وبعدين يا سي روميو معقولة

[كمال عمر]

روميو كتب:

"
اما الهلال فيمتاز بالعشوائية فى الاداء ويلعب الفريق بلا اى شكل تكتيكى او خطة وهو ما يضع المنافسين فى مازق لعدم معرفة شكل وطريقة اللعب , فأغلب اللاعبين لا يتقيدون بمراكزهم ويعتمدون بشكل اساسى على تطفيش الكرة من الدفاع الى منطقة الخطورة انتظاراً لخطا دفاعى او دربكة بداخل الـ 18 ليتمكنوا من التسجيل بجانب الاعتماد على الكرات الثابتة والركنيات نظرا للطول الفارع الذى يتميز به لاعبيه , ورغم اللعب العشوائى نجد الهلال اكثر الاندية تهديفا نظرا للضغط الشديد على الخصم واقتناص الاخطاء , يضم الفريق مجموعة من اللاعبين المهارين الذين يمكنهم احداث الفارق وتسجيل الاهداف فى الزحام على رأسهم النيجيريان كليتشى وقودوين ."


ياخي معقولة ...يا عم انا منسحب من هذا المنتدى حتى تكون هناك مصداقية.

[romio1975]

انا كاتب ده ؟؟
ده فين ده ؟؟ وما اتفضلتش ليه رديت فى نفس الموضوع اللى انكتب فيه الكلام ده ؟؟؟؟

وبعدين حتى لو انا كاتبه مع انى مش فاكر ابدآ انى كتبته ده رأى وانا حر فيه هتحجر على رأى كمان ؟؟

وعايز تنسحب مع الف سلامة والقلب داعيلك
عايز تفضل براحتك
محدش غصبك على الرحيل او الوجود

[كمال عمر]

راجع هذا الموضوع:
دورى ابطال افريقيا 2007 : مساء العاشر من رمضان .. الاهلى يسعى للنصر فى يوم النصر


ومع الف سلامة

http://www.bramjnet.com/vb3/showthread.php?t=413594

[romio1975]

انت لسه فاكر ؟؟؟

اه الكلام ده مكتوب فى التقرير وفيها ايه يعنى واحد وبيقول وجهة نظرة وهو حر
والله كويس لو كل واحد ما عجبوش وجهة نظر حد فى شىء ما ينسحب تبقى هيصة

مع الف سلامة

[zindin zidan]

مع الف سلامة

[aymanfekry]

هات قلة يابني ، ديييييييييييييييييييييب

[omar-omar]

الاخ كمال عمر كل واحد حر فى رايه
ولو كان الرآى ده مش عجبك تنسحب يا باشمهندس رد بوجه نظرك وحاول تقنعنا بيها بالرغم من اننا كلنا شايفين الهلال وصل ازاى

[mizo_mido_Ahly]

ياعمر باشا .. اية الموضوع ..
اولا روميو مش هو الى كاتب الموضوع . اساسا هو ناقل التقرير لينا
ولو حتى هو مايد الفكرة او الراى ملكش اى حق تقول انا عايز انسحب .. ياريت تفضل معانا
ومفيش حاجة تستحق انسحاب عضو لاكن لو عايز مع السلامة ..

[yasserbasha2006]

باي باي يا كيمو

ابقى سلملنا ع اللي عندك كلهم

[ahmedali_hbk_777]

يلا عقبال الهلال بتاعكوا ده كمان لما ينسحب

هات قلة يابني ، ديييييييييييييييييييييب

:smailes90: :smailes90: :smailes90:

[Ruud Van Nistlroy]

تعرف يا عم كمال
انا مش شايف في الكلام ده حاجة تزعلك
وللعلم والله العظيم انا لو بتكلم عن الهلال كنت هقول نفس الكلام بالضبط
وده فعلا اسلوب الهلال في اللعب وده مش عيب ولا حاجة

طيب ما انا مثلا بتكلم علي منتخب ايطاليا اللي انا بكرهه وبقول عليه اسلوب دفاعي عقيم لا يلعب كرة ممتعة
بل كرته رخمة وغلسة
ومع ذلك هو بطل العالم
وعمر روميو ما قال لي انت وحش وكخ
مع انه من محبي الطليان

يا ريت تكون وصلت
اهدي كدة وصلي عالنبي

[كمال عمر]

اولا انا قصدت الانسحاب من المشاركة في القسم وليس المنتدى فهناك الكثير من الاقسام المفيدة جدا في هذا المنتدى. والحقيقة ان هناك الكثير من الاخوة المحترمين في هذا القسم ولهم مني التحايا والحب ولكن انا ما قصدتها مناحة و لكني اردت فقط ان اقول انني اقبل التحيز الشديد من قبل الاعضاء العاديين ولكن عندما تكون على قمة الهرم الاداري للقسم , يجب عليك ان تتوخى الكلمات والمواضيع التي تطرحها في القسم حتى يستمر الابداع والتميز. وبعدين ممكن ايضا ان تنسب المواضيع المنقولة لكاتبيها الاصليين عملا بحق الملكية الفكرية وحتى نعطي كل ذا حق حقه ونكفي المؤمنين شر القتال. وانا بصراحة اخشى ان اكون اعطيت الموضوع اكثر من اللازم وان الحكاية كلها تهريج في تهريج ويمكن لاي احد ان يقول ما اراد دون رقيب كاننا في المدرجات وكلنا يعلم ما هي المدرجات فيمكن ان يكون بجانبك العالم والجاهل, العاقل والمجنون, والذي يصيح عثمانة...عثمانة...والذي يصيح &*%$# و انتم اعلم . يا جماعة الخير انا ح اكون موجود في المنتدى ولكن سأعلق مشاركتي بالكتابة وساشارككم بالقراءة و ارجو من الاخوة الذين سيردون بالسخرية على هذه الكلمات ان يوفرونها الى بعد رمضان-lol- ورمضان كريم ولك حبي اخي روميو

[Ahmed1966]

ياخي معقولة ...يا عم انا منسحب من هذا المنتدى حتى تكون هناك مصداقية.

يا اخى اختلاف الرأى لايفسد للود قضيه وبعدين لاحجر على حريه الرأى والفكر يعنى انا لما اكون باكره فريق هل انافق واقول باحبه لاطبعا مثل تحيزك ودفاعك عن فريقك كل واحد لابد ان يدافع عن فريقه بالاسلوب الذى يراه
وبعدين بصراحه وبدون مجامله ما رأيت مشرف فى اى منتدى افضل من روميو فهو يتصدرهم بجدارة وعن استحقاق وليس عيب ان يكون اهلاويا ومغرم بفريقه يعنى كل واحديشجع ويهيص لفريقه وهو يحرم عليه تشجيع فريقه ليه يعنى