و ماذا فعل اتحاد الكره لعصام الحضري وفلافيو

[vambire888]

قامت حملة مسعورة من بعض الفضائيات والصفحات الرياضية بعد مباراة الزمالك والبلدية بهدف إيقاف عمرو زكي بعد أن ركزوا عليه الكاميرات و قرأوا حركة الشفاه الخاصة به و التي أكدت تلفظه بلفظ خارج . و لغرض في نفس يعقوب قامت الدنيا لكي تتم معاقبة عمرو زكي ولو أن الأمور تسير بميزان العدل لوافقنا علي إيقاف عمرو زكي فورًا و لكن للأسف الشديد أصبحنا نعاني من تعنت و تفرقة الهدف منها هو مصلحة نادي واحد فقط ....و ليس أدل على ذلك مما سوف أذكره الآن حتى يكون الرد بموقف مشابه و ليس كلامًا فقط. .

في مباراة الألومنيوم والأهلي في العام قبل الماضي في الصعيد احتسب الحكم مدحت عبد العزيز ضربة جزاء ضد الأهلي و بالتحديد ضد عصام الحضري و انبرى عصام يسب الحكم بأفظع الألفاظ خصوصًا بعد ضياع الضربة بعد أن قام الحكم بإعادتها و كانت الكاميرا مركزة و بوضوح على شفاه عصام الحضري...وحتى ننسب الحق لأصحابه قام الأستاذ محمد سيف في برنامج "الكوره مع دريم" بالحديث عن هذه اللقطة و قال حرفيًا "هل يقبل اتحاد الكرة بما قام به عصام من سب الحكم بهذه الألفاظ" و الغريب أن السيد شوبير قد تجاهل ما قاله الأستاذ محمد سيف ولم نسمع ضجيج إعلامي و مرت القصة على خير لأن المقصود هو الأهلي....و تشاء الصدف أن يقوم فلافيو في مباراة أمس بنفس الفعل مع العلم أننا لا ندري ماذا كان يقول لأنه كان يتحدث بلغته فهل سنحضر خبير في حركة الشفاه لفلافيو و لكل لاعب أجنبي لكي يحل شفرة الشفاه الخاصة بلغته...أم أن المقصود هو الزمالك و الزمالك فقط...مع الإقرار والتأكيد على أننا لا نقبل ما قام به عمرو زكي ولكننا نريد فقط العدل و ليس أكثر...والمساواة ايضًا بين الجميع .

زمالك تى فى

[vambire888]

وادى تاكيد على اللى عملو عصام الحضرى

وياريت يا جماعة محد ياخد الموضوع بأنه دفاع
على عمرو زكى

[romio1975]

هو احنا مش مانعين اى مواضيع من اطفال تى قى تتحدى الملل ده ؟؟؟

[misry]

وياريت يا جماعة محد ياخد الموضوع بأنه دفاع
على عمرو زكى

___________


امال هو ايه ...؟؟

لما تجيب ان عصام وفلافيو لم يعاقبوا على أخطاء اذا انت تريد أن لا يعاقب عمرو زكي ...



انبرى عصام يسب الحكم بأفظع الألفاظ خصوصًا بعد ضياع الضربة بعد أن قام الحكم بإعادتها و كانت الكاميرا مركزة و بوضوح على شفاه عصام الحضري...


مع اني مشفتهاش لكن لو حصلت يبقى لازم عصام كان يتعاقب

ولازم الحكم كان يكتبها في تقريره ...



تشاء الصدف أن يقوم فلافيو في مباراة أمس بنفس الفعل مع العلم أننا لا ندري ماذا كان يقول


ازاي بتقول انه قام بنفس الفعل وانت أصلا مش فاهم هو قال ايه ...؟؟؟؟؟؟؟؟؟؟؟؟؟؟؟


عموما اتحاد الكوسة عاقب عمرو ب20 ألف جنيه وهو يقدر يدفعهم بصابع

رجله الصغير وكانت لازم تكون العقوبة أشد من كده بكتير لأن ده قدوة لكثير

من اللاعبين ...

[romio1975]

20 الف جنيه بيصرفهم فى عشوة

وما كناش نعرف انكم بتعرفوا برتغالى او انجولى

ولا ما تخافش خالص مش هناخد الموضوع انه دفاع عن الزكى خالص

[zoma08]

المساواة والعدل بين الأندية في القرارات وعدم تمييز نادي على الاخر مهما كانت سمعته أو اسمه في مصر او الوطن العربي هو ما يجعلنا محترمين وسط العالم الكروي
نفسي أشوف الدوري بتاعنا زي الدوري الانجليزي قبل ما أخلف والواد يتعقد من الكورة لمصرية

[bobman]

دا حاجة 100/100 طب دا انا بصرف 15.000 الف بس
هههههههههههههههه

[Abougresha]

عمر زكى يستاهل العقوبه ولكن هل تم معاقبه الحضرى مش مهم دى كمان الاهم لما نشوف عقوبه التزوير هتكون ايه ياترى

[romio1975]

عمر زكى يستاهل العقوبه ولكن هل تم معاقبه الحضرى مش مهم دى كمان الاهم لما نشوف عقوبه التزوير هتكون ايه ياترى

نفس عقوبة تزوير عقد محمد عبد الواحد بالظبط :smailes15:

[Abougresha]

نفس عقوبة تزوير عقد محمد عبد الواحد بالظبط :smailes15:
هههههههههه بيقولك تزوير محمد عبد الواحد هههههههههههه تانى اخبار حمضانه هههههههههههه ياسلام على الصحافه ههههههههه محتاجين كام موضوع عن محمد عبد الواحد لعدم الزوير نتكلم فيه هههههههه من الاخر لك الله يازمالك

[abuotarka]

ربنا يهدى الجميع

[ahmed's]

انا ماليش دعوه بالخضرى و لا الناس دى ,, واحد بيغلط نغلط زيو ليه ؟ عمرو زكي غلطان وبلاش نبرر للغلط وبكلامه اساء لناديه ولازم يتعلم يمسك اعصابه

[romio1975]

اسمه الحضرى يا اخ احمد عماد مش الخضرى

واخد بالك انت

[ahmed's]

متزعلش نفسك يا عم روميو

ده حتى الخضرى ليها معنى

[kokohakem2]

يا جماعة انتو ظلمتوا عمرو زكى هو ماكنش بيشتم هو كان بيسمع شوية هولندى علشان يكلم كرول شوفتو بقى انكو ظالمينة

[romio1975]

متزعلش نفسك يا عم روميو


ده حتى الخضرى ليها معنى




مش لازم اعرفك يعنى ايه معنى الحضرى
بس المهم عندى تنطق اسم اللاعب صح

[Mohamed_Hamdy]

اسمحلي التعقيب ،، على ما يخص فلافيو ،،
لكي اثبت لك ان هذا الموقع احد مواقع الفجر الر ياضية ،، اوحد زعماء التعصب الاعمى والمكسح كمان

بعد الاقرار باعتراض كامل الاهلوية وضقهم الشديد من تلويح واعتراضات وهمهمة فلافيو على الفاضي والمليان سواء لزملائه في الفريق او لحكام المباريات ،،
اقول لك ان سبب امتناع الاتحاد عن فرض عقوبة على فلافيو ان فلافيو يعترض على مرمى ومسمع الجميع داخل المستطيل الاخضر وخارجه
ويراه الحكام بأم عينهم وبوضوح تام وعن قرب ،، اذن فالعقوبة متروكة للحكم نفسه ،،

وعلى فكرة ظاهرة التلويح والاعتراض ظاهرة مألوفة في جميع الملاعب ونراها في كل المباريات ومنها ما يتنازل عنه الحكام ومنها ما يتصدى له الحكم بكرت اصفر او احمر ،،

اما الذي يتخفى كالقط المبلول جبنا وضعفا ويتلفظ بالفاظ نابية بين جوانبه وجب عليه العقوبة المضاعفة ،،،
بالمناسبة لو لااتحاد الاحمر بيلعب لصالح نادي واحد بس وهو الاهلي طبعا على حد افتراض بيت الزملكاوية المهذب كان الاتحاد استغلها فرصة ووقف الاعب قول 4 او 5 مباريات على الاقل دون العقوبة المالية التي لا تهز شعرة في راس العمرو الذكي ،،

ناهيك عن تصريح مدحت شلبي بعدم توقيع عقوبة حتى الان على عمرو زكي ،،
يبقا فين الانحيازية المزعومة يا بيت المهذبين

[vambire888]

مع اني مشفتهاش لكن لو حصلت يبقى لازم عصام كان يتعاقب


والله العظيم حصلت وانا شفتها بعينى


عموما اتحاد الكوسة عاقب عمرو ب20 ألف جنيه وهو يقدر يدفعهم بصابع

امال كنت عايزهم يعملوله ايه

[vambire888]

فين زى القط
انت شفته دخل جوة الجون وشتم

[yasserbasha2006]

ههههههههه

كان غيرك أشطر يا فامبير

بس المرة الجاية متنساش تكتب منقول

منقول من فضايح تي في

الموقع السافل المتخلف الداعر

[yasserbasha2006]

هههههههه من الاخر لك الله يازمالك

هههههه...من الآخر لك الله يا برامج نت

[vambire888]

ههههههههه

كان غيرك أشطر يا فامبير

بس المرة الجاية متنساش تكتب منقول

منقول من فضايح تي في

الموقع السافل المتخلف الداعر

ما انا كاتب يا عم ياسر انه من زمالك تى فى
الموقع اللى فاضحكو اول بأول:smailes109:

[chemist m]

الإنسان اللى يشتم بهذه الألفاظ حتى لو كان عربجى يبقى عربجى مش محترم
وأى إنسان يعمل كده لازم يتعاقب عقاب مناسب
هو عمرو زكى ده يرضى حد يشتمه الشتيمه اللى شتمها للحكم
ناس بتدفع بالباطل وخلاص و
والله لما وائل جمعه إتوقف تلات متشات علشان خبط اللاعب بدماغه أنا قولت يستاهل حد قاله يضربه كده هيتعلم يمسك أعصابه
وهو دا الفرق بين ناس وناس تانيه
يالله الأمل الوحيد إن أبوه يربيه من أول وجديد بقى أحسن التربيه دى متنفعش

[yasserbasha2006]

ما انا كات
الموقع اللى فاضحكو اول بأول

بذمتك يا راجل

و حياة أغلى حاجة عندك...

انت بتسمي دة موقع؟؟

[vambire888]

بذمتك يا راجل

و حياة أغلى حاجة عندك...

انت بتسمي دة موقع؟؟

والله من احسن مواقع الزمالك :smailes60:
مفيهوش غير عيب واحد
وهو الالفاظ اللى بتنقال فى المنتدى:smailes24:

[omar-omar]

العقوبة لازم تكون على الحكم كمان لانه مكنش عادل

[solomeso]

بذمتك يا راجل

و حياة أغلى حاجة عندك...

انت بتسمي دة موقع؟؟

انت عارف يا ياسر الموقع اللي مش عاجبك ده فيه حاجه مش موجوده في اي منتدي

انه بيقفل المنتدي بتاعه اوقات الصلاة لمدة عشر دقائق ، شفتها دي قبل كده

اما حكاية الالفاظ دي فبتبقي من الاعضاء الجدد اللي كتير منهم بيبقو اهلوية داخلين يشتمو وبيتم حذفها بعد كده ولو عاوز اجبلك الفاظ اسوء منها من مواقع اهلاوية والله اجبلك بس المشكلة اني بقرف اخش هناك

[LiOn_HEArT]

اكبر عيوب الدورى المصرى انه بيكون نعامة على الاهلى واى فرقة تانية يفترى عليها
عشان كده الدورى فاشل وطول عمرة هيبقى فاشل