حكاية منتخب " كـان " اسمه منتخب " مصر " !

[زعيم رابطة محبى الزمالك]

فضيحة وضعنا فيها حسن شحاتة ومنتخبه الهمام ....
حكاية منتخب " كـان " اسمه منتخب " مصر " !
مش حتكلم عن فنيات .. مش حكلم عن تأثير لاعيبة الاهلي في المنتخب .. مش حكلم عن اداء ولا الاستهبال ولا تضييع الفرص بشكل غريب
مش حكلم عن فضل ولا الفرق بينه وبين متعب والخ الخ الخ !!
يا جماعة احنا اتفضحنا .. والله اتفضحنا .. منتخب اليابان " التاني " او second class مسخر منتخب مصر بشكل كبير .. بشكل تتكلم عليه اسيا ..
بذمتكم حد شاف الحضور الجماهيري كان ازاي .. ولا كأنها مباراة رسمية !!
منتخب اليابان كان عامل اسم لمصر واحترم مصر ... وبرضو اكرمنا صراحة علشان منبخسش حقهم .. وهو في كرم اكتر من كدة .. 4 اهداف معتبرة تخلي الشبكة تنطق !
بعد ما كنا قريب ولغاية امبارح بندخل في حوارات حامية مع الخيجيين في المنتديات وخصوصا السعوديين ونقولهم مستواكم مستوى اسيوي تافه واقل منتخب " افريقي " عندنا يقدر يمسخر اقوى فريق " اسيوي " عندكم وياخد البطولة كمان !!
خلاص محدش فينا حيبقى ليه نفس يفتح بؤه ويكلم عن اسيا بأي شكل من الاشكال والفضل يرجع لاتحاد الكورة والادارة الفنية بتاعة المنتخب ..
لما منتخب مصر " بطل افريقيا " يخسر من فريق زي اليابان برباعية تقيلة في ماتش ودي !!
لما يخلي معلق قناة ابوظبي يقول " والله انها تجيلة على منتخب مصر وجماهيره عاشقة الكورة " .. ولما يخلي يقول " لازم يبقى في تدخل لاجل اصلاح اخطاء المنتخب المصري " ...
وهل في امل ان حد يتدخل !!
يا جماعة دي مصيبة لما يوصل بينا الحال بالمشجعين " وانا منهم " ان الواحد والله بقى بايع المباراة وبايع اسم بلده في الماتشيات .. زي مباراة بتسوانا والنهاردة ..
والله كنت في زمن غير الزمن ومكان غير المكان كنت حضايق واولع في نفسي علشان اللى بشوفه من مسخرة وتوهان لينا على الساحة الكروية ..
لكن لا احنا النهاردة في زمن الشحاتة والكوسة .. في زمن الواحد اشترى دماغه وخلي المنتخب يروح في داهية !!!
بس في كل اللى بيحصل ده .. اكتر خاسر هو اسم " مـصـر " ...
شكلنا مش حينفع نرفع عينينا في عين حد بعد كدة لا افارقة ولا اسيويين ..
وكل يوم حيتعلم علينا بالشكل ده !!
فعلا ..
حسن شحاتة يا معلم .. الكل علينا حيعلم !!

[aymanfekry]

متخب اليابان رحم المتخب المصري واكتفي بالرباعية فقط ، لذلك اوجه لهم الشكر على نبل موقفهم معنا

[ميدو المان]

هما ناويين يغيروا اسم المنتخب ولا ايه انا اقترح تغيير اسمه الى منتخب الترسانه الدولى

[LiOn_HEArT]

لا حول ولا قوة الا بالله
منك لله يا حسن شحاته

[chemist m]

مصر حد شاف مصر
واللى خلقك مصر دى لو بتفعل و بتتكلم كانت ولعت فيهم وفينا
نعيب زماننا والعيب فينا وما لزماننا عيب سوانا
ونهجو ذا الزمان بغير ذنب ٍ ولو نطق الزمان لنا هجانا

[Mohamed_Hamdy]

يا جماعة ده بردو اسمه المنتخب الياباني ،،
يعني made in japan
اصلي مش تقليد ،، يعني تمنه فيه ،،
هو حد لاقي حاجة يباني اليومين دول
دايما بتنظروا للنصف الفارغ في الكباية
طب احمدوا ربنا انه مش المنتخب الصيني ولا التيواني ،،
ده ياباني يا ناااااااااااااااااااااااس

[ahmedali_hbk_777]

هههههههههههههههههههه
حسن ابو على سرق المعزة

[chemist m]

يا جماعة ده بردو اسمه المنتخب الياباني ،،
يعني made in japan
اصلي مش تقليد ،، يعني تمنه فيه ،،
هو حد لاقي حاجة يباني اليومين دول
دايما بتنظروا للنصف الفارغ في الكباية
طب احمدوا ربنا انه مش المنتخب الصيني ولا التيواني ،،
ده ياباني يا ناااااااااااااااااااااااس
يابانى بس فرز تالت
من غير التصدير ولا حتى المحلى المميز

[sniper_hex]

حسن شحاتة يا معلم .. الكل علينا حيعلم !!

[ahmednabih]

مصر مريضه وفى الانعاش ومحتاجه نقل مدرب فى اقرب وقت

[yasserbasha2006]

تعيشوا و تاخدوا غيرها يا رجالة

ان شاء الله هنطلع بتلات هزيم في غانا 2008