عاوز تعرف ليه تي داتا افضل شركه ادخل هنا وتعرف الموضوع [الأرشيف]

fon2010

09-28-2007, 10:39 PM

السلام عليكم ورحمه الله وبركاته ايه اخباركم يا جماعه حبيت اقولكم اني جربت موضوع شركات النت حيث جربت سرعه ايجي نت وتي دانا واقولكم افضل شركه علي مستوي جمهوريه مصر العربيه te data نهائي واللي خايف يروح اقولكم اختارت تي داتا ليه اولا انا بدء في اختيار شركه اسمها ايجي نت لانشاء شبكه انترنت حيث تم توصيل لي الخط في حوالي 15 يوم وبعد وصول الخط كنت ماشي علي سرعه 256 وكان معدل الدونلود والتصفح افضل فقول ازودها الي 512 فروحت مزودها والحال ماشي وكنت ماشي علي سرعه 256 لمده شهريه واستمريت بعد ذلك في ال512 وكان النظام مظبوط بس الدعم الفني دايما بيكون محترم وغير محترم وهكذا استمر الحال وفي يوم من الايام اتبهدلت علي سرعه 512 فولت ازودها الي 1 ميجا وعند زيادتها الي 1 ميجا اصبحت السرعه عندي 512 حيث ان الدونلود لا يزيد عن 65 او 67 وينزل فقولت ايه ده دلونلود بنفس النظام اتصلت بالوكيل والشركه كذا مره ولا فايده وبرضه البينج المحدد للشركه بيقطع نهائي لماذا اعتبرت ان الشركه غير مهتمه بضبط السرعه طيب ايه الحل اعمل ايه وعلما بانني قمت بارسال رسائل كتير للشركه وبتقولي انها لسه مشكله الازحام في المنطقه الي عايش فيها روحت بعتلهم رساله قولتلهم اذ مضبطوس السرعه حلغي اشتراكي نهائي وهذا قرار مني ولم يرد علي احد وفضلت رايح جاي زي ما بيقولوا صعيدي رايح جاي ومش عارف اعمل ايه قولت اغير الشركه روحت مغيرها ل تي داتا قعدت معايا شهرين الله يخربيت ايجي نت مش عاوزين اي حد يطلع منهم الا برقم الالغاء فضلت متحير في الرقم شهرين لحد ما وصل الخط وبداء حياه جديده مع شركه تانيه اسهما tedata وجربت التحميل والتصفح طلع مليون قشطه والله تحميل وتصفح مظبوط في اي وقت الف حمد وشكر ليك يا رب تعرف دونلود طول الوقت 120 ومش بينزل نهائي شركه محترمه وايضا لم اجرب الدعم الفني للشركه لذلك اقولكم ان شركه تي داتا افضل شركه علي مستوي جمهوريه مصر العربيه نهائي ومش عاوز حد يقولي لينك ولا عباس ولا يلا افضل شركه تي داتا واللي يتحدي واللي خايف يروح وكمان بقولكم قبل ما تشتركوا في النت لازم يكون خط التليفون الخاص بك ( المنزلي ) مباشر و غير مقدم لشركه انترنت اخري وكمان لازم تعمل اختيار علي خط التليفون بتاعك من السنترال قبل ما توصل علشان تعرف الخط بتاعك حيوصل كام جهاز نت وهذا ضروري جدا لذلك انتهيت من موضوعي واقول لكم ان افضل شركه في مصر تي داتا وشكرا والي عاوز يكلمني علي الاميل انا موجود طول اليوم وهذا اميلي fon200540@msn.com الكاتب م : محمد جمال وشكرا والسلام عليكم رحمه الله وبركاته واتمني قد يكون موضوعي وصل لوزير الاتصالات وكل المنتديات والله الموافق ويكون موضوعي واضح جدا وشكرا

ghadooda

09-29-2007, 05:35 AM

سورى مش معاك فى الكلام ده نهاااااااااائى

أنا مشتركة فى TeData والسرعة سيئة جداً جداً وعملت كذا إختبار سرعة بلاقى بالكثير بتبقى 120 kb
والمفروض السرعة عندى 256 kb
وخد بالك kb مش kB

وبعتلهم إيميلات كثير جدا فيهاً كذا Screenshots لإختبارات السرعة ولا حد عبرنى

وخدمة العملاء مشغولة دائماً
وأبسط شئ النت يوم ما ييجى ميعاد الدفع بيقطع على طوول بدون رسالة قبلها وطلبت كذا مرة حد ييجى يحصل ولا عبرونى

بكل بساطة انا كنت مشتركة قبلها فى لينك ولما كان يقرب ميعاد الدفع كان بيطلعلى رسالة أحدد فيها ميعاد الدفع والطريقة
ولما كنت ببعت إيميل للينك بالكثير ساعة ولازم ألاقى إتصال منهم
آخر حاجة اهو بعت ل TeData إيميل من 3 أيام وكتبت رقم تليفونى والموبايل والإيميل ولا الهوا!!

يمكن إنت معاك كويسة لكن ناس كثير نفس مشكلتى

وشكراً

No impossible

09-29-2007, 08:21 AM

اخي العزيز انا شايفك متحمس اوي لتي داتا
اوعى تكون تعرف حد هناك :D

عموما الاختلاف في الرآي لا يفسد للود قضيه

ومش شرط علشان تي داتا كويسه في المنطقه الي انت ساكن فيها تكون كويسه في كل انحاء الجمهوريه

يا جماعه الموضوع عامل زي شبكات المحمول كدا ممكن تلاقي الشبكه A كويسه في المنطقه H ووحشه في المنطقه S على العكس من الشبكه B مثلا

وطبعا الموضوع دا له دخل بالسنترالات يعني السنترال لو جديد واسلاكه جديده ومظبوطه مش هتكون السرعه في زي سنترال قديم

وطبعا مش هرد واقول لا .. LINK هي افضل شركه

لان الموضوع دا مش هيحدده انا ولا انت ... بل يحدده رآي الاغلبيه :smailes60:

وفي موضوع طرح من مده للنقاش حول افضل شركه في مصر يمكن الرجوع اليه

تحياتي لك

fon2010

09-30-2007, 12:02 AM

السلام عليكم اخي ghadooda برجاء ذكر المحافظه الي انت عايش فيها وشوف ارد عليك وهل التليفون الخاص بك مباشر اما محلي حيث يقال عند ملئ استماره بيانات لطلب الحصول علي خط dsl يجب ان يكون مقدم الطلب تليفونه مباشر وغير مقدم من شركه اخر فهل تليفونك مباشر اما محلي وثانيا هل الخط عمل معاك ريستارت كل شويه اما لا لو عمل يبقي الخط عليه رطوبه ويرجع ذلك للاسلاك التليفون الي تحت الارض فيرجي بك الاتصال بالسنرال التابع لك وتغير سلك التليفون ولو كنت عاوز تكلمني انا موجود علي الاميل fon200540@msn.com م : محمد جمال

shedeed

09-30-2007, 12:29 AM

بصراحة يا جماعة انا بالنسبة لية بأعتبر شركة تى داتا احسن شركة اشتغلت معاها

انا فى فى الزقازيق تبع سنترال شرق الزقازيق

وجربت شركة رايا ولينك والسرعة اى كلام

ولة جربت تى داتا سرعة جامدة جدا عندى سرعة 256 وجربت اختبارات السرعة من اكتر من موقع

وابكون فاتح اكتر من 10 مواقع بالاضافة للياهو وفى 5 معاية على الشبكة

والسرعة بتتراوح بين 200 : 220

وبأذن الله هرفع السرعة بعد كام يوم علشان يبقى كلة تمام

وسرعة الدونلود من 25 :34

وسعات بتبدا من 90 و100

يعنى جامدة موت بالنسبة لية

اسلام الصالحى

09-30-2007, 03:25 PM

ياسادة شركة تى داتا افضل شركة لانها بنت المصرية للاتصالات اللى هى المزود الرئيسى لخدمة الانترنت فى مصر عشان كده مش بيلاقوا اى صعوبة فى تزويد الباندودث بتاعهم فتلاقى الدونلود بتاعهم زى الفل بعكس بعض الشركات الاخرى زى ايحى نت اللى انا معاها الدونلود فهيها غير مستقر لكن الابلود بتاعها عالى جدا ومبتفصلش خالص
انا كنت عايز اغير لتى داتا بس يظر ان كل بورتاتها فى السنترال بتاعنا(ديرب نجم) متقفلة

احمد ابراهيم حسن

09-30-2007, 06:46 PM

مشكور اخي العزيز

mone888

10-01-2007, 11:22 PM

تي داتا وبس
فاست لينك الوكيل والموزع المعتمد للشركة المصرية لنقل البيانات تي داتاwww.fast4adsl.com
0129178333 - 0109446955
قريبا فاست لينك بالزقازيق والمنصورة

THë_int®µD£R

10-01-2007, 11:33 PM

ههههههههههههههههههه

عجبتنى أوى كلمة توصل لوزير الأتصالات دى :smailes79:
وهى اللى خلتنى أكتب الرد ده

يا جماعة الأول أحب اعرفكم انى شغال فى الدعم الفنى ل Te data ب 6 أكتوبر

ومفيش حاجة أسمها الشركة دى أحسن ومش أحسن .. لازم تكونوا بس فاهمين الموضوع ماشى أذاى

المشكلة عند أى حد بتكون من سببين
1- من السنترال ..
2- الضغط على ال Main Server زى فودافون بدأت تعبط برضوا وتلقة أنذار من وزارة الأتصالات وبتزويد عدد ال Servers عندها
* Te data عدد مشتركنها بيزيد ودى هيقلل السرعة عند كل واحد فيكوا

ال 256 المفروض سرعتها 32 .. وأكيد محدش بيوصل للسرعة دى وأخر أى حد فيكوا 25 كيلو بايت
أذاى تعرف سرعتك اللى المفروض تمشى بيها ( تقسم سرعتم على 8 ) يعنى انت 256 على 8 = 32 .. يا ريت تكونوا فهمتوا النظام

لينك كانت أول شركة أنترنت فى مصر ومازلت الأفضل فى رأئى الشخصى .. المشكلة بتبقى فى أداء السنترال فى توصلك السرعة مش من الشركة

تى أى داتا نفس الكلام أماكن و أماكن

تحياتى للجميع ويارب أكون أفتكم

fon2010

10-01-2007, 11:44 PM

السلام عليكم ورحمه الله وبركاته اخي العزيز THë_int®µD£R اريد محادثتك ضروري وانا موجود علي الاميل التالي fon200540@msn.com ضروري جدا وانا منتظرك وجزاك الله كل خير م : محمد جمال كاتب الموضوع

fon2010

10-01-2007, 11:48 PM

السلام عليكم ورحمه الله وبركاته اخي mone888 اريد محادثتك علي الاميل التالي ضروري جدا fon200540@msn.com وانا منتظرك وجزاك الله كل خير م : محمد جمال كاتب الموضوع

ghadooda

10-02-2007, 08:24 PM

أولاً انا بنت مش ولد

ثانياُ أنا فى القاهرة وتحديداً المعادى والخط مباشر
ثالثاُ وده الأهم وانا قولته قبل كده بغض النظر عن المنطقة خدمة العملاء ل TEData سيئة جداً

الإيميل إللى أنا بعته عن إختبار السرعة كان بال kb
وكده كده السرعة إللى بنتعاقد عليها بردوا بال kb
ف لقيت السرعة عندى كبيرها 150 kb مع Yنى متعاقدة على 256 kb

بغض النظر بقى فيه مشكلة فى الخط بتاعى ولا مفيش, أنا بعتلهم 2 إيميل من إسبوع وما حدش عبرنى
خدمة عملاء رائعة!!!

حتى لو هيا شركة سرعتها تحفة وخدمة عملاء زفت أكيد الناس هتكرهها

adel_30_6

10-08-2007, 06:48 AM

فعلا انا معاك شركه tedata ملهاش مثيل خط الانترنت شغال بنفس السرعه طول اليوم وانا كنت مشترك 256 وكان الداون لود عندى مابين 25 و30 وبعدين زودت السرعه الى 512 والسرعه معايا دلوقتى جميله جدا وان شاء الله الشهر الجاى هخليها ميجا لكن برضه اتفق ghadooda فى حكايه قطع النت من غير وصول اى رساله ولازم الواحد هو اللى يروح للشركه يدفع كل شهر لكن فى خدمه العملا انا دايما اما اتصل بيردو عليا وطريقه تعاملهم جميله جدا وأسف على التطويل

fon2010

10-10-2007, 05:23 PM

مع تي داتا عيشها حريه دونلود مفتوح طول اليوم دون انقطاع وتصفح اسرع في اي وقت لذلك انضم الي فريق تي داتا مصر تحياتي م :محمد جمال :smailes60: :smailes60: :smailes60:

BLEEDER

10-10-2007, 11:07 PM

Tedata
هي الأفضل ببساطه لأن دعنها غير محدود في اصلا شبكه التليفونات الأرضيه

khaledmashaly

10-15-2007, 07:18 AM

مع تي داتا عيشها حريه دونلود مفتوح طول اليوم دون انقطاع وتصفح اسرع في اي وقت لذلك انضم الي فريق تي داتا مصر تحياتي م :محمد جمال :smailes60: :smailes60: :smailes60:

الظاهر كده انك شغال فى الدعاية والتسويق يا اخ محمد وعلشان كده متحمس اوى
ولا ايه يا جماعة
:smailes102: :smailes95:

salahnew

12-29-2007, 02:57 PM

اولا سلام عليكم ورحمة الله وبركاتة
انا بشكر الاستاذ الى بيشكر فى تى داتا
وثانيا احنا الخدمة اساسا كويس
بس الى عندو مشاكل بيبقا من السنترال او من خط التليفون بتاعو مش اكتر
وثانيا يااستاذة غادة الموضوع بسيط جدا حضرتك هكتبلك ميلى وكلمينى وهحللك مشكلتك انشاء الله
esam@tedata.net.eg
مع حضرتك المهندس / عصام فنى تركيبات بشركة تى داتا

virona

12-31-2007, 12:30 PM

تسلم أخي الكريم

Dr_NafsaNE

01-01-2008, 03:58 PM

لا يمكن الحكم من خلال منطقتك وفى ظروف خارجية كثيرة بخلاف الشركة

view_ghost

01-06-2008, 03:56 AM

هههههههههههههههه

عــــــــــــاوز اولكم علي حــــــــــــاجه كل شركات الانتر نت في مصر برفيدر واحــــــــد
وسرعه وحده
اما الي بيتكلم ان السرعه مبتوصلوش زي مهي المفروض توصلو
ده بيوباء عندو عيب في حاجه جووه الشبكه بتعتو
يا في الروتر يا في السوتش يا في السلك يا اماه في اخطر حاجه والي كلو مبيخدش بالو منها وهي الاسبليتر !!!!!!!!!!!!!!!!

mti_eg

01-06-2008, 11:59 AM

السلام عليكم ايها الاخوة
من الاخر مفيش شركة محترمة فى مصر عشان دول عبارة عن شوية ناس لموا بعضهم وقالوا نعمل نت فى مصر ونسرق جيوب الشعب المصرى الغلبان بدليل ان فى اوروبا مثلا وفى ايطاليا بالتحديد لى قريب من ساكنى ايطاليا ومشترك فى خدمة انترنت فائق السرعة انتوا عارفين مشترك بسرعة كام ؟ بسرعة 4 ميجا وبيدفع عليها 10 يورو يعنى حوالى 80 جنيه ( يعنى اقل من سعر سرعة الـ 256 فى مصروعلى فكره اعلى سرعة فى مصر 2 ميجا وشوف تمنها كام ) وكمان الشركة هى اللى جايبه الراوتر وفيه واحد صاحبه هناك قال للشركة انا مفيش عندى كمبيوتر أعطوه لاب توب hp بياخدوا منه 20 يورو (شامل اشتراك الخدمة + قسط للابتوب ) يعنى اخر كلامى كل الانترنت اللى فى مصر مسروق زيه زى المحمول والاتصالات وغيره وغيره وانتوا هنا بتتناقشوا مين اللى كويس لينك ولا تى اى داتا ولا ايجى نت ... بصوا بقى كل شركات مصر الكبيرة بس زى بعضها وفيه اتفاقية بينهم فى توزيع المميزات يعنى مثلا لينك خدمة عملاؤها افضل خدمة وتى اى داتا احسن داونلود وأسوأ موزعين على فكره هى مختارة اسوأ موزعين فى مصر كلهم سياستهم واحدة وهى عدم احترام العميل بعد التركيب وايجى نت احسن اب لود وراية رخيصة الثمن وهكذا وعلى فكره معظمهم شاريين الخدمة بتاعتهم من المانيا يعنى مصدر الخدمة واحده والعيب مش فى الخدمة ولكن العيب فى خطوط المصرية للاتصالات
وآخراً لكى الله يامصر ًً

sobhy ayad

04-24-2008, 04:49 AM

انا مش عارف احسن شركه اذاي
واحنا بقالنا شهرين مش عارفين نفتح الصفحه
واتصالات وايميلات
يوم النت يبقي 50في 100
ويوم 0 في 100
عايزين حل
مش عايزين مبالغه

sobhy ayad

04-24-2008, 04:55 AM

انا اشكر الاخ mti_eg
فعلا كلامه مظبوط وانا احييه علي هذه الصراحه الجميله

sobhy ayad

04-24-2008, 05:01 AM

ليه متكونش الخدمه جيده
بدون ما نرسل وننتظر
ايه السبب عندنا جميع الامكانيات
اللتي تتيح لنا ان نباشر الانترنت في اي وقت
دون اللجوء الي يد العون:smailes110:

angel2200

04-24-2008, 02:00 PM

Dr_Faust

04-26-2008, 11:53 PM

يا جماعة سرعة الداونلود تختلف من بلد لبلد ومن سنترال لسنترال فى نفس البلد لكن الفرق بيكون فى خدمة العملاء
عندكم مثلا انا عندى خط على تى داتا وخط اخر على ايجى نت
عارفين لما بتصل على تى داتا اخر زوق والمشكلة بتتحل فى ثوانى
ايجى نت فى مرة بقول لهم الوزير قال فيه شهر مجانى قالوا لى خلى الوزير يدفع لك
وبقول لهم مرة الخدمة سيئة قالوا لى لو مش عاجبك سيب الخدمة وانقل على شركة تانية
يعنى ببساطة اسلوب تطفيش مش اسلوب حل للمشكلة

قمت متصل على الشركة وارسلت لها ايميل وبرضه مفيش اى حل
باين الشركة مع انها شركة انترنت لكن مفيش فيها حد بيقرا رسائل الايميل

لكن السرعة ايام هنا بتكون كويسة وايام تانية بتكون سيئة
بس على طول الخط دايما ايجى نت ابطأ من السرعة الحقيقية
يعنى لو عندك 1024 تكون سرعتك الحقيقية 800 وهكذا

وشكرا للجميع

دينو المصرى

07-12-2008, 07:54 AM

بالعكس انا بتعامل على الدى اس اله من 5 سنوات بدات مع اسوء شركة فى مصر اسمها رايه وكانت الوحيده اللى بتقدم الخدمه ( نظام احتكار ) بعدها بسنوات دخلت لنك وتى داتا رحت لتى داتا خدمة عملاء على اسوء ما يكون هى اسم فقط ودعايه واعلانات وشوية بنات وشباب حطينهم فى شركة شكلها مودرن بس اداء وخدمة مش محتاجة كلام اللى من القاهره و اتعامل مع شركة تى داتا اكيد عارف السرعات شكلها ايه وخدمة العملاء اللى لو طلبت النجدة من الصين هترد عليك قبلهم
بعد معاناة انا مشترك مع لنك وبصراحة انا مستغرب من خدمة العملاء رغم ان الشركتين فى نفس البلد الا ان لنك الخدمة 24 ساعة وبتتحل ومفيش انقطاع تقريبا الا فى الازمات الكبرى
والسرعات شغالة تمام بصراحة وانا بحمل اكتر من كل يوم اكتر من 3 جيجا على سرعة 256
و زى الفل طبعا الاشتراك بتاعى مفتوح مش الباقة يعنى بدفع 95 و الراوتر بتاعى وبحمل براحتى وملقتش ولا انقطاع غير مرة من شهر تقريبا كان فى انقطاع الساعة 3 بالليل تقريبا وانا كنت راشق قدام الجهاز بحمل و الله اتصلت بيهم الساعة 3 الفجر رد عليا واحد محترم بأدب وقاللى احنا اسفين بنعمل ابجريد للسرفرات و ساعة و الخدمة ترجع وفعلا قبل الساعة متخلص كانت رجعت الخدمه وده الانقطاع الوحيد اللى حصل معايا من ساعة الانترنت ما فصل عن مصر كلها
....
المهم انت شغال ايه فى تى داتا ؟؟؟؟
ونظام الاسعار الجديده ايه ؟؟؟ و فى تخفيض قريب و لا لسه ؟؟؟

ace combat

07-12-2008, 08:43 AM

بصراحة يا جماعة ال انا سمعته من صحابى ال مشتركين فى تى داتا انها ازبل شركة نت فى مصر انا فى لينك والسرعة معايا تمام وما فصلش نهائيا من يوم ما وصلت

hig88

07-12-2008, 07:18 PM

والله انا احترت معكم
ناس تقووووووووووول te data
وناس تقوووووووووووووول لينك رسونا ع بر
ارجو الشفافية
ما علينا انا كنت على تى داتا ونقلت الى لينك
بصرااااااااااااااحة لينك شركة زبالة
وناس حرمية بكل المقاييس
لانه ممكن يديك خط ويشرلك واحد عليه كمان
انا ع خط واحد ميجا
السرعة زبالة والدون لوووووووووود
اقصاه 50كيلو بيت
لحظات وينزل ل 10 15 20 اقصاه
وساعات 1 و 2 5
وساعات مفيش خالص
الواحد زهق بجد
شكرا اخى ع طرح هذا الموضوع الجميل
خلى الناس تفضفض وطلع الى جواها
اصلنا قربنا نتفجر

abodaaaa

07-20-2008, 10:44 AM

السلام عليكم اخوانى فى المنتدى والله انا مختلف معكم فى الراى فى معظم الشركات الخدمه فيها سيئه جدا وخاصه خدمه العملاء فى شركه tedata لا استجابه للعميل ولا غيره كله فى الكلتش ههههههههههههههههههههههههههههههههههههههههه
يارب اكرمنا بشركه جديده

fOr.Any.Thing

07-23-2008, 05:11 AM

أنا شايف Te Data أحسن شركه بصراحه لأن التحميل عندى بيوصل ل32 كيلو بيت حاجه ولا أحسن واللى عنده مشكله مع الشركه فى السرعه يبقى المشكله عنده هو فى الخط .بالنسبه للدعم الفنى زفت زفت زفت معظم الوقت الخطوط مشغوله ولو رد على حد عشان يصلح لى مشكله بيطلع عينى ويكون قرفان منى وكأنى بأخذ منه حسنه

طارق سعد

07-25-2008, 11:11 AM

شركة محترمه فعلا tedata بس على كلام الراجل الطيب for.any.thing بالنسبه للدعم الفنى زفت زفت زفت معظم الوقت الخطوط مشغوله ولو رد على حد عشان يصلح لى مشكله بيطلع عينى ويكون قرفان منى وكأنى بأخذ منه حسنه. هههههههههههههههههههههههههههههههههههههههههه

العنان

08-01-2008, 03:09 AM

ياحبيايبي يا يا حلوين
لازم تعرفوا انه القصة في المقسم اللي انتا واخد منه السرعة
يعني ممكن يكون في ازدحا على مقسم ال 256 ومفيش على 512 والعكس صحيح
وكل ده بيأثر في السرعة

hhh123456

08-01-2008, 04:55 PM

انا بقالى اكتر من سنتين موصل نت من شركة Egy - Net سرعة ممتازة فى التصفح والداونلود ومفيش اى مشاكل من اللى قولتها دى . والدعم الفنى تمام 24 ساعة .

السعيد يوسف

08-01-2008, 08:36 PM

انا فى شبراخيت والسرعه مش مضبوطه نهائى واسعار الخطوط وده الاهم مبالغ فيها بدرجه لايصدقها اى عاقل فالسعر للسرعه 256 140جنيه والسرعه 512 240جنيه
فما بالك بالسرعه 1ميجا حاجه بصراحه تكسف فنحن فى شبراخيت بحيره لانعيش حتى الان عصر الانترنت بتلك السرعات والاسعار الخياليه افرجها علينا يارب

i.hima

08-02-2008, 10:02 AM

كلهم حراميه ولاد كلب فى ايه فى مصر كويس علشان النت يبقى تمام
حرام عليهم والله ينتقم منهم كفايه بقى انا كرهت نفسى كل لما تبص حواليك تلاقى فساد وظلم ووساخه

يا ريت ميتعمليش حظر علشان الردد لان الحقيقه فى مصر بتزعل وبتزعلى قوى كمان

شله نصابيين ماسكين البلد حسبنا الله ونعم الوكيل حسبا الله ونعم الوكيل

abdosayed

08-05-2008, 09:37 PM

انا بسمع فعلا ان تي داتا ممتازة سرعة ودعم وكل حاجة .

انا مشترك في لينك وبصراحة زباااااااااااااالة بكل المقاييس ولا دعم فني ولا سرعة ولا حتى بيردو لما بتصل بيهم والنت كل يوم تقطيع ,

باذن الله الشهر دا هحول على تي داتا وبلا هم :smailes23:

khaledphoto

08-05-2008, 11:42 PM

بصراحه كل شركه وفيها عيب
انا اتعاملت مع TE DATA
واتعاملت مع Link DSL

واتبهدلت مع الشركتين
بس الشركه اللى فيها شويه احترام هى TE DATA
بس بردو كنت بعانى من مشاكل فيها

بس شركه Link DSL
طلعو ميتين اهلى والنت كل شويه بيفصل ومحدش عايز يعبرنى وانا بقالى شهرين بشتكى من انقطاع النت كل يوم ورغم ذلك بدفع الأشتراك

منهم لله

مراكبى2007

08-06-2008, 12:50 AM

يا جماعه كل شركات النت فيها عيوب بس على درجات ومفيش شركه نت فى مصر شغاله 100% مستحيل لان الموضوع ليه اطراف كتيرة السنترال والارضى ال على خط التليفون والكبلات ال المجارى مخرباها وفريق العمل فى كل شركه والروتر والاسبليتر والاشخاص ال على الشبكه وحجات كتيرة بس فيه شركات احسن وافضل من شركات تانيه فى خدمه عملائها وصيانه الهارد وير بتاعها (الاجهزة يعنى) وانا واحد من الناس بغير الى تى داتا وكنت شغال مع اسوء شركه فى الكون كله شركه يلا زفت اسف قصدى يلا مصر الله يولع فيها ياااااااااااارب

fOr.Any.Thing

08-11-2008, 02:09 AM

والله ياخونا الانترنت عندنا فى مصر ارخص بكثير من بلاد ذى السعوديه واجود واحسن والله العظيم ده كلام من ناس عيشين فى السعوديه والامارات

AMIR_SOBHY

08-11-2008, 04:30 PM

http://img267.imageshack.us/img267/2356/9449638zk5.gif
http://img293.imageshack.us/img293/3829/45ca9.gif
http://img444.imageshack.us/img444/3338/pic20df4.gif
http://img266.imageshack.us/img266/2048/tznm2ikyzko2dm0g2moejv2.gif

osos_me

08-16-2008, 12:39 AM

بجد تى اى داتا احسن شركة وشغالة تمام معايا من اكثر من سنة

waled_2010

09-20-2008, 11:53 AM

بصو يا شباب انا جربت كل الشركات دوبتهم ومن الاخر اقسم بالله العظيم وعن تجربه (كل الشركات سرعه واحده وخدمه واحده) ولا في فرق فى زره واحده ان كانو زفت يبقى كلهم وان كانت خدمه جيده فكلم وانا حاليا مشترك فى شركه يمكن جديده عليكم وهى الترا نت ومن الاخر كل الشركات دى مصدرها واحد وكل واحد واخد فرع منها وعامل شركه خاصه بيه

طارق سعد

09-24-2008, 12:52 AM

اثبتت شركة tedata فشلها فى الفطره الاخيره بدون نقاش حيث ان سرعة التصفح قلة كتير والدون لود من 40 الى 50 اقصى حد ممكن على سرفرات كتيره مثل شركة ياهو و مايكروسوفت وهما يبكدبو وبيصدقو نفسهم

moustafaosman

09-24-2008, 02:11 AM

TE DATA هى الافضل دائما فى التحميل و التصفح ولا LINK ولا EGYNET ولا زفت

moustafaosman

09-24-2008, 02:13 AM

TE DATA IS THE BEST IN ALL OVER EGYPT

الحلم الوردى

09-24-2008, 02:14 PM

تي ايه داتا خدمة زبالة واسلوب ازبل علي رد العملاء
بيفتكروا انهم هما اللي بيفهموا
وبس
وكل ما تتصل عليهم يقلك المشكلة بالسنترال
دي قلـــة ادب
وبجد المفروض وقفة مع الشركة دي
ولا فالحين يقطعوا النت عشان الاشتراك والخدمة تكون بالهو

ahmedfreeman

09-24-2008, 08:27 PM

يجماعه كل شركات النت فى مصرلا واحده واخده من مصدر واحد المشكة مش فى شركات الانترنت فى مصر المشكله فى سنترالات مصر عموما الحمد لله السنترالات عندنا زباله زباله يعنى المشكله فى خدمة المصريه للاتصالات انا معايا توكيل تى اى داتا ولينك ونيل اونلاين عندى عملاء فى الشركات الثلاثه وعندهم مشاكل بسبب النت وكل المشاكل حلها فى ايد المصريه للاتصالات وتروح المصريه علشان تحل المشاكل دى يقولك انا مليش دعوى يريس بالنت بتاعك طالما احراره وصله للعميل تمام ميخصنيش حاجه ومش هغير السلك الارضى علشان خاطر عيون تى اى دتا ولا لينك ولا نيل اونلاين يعنى نستحمل بقه النت زى مهو او تجيب انترنت اتصالات او فودافون او موبينيل تبعد يعنى عن المصريه للاتصالات خالص ويكون احس وتوكيلها معايا برده يجماعه والخدمه كفأه بس داخل القاهره للاسف لو اتعممت تبقى ميه ميه والله وندعى للسياده بتوع النت

سمارة بك

09-25-2008, 09:13 AM

link جامدة اوى فى الجيزة والراى للاغلابية مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ

samasimoo

09-25-2008, 07:40 PM

أولا احب اعرفكم بنفسي اسمي (محمد س) و شغال Technical Support في شركة TE-Data ده كان اولا و ثانيا انا معاكم بجد في موضوع ان خدمة العملاء سيئة جدا جدا بس انا متاكد من ان كل اللي بيشتكي من الشركة كان في خلال اخر شهرين و السبب كان ان شركة تي اي داتا هتغير في سياستها بمعني انها هتغير ال Authentication prosess و اللي هو كان قديما Point to Point Protocol Over A.T.M
و بقي دلوقتي Point to Point Protocol Over Ethernet و الطريقة التانية دي ليها مميزات كتيرة بس من أخطر عيوبها انها بتسمح للشركة انها تحدد بالظبط كام جهاز كمبيوتر علي خط التليفون بتاعك و بالتالي مش هتحتاج انها تكبس عليك فجاة عشان تثبت انك مخالف و موصل لجيرانك لأن كل حاجة باينه عند الشركة فبالتالي هتقاضيك قانونيا و عشان الشركة تطبق ده لازم تعرف الرواتر من جديد و ده كان عن طريق انها قفلت النت من السينترال و بتخلي كل اللي يفتح اي موقع يفتح علي موقع الشركة بس فيتصل العميل و هنا بيجي دورنا . احنا عددنا تقريبا حوالي 200 شخص في الدعم الفني فالعدد ده مكنش هيقضي و كمان مش عايزة وجع دماغ مع العملاء فراحت لشركة وصلة كونتاكت سينتر و دي شركة زي ما واضح من اسمها بتعمل تدريب لأي أشخاص علي خدمة العملاء و بتأجرهم و بتبعت واحد من عندنا يعرف العيال بتوع وصلة ازاي يعملوا اوتوماتك كونفيجيوراشن للرواتر بتاعت العملاء عن طريق الدخول لموقع الشركة و تحميل ملف خاص بنوع الراوتر بتاع العميل (نظام سباكة يعني مش حالك) و في حالة ان العيال بتوع وصلة معرفوش بتتحول المكالمة لينا و احنا بنعرف الراوتر مانيوال و الموضوع سهل اوي و الله بس متعرفش في ايه . و يا عيني العميل يتصل بخدمة العملاء يرد عليه بتوع وصلة مش فاهمين حاجة و و بالذات البنات كان فيهم بنت اسمها روفيدا ..مشكلة... سيد من يخزوق العملاءالمهم كان ليهم خطوات محدد يمشوا عليها لو اي خطوة عملها العميل غلط يقوله في عندك مشكلة و لازم نعرف الراوتر عن طريق صفحة الراوتر اي مانيوال كونفيجيوراشن لك انا تتخيل المهزلة بس يا جماعة هي دي مشكلة الشركة بتاعت تي اي داتا بس نصيحة اشتركوا في فودافون 2828 من اي خط فودافون و اسالوني انا

مجنون كونكر

11-14-2008, 06:11 AM

انا فى رأيى لينك احسن شركة بتدى عروض جامدة ساعات بتدى ضعف السرعة فى الصيف وشهور مجانية يعنى احسن الوحشين

اخوكم

احمد

waelwn

12-28-2008, 07:23 PM

انترنت ايجيبت احسن و اسرع شركه انترنت في مصر

حسن من اي شركه و ناس محترمه اوي خدمه العملاء

و السرعه رهيبه
احسن من الشركات الزباله التانيه الي اسنها تي إي داتا و لينك

:smailes60:

edolfino

12-29-2008, 11:25 AM

والله يا شباب انا اعرف ان كل الي عندهم تي داتا معايا في المنطقة
النت بتاعهم اكتر من زبالة والدعم مش كويس بردة
الي كويسة ايجي ولينك

eqri1

12-31-2008, 11:51 PM

للاسف تى داتا

fon2010

01-01-2009, 11:28 AM

شكرا لبعض الاعضاء علي الرد المشارك في الموضوع واحب ان اوضح لكم
ان سوء الخدمه تعتمد علي السنترال التابع له وليس الشركه الخاصه بك

m_mostafa388

01-01-2009, 12:46 PM

:smailes42: النقطة الاولى الاختلاف وارد فى جميع الاقسام و المواضيع يعنى تى داتا او لينك او ايجى كلها شركات بتقدم الخدمة .. لكن اختلتم على مين الافضل و مين اللى بيقدم خدمة ممتازة و مين الخدمة عنده بتضعف ...
:smailes13: انا عندى حل ::::::::: بسيط :::::::: وعاوز مشاركة من الجميع ::::::
:::::::::::::::::::::::::::::::::::::::::::::::::: ::::
كل شركة بتقدم الخدمة عن طريق السنترال تعتمد على الخط التليفونى الارضى يبقى اول نقطة اتأكد ان خط التليفون الارضى ................... ؟؟؟؟؟؟؟؟؟؟؟؟؟؟؟؟؟
النقطة التانية ::::::
لازم الشركة تركب ::::::::::: دى سلام ::::::: فى السنترال علشان توزع منه الانترنت .............
طيب ::::::::::: الدى سلام ::::::::: اخباره ايه ::::::::: نوعة :: صناعته :::::: جديد ............... وانا بعتبر ان دى اهم نقطة :::: بس نكمل ............
خدمة الانترنت هل الخدمة اللى انت مركب عليها هى نفس السرعة اللى بتوصلك و لا اقل وهل الشركة عارفة كده ولا ايه ؟؟؟؟؟
:::::::::::::::::::::::::::::::::::::::::::::::::: ::::::::::نكمل :
الشركات كلها سياستها كالتالى من حيث النقط السابقة :::\
المهم عندها الدخل بمعنى فى كام مشترك عندى فى السنترال ؟؟؟؟؟؟؟؟؟
الدخل منهم كام ؟؟؟؟؟؟؟؟؟؟؟ طبعا بناء على السرعات اللى مشتركين فيها ؟؟؟؟؟؟
::::::::::::
اوك
:::::::::::::
السنترال ده ينزل فيه الديسلام الجديد ده :::::::::: ويركب اللى كان راكب هنا فى المنطقى الـ .............. اللى مفيهاش دخل كويس ............
بس ده يختلف من شركة لتانية ::::::::::: يعنى فى مناطق لينك فيها مسيطرة :::: ومقدمة فيها حسن خدمة ::: بس مناطق تانية ::: تى داتا لالالا ده فى مناطق ايجى نت هى المسيطرة :::
على فكرة انت صداع متلخص يا عم الأمور...........
حاضر .............
نشترك مع بعض علشان نعرف اى المناطق الخدمة فيها افضل ...
بمعنى الزقازيق عندنا تى داتا و لينك الخدمة فيهم ممتازة متساوية ... بس ايجى لالا اى كلام ..
وكل واحد يوضح السنترال اللى هو مشترك فيه .... والسرعة اللى موصل بيها و السعر ...
اوك
::::::::::::::: معلش انا طولت عليكم .. :::::::::::::::::::::::::::::::::
على فكرة ده رأيى الشخصى ::: :::
لو حابين نتنافش فيه :::::::::::
m_mostafa388@yahoo.com
ممكن نتقابل فى اى وقت
على فكرة انا موصل لينك .......... 256 ب 90 جنيه لوحدى فى البيت و السرعة اوكى والدون لوود جوود ......
السلام عليكم

m_mostafa388

01-01-2009, 12:48 PM

بسم الله الرحمن الرحيم .. قال تعالى : (( مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ )) صدق الله العظيم

modyshafey

01-19-2009, 08:03 PM

بصراحة تى داتا هيست

شغلت العدادات من غير حتى اما تبعت رسالة للعملاء بتوعها

انا فجاءة لاقيت عليا 700 جنية
طبعا هاولع فى خط التليفون وهاشترك مع شركة تانية بخط جديد

tonight_lover

01-20-2009, 11:09 AM

الاخ تقريبا Sales فى تى داتا
و عايز برضه يعمل شغل يا جدعان
طبعا هيه شركه كويسه انما فيها غيرها كويس
وطبعا فى الاول وفى الاخر مفيش حاجه عامه فى كل الاماكن فى مصر

DESGINER

09-04-2009, 08:06 PM

الحمد الله انا ولاه مشترك فى تى داتا و لاه لينك انا مشترك فى اى ام
عشان منطقتنا فى الريف فتى داتا مرضتش تيجى لغايط المنزل لكن اىى ام بتيجى للمنزل
حتى لو كنت فى كوكب تانى
و السشرعه كويسه و النت ما بيقطتعش

im_vip

10-20-2009, 09:32 AM

اسوء شركة فى مصر هى شركة ديى دتا سرعات سيئة وخدمه سيئة ومافيش حد بيحل حاجه وموقفين ناس مش فهمه حاجه فى الدعم الفنى وانا مجرب خطين واحد ميجا والاخر 2 ميجا حد يصدق سرعة الدون لود فى الاتنين ميجا اخرها 30 ده كلام ومش انا لوحدى البلد كله كده وكل لم نشتكى اذا حد رد علينا يقولك مشكله السنترال وانا مالى متصلحو السنترال هو شغلى على العكس شركة لينك الى فيها بيشكر جدااااااااا فيها وانا ان شاء الله هحول داحنا زهقنا جدا من بداية 2009 الى شهر 10 الى الان ولم تحل يسلام دى طريقة وتقولى احسن شركة وبعدين هى افضلها تروح وتلم عدتها من شربين علشان كله هيحول على شركة لينك من مركز شربين محافظة الدقهلية

im_vip

10-20-2009, 09:36 AM

im_vip

10-20-2009, 09:47 AM

اسوء شركة فى مصر هى شركة ديى دتا سرعات سيئة وخدمه سيئة ومافيش حد بيحل حاجه وموقفين ناس مش فهمه حاجه فى الدعم الفنى وانا مجرب خطين واحد ميجا والاخر 2 ميجا حد يصدق سرعة الدون لود فى الاتنين ميجا اخرها 30 ده كلام ومش انا لوحدى البلد كله كده وكل لم نشتكى اذا حد رد علينا يقولك مشكله السنترال وانا مالى متصلحو السنترال هو شغلى على العكس شركة لينك الى فيها بيشكر جدااااااااا فيها وانا ان شاء الله هحول داحنا زهقنا جدا من بداية 2009 الى شهر 10 الى الان ولم تحل يسلام دى طريقة وتقولى احسن شركة وبعدين هى افضلها تروح وتلم عدتها من شربين علشان كله هيحول من مركز شربين محافظة الدقهلية