coc
08-14-2007, 11:37 PM
اخيرا لقينا مهرجان غير بتاع القراية للجميع
http://www.m5zn.com/uploads/c1a56e9401.jpg
النهاردة فكرت احكيلكوا اكتر عن المهرجان ده، التفاصيل يعني.. من طأطأ لسلامو عليكو،عشان اللى مش متشجع ييجي،يتشجع،واللى مش متحمس.. يتحمس، واللى مش واخد في باله..ياخد فكرة ويشتري بكره
الحكاية من الاول ..من الاول خالص خالص، وبالبلدي كده وع البساط الأحمدي.. وحسب معلوماتي الغير متعمقة كمان، بس الكافية جدا:
احنا عارفين طبعا ان الكمبيوتر بيتكون من اجهزة صلبة وبرامج..الدرس ده اخدناه فى ثانوي كأول درس، طبعا على ايامنا، دلوقتي الدرس ده بياخدوه فى اولى ابتدائي،ما علينا.. البرامج بتتعمل بحاجة اسمها كود، واللى بيعمل البرامج دي بيبقى اسمه مطور برامج، في برامج "مغلقة -مشيها مغلقة" يعني الاكواد بتاعتها مشفرة ومحدش يقدر يلعب ولا يطور فيها غير اصحابها،وفي برامج "مفتوحة المصدر" يعني اكوادها مش مشفرة وبالتالي اي حد بيعرف في شغلانة تكويد البرامج دي يقدر يطور ويلعب فيها. بالطبع اغلب البرامج المغلقة دي بتكون بفلوس إلا ما رحم ربي، وبالطبع كمان اصحابها بيبيعوها بأسعار خيالية كبيرة، ملعبهم باه.. وبالتالي ظهور البرامج الحرة، او المفتوحة المصدر دي بتساعد الناس اللى ميقدروش يشتروا برامج غالية انهم يلاقوا برامج مجانية -في الغالب- وتؤدي نفس غرض البرامج اللى بفلوس بل كمان بتتاح قصاده الفرصة انه يلاقي برامج امكانياتها اجمد واحسن من غيرها، لأن زي ما قلنا الكود بتاع البرامج المفتوحة متاح لأى مطور برامج وبالتالي فى ناس كتير وامخاخ كتير تقعد تشتغل على الاكواد دي وتطورها.
طبعا كلنا عارفين ويندوز... العيل فى كي جي وان عارف ويندوز، واغلب الناس بتتصور ان الكمبيوتر يعني ويندوز وويندوز يعني الكومبيوتر، مع ان ويندوز مجرد برنامج بردو.. بس لأنه شامل شوية بيقولوا عليه "نظام تشغيل" ،وزي ما احنا عارفين ويندوز بفلوس... كمان هو برنامج - او خلينا نقول نظام تشغيل- مقفول المصدر، محدش في المطورين يقدر يلعب فيه غير اصحابه، ونظرا لمشكلات مختلفة كتيرة مع ويندوز منها مأساة الفيروسات اللى اكيد واجهت كل واحد فينا، ظهرت محاولات لعمل نظم تشغيل زيها زي ويندوز،وتشوفها تقول هي ويندوز.. بس المرة دي مش بغباوته، بالعكس خالص، نظام تشغيل مجاني.. ومستقر جدا - يعني ما بيهنجش ومابيقعش كل شوية زي ويندوز- وكمان مالوش فيروسات ابدا،ودي عبقرية اخينا.. الى هو مين اخينا ده؟؟ اللى هو لينوكس يا عم الحج
لينوكس نظام التشغيل الحر الموازي لويندوز.. وهو نجم نجوم البرامج الحرة المفتوحة المصدر،وفي ناس كتير حوالين العالم بيدعموا لينوكس وبيدعوا ليه بعد ما اثبت ليهم انه نظام تشغيل جدع جدا.. ومعاه طبعا كمية برامج خرافية ومتنوعة وكلها بردو حرة ومفتوحة المصدر، وعيش بأه
طيب ده مفيد فى ايه اصلا؟؟ يعني انت مثلا ليه تتشجع وتستخدم لينوكس؟ وليه الشركة اللى انت بتشتغل فيها تحول للينوكس؟
اولا انت لما تستخدم لينوكس، او اقولك، انا هتكلم عن نفسي..لما انا استخدمت لينوكس استفدت ايه.. طبعا اتخلصت من صداع الفيروسات وقرفه، لينوكس ما بيوقعش زي ويندوز، يا مؤمن انا جه عليا زمن كنت بعيد تستيب ويندوز كل تلات ايام لما جاب لي الهارد ارض الله يرحمه ويبشبش السكتور اللى تحت راسه :). ثانيا انت مش هتحتاج تلات اربع ساعات فى التعرف على لينوكس - بجد والله- بما انك اصلا حريف ويندوز، فبمجرد ما تعرف اماكن الحاجات فى لينوكس هتبقى في التمام اوي، ومع الوقت تتعمق اكتر وتعرف اكتر عن حاجات موجوده فى لينوكس ولسه مش موجوده عند ويندوز، اذا كان اكتر استخدامك للكمبيوتر هو انك تتصفح النت هتلاقي فايرفوكس طبعا - هو كمان ليه نسخة على ويندوز- وكمان هتلاقي برامج مكتبية زي اوفيس، بس اسمها اوبن اوفيس، المجموعة كلها باه، كتابة وقواعد بيانات وعروض تقديمية وجداول حسابية والافلام دي كلها،
في برامج جرافيك كمان، بس بالنسبة لي انا شايفة انها كويسة بس لسه مش جامده جدا زي برامج الجرافيك المشهورة زي فوتوشوب، انما اهى بتتطور والزمن سيد الموقف وكل ما زاد الدعم للبرامج الحرة وكل ما العالم اتجه نحو عدم الاحتكار واتاحة المعرفة للجميع - ايه الكلام الكبير ده؟- كل ما قدرنا نحصل النهاية على برامج احترافية عالية.
بصراحة فى تفاصيل كتيرة هي اللى بتخليني انا كمستخدمة عادية - مش مطورة برامج ولا بتاع- انى اتعلق بلينوكس، صعب اسرد التفاصيل دي هنا، فليس الشيطان وحده الذي يكمن فى التفاصيل.. اللآلىء أيضاً -هو انا كده كتبت اللآلىء صح؟-
النقطة التانية، هي الشركات.. الشركات ممكن تستفيد ازاى من لينوكس؟
طبعا اي شركة دلوقتي بتحتاج للكمبيوتر واى كمبيوتر بيحتاج لنظام شغيل، وشركات كتيرة متوسطة الحجم وصغيرة الحجم مش هتكون مستعدة ابدا انها تدفع قد كده لكل نسخة ويندوز تستعملها مثلا، دا غير البرامج بأه، وخصوصا مجموعة اوفيس وكده.. طيب اذا كانت الشركة تقدر توفر المبالغ دي، وتستخدم لينوكس والبرامج الحرة عموما يبقى ليه لأ؟
دا طبعا تساؤل يلقي بظلاله على الدول النامية، لما الدول الفقيرة زي مصر تستخدم لينوكس والبرامج المفتوحة يبقى اكيد افيد لها، اقتصاديا يعني... ليه تستخدم اللى بفلوس لما ممكن تلاقي البديل المجاني. والنبي مش المفروض لو حكومتنا بتفهم انها تدعم البرامج الحرة؟ يبقى بدل ما تعلم العيال ويندوز فى المدارس تعلمهم لينوكس، تخليهم يكتبوا باوبن اوفيس ويتصفحوا النت بفاير فوكس ويقروا الايميل بثندر بيرد ويرسموا بجيمب- احم لا غنى حتى الان عن فوتوشوب بصراحة- ،المهم... اين ثقافة التوفير - بقدر الامكان-
انا سرحت بيكو جامد، وانا اصلا عايزة اتكلم عن المهرجان. لما ظهرت فى مصر ناس بتستخدم لينوكس، في مجموعة منهم قرروا يدعموا لينوكس بشكل مركز، ينشروا البرنامج، يعرفوا الناس، يعلموهم ويقدمولهم الدعم على قد ما يقدروا وعلى قد ما الظروف تسمح.. والمجموعة دي.. اسم الله عليك، اللى هي مجموعة مستخدمي لينوكس، بيعملوا مهرجانات كوسيلة لنشر لينوكس على الاراضي المصرية المقدسة، ودا المهرجان الرابع
الفكرة روشة جدا بصراحة.. مهرجان على مدار يوم كامل من حداشر الصبح لتسعة بالليل، هتكون فيه هناك محاضرات بتشرح لينوكس، وبتشرح برامج ومفاهيم وحاجات تانية.. هتشرح بالقدر الكافي اللى تخليك تقدر تبتدي.. هتحطك ع الطريق يعني
الاكتر من كده انك هتاخد سي دي عليه نسخة لينوكس كاملة.. هما السنة دي هينزلوا "أوبونتو" ولنااااااا هناااااا وقفة.. اصل حضرتك لو تفتكر احنا قلنا لينوكس برنامج مفتوح، يعني اي مطور يقدر يلعب فيه ويطوره، وبالتالي مع الوقت ظهرت نسخ - او بيسموها توزيعات- للينوكس، من ضمن التوزيعات الجامده جدا، اوبونتو.. ممكن تقرا تدوينة كان كتبها ألف عن اوبونتو، التدوينة لذيذة جدا مهم تقراها.
المهم زي ما قلنا انك هتاخد نسخة لينوكس، فلازم يا فندم تسأل عن نسختك وماتنساش تاخدها، وياريت تبدر وتيجي م الصبح عشان تلحق نسختك، انا بقولك اهو وقد اعذر من انذر
كمان لو عندك لاب توب او تقدر تجيب "الكيسة" بتاعتك ومستغني عن بارتيشن فى الهارد يحطولك عليه لينوكس وانت واقف، هينزلولك عليه لينوكس بنفسهم وتبقى دخل عالم لينوكس من اوسع ابوابه، يا سلام يا معلم هتترحم على التلاتين جنيه اللي كنت بتدفعها للواد بتاع السايبر اللى جمبكوا لما كنت تنزل له عشان يركبلك ويندوز.. طبعا فى المهرجان هتتركبلك النسخة مجانا، لان اصلا العمل كله مجاني فى مجاني.. ادعولهم بالخير باه
تعرف كمان، غير لينوكس والسي دي المجاني والدخول المجاني والمحاضرات المجانية اللى هتكون شغالة فى اليوم ده اعتقد انها تجربة تستحق الدعم والاهتما، دا المهرجان الرابع اللي بيعملوه وكل مهرجان بيزيد عدد مستخدمي لينوكس فى مصر.. يعني بيزيد عدد الاحرار يا علي :)
ها.. مين قال انا جاي؟
منقول من مدونة بنت مصرية
رابط موضوع المهرجان
http://www.eglug.org/node/2794
ويوجد بالرابط خريطة الوصول للمكان ومتنسوش عاوزينه يتثبت لحد معاد المهرجان
مهرجان تنصيب ابل، تقيمه مجموعة مستخدمي ابل مصر (http://eglug.org/node/2794)
الموعد: السبت 1-9-2007 الساعة 11 صباحا
المكان: مسرح روابط"بجورا التاون هاوس في وسط البلد متفرع من شارعي محمود بسيوني ومعروف"Wikimapia link (http://www.wikimapia.org/#lat=30.049974&lon=31.236835&z=17&l=0&m=a&v=2&show=/4860341/)
Googleearthخريطة الوصول الى المكان (http://eglug.org/node/2826)
للقادمين من الاسكندرية: يمكنهم الحضور مجانا مع الاوتوبيس المقدم من احدى الشركات الداعمة. لا بد من التسجيل للحضور معهم. للتسجيل ارسل اسمك ورقم موبايلك وايميلك هنا (%20linuxfest@espace.com.eg)
العنصر البشري: باب التطوع مفتوح للجميع، ونتمى أن يكون العدد مناسبا
العنصر المادي: تم التوصل الى صيغة انضمام شركات تحت مسمى "مشاركين او داعمين "ويقوموا هم بالمساهمة في الموارد المطلوبة، رجاء اضافة المساهمة في صفحةالشركات (http://eglug.org/node/2818)
بالنسبة لفعاليات اليوم:
الأفكار الموجودة حتى الآن:
احتفالية تنصيب جنو ابل تحديدا توزيعة اوبنتو كوبنتو.
جلسات وتشمل على:
شرح "لفلسفة" البرمجيات الحرّة BooDy
"مقدمة" لسطر الأوامر
تنصيب ابل والتعريف بالواجهة الرسومية
Linux for every level of users,, Advantages, cons, and Dual Booting - DGamer
Programs and tools Alternatives in linux - DGamer,, bass 3ayez 7ad m3aya
تعريف وشرح لفكرة "الويكي" zsamir and rana saied
شرح الـ ار اس اس و social bookmarking dr_drsh
تعريف وشرح للمبادرات العربية "عربآيز كمثال"
تعريف ببعض برمجيات الويب وورد برس كمثال
دروبال
شرح عن استخدامات جنو/ابل في تأمين البيانات والشبكات واختبارات النفاذية (penetration testing)عزبي
windows (http://www.eglug.org/glossary#term87) Apple back2back عمر عبدالوهاب
audio
أسئلة شائعة DJ KiNG
لماذا تختار ابل كنظام تشغيل Egyptianu
Development on GNU/Linux (languages,compiler,IDE's ) Mnabil
إنظر للصورة بالأسفل وإتبع التعليمات
http://eglug.org/files/images/GEChCDdO.preview.jpg
حسنا ان كنت تمل سيارة فالأفضل ان تقوم بإيقافها في اي موقف عمومي في وسط البلد,وان تكمل سيرا على الأقدام متبعاالتعليمات التالية
ان كنت توجهت الى ميدان طلعت حرب
اتخذ الشارع الذي سيكون على يمينك وانت مقابل لمحل جروبي الشارع يدعى محمود بسيوني استمر في
الشارع حتى تجد سوبرماركت على ناصيةثاني شارع اسلك هذا الشارع دع اول تقاطع,عند
ثاني تقاطع ستجد مقهى التكعيبه,تخطى المقهى,ستجد بعد ذلك التاون هاون وبجواره المسرح.
ان كنت توجهت الى ميدان عبد المنعم رياض
اجعل تمثال عبد المنعم رياض على يسارك والمتحف المصري خلفك واعبر في الاتجاه الأخر "اي اجعل وجهتك شارع محمود بسيوني وفي ظهرك المتحف"امض في الشارع حتى اول تقاطع عنده اتجه يسارا ستجد
محل كباب وكفته شهير يدعى ابو خالد على اول شارع لج الشارع ستجد في نهايته مقهى التكعيبه عند انتهاء المقهى اتجه يسارا ستجد التاون هاوس وبجواره المسرح
http://www.m5zn.com/uploads/c1a56e9401.jpg
النهاردة فكرت احكيلكوا اكتر عن المهرجان ده، التفاصيل يعني.. من طأطأ لسلامو عليكو،عشان اللى مش متشجع ييجي،يتشجع،واللى مش متحمس.. يتحمس، واللى مش واخد في باله..ياخد فكرة ويشتري بكره
الحكاية من الاول ..من الاول خالص خالص، وبالبلدي كده وع البساط الأحمدي.. وحسب معلوماتي الغير متعمقة كمان، بس الكافية جدا:
احنا عارفين طبعا ان الكمبيوتر بيتكون من اجهزة صلبة وبرامج..الدرس ده اخدناه فى ثانوي كأول درس، طبعا على ايامنا، دلوقتي الدرس ده بياخدوه فى اولى ابتدائي،ما علينا.. البرامج بتتعمل بحاجة اسمها كود، واللى بيعمل البرامج دي بيبقى اسمه مطور برامج، في برامج "مغلقة -مشيها مغلقة" يعني الاكواد بتاعتها مشفرة ومحدش يقدر يلعب ولا يطور فيها غير اصحابها،وفي برامج "مفتوحة المصدر" يعني اكوادها مش مشفرة وبالتالي اي حد بيعرف في شغلانة تكويد البرامج دي يقدر يطور ويلعب فيها. بالطبع اغلب البرامج المغلقة دي بتكون بفلوس إلا ما رحم ربي، وبالطبع كمان اصحابها بيبيعوها بأسعار خيالية كبيرة، ملعبهم باه.. وبالتالي ظهور البرامج الحرة، او المفتوحة المصدر دي بتساعد الناس اللى ميقدروش يشتروا برامج غالية انهم يلاقوا برامج مجانية -في الغالب- وتؤدي نفس غرض البرامج اللى بفلوس بل كمان بتتاح قصاده الفرصة انه يلاقي برامج امكانياتها اجمد واحسن من غيرها، لأن زي ما قلنا الكود بتاع البرامج المفتوحة متاح لأى مطور برامج وبالتالي فى ناس كتير وامخاخ كتير تقعد تشتغل على الاكواد دي وتطورها.
طبعا كلنا عارفين ويندوز... العيل فى كي جي وان عارف ويندوز، واغلب الناس بتتصور ان الكمبيوتر يعني ويندوز وويندوز يعني الكومبيوتر، مع ان ويندوز مجرد برنامج بردو.. بس لأنه شامل شوية بيقولوا عليه "نظام تشغيل" ،وزي ما احنا عارفين ويندوز بفلوس... كمان هو برنامج - او خلينا نقول نظام تشغيل- مقفول المصدر، محدش في المطورين يقدر يلعب فيه غير اصحابه، ونظرا لمشكلات مختلفة كتيرة مع ويندوز منها مأساة الفيروسات اللى اكيد واجهت كل واحد فينا، ظهرت محاولات لعمل نظم تشغيل زيها زي ويندوز،وتشوفها تقول هي ويندوز.. بس المرة دي مش بغباوته، بالعكس خالص، نظام تشغيل مجاني.. ومستقر جدا - يعني ما بيهنجش ومابيقعش كل شوية زي ويندوز- وكمان مالوش فيروسات ابدا،ودي عبقرية اخينا.. الى هو مين اخينا ده؟؟ اللى هو لينوكس يا عم الحج
لينوكس نظام التشغيل الحر الموازي لويندوز.. وهو نجم نجوم البرامج الحرة المفتوحة المصدر،وفي ناس كتير حوالين العالم بيدعموا لينوكس وبيدعوا ليه بعد ما اثبت ليهم انه نظام تشغيل جدع جدا.. ومعاه طبعا كمية برامج خرافية ومتنوعة وكلها بردو حرة ومفتوحة المصدر، وعيش بأه
طيب ده مفيد فى ايه اصلا؟؟ يعني انت مثلا ليه تتشجع وتستخدم لينوكس؟ وليه الشركة اللى انت بتشتغل فيها تحول للينوكس؟
اولا انت لما تستخدم لينوكس، او اقولك، انا هتكلم عن نفسي..لما انا استخدمت لينوكس استفدت ايه.. طبعا اتخلصت من صداع الفيروسات وقرفه، لينوكس ما بيوقعش زي ويندوز، يا مؤمن انا جه عليا زمن كنت بعيد تستيب ويندوز كل تلات ايام لما جاب لي الهارد ارض الله يرحمه ويبشبش السكتور اللى تحت راسه :). ثانيا انت مش هتحتاج تلات اربع ساعات فى التعرف على لينوكس - بجد والله- بما انك اصلا حريف ويندوز، فبمجرد ما تعرف اماكن الحاجات فى لينوكس هتبقى في التمام اوي، ومع الوقت تتعمق اكتر وتعرف اكتر عن حاجات موجوده فى لينوكس ولسه مش موجوده عند ويندوز، اذا كان اكتر استخدامك للكمبيوتر هو انك تتصفح النت هتلاقي فايرفوكس طبعا - هو كمان ليه نسخة على ويندوز- وكمان هتلاقي برامج مكتبية زي اوفيس، بس اسمها اوبن اوفيس، المجموعة كلها باه، كتابة وقواعد بيانات وعروض تقديمية وجداول حسابية والافلام دي كلها،
في برامج جرافيك كمان، بس بالنسبة لي انا شايفة انها كويسة بس لسه مش جامده جدا زي برامج الجرافيك المشهورة زي فوتوشوب، انما اهى بتتطور والزمن سيد الموقف وكل ما زاد الدعم للبرامج الحرة وكل ما العالم اتجه نحو عدم الاحتكار واتاحة المعرفة للجميع - ايه الكلام الكبير ده؟- كل ما قدرنا نحصل النهاية على برامج احترافية عالية.
بصراحة فى تفاصيل كتيرة هي اللى بتخليني انا كمستخدمة عادية - مش مطورة برامج ولا بتاع- انى اتعلق بلينوكس، صعب اسرد التفاصيل دي هنا، فليس الشيطان وحده الذي يكمن فى التفاصيل.. اللآلىء أيضاً -هو انا كده كتبت اللآلىء صح؟-
النقطة التانية، هي الشركات.. الشركات ممكن تستفيد ازاى من لينوكس؟
طبعا اي شركة دلوقتي بتحتاج للكمبيوتر واى كمبيوتر بيحتاج لنظام شغيل، وشركات كتيرة متوسطة الحجم وصغيرة الحجم مش هتكون مستعدة ابدا انها تدفع قد كده لكل نسخة ويندوز تستعملها مثلا، دا غير البرامج بأه، وخصوصا مجموعة اوفيس وكده.. طيب اذا كانت الشركة تقدر توفر المبالغ دي، وتستخدم لينوكس والبرامج الحرة عموما يبقى ليه لأ؟
دا طبعا تساؤل يلقي بظلاله على الدول النامية، لما الدول الفقيرة زي مصر تستخدم لينوكس والبرامج المفتوحة يبقى اكيد افيد لها، اقتصاديا يعني... ليه تستخدم اللى بفلوس لما ممكن تلاقي البديل المجاني. والنبي مش المفروض لو حكومتنا بتفهم انها تدعم البرامج الحرة؟ يبقى بدل ما تعلم العيال ويندوز فى المدارس تعلمهم لينوكس، تخليهم يكتبوا باوبن اوفيس ويتصفحوا النت بفاير فوكس ويقروا الايميل بثندر بيرد ويرسموا بجيمب- احم لا غنى حتى الان عن فوتوشوب بصراحة- ،المهم... اين ثقافة التوفير - بقدر الامكان-
انا سرحت بيكو جامد، وانا اصلا عايزة اتكلم عن المهرجان. لما ظهرت فى مصر ناس بتستخدم لينوكس، في مجموعة منهم قرروا يدعموا لينوكس بشكل مركز، ينشروا البرنامج، يعرفوا الناس، يعلموهم ويقدمولهم الدعم على قد ما يقدروا وعلى قد ما الظروف تسمح.. والمجموعة دي.. اسم الله عليك، اللى هي مجموعة مستخدمي لينوكس، بيعملوا مهرجانات كوسيلة لنشر لينوكس على الاراضي المصرية المقدسة، ودا المهرجان الرابع
الفكرة روشة جدا بصراحة.. مهرجان على مدار يوم كامل من حداشر الصبح لتسعة بالليل، هتكون فيه هناك محاضرات بتشرح لينوكس، وبتشرح برامج ومفاهيم وحاجات تانية.. هتشرح بالقدر الكافي اللى تخليك تقدر تبتدي.. هتحطك ع الطريق يعني
الاكتر من كده انك هتاخد سي دي عليه نسخة لينوكس كاملة.. هما السنة دي هينزلوا "أوبونتو" ولنااااااا هناااااا وقفة.. اصل حضرتك لو تفتكر احنا قلنا لينوكس برنامج مفتوح، يعني اي مطور يقدر يلعب فيه ويطوره، وبالتالي مع الوقت ظهرت نسخ - او بيسموها توزيعات- للينوكس، من ضمن التوزيعات الجامده جدا، اوبونتو.. ممكن تقرا تدوينة كان كتبها ألف عن اوبونتو، التدوينة لذيذة جدا مهم تقراها.
المهم زي ما قلنا انك هتاخد نسخة لينوكس، فلازم يا فندم تسأل عن نسختك وماتنساش تاخدها، وياريت تبدر وتيجي م الصبح عشان تلحق نسختك، انا بقولك اهو وقد اعذر من انذر
كمان لو عندك لاب توب او تقدر تجيب "الكيسة" بتاعتك ومستغني عن بارتيشن فى الهارد يحطولك عليه لينوكس وانت واقف، هينزلولك عليه لينوكس بنفسهم وتبقى دخل عالم لينوكس من اوسع ابوابه، يا سلام يا معلم هتترحم على التلاتين جنيه اللي كنت بتدفعها للواد بتاع السايبر اللى جمبكوا لما كنت تنزل له عشان يركبلك ويندوز.. طبعا فى المهرجان هتتركبلك النسخة مجانا، لان اصلا العمل كله مجاني فى مجاني.. ادعولهم بالخير باه
تعرف كمان، غير لينوكس والسي دي المجاني والدخول المجاني والمحاضرات المجانية اللى هتكون شغالة فى اليوم ده اعتقد انها تجربة تستحق الدعم والاهتما، دا المهرجان الرابع اللي بيعملوه وكل مهرجان بيزيد عدد مستخدمي لينوكس فى مصر.. يعني بيزيد عدد الاحرار يا علي :)
ها.. مين قال انا جاي؟
منقول من مدونة بنت مصرية
رابط موضوع المهرجان
http://www.eglug.org/node/2794
ويوجد بالرابط خريطة الوصول للمكان ومتنسوش عاوزينه يتثبت لحد معاد المهرجان
مهرجان تنصيب ابل، تقيمه مجموعة مستخدمي ابل مصر (http://eglug.org/node/2794)
الموعد: السبت 1-9-2007 الساعة 11 صباحا
المكان: مسرح روابط"بجورا التاون هاوس في وسط البلد متفرع من شارعي محمود بسيوني ومعروف"Wikimapia link (http://www.wikimapia.org/#lat=30.049974&lon=31.236835&z=17&l=0&m=a&v=2&show=/4860341/)
Googleearthخريطة الوصول الى المكان (http://eglug.org/node/2826)
للقادمين من الاسكندرية: يمكنهم الحضور مجانا مع الاوتوبيس المقدم من احدى الشركات الداعمة. لا بد من التسجيل للحضور معهم. للتسجيل ارسل اسمك ورقم موبايلك وايميلك هنا (%20linuxfest@espace.com.eg)
العنصر البشري: باب التطوع مفتوح للجميع، ونتمى أن يكون العدد مناسبا
العنصر المادي: تم التوصل الى صيغة انضمام شركات تحت مسمى "مشاركين او داعمين "ويقوموا هم بالمساهمة في الموارد المطلوبة، رجاء اضافة المساهمة في صفحةالشركات (http://eglug.org/node/2818)
بالنسبة لفعاليات اليوم:
الأفكار الموجودة حتى الآن:
احتفالية تنصيب جنو ابل تحديدا توزيعة اوبنتو كوبنتو.
جلسات وتشمل على:
شرح "لفلسفة" البرمجيات الحرّة BooDy
"مقدمة" لسطر الأوامر
تنصيب ابل والتعريف بالواجهة الرسومية
Linux for every level of users,, Advantages, cons, and Dual Booting - DGamer
Programs and tools Alternatives in linux - DGamer,, bass 3ayez 7ad m3aya
تعريف وشرح لفكرة "الويكي" zsamir and rana saied
شرح الـ ار اس اس و social bookmarking dr_drsh
تعريف وشرح للمبادرات العربية "عربآيز كمثال"
تعريف ببعض برمجيات الويب وورد برس كمثال
دروبال
شرح عن استخدامات جنو/ابل في تأمين البيانات والشبكات واختبارات النفاذية (penetration testing)عزبي
windows (http://www.eglug.org/glossary#term87) Apple back2back عمر عبدالوهاب
audio
أسئلة شائعة DJ KiNG
لماذا تختار ابل كنظام تشغيل Egyptianu
Development on GNU/Linux (languages,compiler,IDE's ) Mnabil
إنظر للصورة بالأسفل وإتبع التعليمات
http://eglug.org/files/images/GEChCDdO.preview.jpg
حسنا ان كنت تمل سيارة فالأفضل ان تقوم بإيقافها في اي موقف عمومي في وسط البلد,وان تكمل سيرا على الأقدام متبعاالتعليمات التالية
ان كنت توجهت الى ميدان طلعت حرب
اتخذ الشارع الذي سيكون على يمينك وانت مقابل لمحل جروبي الشارع يدعى محمود بسيوني استمر في
الشارع حتى تجد سوبرماركت على ناصيةثاني شارع اسلك هذا الشارع دع اول تقاطع,عند
ثاني تقاطع ستجد مقهى التكعيبه,تخطى المقهى,ستجد بعد ذلك التاون هاون وبجواره المسرح.
ان كنت توجهت الى ميدان عبد المنعم رياض
اجعل تمثال عبد المنعم رياض على يسارك والمتحف المصري خلفك واعبر في الاتجاه الأخر "اي اجعل وجهتك شارع محمود بسيوني وفي ظهرك المتحف"امض في الشارع حتى اول تقاطع عنده اتجه يسارا ستجد
محل كباب وكفته شهير يدعى ابو خالد على اول شارع لج الشارع ستجد في نهايته مقهى التكعيبه عند انتهاء المقهى اتجه يسارا ستجد التاون هاوس وبجواره المسرح