دلع عينى دلع ... شلبي ينفي توقيع غرامة او اى عقوبات علي عمرو زكي

[romio1975]

http://www.yallakora.com/Pictures/main/Amr-Zaki--350_350.jpg

نفي المتحدث الرسمي لاتحاد الكرة المصري مدحت شلبي صدور أي قرار بشأن لاعب الزمالك عمرو زكي والمتهم بالتلفظ بألفاظ نابية ضد حكم مباراة فريقه الأخيرة في الدوري أمام بلدية المحلة.

وكانت بعض المواقع الرياضية قد أكدت أن اتحاد الكرة اصد قرار بتوقيع غرامة مالية علي عمرو زكي قيمتها 20 الف جنيه بسبب ما بدر منه أثناء مباراة البلدية.

وأكد شلبي في اتصال هاتفي أن لجنة المسابقات لم تجتمع بعد وبالتالي لم يصدر أي قرار بشأن عمرو زكي آو أي قضية آخري.

واشار شلبي إلي أن لجنة المسابقات سوف تعقد الثلاثاء لمناقشة تقارير حكام مباريات الأسبوع الثاني في الدوري بشكل عام مؤكدا أن اللجنة لن تعقد لمناقشة حادثة عمرو زكي بشكل خاص.

ومن جهته نفي الأستاذ خالد جبر مدير المركز الإعلامي بنادي الزمالك في اتصال هاتفي وصول أي قرار من اتحاد الكرة بشأن توقيع عقوبة علي عمرو زكي.

وكانت الإعادة التلفزيونية في مباراة الزمالك وبلدية المحلة الأخيرة في الأسبوع الثاني للدوري العام والتي انتهت بفوز الأول بنتيجة 2-1 قد أظهرت زكي وهو يتلفظ بألفاظ نابية في حق حكم المباراة محمد فاروق نتيجة الاعتراض.

[ahmed's]

دلع عينى دلع ,, عمرو عملها و خلع

[totti272]

تعرفوا إن كدا كويس

والحمد لله إنها مش 20000 جنيه

ليه بقى

علشان الموضوع دا كبر زيادة عن حده وأخذ شنة ورنه فى الشارع الرياضى

ولو ما إتوقعش عليه أى عقوبة

هيمسكوا له ع الواحدة

مع إنى أتوقع الجلد فى ميدان عام

[romio1975]

دلع عينى دلع ,, عمرو عملها و خلع




لا حبيب قلبى هو عملها بس ما خلعش

موقع اطفال تى فى روج لأشاعه ال 20 الف عشان يهدى الموضوع وتخلص على كده

والنفى من اتحاد الكورة ده هو التمام لأن عمرو كده شكله هياخد الطريحة وينام

[ahmed's]

يا حبيب قلبى

انت عارف كويس ان عمرو مبيتأثرش

بكلام شوبير و علاء كاذب و الناس دى

لان ببساطة عمرو راجل مش حاجة تانية

و ماتش الاتحاد مش بعيد

[romio1975]

يا حبيب قلبى



انت عارف كويس ان عمرو مبيتأثرش

بكلام شوبير و علاء كاذب و الناس دى

لان ببساطة عمرو راجل مش حاجة تانية


و ماتش الاتحاد مش بعيد




لا واضح فعلآ انه راجل مش حاجة تانية باللفظ اللى قاله
قال تعالى ( وما يلفظ من قول إلا لديه رقيب عتيد)
واضح ان الرجولة بقى ليها مفاهيم تانية خالص فى زمن عمرو زكى

[sniper_hex]

اخخخخخخخ
ياعمرو يامروقهم

[ahmed's]

و الله لو انت مش شايف انه مش راجل فى الملعب يبقى دى حاجة ترجعلك

اما لو قصدك عن الغلطة اللى غلطها

من منا معصوم من الخطأ

انا معاك انه كان لازم يتعاقب

بس اتحاد الكورة شاف غير كده

[romio1975]

اتحاد ايه اللى شاف غير كده يا حج ؟؟؟؟

انت بتعرف تقرا عربى ؟؟

V
V
V


وأكد شلبي في اتصال هاتفي أن لجنة المسابقات لم تجتمع بعد وبالتالي لم يصدر أي قرار بشأن عمرو زكي آو أي قضية آخري.

واشار شلبي إلي أن لجنة المسابقات سوف تعقد الثلاثاء لمناقشة تقارير حكام مباريات الأسبوع الثاني في الدوري بشكل عام مؤكدا أن اللجنة لن تعقد لمناقشة حادثة عمرو زكي بشكل خاص.






صبرك بالله التقيل جاى ورا

[ahmed's]

تقيل ايه بس

انت بتصدق

هههههههههه

حتى لو فكروا انهم يعاقبوه هتبقى الغرامة

ده لو يعنى

[chemist m]

تقيل ايه بس

انت بتصدق

هههههههههه

حتى لو فكروا انهم يعاقبوه هتبقى الغرامة

ده لو يعنى
ليه هو إنت مفكرهم الزمالك هيقولو نرفزة ملعب دا حتى صالح الحكم فى أودت اللبس
ياعم فكك بقى
هو أصل مفيش تربيه ولاإحترام هيجيبه منين معذور
والمثل بيقول اللى ربى خير من اللشترى

[yasserbasha2006]

دلع عينى دلع ,, عمرو عملها و خلع

أمال فين الإتحاد الأحمر

ما أوقفوش ليه؟؟؟

و لا هم قلبوه اتحاد ابيض؟؟

[agmal_a7sas2002]

موتوا بغيظكم يا اهلويه
هههههههههههههههههههههههههههه

[yasserbasha2006]

بس اتحاد الكورة شاف غير كده

طبعا لازم يشوف غير كدة...مش اتحاد أحمر؟؟

[yasserbasha2006]

موتوا بغيظكم يا اهلويه
هههههههههههههههههههههههههههه

لا يا باشا مش هنموت

لأننا أصلا مش متغاظين

هنتغاظ من ايه و على ايه؟؟

حاجة بين لعيب زملكاوي و اتحاد الكورة الأحمر

يعني مالناش في التور ولا في الطحين

إنما احنا بنعلق ع الأمر بس مش أكتر

[ahmed's]

اقولك ايه بس

اه احمر

متبصش ع الموضوع ده بس

لو مش فاكرلهم حاجة تدل انهم حمر

ابقى قولى و انا افكرك

[wanoooos]

اقولك ايه بس

اه احمر

متبصش ع الموضوع ده بس

لو مش فاكرلهم حاجة تدل انهم حمر

ابقى قولى و انا افكرك

طيب ممكن تفكرنى انا

اصل الزهايمر خلاص بدأ يزحف على تفكير الواحد

[wanoooos]

اتمنى معاقبه عمرو زكى بالايقاف و ليس بالغرامه

لان لو على الفلوس تندفع ، بس الايقاف و الحرمان من اللعب بالنسبه للاعب كره قدم هى افضل عقاب فى مثل تلك المواقف

حتى لا تتكرر نفس المأساه مره اخرى ، و حتى يتم المحافظه على شخصيه الحكم المصرى " طالما انه مغلطش "

[Mohamed_Hamdy]

يا حبيبي ،،
ايه الحنية دي ،،

غريبة امال بيقوا اتحاد النادي الواحد
واالمسرحية والتمسلية والفوازير
والحملة الاعلانية ،،
والهجوم الشرس على عمور الامور ،،
والله العالم دي بتسمع حجات غريبة وبتحلم بحجات مريبة
انجليزي ده يا مرسي

[Mohamed_Hamdy]

لا يا باشا مش هنموت

لأننا أصلا مش متغاظين

هنتغاظ من ايه و على ايه؟؟

حاجة بين لعيب زملكاوي و اتحاد الكورة الأحمر

يعني مالناش في التور ولا في الطحين

إنما احنا بنعلق ع الأمر بس مش أكتر


تقصد مين يا ياسر ،، ؟؟

يا ياسر تقصد مين ،، ؟؟

طب مين ياسر يقصد ،، ؟؟:biggrincl

[sprto]

عمرو ذكى دة شخصية محترمة مفهاش كلام

احنا هنهرج محنا عارفين اخلاقة من زمان مش جديدة

كل الناس عارفيين من الشخصيات المحترمة بجد فى الاهلى و الزمالك

فينك يا حازم يا امام و فينك يا تريكة مثل لاادب و الاخلاق و المهارة

غير كدة لا يستحقو الكلام عليهم لانهم لا يستحقو الكلام عليهم اساسا

[المهندس الاهلاوي]

لا تعليق اكثر انه سوف ياخذ جزاءه ان شاء الله لانه يعتبر غلط في حق حكم معملوش حاجة ومعرفش الاعضاء بيدفعوا عليه ليه لو محترم ماشي لكن مثل هذا الاعب لا يشجع المشجع ان يحترمه وكفانا ان الناس من الدول التانية غير مصر لم يدخلو المنتدي ويشوفوا انه عمل كده هيقولو ايه عن مصر