومة بسيطة ارادة الشعب ممكن تغير الدستور
معلومة بسيطة النظام ضعيف رغم السيطرة الشرطية
معلومة بسيطة امريكا عايزة النظام موجود ادام بينفز كل اللي تقوله
معلومة بسيطة ادام الراس مش شغال الجسم مش شغال والمعني مع احترامي لجميع الدول العربية والاشقاء العرب مصر تقريبا تعتبر اكبر دولة وادام مصر نايمة الكل .... .
معلومة بسيطة الققراء زادوا عن اللزوم
معلومة بسيطة الشباب كل همه يدور علي ......... مش كلهم طبعا
معلومة بسيطة المصريين مكروهين في كل حته من اول اخواتنا العرب للاجانب متبصوش للحكام
معلومة بسيطة الشعب المصري وصل لحالة الا مبالة
معلومة بسيطة الفقير بيموت لان تمن الدواء معدش يقدر عليه
معلومة بسيطة لو احنا اللي مغيرناش مصر من اللي هيغيرها

[ملك الألعاب 91]

هههههههههههههههههه
و الله أضحكتني يا أخي
لا تعليق

[انسان طيب]

ما قلته
يا اخى هو
باختصار
الحلم المصرى
رئيس مصرى شاب
قوى الشخصيه
متدين
يعتز
بإسلامه
يحكم به
عادل
عونا للفقير والضعيف
وسيفا على الظالم
يعيد للمصرى ومعه لكل العرب
عزتهم التى سلبت منهم
سواء على المستوى المحلى او الدولى
يحمل هموم وطنه ودينه

لا يحنى راسه لا لامريكا ولا لغيرها

يسعى لجعل مصر قوى عظمى
سواء على المستوى الاقتصادى او العسكرى

يتحول الناس فى عهده
من الملاهى
الى المساجد والمصانع
من اللالتفاف حول لاعبى الكره
الى الالتفاف حول العلماء

هذا هو الحلم المصرى ولى عوده
ويمكن انافسك وارشح نفسى انا كمان
انتظرنى فى الانتخابات:smailes58:
ههههههههههههههههه:smailes104:
خلونا نحلم

[SYPHAX77]

وفّقك الله ... و لكن أنصحك بشيء ...
حاول أن تكون ثعلبا مع المبعوثين الامريكيين و الاوربيين و حتى بعض الول العربية و من ورائهم كلّهم المسمّات اسرائيل ...
بما أنّك قد اعلنت عن ترشّحك فحتما سيسارعون بالاتصال بحضرتكم ... فان هم رضوا عنك فلا تخشى شيئا لا معوّقات و لا هم يحزنون و الدستور سيغير حسب مقاسك انت فقط و دون استفتاء للعامّة كما يسمّونهم أعني هنا الشّعب ...
أعني عليك أن توافقهم آراءهم ... هاجم أمريكا ان احببت و عارض سياستها و لكن ... ايّاك ثم اياك ان تتفوّه بشيء يلمح الى شيء من العداء نحو المسمّات اسرائيل ... فهنا مربط الفرس ...
فان أنت قلت شيئا من هذا القبيل فانتظر كشفا للاحكام السابقة بسوابق قضائية موثقة لا تعلمها و لم تخطر على بالك و بآلاف الشهود ضدّك
أتمنّى لك التوفيق :smailes1:

[b6kt]

بالتوفييييييييييييييييييييييييييق

[امير الطيبه]

اخى الكريم الحلم بدايه صعب المنال لكن مادمت عندك ارادة قوية فيكون الحلم حقيقه اخى الكريم اعلم انك الأ، فى مواجهه ضخمه البعض سيكسر مجاديفك والبعض الأخر سيحاولون قتلك صدقنى انا من الناس اللى بيحبوا شباب الطموح لكن ان زاد الشىء عن حده انقلب ضدده فكر فى ان تكون وزيرآ ثم تترقى وهكذا حتى يصل سنك السن المطلوب وتنال الشهره الواسعه فتبدأ بتحقيق حلمك الله معك اخى الكريم واياك والظلم مهما كان وان اصبحت رئيسآ فعينى مساعدك الشخصى ^_^ انا لا امزح فقط حاول طريق الألف ميل يبدأ بخطوه انشاء الله خير اتمنى لك التوفيق ولكل شعب مصر تحياااااتى لك

[بسام_القلوب]

شكرا لكل واحد حاول يساعدني سواء بالتخويف او بالتريقة او بشد العزم بس ليه كلنا منحلمش نبقي رؤساء ان مبقتش انا يبقي عضو بس طبعا يمشي علي جثتي الاول عشان يخادها مني انا انشاء الله هجتهد وهجتهد وهجتهد عشان ابقي رئيس مصر هحاول وهقع هتكسر وهقف اقوي من الاول هحقق العدل وانشر الخير وارجع الحدود هخلي للمسلمين مكادة هساعد العلماء ان شاء الله اعمل كل ده وهدمر الفساد والمفسدين انا مش مغرور سيدنا يوسف لما الملك ساله انت عايز تبقي ايه قاله امين علي مخازن الارض فاني حفيظ مكين بعد كده اصبح يوسف صلي الله عليه وسلم هو عزيز مصر انا هحاول مش هيأس الفرق بيني وبين تكرار المحاولة هي اجل ربنا يجي وان ربنا مأردليش اكون زي ما انا عايز يبقي حاولت وعملت اللي عليه الفرق هل انت عملت اللي عليك ....

**************************** مع تحيات رئيس مصر القادم ان شاء الله
***********************************احمد ( الشهير ببسام )

[youssef100]

أنا من المغرب و اتمنى لك من قلبى بالوصول الى الرئاسة ليس لصورتك بل لافكارك ...فنحن المسلمون و كما هو معروف ...عقدتنا فى حكامنا ...فنحن بحاجة الى حكام حقيقيين و ليس دمى..

نحن بحاجة الى الشباب الطموحين ...فالطغاة فى كل بلد هدفهم الاول تدمير و كسر طموحات الشباب و جعلها مركزة فقط على فروجهم...

[بسام_القلوب]

علي فكرة ارادة الشعب تقدر تعمل اي حاجة بس المشكلة ان معظم الناس سلبين مش بيعملوا ايه حاجة مش بيرضوا حتي يفكروا .. لما قامت في مصر مظاهرات في المصانع من اجل رفع المستوي المعيشي للعامل في غزل المحلة اتظاهر حوالي 48000 عامل خلت الحكومة غصب عنها تعمل اللي الناس عايزها المشكلة الشرارة الاولي من اللي هيضحي بنفسه من اجل الاخرين من اللي هتكسر عشان اللاخرين يقفوا من اللي هيموت عشان الكل يعيش من اللي هيشقي عشان الاخرين يبقوا سعداء علي فكرة لازم يكون فيه تضحيه مفيش حاجة تجي بالساهل لازم البعض يتعب عشان الكل يرتاح ... لازم يكون في مواجهات ان شاء الله تكون سلمية لكن العدل مش هيجي اللي لما احنا نكون مستعدين له .. والظلم مش هيسكت ادام احنا سكتين له ... بس الحق لازم يعود في الاخر لاصحابه حتي لو الظلمه مرديوش بكده .
الكل لازم يكون ايجابي .. ابدا بنفسك قول لواحد جنبك مولع سيجارة لو سمحت اطفيها .. قول لموظف مش شايف شغله ربنا ائتمنك علي مكان لازم تحافظ عليه .
انا يمكن مش اذكي واحد في مصر .. ويمكن مش اقوي واحد في مصر .. لكن باصراري هكون الرئيس .

[dehab]

بالراحة على الشاب يا إخوان كدة عقدتوها قوي والراجل شكله فرحان في الصورة وأصلع حبتين شكله يا ترى بقه إيه دلوقتي ؟

[Samer Azizi]

السلام عليكم و رحمة الله و بركاته
___________________

أبذل كل ما في وسعك و إن شاء الله تتوفق من الله و توصل للرئاسة

آمل أن تتوفق و توصل للرئاسة التي تطمح لها

واحد يفكر و يحلم و يحاول يحقق الحلم , أحسن من 100000 واحد يتظاهر ضد الحكم :)

بالتوفيق إن شاء الله

[xyz_zizo]

اخي وحبيبي
قبل ان تفكر في هذا يجب عليك ان تطبق الاسلام فى نفسك داخليا (ايمانا ) وخارجيا (اسلاما)
فإذا اقمت الاسلام في قلبك وصلحت نفسك صدقنى اخي الحبيب ستصل او سيصل من يقيم شرع الله فى البلاد
واكثر من دعاء اللهم ولي من يصلح

[yasser_x]

[i][u]جدع يا أحمد والله , وانا هرشحك يا عم مفيش مشكلة وأحنا كلنا شباب مع بعض

ولا تيأس وربنا معاك ومعانا كلنا في وجة الفساد والاستبداد الي دمر اي امل في تقدم وطننا ..

أستمر علي بركة الله ومعاك .....

[hunter_men]

وأنا معك يا جدع تستاهل كل الخير بادن الله
وبالرغم من انني لست مصريا الا انني ساشجعك وساساعدك في حملتك ان ترشحت
وأقول لك تابع فهده بداية الطريق وقم ولاتياس ان اوقعتك أو اعترضتك عقبات بداية الطريق
بارك الله بك
ونسأل الله ان ينصر بك الامة
وجازاك الله كل الخير

[mman2005]

بس يا ريس بسام أنا مش بكسر مجاديفك ولا حاجة.. بس لما الواحد يختار طموح المفروض يبقى الطموح منطقى لأن فيه كثير من الطموحات مش منطقية.. وممكن تفنى حياتك على طموح غير منطقى ممكن مش يتحقق أبداً.. الأفضل للك أنك تكون إنسان إيجابى فى الحياه وتحاول تساعد الناس بقدر الإمكان.. ذى محضرتك بتقول لما تشوف واحد بيشرب سيجارة قوله لو سمحت طفيها.. والمفروض إلى ناوى يبقى رئيس جمهورية يخفى توجهاته.. ويكون ثعلب وسياسى.. لأن حضرتك لو فرضنا مثلا حضرتك حققت شعبية كويسة بين الشعب المصرى.. وبأفكارك دى حبيت ترشح نفسك لرئاسة الجمهورية.. طبعاً عندك الموساد وأمريكا والغرب حتى لو نجحت مثلا فى الإنتخابات وبقيت رئيس جمهورية مصر العربية هتلاقى تحالف دولى ضد مصر.. وحظر إقتصادى.. وممكن تلاقى عملية عسكرية ضد مصر.. ساعتها أنت داخل حرب بلدك مس متعدلها خالص..

العملية مش عبارة عن عنتيريات وأنا هبقى الفاروق عمر وأطبق الشريعة الإسلامية وهكسر الدنيا.. العملية عقل وسياسة وتدريج .. عمر أبداً ما واحد هيكون أهدافه تطبيق الشريعة الإسلامية وهينساب فى حاله.. ده إذ

[mman2005]

العملية مش عبارة عن عنتيريات وأنا هبقى الفاروق عمر وأطبق الشريعة الإسلامية وهكسر الدنيا.. العملية عقل وسياسة وتدريج .. عمر أبداً ما واحد هيكون أهدافه تطبيق الشريعة الإسلامية وهينساب فى حاله.. ده إذ متعرضتش لمحاولة إغتيال.. فيه ناس كثير زيك وكانوا حكام زى ضياء الحق فى باكستان وبمجرد إعلانه أنه هيطبق الشريعة الإسلامية أغتيل.. والسادات برده لما فكر فى الموضوع ده تم إغتياله..

يعنى الموضوع محتاج لذكاء.. هتقولى الأعمار بيد الله.. أقولك أعقلها وتوكل.. والإسلام لما جه مش أطبق فى يوم وليلة والخمرة لما أتحرمت مش أتحرمت فى يوم وليلة.. يعنى العملية تدريج وذكاء وحنكة سياسية وليس شعارات رنانة.

[mman2005]

أنا بالنسبالى يا سيدى لو أتيحت لى رئاسة مصر هقوى علاقتى بالأمريكان والعلاقة مع إسرائيل هتفضل زى ما هى .. ومش هطبق الشريعة الإسلامية فوراً.. ولكن هركز أولاً على بناء قوة مصر الزراعية والصناعية والتجارية والعلمية والعسكرية.. وأبتدى أقضى على الفساد بالتدريج.. وأحاول أستفاد بعلاقتى بأمريكا لنقل التكنولوجيا وأحاول أستفاد بالسلام مع إسرائيل فى تقوية الجيش والإقتصاد.. وبعدين لما مصر تبقى مهيئة إقتصادياًُ وعسكريا لمواجهة أى ضغوط أبقى أبتدى فى تطبيق الشريعة بالتدريج وبدون أنى أستفز أى حد.. ولما يبقى فيه ديمقراطية حقيقية فى البلد ومجلس شعب منتخب الشعب هو إلى هيبقى ليه الإختيار فى تطبيق الشريعة الإسلامية عن طريق مجلس الشعب.

[بسام_القلوب]

شكرا علي كل الردود لان دي ايجابية مش سلبيه لكن انا مقتصدش حد بعينه علي تكيسر مجاديف الواحد . بالنسبة للتسيس اعتقد دي تيجي بعدين لكن انا اقصد حاجة معينة وهي الناس اللي جوه الاول تاني حاجة نفترض ان مت انا مش هقولك ان مش خايف علي عمري لا انا خايف زي اي حد وبحب الحياه ومش بحب الموت لكن لو مت اصبحت عند ربي ان شاء الله شهيد وهتلاقي واحد احسن مني ياخد المنصب ده ويوجهه احسن مني .
قبل ما اعمل فكرة الدعاية دي كنت بكلم زمايلي واحد فيهم قالي علي فكرة انتا سياسي فاشل لانك بتقول انا هعمل وهعمل لان السياسي مش بيبن توجهاته بس انا برض عليه دلوقت وبفوله اني ده مش فشل في نظري والدليل علي كده ان فيه ناس مشتاه للحقيقة طبيعتي مش السياسة انت ممكن تكون معترض علي وجهة النظر دي .. بالنظر مثلا لتجربة الصين.. عندك الصين سنت قوانين شديدة اقصد حطت عقوبات رادعة مع انها مش مسلمة بس عرفت الشعب يعني ايه حدود .. دلوقت شوف اي بيت لا يخلو من حاجة من البلد دي .. ده توجه الدولة .. انت قصدك الدول الكبيرة القوية الاستعمارية مش هتسمح لنا باي حاجة .. ممكن ده يحصل مع اي رئيس موجود دلوقت .. الفرق ارادة الشعب .. و فاهم قصدك والله وشكرا علي النصيحية واتأكد اني هتسفيد منها ان شاء الله ..
علي فكرة العملية مش عنتزيات .. العملية مبدا ولكي تكون سياسي لازم تكون خبيث انت ممكن بسياستك تخلي الناس تفرضك علي السلطة .

وعلي فكرة انا مقلتش اني هحارب اسرائيل وامريكا والدول الكبيرة دي انا هحارب من جوه اول حاجة وبعدين افكر نعمل ايه انا مش همشي كده بالبركة ان شاء الله تكون فيه خطط موضوعة للمستقبل

[اكرم كوردي]

المهمات الكبيرة تبدأ بحلم صغير و طموح مشروع
و الامر يستلزم متابعة الطريق و الانتصار على المعوقات مع وجود ارادة فولاذية

بالتوفيق ان شاء الله يا رئيس مصر القادم
( بس لا تنسانا ها ,,,اذا صرت رئيس )

[امير الطيبه]

اخى الكريم استمر ونحن معك لا تسمع من يحاول ان يحبطك بس اكمل وانشاء الله خير بس نصيحتى كما قلت لك قبلآ متكنش رئيس كده علطول لأن فى من سيعارضك بشده استمر بخطوات قليله تذكر طريق الألف ميل يبدأ بخطوه الله معك تحياتى

[mo3adz]

خخخخخخخخخخ وييييين انسيتوا ابنو المحترم ؟؟؟؟؟؟؟ كالعادة الرئيس ( جلالة الملك المبجل حضرة الرئيس مبارك . والله حرام الرصاصة بيك بكفي مشكلة الحجاج يا ..) بيفطس بفراشوا وبوريث لابنوا كالعادة .... بس احنا الفلسطينية الوحدين اللي ما عنا هيك والحمد لله !!!!!

[dehab]

أنا بالنسبالى يا سيدى لو أتيحت لى رئاسة مصر هقوى علاقتى بالأمريكان والعلاقة مع إسرائيل هتفضل زى ما هى .. ومش هطبق الشريعة الإسلامية فوراً.. ولكن هركز أولاً على بناء قوة مصر الزراعية والصناعية والتجارية والعلمية والعسكرية.. وأبتدى أقضى على الفساد بالتدريج.. وأحاول أستفاد بعلاقتى بأمريكا لنقل التكنولوجيا وأحاول أستفاد بالسلام مع إسرائيل فى تقوية الجيش والإقتصاد.. وبعدين لما مصر تبقى مهيئة إقتصادياًُ وعسكريا لمواجهة أى ضغوط أبقى أبتدى فى تطبيق الشريعة بالتدريج وبدون أنى أستفز أى حد.. ولما يبقى فيه ديمقراطية حقيقية فى البلد ومجلس شعب منتخب الشعب هو إلى هيبقى ليه الإختيار فى تطبيق الشريعة الإسلامية عن طريق مجلس الشعب.


أول القصيدة كفر تقوي علاقتك بالأمريكان ؟
أول حاجة تعملها بمجرد فوزك - لا سمح الله - هو غلق منافذ مصر حتى لا يهرب الحيتان بالمليارات
ثانيا تنظم انتخابات مجلس شعب نزيهة ومجلس شورى ومجلس قضاة الدستورية العليا
ثاثا تترك الشعب يحكم نفسه بنفسه
يعنى علاقته بأمريكا وما يسمى بإسرائيل والمعاهدات والعلاقات الدولية وتطبيق الشريعة

إذا ده حصل هتشوف دولة قوية جدا جدا جدا

[بسام_القلوب]

السلام عليكم ورحمة الله ايها الشعب ( مش انا الريس بقي ) خلاص كفاية كده عشان الواحد فكر نفسه بقي رئيس بجد .

الكلام اللي هقوله ده مش انشاء يعني مش هرتله ولا هبل لاني رجل تربوي ( يعني هبقي مدرس )
1- نهضة الامم تعتمد علي العلم وللاسف معدشي عندنا اي علوم كل علومنا اصبحت نقل وليست ابداع وابتكار لذا اذا غديت رئيس ان شاء الله ( من بقي للباب السماء ) ساهتم بالتعليم كغام و بالبعثات العلمية كخاص .
2- ساهتم ان شاء الله بالحقوق .
3- ساقتل الواسطة باذن الله تعالي
دول من ضمن البرنامج الانتخابي

[mman2005]

أول القصيدة كفر تقوي علاقتك بالأمريكان ؟
أول حاجة تعملها بمجرد فوزك - لا سمح الله - هو غلق منافذ مصر حتى لا يهرب الحيتان بالمليارات
ثانيا تنظم انتخابات مجلس شعب نزيهة ومجلس شورى ومجلس قضاة الدستورية العليا
ثاثا تترك الشعب يحكم نفسه بنفسه
يعنى علاقته بأمريكا وما يسمى بإسرائيل والمعاهدات والعلاقات الدولية وتطبيق الشريعة

إذا ده حصل هتشوف دولة قوية جدا جدا جدا

أستاذى أول القصيدة مش كفر ولا حاجة ..ولا سمح الله مين إلى قالك أنى أحب أكون رئيس أو مسئول.. أمريكا شئنا أم أبينا قوى عظمى.. الصين إلى أقوى منا 1000 مرة بتعمل حساب أمريكا.. لكن بتحافظ على مصالحها قدام أمريكا.. والصين من الممكن أنها تعلن الحرب على تايوان علشان تضمها بإعتبارها جزء منها.. ومع ذلك بتتبع سياسة غير متهورة فى هذا الموضوع.. وعندك الشعب المصرى إلى بتنتشر فيه الأمية والمرض والفساد.. والإقتصاد المصرى الضعيف.. وغذائنا إلى معظمه بنستورده من بره.. لو الشعب قال لا لأمريكا تقدر تقولى النتيجة هتكون إيه؟؟؟؟

الشعب العراقى تعرض لحصار 13 سنة وفى الآخر تم غزوه.. مصر محتاجة واحد يبنيها الأول عشر سنين على الأقل على ما تقدر تقف على رجليها ويبقى عندها إرادة حرة.. وللأسف الشديد إحنا كشعب سلبى جداً وعن تجارب حقيقية فى الواقع نحن شعب نخاف من التضحية وحب الدنيا تملكتنا إلى أقصى درجة.. والشعب ترعرع على الفساد والسلبية وعدم اللا مبالاه .. وللأسف الشعب يحتاج إلى وقت لإعادة تأهيله وغرز مفاهيم جديدة لديه.. وأنا أقول لحضرتك أننا كشعب نعتبر المسئول الأول لإنتشار الفساد فى المجتمع وبأن يحكمنا حكامنا..

نرجع لموضوع أمريكا.. حضرتك بتقول العلاقات مع أمريكا.. حضرتك تعرف الصين بتواجه أمريكا أزاى؟؟؟؟

عن طريق الصادرات.. الميزان التجارى للصين مع أمريكا لصالح الصين.. فلتتعامل مع أمريكا ولتستفيد منها ومن أسواقها وتكنولوجياتها.. لكنك لو قطعت العلاقات معها فلن تستطيع أستخدام نظام الويندوز الذى تستخدمه حضرتك الآن..

أما بالنسبة لمعاهدة السلام مع إسرائيل.. لو تم إلغاؤها ومصر غير مستعدة فسوف تكون النتيجة نكسة أسوأ من نكسة 67 .. ولا حضرتك عايز العرب يحاربو ويحرروا فلسطين حتى آخر جندى مصرى؟؟؟

أما بالنسبة لغلق منافذ مصر حتى لا يهرب الحيتان بالمليارات.. فللأسف هذه المليارات أغلبها فى الخارج وتحتاج إلى جهود من أجل إستعادتها .. ولكن هؤلاء الحيتان سوف يقدموا للمحاكمة وسوف توقع عليهم أشد العقوبات...

أما بخصوص إنتخابات مجلس شعب نزيهة فأنا أوافقك عليها.. وبخصوص أن أترك الشعب يحكم نفسه بنفسه.. فالرئيس له صلاحيات.. ومجلس الشعب له صلاحيات.. ومجلس الشعب سوف يكون له صلاحيات فى محاربة الفساد وسحب الثقة والتصويت على القرارات والقوانين.. لكن مصر تحتاج حاكم قوى يكون عادل لأن الشعب المصرى للأسف تعود أن يكون الحاكم قوياً وليس ضعيفاً.. وتعود أن لا يعمل الصح من تلقاء نفسه إلا إذا وجد العقاب وسوف أضرب لك مثال.. لو أى مكان فى مصر مفهوش حد قوى بيظبط الأمور فيه هتلاقى الدنيا بقت فوضى.. لأننا فى مصر للأسف مش بنلتزم بالقانون إلا إذا كان فيه عقاب شديد للمخالف.

وصدقنى الشعب المصرى محتاج ديكتاتور عادل زى محمد مهاتير لأننا شعب فرعونى.. والحاكم ده على شدته وقوته يكون عادل ويدى الشعب حقه.

مش معنى أننا محتاجين ديكتاتور عادل يحكمنا أنه يجى يزور إنتخابات مجلس الشعب .. ولكن قصدى أنه يكون قوى وأى واحد مقصر يوقع عليه العقاب.. ويبقى فيه قانون بيطبق على الكل الصغير والكبير.

[RoGeRs]

معلومة بسيطة المهم الفكرة

معلومة بسيطة ارادة الشعب ممكن تغير الدستور
معلومة بسيطة النظام ضعيف رغم السيطرة الشرطية
معلومة بسيطة امريكا عايزة النظام موجود ادام بينفز كل اللي تقوله
معلومة بسيطة ادام الراس مش شغال الجسم مش شغال والمعني مع احترامي لجميع الدول العربية والاشقاء العرب مصر تقريبا تعتبر اكبر دولة وادام مصر نايمة الكل .... .
معلومة بسيطة الققراء زادوا عن اللزوم
معلومة بسيطة الشباب كل همه يدور علي ......... مش كلهم طبعا
معلومة بسيطة المصريين مكروهين في كل حته من اول اخواتنا العرب للاجانب متبصوش للحكام
معلومة بسيطة الشعب المصري وصل لحالة الا مبالة
معلومة بسيطة الفقير بيموت لان تمن الدواء معدش يقدر عليه

معلومة بسيطة لو احنا اللي مغيرناش مصر من اللي هيغيرها


هل أنت مدرك لمدى قذارة السياسة؟؟

لو أردت أن تكون سياسياً في عالمنا يجب أن تنهي لعبة (السياسة و الكذب) لو ختمتها و رضى عنك أقطاب العالم من الحكام ربما نشهدك رئيساً لمصر
في خلاف ذلك لن تصل لمنصب معاون وزير ..

[islamicboy]

ربنا يوفقك يا بسام يا حبيبي ...

حسب معرفتي الشخصية بك ...

فلديك ارادة تكفي لها ...

و لكن يلزمك المزيد من تطوير الذات ...

و تطوير المهارات و الخبرات ....

و ربنا يوفقك يا رب ..

[بسام_القلوب]

يبدو ان موضوع الرئاسة ده مش جايب همه
اود ان اشكر كل من شارك في الموضوع
شكر خاص للسيد اسلام بوي لانك بتمدح مدح ارجو ان اكون جزء بسيط منه وللمعرفة اسلام بوي هوه صاحب مدونة انس بن مالك اللي هي من 100 اشهر مدونة في العالم علي اخر ما سمعت من مصدر موثوق

بالنسبة لي السياسة الداخلية ان شاء الله مش هتكون فيها غش وهتعتمد علي الصدق التام
ربنا يسهل في السياسة الخارجية

ان عجباني تجربة الصين مع اختلافي معاها طبعا بس اكتر حاجة عجباني هي انكار الذات عندهم

القوه عندي هي اخذ الحق من الظالم وواعطائه للمظلوم
الاهتمام بالدين والتعليم هم من اكثر الاشياء اهمية عندي ان شاء الله .

يبدو ان السياسة اليومين دو بقت رزله
بوش بعد ضرب العرب والمسلمين جاي (يظورهم) بالظاء مش بالزي... شوفة خفة الدم
فرنسا عايزه تعمل اي حاجة فعملت اتفاقية طاقة نووية مع مصر والامارات... رزق
اما مصر الحديد فيها مولع يعني دلوقتي وانت رايح تجيب الشبكة هتها حديد لانه وصل 4600 جنيه مصري ...الحمد لله انه مش بالدولار او اليورو

[mr-the_____falcon]

كل شيء جايز
وليه لا ... طيب ما ايمن نور كان شاب جامعي زيك برضو وعندو طموح زيك

بس فيه حاجة .. متنساش تعمللك حزب .. وكمان تكوين حزب او حركة بالنسبة لك شيء سهل
لانك جامعي وطلاب الجامعة لهم ادوار كبيرة في الاحزاب السياسية او الحركات عموما

بس لازم يكون عندك اهم صفة .. انك تكون عندك موهبة الاقناع والخطابة

[بسام_القلوب]

الخطابة والاقناع دي بتيجي عن طريق الممارسة .. عندك مثلا اوباما في امريكا اللي مخليه في المرتبة الاولي في امريكا انه لجنة النظامية جامدة جدا ... والخطابة .. ودي اكتسابها لما كان عنده 24 سنه لانه كان بيخدم المجتمع تبع جمعية وكان يتردد علي المنازل لاقناع الغير بفكره الجمعية مما اكسبته باللممارسة الخطابة ..

اهم حاجة لازم تتوافر في الرئيس هي القيادة ودي موهبة + اثقال للموهبة .
للقائد سمات وصفات بتسم بها :
1- سمات جسمية : حبث يكون اكثر حيوية واكثر نشاط من اتباعه
2- له اخساس بالمشكلات
3- له قدرة علي الاقناع
4- اقامة علاقات ناجحة مع الاخرين
5- مثابر
6- متحمل للمشقة
7- متزن وجدانيا
8- فطن - جديد الوعي - محب للتعليم
9 - معتدلا عن طلب الملذات
10 - محبا للجميع - عدلا - قوي العزيمة
11- حسن المظهر - يحافظ علي الوقت
12 - الامانة حسن السمعة
انا جايب الحجات دي من كتاب علم النفس الاجتماعي " مصدر موثوق " بدرسة في الكلية

[mr-the_____falcon]

عظيم .. بس اسالك سؤال :
ايه الي انت قدمتو للشعب وا خدمت الشعب في ايه ؟؟؟ ... وهل عندك السمعة والشهرة الكافية للبدء في المسيرة؟؟ ... هل بدأت بتأسيس حركة سياسية؟؟؟

[moorafun]

يا عم و الله قدم نفسك و حنا ان شاء الله معاك معاك عمر تجارة انجلش عين شمس
اهم حاجة بس متنساش ((((((((عمر))))))))) و شوفلي الكرسي بقي بتاع رئيس الوزراء مش اقل منكدة انا بقلك اهو

[عاصم ابوندي]

الموضوع كبر في دماغ اخونا المرشح لرئاسة الجمهورية!!!
طيب مافيش مانع انا هعطيك صوتي ... وها صوط او هاصوت او مش عارف ؟؟؟
المهم تعرف مين المرشح امامك في انتخبات الرئاسة القادمة
نفترض انك عشرين او خمسة وعشرين حلو
يعني الانخبات القادمة هتكون بعد قول اربع سنين
وكمان ستة
بقو عشرة
وكمان ستة
بقوا ستة عشر
وكمان ستة
بقوااااااااااااااااااااااااااااااااااااااااااااااا ااااااااااااااا
يامين يعيش!!!
وكلام والسلام

[بسام_القلوب]

ادعلي بس يعم الحج ان ربنا يطول في عمري عشان الحق ويمكن الدستور يتغير ( قول يارب )
ومش يمكن اصلا ملحقش اكتب الموضوع الجاي في برامج نت علي راي اللي قال مش عارف والله الموت اقربلي ولا امن الدولة .
لو مت طبيعي ان شاء الله ادخل الجنة قول امين ( امين ) ولو مت بصدفة ( قصدي يعني ) اخونا اياهم ان شاء الله هدخل الجنة قول امين ( امين ).
ولو عشت مش هسيب الكرسي لحد وانا والزمن علي شعب مصر .
ومش هقدر اقولكم الا زي ما قال محمد صبحي في مسرحية تخاريف " ايها المواطن هل انت من المؤيدين لحكمي وحكومتي تابدا مطلقا ام انك من المعارضين لقدر الله "
" تكلم .. اتكلم يا بن الشعب .. اتكلم يا بن الشعب .. ربنا عارف اللي في ضميري "
بس ان شاء الله اللي في ضميري خير للشعب المصري .

بالنسبه لكرسي الوزراء ربك يسهلها بس احنا مش بنوزع لحمة يا عم الحاج .

اما حكاية انا قدمت ايه للشعب : فالرئيس مبارك قدم ايه الحرب ده كان واجب عليه وهو ما ابدعش ده فيه خطه ونفزها .
نعمان جمعة بتاع الوفد اللي اطرد قدم ايه للشعب .
ايمن نور قد ايه للشعب .

بالنسبه لي انا ( واعوذ بالله من كلمة انا ) بقدم اكبر حاجة للشعب في الدنيا "شريعة الله" اظن مفيش احسن من كده لما ان شاء الله احكم الناس بالعدل .

قدمت للناس " الأمل " ايوه الامل اللي مات في قلوبهم وان شاء الله رايح احيه من تاني .
هقدم للناس العدل المطلق اللي مش موجود حتي في امريكا وان شاء الله يكون لي في سيدي عمر بن الخطاب اسوه حسته وكذلك حفيده سيدي عمر بن عبدالعزيز كذلك .

ان كنت مش شايفهم كفاية .. العبدلله شايفهم كفاية .. ويمكن الشعب يدعمني و ان شاء الله هظبط التعليم والصناعة .

السوال حقته يتعكس اللي موجود في الحكم يبقدم ايه للشعب !!!!

والسلام عليكم ورحمة الله وبركاته ...

[L O R D]

بسام باشا احيك على الطموح القوى والعزيمة الشبابية ربنا يوفقك ومتخفش يعم اخونا ايهم مش هيهيكلموك ولا هيبصولك كمان ابسط يعم يعنى هتعرف تشتغل على رحتك بس يعم مش هينفع حكاية الترشيح ديه لان مصر رجعت نظام الوراثة عايز الحل شوف جمال عبد الناصر ازاى استفاد من كل العوامل اللى ادت الى الانقلاب (ثورة 56)واطاحة النظام الحاكم وعلى العموم ربنا يوفئك متنسنيش بقى انا عايز كرسى مستشار رئيس الجمهورية علشان نلعب صح الصح

[السحاب الصافى]

انا من اول المؤيدين مع انى عمرى مارحت انتخبات فى حياتى بس بوعدك لو لقيتك مرشح نفسك هنتخبك وكل اللى ليهم علاقة بيا هخليهم ينتخبوك وادى يا سيدى ضمنت حواى 100صوت من عندى...
ربنا معاك بس ياريت لما توصل فكرك ميتغيرش وتغرك الدنيا ويغرك الكرسى لانهم يابنى عاملين زى السحر بيخطفو العقل

معاك الله مرة تانية وتالتة و200000000000الف مرة

[moorafun]

ادعلي بس يعم الحج ان ربنا يطول في عمري عشان الحق ويمكن الدستور يتغير ( قول يارب )
ومش يمكن اصلا ملحقش اكتب الموضوع الجاي في برامج نت علي راي اللي قال مش عارف والله الموت اقربلي ولا امن الدولة .
لو مت طبيعي ان شاء الله ادخل الجنة قول امين ( امين ) ولو مت بصدفة ( قصدي يعني ) اخونا اياهم ان شاء الله هدخل الجنة قول امين ( امين ).
ولو عشت مش هسيب الكرسي لحد وانا والزمن علي شعب مصر .
ومش هقدر اقولكم الا زي ما قال محمد صبحي في مسرحية تخاريف " ايها المواطن هل انت من المؤيدين لحكمي وحكومتي ام انك من المعارضين لقدر الله "
" تكلم .. تكلم يا بن الشعب .. تكلم يا بن الشعب .. والله يعلم ما في قلبي "
بس ان شاء الله اللي في قلبي خير للشعب المصري .

بالنسبه لكرسي الوزراء ربك يسهلها بس احنا مش بنوزع لحمة يا عم الحاج .

اما حكاية انا قدمت ايه للشعب : فالرئيس مبارك قدم ايه الحرب ده كان واجب عليه وهو ما ابدعش ده فيه خطه ونفزها .
نعمان جمعة بتاع الوفد اللي اطرد قدم ايه للشعب .
ايمن نور قد ايه للشعب .

بالنسبه لي انا ( واعوذ بالله من كلمة انا ) بقدم اكبر حاجة للشعب في الدنيا "شريعة الله" اظن مفيش احسن من كده لما ان شاء الله احكم الناس بالعدل .

قدمت للناس " الأمل " ايوه الامل اللي مات في قلوبهم وان شاء الله رايح احيه من تاني .
هقدم للناس العدل المطلق اللي مش موجود حتي في امريكا وان شاء الله يكون لي في سيدي عمر بن الخطاب اسوه حسته وكذلك حفيده سيدي عمر بن عبدالعزيز كذلك .

ان كنت مش شايفهم كفاية .. العبدلله شايفهم كفاية .. ويمكن الشعب يدعمني و ان شاء الله هظبط التعليم والصناعة .

السوال حقته يتعكس اللي موجود في الحكم يبقدم ايه للشعب !!!!

والسلام عليكم ورحمة الله وبركاته ...

علي فكرة والله انا كنت بقولك انا عايز كرسي رئيس الوزراء وكدة بس انا كنت بهزر لاني فاكرك انت كمان بتهزر لكن والله لو الفكرة دة فعلا تطبقها و تاخذها بمحمل الجد فانا من اول المؤيدين لها و لك لان في راي ان شاب مثلي هو من يستطيع ان يشعر بمشاكلي ان شاء الله و كمان عايز اقلك خد الموضوع بجد و علي فكرة هتتعب و هتتبهدل انا اسف اني اقلك كدة لكن اعلم ان (يوسف حكم مصر بعد ان سجن فيها) و ربنا يكرمك بجد ....
طبعا انا عارف ان اخونا اياهم هيخبطوا علي دلوقتي .:smailes99:
لكن و الله انا فعلا عجباني الفكرة

[عاصم ابوندي]

:nut: بالروح بالدم نفديك يابسام
يابسام اهلا بيك شعب مصر بيحيك:smailes27:
بالطول بالعرضهانجيب ؟؟؟؟ الارض:smailes40:
يابسام يابسام شوف الاكل بقي بكام
اوع طروح اوع تجيب ده بسام اغلي حبيب:smailes18:
:smailes28: :nut: :smailes94: :smailes91:

[عاصم ابوندي]

اللهم اغفر للمسلمين والمسلمات الاحياء منهم والاموات

[مودى الساعى]

ربنا يوفقك إنشاء الله
بصراحة أنا أى حد غير حسنى مبارك أو حتى من آل مبارك أكيد حأيده
بالتوفيق

[بسام_القلوب]

هحكي حكايه صغنطوطه
سيدنا عثمان قالها في يوم طلع علي المنبر لكي يخطب " الجمعة يعني " واذا به لم يفتح الله عليه بشئ فقال في البداية عما اتذكر " الحمد لله .. الحمد لله .. الحمد لله .فلم يفتح الله عليه بشئ يقوله فقال للناس الله اكبر .. الله اكبر ... الله اكبر .... فلم يفتح الله عليه بشئ يقوله ..... فقال " اتريدون إماما فعالا ام قوالا .. اقم الصلاة " وكانت هذه من ابلغ الخطب في التاريخ كله وكل ما اريد ان اقوله .

اتريدون إماما فعالا ام قولاً

[mohamed4385]

المستحيل لا شيئ اخي

اتمنى لك تحقيق حلمك

[sosinano]

السلام عليكم أخي الكريم،،،
ولنكون واقعين بعض الشيء....
المشكلة ليست في الوصول الى الرئاسة وإنما بالحفاظ عليها...
فالمشكلة ببساطة عندما تصبح رئيس(إن شاء الله) وتلغي الملاهي والخمارات والرقص والغناء وتفرض الصلاة والزكاة( يا عيني على الزكاة) بعتقد الزكاة هي أكبر سبب سوف يؤدي الى الإطاحة بك. وذلك لأن حرامية البلد بعيد عنك لن يستسيغوا فكرة الزكاة ويثوروا عليك...
فالوعي الكافي عند الناس مازال مفقودا فلن يتقبلوا فكرة أن يحكمهم شخص يمشي الدين بالقوة...
وبالتوفيق...

[dehab]

وماذا ستحكم بالكتاب والسنة أم بغيرهما ؟

[بسام_القلوب]

السلام عليكم اخوتي واخواتي في الله اذا اصبحت الشريعة الالهية هي القانون وكان الشعب هو الذي اختار ذلك ( وسيختارها باذن الله املا في سواد العدل و لاحقاق الحقوق ) اذا تم رفضي من زمرة من الناس ستم اختار بديل من الشعب يسير علي نفس المنهج .

ولكن علينا اخي تعديل الفتاوي لان الفتوي تتغير بتغير الزمان والمكان و ليس تعديل الشريعه لان الشريعة ثابته ولو تغير الزمان والمكان .

بالنسبة لبعض الاخوه العبدلله قال من قبل ان كتاب الله وسنة رسوله هي الامل الذي اطمح لتحقيقه في مصر .

وحدة الدول الاسلامية ان شاء الله سيكون همي الشاغل باذن الله .

[اليرموق]

ربنااااااااا معاااااااااك يا بساااااام
والحقيقة أنا مش عايزة أكسر مجاديفك مع أنها "الحقيقة " المرة

لكن ربنااااا معااااااك

[rachid19702]

حلم الشباب