لا بفتكرك ولا بنسى ...... الشاعر(LaSer_26)

[LaSer_26]

السلام عليكم ورحمة الله

لقد مرت عليه فتره طويله من الزمن كنت أكتب همومي وأحزاني عن طريق القلم والورقه
لأجسد مشاعري عن طريق الشعر ومرت السنون ولم يقرأها غيري و أظن أن هذا المنتدى اللطيف جعل في قلبي شيء يتحرك لأكتب هنا بعض من أشعاري التي تمثل بعض المراحل التي مررت بها في حياتي وسأضع كل فتره قصيده وأذا أعجبتكم سأستمر فالنبدأ

[LaSer_26]

سفاين حبنا المجروح على المرسى لا بتبحر ولا بترسى
وانا واقف على رمل الفراق ودمعه في عنيه ورعشه غريبه في أيديه
وسامع مع النجوم ضحكه وتنهيده وسامع مع القمر همسه غريبه
حتلقاني هنا لسه لا بفتكرك ولا بنسى

حكايتنا نسايم شطنا العطشان بتطفيها قلوعنا ألللي الرياح أبدا ما رعشتها
هواء بارد بيطويها والسكون مغطيها
ورودنا ألللي كبرت في بحر أيامنا حتدبل تاني لو فكرنا نرويها
بلاش نرجع لنار النار نضيع فيها
بلاش نرجع طريقنا معدتش فيه ولا خطوه نمشيها
سهرنا ومعدتش في ولا كلمه نحكيها
ولا عاد الزمان بيحن ولا بيقسى
ولو جيت بعد 1000 حياه حتلقاني هنا لسه لا بفتكرك ولا بنسى
ولا عمر الزمان حيرضى أبدا نكمل القصه
وضاعت من عيوننا نظرت اللهفه
مشيت فوقنا ليالينا وماضينا وأمانينا
ولا وقفنا ولا مشينا ومن بعضنا لا زعلنا ولا صفينا
رسينا فوق طريق الزكرى وطغينا بالعناد بكره
ولا فكرنا في العشره ولا نسينا ومن بعضنا لا خدنا ولا أدينا
مرينا في سكه حزينه زي أعيادنا ومواعدنا وكانت كل لحظه بتمر بتبعدنا
يا حب الزمان أنتهى ألللي كان
يا أحلى أيام العمر صدقني سفاين حبنا المجروح على المرسى
لا بتبحر ولا بترسى ولو جيت بعد 1000 حياه
حتلقاني هنا لسه لا بفتكرك ولا بنسى

[Samir Aser]

بلاش نرجع لنار النار نضيع فيها


يانار النار ................ ايه الحلاوة دى ................. هات من العبقريات الفطرية دى كتير

تحياتى

[LaSer_26]

بلاش نرجع لنار النار نضيع فيها


يانار النار ................ ايه الحلاوة دى ................. هات من العبقريات الفطرية دى كتير

تحياتى

نسيت حرف اللام لنار النار مش يا نار النار الحرف يفرق في المعنى
شكرا على مرورك

[Samir Aser]

أنا قاصدها تعبيراً عن جودة الشعر .............. هتفوتنى برضه يارااااااااااجل ؟!!!

[LaSer_26]

ربنا يخاليك يا سموره يا سكره وشكرا على ردك الشيك

[dahmy]

لاء معلم يا ليزر

[LaSer_26]

لاء معلم يا ليزر

شكرا على متابعتك لأشعاري يا dahmy وأنا مبسوط لأننو عجبك ووجودك بيشجعني أكتب أكتر تابع سلسلة أشعاري :bye: