مشاهدة النسخة كاملة : ما تزعليش يا مــــــــــــصـــــــــــــــــــــــــــر
نسيم المنتدي
09-22-2007, 07:53 PM
ما تزعليش يا مصر
يا ام السواعد سمر
يا شعاع العلم للعالم
منور لهم طول العمر
محليك ربنا ادامك بحر
وفيكي نهر وترابك تبر
وجوك الله عليه لا
البرد برد ولا الحر حر
حتي لو خيرك رايح لغيرك
كتر خيرك ومن نصر لنصر
واقفة علي رجليكي رغم
في ضهرك طعنات الغدر
العيب مش فيكي في اللي
حواليكي وربنا يديكي صبر
لمي شبابك حواليكي
جنود الله عليهم زي الزهر
خير اجناد الارض
ودمهم من النار احر
مهما ينقال عنك ومهما
شفتي من المر امر
اوعي تزعلي هنفضل
نحبك ونقول فيكي شعر
ادخلوها آمنين باسم
ربنا في كل عصر
LOST FEELING
09-22-2007, 09:04 PM
متزعليش ...يا أحن أم فى الدنيا
متفكريش... أنت فى القلب حاجه تانه
متقلقيش...من اللى بيدور حواليكى
ميهمكيش...لأ ن ربك حميكى
ـــــــــــــــــــ
نسمتى
جميله هى كلماتك
الوطنيه تلك
تقبلى مرورى وبعض بعثراتى
دومت بخير حبيبتى
.
.
مع محبتى فى الله
nano66
09-22-2007, 10:20 PM
ما تزعليش يا مصر
يا ام السواعد سمر
يا شعاع العلم للعالم
منور لهم طول العمر
محليك ربنا ادامك بحر
وفيكي نهر وترابك تبر
وجوك الله عليه لا
البرد برد ولا الحر حر
حتي لو خيرك رايح لغيرك
كتر خيرك ومن نصر لنصر
واقفة علي رجليكي رغم
في ضهرك طعنات الغدر
العيب مش فيكي في اللي
حواليكي وربنا يديكي صبر
لمي شبابك حواليكي
جنود الله عليهم زي الزهر
خير اجناد الارض
ودمهم من النار احر
مهما ينقال عنك ومهما
شفتي من المر امر
اوعي تزعلي هنفضل
نحبك ونقول فيكي شعر
ادخلوها آمنين باسم
ربنا في كل عصر
ولا تزعلي يابلادي
ان غيبت عنك يوم
اكمني مش راضي
اكون فـ يوم مظلوم
وان قولت يابلادي
عاشقك ياكل الروح
وبصوتي وبنادي
فيكي الغنا والبوح
فيكي شيء غامض
لاكنه معلوم
مهما بتقسي علينا
والقلب كان مهموم
فيكي الامل طراح
يحضنا ونقوم
********
نسيم المنتدي
عاوز اقولك حاجه جديده غير ابدعتي وقصيده رائعه لكني مش لاقي كلام جديد لانك حقيقي ابدعتي وقدمتي عمل جميل
ويارب ماتشوهشي حروفي البسيطه روعه صفحتك
yasmina_muslima
09-23-2007, 06:16 PM
أي وطن أنت يا وطني
وطن لكل الأوطان
كل الشعوب لهم وطن يعيشون فيه
إلا نحن يا مصريين لنا وطن يعيش فيه كل الأوطان
أشكرك على مشاعرك الوطنية
وسؤالي بالبلدي لكل مصري
شوفت مصر..؟؟!!
شوفت مصر ..؟؟
مين بيسأل شوفت مصر
آآه طبعا شوفت مصر
وهحكيلك حكيتها
كانت شابة حلوة ولا أجدع صبية
وبتسأل شوف مصر؟؟
شوفت مصر المحروسة ...
شوفتها فى أبهى صورة
كانت زمان زماااااااااان بيقولوا عليها عروسة
كانت تستاهل ألف بوسة
قلعت الطرحة .. وحطت أمطة
وشالت الهم ... فوق دمغها
شوفت مصر...
أه ... مالها..؟؟
صاحبة حضارة .. وسنين قديمة
كانت أميرة ..... ست فى زمنها
مرمطوها فى سنين قليلة ..
ضيعوها وخلوها شيخة
سرقوها .... وسلبوا مالها
وبقت حبيسة ... جوة درها
سجينة ... هي وعيالها
ولما شفوها سألوا ... هى دى المحروسة؟!
ألف لا بأس عليها..
شحاتين ونصبين
وشردوا ولدها
وهى تصرخ بأعلى صوتها
بس مين بيسمع ليها
لأ وكمان بيشحتوا بيها
شوفت مصر
عملوا ايه فيها..!؟
طمسوا عنيها ... ربطوا أديها
تصعب عليك ... إللى كانت حرة
يتغنى بيها...
يتغنى بيها
أسفة
أصلى من جوة قلبى موجوعة
أسفة ليها ... وعليها
غمض عينك ياللى ضحيت العمر كله
عشان تخليها
أحلم باللى كانت فى بالك ...
شوف بس إللى فى خيالك
باللى كانت فتاة احلامك
وقول بقلبك قبل لسانك
لو لم أكن مصريا لودت أن أكون مصريا
وانتهت المسرحية
شوفت مصر ...
مش عاوز أشوفها
كفاية أحلم بيها ..
وأنى قادر أحميها
طيب شوفها وفتح عينك
وقولى شوفت مصر ..؟؟
.
.
ياسمينـــــا
المستميت
09-29-2007, 11:44 PM
اية الأبداع والروعة دي بصراحة انتم الكل مبدعين انا مشفتش
حاجة حلوة وكلمات جميلة كالذي كتبتموه جميعكم من فترة طويلة في مصر
انتم بصراحة مبدعين
واية صاحبة المضوع تكتب قصيدة جميلة تكون الردود
قصائد اجمل
اجمل ما كتب في مصر حقيقي من زمان
وانا هنا لست مجاملا ولكن هي كلمة حقيقية
محمد __مصري__صعيدي جواني
angel2200
10-01-2007, 04:04 AM
بجد مش عارف اقوووووووول اية؟
من زمان نفسى اسمع حاجة اى حاجة عن بلدنا........
كان عندى احساس ان معتش فى حد بيحب بلدنا .... بس اتضح انى غلطان ... وانا مش لوحدى ... فى ناس كتيرة اهوة بتحب بلدنا ... ربنا يخليكوا ويحميكوا ... ونقدر بجد نغير اى حاجة حتى ولو بكلمة..........
نسيم المنتدي
10-01-2007, 07:11 PM
متزعليش ...يا أحن أم فى الدنيا
متفكريش... أنت فى القلب حاجه تانه
متقلقيش...من اللى بيدور حواليكى
ميهمكيش...لأ ن ربك حميكى
ـــــــــــــــــــ
نسمتى
جميله هى كلماتك
الوطنيه تلك
تقبلى مرورى وبعض بعثراتى
دومت بخير حبيبتى
.
.
مع محبتى فى الله
بقولها لك وانا بتألم ليكي
وقلبي بيتقطع عليكي
آه يا بلد حكمينك ظلمينك
قال عدل قال
وهي دي فيها سؤال
لما كل حاجة تبقي متفبركة
علي حساب الحق
ومتعدلة آخر انتكة
عشان كلمة لأ
تتخنق في الحناجر
تدبح بالخناجر
واللي يقول الحقيقة جاهل
متخلف
سعيدة انتو العلما وعلمكو واصل
وناس بتألف
الصدق طريقه واضحة ومفهومة
وعلي القلب مهضومة
اما الكدب تلاقيه إخيه عليه
تحس نحيتو انك ايه
زي ماتكون كدا مشمئز مستفز
وعايز تقوله
بلا نيله وخيبه تقيله
وما تزعليش يا مصر
____________
اختي الحبيبة لوست فيلينج
كلامك بلسم وبيعلم في القلب جوايا
ربنا يخليكي حبيبة قلبي وليكي كل حبي
واحترامي اختك في الله نسمة
نسيم المنتدي
10-03-2007, 12:00 AM
ولا تزعلي يابلادي
ان غيبت عنك يوم
اكمني مش راضي
اكون فـ يوم مظلوم
وان قولت يابلادي
عاشقك ياكل الروح
وبصوتي وبنادي
فيكي الغنا والبوح
فيكي شيء غامض
لاكنه معلوم
مهما بتقسي علينا
والقلب كان مهموم
فيكي الامل طراح
يحضنا ونقوم
********
نسيم المنتدي
عاوز اقولك حاجه جديده غير ابدعتي وقصيده رائعه لكني مش لاقي كلام جديد لانك حقيقي ابدعتي وقدمتي عمل جميل
ويارب ماتشوهشي حروفي البسيطه روعه صفحتك
هنفتح باب التشريح والانتحابات
والكل لازم يصوت
واللي مش هيصوت يجيب عيلته تصوت
عليه ..... اصلكو غنم ما بتفهموش
احنا نفهمكم... التصويت اما نعم او نعم
مافيش اختيار تاني
نقول من تاني
عشان تفهمو
من حظكو ان احنا بنمشي بسياسة الديكتاتورية
المتشحة بعباءة الديمقراطية
ولابلاش مصطلحات
انتو جهلة جاييين من الغابات
التحضر ما بيمرش عليكو
احنا المفروض نستحمركم نغمي عنيكو
بس عشان شكلنا ما يبقاش وحش
قدام الادارات السياسية
هنقول كلام يتنفش
وهنحبك التمثيلية
المفروض كنا استعملنا معاكو سياسة القمع
عشان مايبقاش عندكو من الاول دفع ولا رفع
ونطلع في ضهوركو علل
عشان لا تشيلو رماح ولا نبل_______________
اخي الفاضل كلامك وحروفك ابدا ما تشوه
صفحتي بل علي العكس سبب لفرحتي
بارك الله فيك وشكرا لك ردك الجميل ومرورك الرائع
"mony"
10-03-2007, 02:43 AM
والله قصيده فى غايه الرواعه والابداع
اعجبنى كتير اسلوبكـ
واحساسكـ بمصر اللى كلنا نحبها ونخاف عليها
والله يحميها من اللى فيها
مشكــور على ها الكلمات المتميز مثلكـ
مــــونى
السحاب الصافى
10-06-2007, 04:47 AM
واسطة ومحسوبية
كوسة وملوخيه
واللى مش عاجبه ياخد من البحر شوية
ومش هحكى عللى بيحصل فى المصالح الحكومية
دة اللى فات كوم ودة كوم
كل موظف قدامه الشغل بالكوم
وقاعد بيقرا فى جرنان اليوم
ومعطل معاه احوال القوم
وكل موظف موفر نفسه ويرميك على صاحبه
وتروح لصاحبه يزعق ويتنرفز والحال مش عاجبه
يحدفك لواحد تالت يا عالم ايه اللى فى قلبه
يبرقلق ويبربشلك بعنيه وبعدين يقولك
فوت علينا بكره
وهكذا دواليك وتعاد الكرة
...............................
احنا اللى عملنا فى نفسنا كده
طاطينا راسنا وداست علينا العدا
بقينا زى النمل ملناش اى فدا
نموت الف الفين مليون ونقول كله رضا
...............................
احنا فى سبات والوقت خلاص فات
ملناش امل دلوقتى املنا بعد الممات
ينصفنا ربنا بعد مايجمع الرفات
ويدخلنا باذنة فى جنة من الجنات
آمين آمين آمين
