بطلت اكتب شعر(بالعامية المصرية) لاودعكم بها............

[عيون تدمع]

بطلت اكتب شعر
بطلت اقول فى كلام
وكرهت سن القلم
وكرهت اكون فنان
ملعون ابوك ياشعر
مدام هكون تعبان

خنق الكلام قلمى
خلاه يقول معلش
ويطاطى وينافق
وبقاله مليون وش
خلص الكلام ورميته
اصل الخسيس مايعش

وهجيب قلم تانى
عارف يقول الحق
يصرخ بعلو الصوت
لو حتى مين هيطأ
ميقولش انا اسف
بعد ما قال ال لأ


خلاص انا جاهز
ومشمر دراعينى
جاهز اقول الحق
يرضيك ويرضينى
وان كنت النهاردة هخاف
ميحقش لبكرة يجينى
ــــــــــــــــــــــــــــــــــــــــــــــــــ ـــــــــــــــــ
استودعكم الله
سلامى للجميع

احمد سيف

["mony"]

كلمتك مختفله ولكنها متميزه
بعبير قلمـ الرائع
فى انتظار جديدكـ

مـــــــــونى

[mva4e]

جميل جداااااااا جدااااااااا جداااااااا بجد لازم تنمنى موهبتك الجميله دى
واتمنى لك المزيد من التقدم
مشمشه

[عيون تدمع]

لما الحقيقة بتوجع
تتقال بصوت ساكت
وقلوبنا اهى عايشة
لكن بروح ماتت
على ايه هنتندم
على كوم سنين فاتت

جاب الاسى حزنى
وشق بى جوفى
ولما الجراح علمت
قوتنى على خوفى
بعد اما صبنى العمى
اتردلى شوفى
ــــــــــــــــــــــــــــــــــــــــــ
شاكر مروركم بين صفحاتى الاخيرة

[nano66]

استاذ احمد سيف

حضرتك من الناس اللي بحب اقرالها جدا لانك ليك اسلوب مميز ورؤيه وفكر في كل اعمالك

هانتظر الجديد

ومش عاوز استني كتير عشان اشوف جديدك

[نسيم المنتدي]

رائع اخي احمد
من اجمل ما قرأت لك
يا احمد يا سيف
خليك زي ما انت سيف
ما يتكسرش ما ينهزمش
ان سبتنا القسم هو اللي خسران
وان تخليت عن السيف تكون انت الخسران
وان فضلت معانا اكيد مش هنبقي خسرانين
سلامي ليك
راجع قرارك

[مصطفى قطورة]

اخي العزيز احمد سيف ..

اقول هذه الكلمات وانا لست في صف احد ..

فقط كالعادة اوضح الصور الباهتة ..

والكلمات المبهمة ..

فانت لطالما كنت صديقا لي ..
وصديقا للمنتدى باسره ..


لم يكن يوما المنتدى بيتا للنفاق على حساب الصدق ..
ولم يكن مكانا للكذب على حساب الحق ..

الكل يعبر عن رأيه ..
وللتعبير عن الرأي اسلوب ..

والاسلوب السلس البعيد عن التعصب والعصبية مطلوب ..

هذه كلماتي المتواضعة ..

ارجو بها عدم تسرعك وتركك للمنتدى ..

تأنى قبل اخذ القرار ..

تحياتي لك ..

اخوك


مصطفى قطورة ..

[المستميت]

قصيدة رائعة
اية ان معرفش اية الموضوع بس واحد باسلوبك دة
وشعرك الجميل لو ساب المنتدى اكيد المنتدى هيخصر
القصيدة اكثر من رائعة

[ورود و أشواك]

http://i129.photobucket.com/albums/p208/flower_045/a0d4e035.gif
انا مش مجرد صوت عالى و ملوش لازمة
أنا قلم صاحى
بصرخ و اقول الـ لأ
فى شدة الأزمة

مابخافش مـ الإنسان و لا من جيوش الجان
حاربونى لو تقدروا
الـ لأ مش ساكته ... برسمها و بإتقان

صوتى بيزعجكم
عارف ولا هاممنى
و لا ده مكدرنى ... و لا حتى شاغلنى

لو ظلم نادانى
الرفض عنوانى
راسى لفوق مرفوع
صوتى اكيد مسموع
صارخ عشان الحق
فى صلاته بس خَشوع

ــــــــ

أحمد سيف
تألقت فى العامية
و صرخ قلمك
و رجت صرخاته جدران القسم
تعرفنا على وجه جديد من اوجه قلمك المتجدد

و بإذن الله انتظر الجديد منك
و اعتقد انك لن تخذلنى ,,:smailes111:
و القادم بإذنه تعالى أجمل و أبهى

//تقبل احترامى ,,//
,, و باقات تقديرى

[نسيم المنتدي]

يخرب بيت المنصب الكداب
اللي يقدر يخليني كداب
قاعد ومبسوط من برة
وجوايا ذل الكلاب

يخرب بيتك يا كراسي
ياللي بتكتمي انفاسي
لا مش تقتلي شعوري
ابعدي عني وجعتي راسي

داهية تاخدك يا مراكز
خلاص مبقتش عايز
عيشة الفخفخة النصابة
وجواها الضمير بايظ

طول عمري عايش نضيف
فرحان بنفسي شريف
ما ارضاش اني اتوسخ
حتي لو مش لاقي رغيف

[LOST FEELING]

http://www.fotothing.com/photos/566/566ec618928a8b67002256649e6ddfbd.jpg


أصرخ وقول يا ..قلــــم
أصرخ وعالى الصوت
عمرى فى يوم ما ...أنهزم
والا عمرى يوم راح ..أموت
وهفضل أأقول دايما..للغلط ...لأ..
والا هيجى اليوم..وأكتم بسنى..الحق
هفضل كده واقف..
واقف بكل ..شموخ
والا حاجة تهزنى ..والا منصب يذلنى
والا أشاعه كدابه..تسبب لى آى شروخ
صوتى دة عنوانى..ومن وقت للتانى
لازم تيجى أزمه... وميكنش ليها لازمه
بس عشان تعرف
تصرخ بصوت عالى وأنت تقول الــ لأ
ـــــــ
أحمد
لاتترك سيفك ينطوى وينطفىء بريقه
فكما دوما أسعدتنا بفصحاك
تسعدنا بعاميتك الرائعه
فلا تترك سيفك ها هنا
والا تخذل كل من سطر بكلمه لك
حتى لا تتركنا
دومت بكل خير
وداوم وأستمر وأتنا بجديدك عما قريب
تحياتى لك أخى
.
.
مع محبتى فى الله

[neoabdelh]

هي الروحة بمزاجكك
يا حبيبي هو دخول الحمام زي خروجه
استقلتك مرفوضة
روح يا لا على مكتبك و بلاش عطلة وكلام ملوش لازمة

ههههه

أخي أظن أنه من الردود التي حصلت عليها يتضح لك أن الجميع يريدك أن تبقى
فلماذا الرحيل...؟؟؟؟
لا تتسرع في اتخاذ قرارك وتحرم نفسك و تحرمنا من إبداعاتك

عشان خاطر اللي بيحبوك، راجع قرارك

[ahmed_1saif]

رااااااااااااااااااااائع
جميييييييييييييييييييل
مشكوووووووووور
صديق الوااااااااقع

[fixed]

رائع رائع يارجل
بصراحة مبدع

[السحاب الصافى]

زمن الخيال بيبقى فيه حقيقة
الطيب بيبقى ذئب فأقل من دقيقة
ولو حبيت تفهم او تستفهم
لا زم يبقالك شخصية جريئة

متقولش العصاية هتخلى السيف يتلم
متقولش الميه ممكن يتحول لها الدم
ولو فيوم تعبت وقولت خلاص
راجع نفسك ودافع عنها وده هو الاهم

لا تطاطى ولا تخلى الناس عليك تدوس
لا تهرب واقف وزمجر واديها كشر وعبوس
خليك كالاسد ضرغام لا ينضام
وامسك سيفك واكتب بقلمك قبل ما ينخر فيه السوس