مجرد رأى [الأرشيف]

mido_kholy

10-09-2007, 02:11 PM

السلام عليكم ورحمة الله وبركاتة
اولا كل عام وانتم بخير بمناسبة عيد الفطر القادم ان شاء الله
ثانيا انا حبيت اعمل الموضوع دة للأستفادة من تجارب الاعضاء فى اللغة
حتى يستفيد الجميع
الموضوع ببساطة هو عبارة عن كل واحد من الاعضاء يكتب تجربته اللى مر بيها فى اللغة الانجليزية لغاية ما بقى ممتاز فى او حتى بقى كويس واحسن من الاول
انا خصوصا كنت فى ما من الايام معرفش اى شىء عن اللغة ودة كان لة سببين
اول سبب انى مكنتش مهتم باللغة ومش بحبها وكنت بذاكر كلمتين علشان امتحن وانجح وخلاص :smailes88:
تانى سبب دة كان غصب عنى لأنى لما خلصت مرحلة الاعدادى دخلت الثانوية الميكانيكية ودى معروفة فى مصر ان الواحد مش بيدرس حاجة اصلا بمعنى اصح مكنتش بدرس انجليزى:smailes41: خالص وكنت بنجح من غير ما اتعب نفسى فى اللغة
المهم
انا دلوقتى بذاكر دايما الانجليزى علشان ابقى فاهم كل حاجة حوليا واخد 2 مستوى وكنت باخد منهج new interchange
ودى كتب ممتازة اوى وانا حاليا حصلى فرق كبير جدااا عن الاول بقيت بعرف اتكلم وافهم اللى بيتقال واتكلم مع الاجانب علشان اتعلم كل يوم كلمات جديدة
انا طبعا مش بقيت ممتاز فى اللغة لكن فى فرق عن الاول
ونصحتى لكم
اتكلم مع اجانب كتير وكل كلمة مش عارفة ترجمها واحفظها
اسمع كتير لأن دة مفيد جدااااا
و حاول ولا تيأس .. فمشوار الألف ميل يبدأ بخطوة

ola4

10-12-2007, 05:00 AM

شكرا لك اخي الكريم للاقتراح
يا رب يتجاوب معك الجميع
و يشاركوا في الكتابة عن تجربتهم

اما بخصوصي انا
فالموضوع كان سهل من البداية لاني درست في مدرسة تهتم في اللغات و تأسست في اللغة الانجليزية
بشكل جيد و بعدها درست اللغة الانجليزية كمجال اختصاص و بعدين درستها
و صرت اطور نفسي شخصيا في مجالات اللغة المختلفة عن طريق قراءة الكتب و الانترنت
طبعا و لسه بعمل على تطوير نفسي في اللغة لأن الواحد مهما كان جيد في اللغات يبقى يحتاج دايما للمتابعة و الاستمرار و مهما عرف يفضل فيه اشياء كتير لازم يعرفها و يتعلمها