مشاهدة النسخة كاملة : آخر أخبار إشتراكات الإنترنت فى مصر !
مؤمن أحمد
08-20-2007, 07:29 PM
السلام عليكم ورحمه الله وبركاته
شهر سبتمبر اصبح على الأبواب وهو موعد تطبيق نظام اشتراكات الدى اس ال الجديد فى مصر
طبعا سرعه 256 كلنا عرفنا نظامها واشتركاتها
بس بقيه السرعات ها تترك للشركات تتنافس بين بعض على اسعارها
فكل اللى سمع عن عرض عن السرعات (512 و ..........) دى يا ريت يقولنا عشان نعرف نفضل على النظام القديم ولا نغير النظام الجديد
وهل الأسعار بتاعه النظام القديم ها تتغير ولا ها تفضل زى ماهيه ؟؟
فاياريت كل واحد فى الموضوع ده يقول هوه ها يستمر ازاى فى اشتراك الإنترنت وايه العروض اللى قابلته
وجزاكم الله خيرا
مؤمن
jam_basha
08-21-2007, 02:48 AM
اخي الكريم العرض الجديد ساري على الاشتراكات الجديدة من 1 سبتمبر فقط ... لكن اللي مشترك من زمان سيظل كما هو دون تغيير ... والله اعلم
fathygad
08-21-2007, 11:38 AM
ياجماعه انا سألت الشركه امبارح روحت عندهم مش بالتليفون وقالولى انهم مش عارفين مش هيعرفوا غير اول الشهر الوزير هيمشى الدنيا على مزاجه (وزير رخم ومش عايز اكمل بقى )
ولو حصل واطبق على الكل اول واحد هلغى العقد بيخترعوا انظمه ترجعنا ورنا لو هو عايز المشتركين يزيدوا مكنش حدد السرعه وقلل الاشتراك بيقطع من هنا يحط هنا ولا كأنه عمل حاجه لأ بالعكس ده خربها اكتر
مؤمن أحمد
08-21-2007, 02:15 PM
فى انتظار الأخبار الجديدة
اى حد يعرف اخبار يقولنا
او يسمع عن اى عروض مقدمة من أى شركة
noble911
08-22-2007, 02:24 PM
وزارة زبالة
غلبت قراقوش في حكمه
و الشركات طول ما هي مستفيده لا تتدخل و هذا يحسب عليها
الله يرحم ايام ما حاولوا يخفضوا الاشتراك المفتوح ل 75 جنيه و الوزير عاقبهم بالايقاف عن قبول اشتراكات جديدة
عموما الوزير ماشي قريب باذن الله و سنه جديدة سعيدة علي الانرنت في مصر بعد زوال عهد عدو الانترنت طارق كامل
مطعون بالغدر
08-24-2007, 02:20 AM
يعني النت كان واحده من الحاجات اللي بتمنعنا ننزل نخربها في الشارع دلوقتي الحكومه عايزانا ننزل ونسموك ونزعج بنات الناس طيب والحل دا حتى الشركات مش هتوافق على المسخره دي علشان في ناس شغاله 24 ساعه بسبب فروق التوقيت حسبي الله ونعم الوكيل الله يرحم ايامك يا جنزوري احلى ايام ومن بعده الدنيا خربت
abokfe
08-24-2007, 08:58 PM
رحمتك يارب
wid_attack
08-26-2007, 05:36 PM
منة لله حتى النت مش عايزينا ندخلة الله ياخدك يا وزيرنا
انا اشتراكى 512 بسعر 220 دة فى الوقت الحالى ومعرفش بقى النظام الجديد هيمشى علينا ولا على المشتركيين الجداد بس وانا تبع شركة تى ايداتا
ولو عمل كدة الوزير كتير اوى اوى هيلغوها وساعتها هيتلغى هو من الوزارة ويقعد يغنى ظلموة هههههههههههههههه ربنا يحرق كل ظالم
a_h_m_e_d
08-29-2007, 09:03 AM
السلام عليكم ورحمة الله وبركاته
اخر اخبار القرار الجديد للانترنت في مصر هو هيطبق يعني المشترك اللي بيدفع 95 جنيه للسرعه 256 هيدفع 45 جنيه بس مش هيقدر يحمل غير 2 جيجا في الشهر وكل جيجا زياده ب8 جنيه الخبر الكويس بقي ان الاشتراكات القديمة متلغتش زي ما هيا:smailes12: يعني كل واحد ممكن يشترك الاشتراك القديم وال Download مفتوح زي ما هو يعني كل الحكايه يا جماعه ان ده عرض جديد والعروض القديمة زي ما هيا .
استاذن انا بقي
السلام عليكم ورحمة الله وبركاته
kastilo_milta
08-29-2007, 09:55 AM
بدوووووووووووووووون تعليق
memoaboelloll
08-29-2007, 10:30 AM
بسم الله الرحمن الرحيم
اخوانى الاعزاء
القرار الجديد دا ليس اجباريا دا هايبقى نظام اختياري يعنى الناس اللى بعقود قديمة مع اي شركة فى مصر هايفضلوا زي ما هما والناس الجديدة اللى هاتروح تتعاقد هايخيروها بين النظام الجديد والنظام القديم ولو حد من العقود القديمة عاوز يطبق النظام الجديد عنده ممكن يعمل دا والموضوع دا اكيد انا شغال فى شركة نت بدون ذكر اسمها ومتاكد من الكلام دا
تقبلوا خالص تحياتى
noble911
08-29-2007, 10:50 AM
الشركات ما تكتبش ليه الكلام ده في الموقع
هو سر حربي
و لا حب في وجع الدماغ و اثارة المشتركين
مؤمن أحمد
08-30-2007, 08:51 PM
الف مليون شكر ليكم يا اخوانى على المعلومات دى
مش عارف برضه على رأيك يا noble911 هيه المواضيع دى أسرار عسكرية ولا ايه
