ليه أحنا شعب كارة نفسة

[sam71999]

السلام عليكم ورحمه الله وبركاته
الموضوع أكبر من موضوع ماتش كورة.. نفسى اسأل ليه أحنا شعب كارة نفسة.. أتحدى واحد يجيب لى فى هذا المنتدى أو أى منتدى واحد مشجع للترجى كتب مثل ماكتبناه عن نفسنا
عملت فى دوله عربيه... مجرد دخول أى واحد من جنسيه يملى المؤسسه من جنسيته.. ماعدا المصرى أول شىء كل يوم يطفش المصريين اللى موجدين.
طبعا أنا لاألوم على بعض الزملكويه فبعض الأهلويه عملوا فيهم كدة فى مباراة الفيصلى والهلال.
حتى فى الحج كل الجنسيات تمشى مع بعضها فى جنسيات.. المصريين اخرهم 3 يمشوا مع بعض
أريد رأيكم.. لهذة الدرجة كرهنا نفسنا

[المليون عقل 100]

ياخى العزيز لا كره ولا حاجة ولكننا شعب يتاثر بالموقف فى لحظة

[ame_8000]

يا اخى بالله عليك انت مدخل الكورة والأهلى والزمالك والحج والعمرة ومدخل شبرا فى الجيرزة والهرم فى الاسكندرية

يا ابنى أقسم بالله احنا ما فى شعب عايش مع بعضه زى الشعب المصرى

راضيين بالظلم وساكتين
بنتبهدل واحنا راضيين
متخرجين من جامعات وقاعدين برده بنسعى ورا عمل وربنا حيكرمنا ان شاء الله

وانت فعلا لو بتكره نفسك حقولك على تجربة تثبتلك انك بحب نفسك

جرب تقف قدام القطار

ارمى نفسك من البرج لا البرج بتعملوا صيانة مش حتطلع

ارمى نفسك فى النيل

اشرب سم قاتل

اقف قدام عربية


فى الآخر حتقولهو انا بقول ليه كدا ليك

عاوز تعرف انك بتحب نفسك بقى

اتقى ربنا وامشى على الصراط المستقيم
حب الناس وحتلاقى الناس تحبك
تعايش مع الناس وانت حتلاقيك عايش
وكويس انك خرجت بره مصر علشان تعرف قيمتها

اقف قدام المراية وتخيل ان مصر دى واحدة انسانة زى والدتك أو اختك ولا قدر الله بتموت حتكون انت حالتك ازاى والله لازم تعيط بالدمع

انا كنت بكرهها كره العما لكن دى نزوة ما بين الشباب وبعضه ما احنا بنتبهدل فى الدول العربية اللى انت بتقول عليها دى " مغ احترامى لبعض الدول" لكن فى دول عربية تذل المصرى اللى بيشتغل عندها

انا حبيت انى اكون صريح معاك لأنك لفظت كلمة التحدى

انت فى مصر ممكن ما تقول الحقيقة علنا لكن فى الدولة العربية دى ما تقدر انك تكلم مخلوق فيها لا مؤاخذة لو كلب كفيلك نام على السير انت حتنام على الأرض

عرفت انت قد ايه بتكره نفسك

اما بالنسبة للمصرين والـــ3 انت معندكش حق فى دى مش راضى أقول كدبة لأنى والدى على علاقة بناس من الحجاج فى الصعيد واكل محافظات مصر احنا ملايين بتروح تحج مش معقول حنمشي مع بعض

اتمنى انك تتقبل كلامى