مشاهدة النسخة كاملة : منع شيكابالا وسلطان من اللعب لمنتخب مصر .. وتسريح المنتخب الأوليمبي
romio1975
07-23-2007, 02:10 PM
http://images.filbalad.com/filgoal/NewsPics/Medium/35046.jpg
شيكابالا
قرر اتحاد الكرة المصري منع محمود عبد الرازق "شيكابالا" وأحمد غانم سلطان وعبد العزيز توفيق من اللعب ضمن صفوف منتخب مصر، وتسريح المنتخب الأوليمبي.
وقال مصدر مسؤول باتحاد الكرة يوم الإثنين إن الاتحاد قرر منع شيكابالا وسلطان من اللعب لمنتخب مصر لمدة عام، بينما ستكون العقوبة لمدة ستة أشهر بالنسبة لتوفيق وذلك بعد التقرير الذي قدمه محمود بكر رئيس بعثة المنتخب الأوليمبي في دورة الألعاب الأفريقية بالجزائر.
وجاء في تقرير بكر ومجدي طلبة المدير الفني للمنتخب أن اللاعبين الثلاثة قاموا بأفعال غير لائقة، بالإضافة إلى تخاذلهم في المباريات.
كما قرر الاتحاد تسريح المنتخب الأوليمبي بعد الخروج من تصفيات دورة الألعاب الأوليمبية ببكين 2008 بالإضافة إلى توديع دورة الألعاب الأفريقية بعد الهزيمة في المباريات الثلاث
vambire888
07-23-2007, 03:01 PM
نفسى عرف شيكابالا وغانم عملو ايه
vambire888
07-23-2007, 03:02 PM
بس على فكرة فى موقع زمالك تى فى
بيقولو ان قرار طلبة خو اللى بيدين اللاعبين
مش تقرير بكر
sasaxp123
07-23-2007, 03:05 PM
الاتحاد يدمر الكرة المصرية
xander
07-23-2007, 03:05 PM
مممممممممممممممم
ربما
elewa50
07-23-2007, 03:07 PM
على فكره القرار دا -من الاخر - شوربه
يعنى اول منتخب مصر ماييجى يلعب ويتزنق فى ماتش ولا حاجه هايصدر قرار العفو
عندك مثلا ميدو . ولا هايكون شيكابالا عمل اكتر من اللى عمله ميدو؟
hmd007
07-23-2007, 03:09 PM
ايه التخلف بتاع اتحاد الكوره كدا
vambire888
07-23-2007, 03:59 PM
اتحاد فاشل فاشل
ربنا ياخدهم
misry
07-23-2007, 04:03 PM
هو الفريق معظمه كان يحرق الدم ... مش دول بس ...
vambire888
07-23-2007, 04:11 PM
هو الفريق معظمه كان يحرق الدم ... مش دول بس ...
يبقى شيكابالا واحمد غانم
ايه ذنبهم
وبعدين شيكابالا دلوقتى بقى وجوده ضرورى فى المنتخب الاول
totti272
07-23-2007, 04:20 PM
ِشيكابالا لا يصلح إلا للعب فى الزمالك فقط
اسامه على 14
07-23-2007, 05:11 PM
ِشيكابالا لا يصلح إلا للعب فى الزمالك فقط
لو بتحب منتخب مصر
مكنتش هتقول كده
الا لو انت شايف ان شيكابالا
لاعب محلى زى ماالاتحاد الفاشل
ترك الاسباب الحقيقيه وعلق شماعة فشله
على اللاعبين اهى حاجه يواجه بيها الاعلام وتدارى
فشله فى اسناد المهمه لمدرب فاشل وياترى مجدى طلبه
كان ايه عقابه :smailes6: فى عدم سيطرته على لعبته
وعلى اختيار اينو اللى بقاله 9اشهر بعيد عن الملعب
واما شيكابالا واحمد غانم هما سبب الازمه اشركهم
فى المباريات ليه كان الاولى يدى الفرصه للملتزمين
والمتخاذلين يعقدوا جنبه على الدكه واما بدل حارس مرمى
المنتخب الاساسى واشرك حارس الاهلى الثالث كان ايه تفسيره
لكن هنقول ايه وده المتوقع من اتحاد البيزنس الاتحاد الفاشل
:smailes24: :smailes24: :smailes24: :smailes24:
solomeso
07-23-2007, 05:25 PM
انا مش فاهم الناس دي بتفكر ازاي ربنا يرحمنا منهم يارب
وبعدين اللاعيبة دي لو كانت فعلا هي السبب ليه تلعبهم الماتشين والله لو شايفهم بيلعبو وحش طلعهم واركنهم ع الدكة ونزل غيرهم مش تسيبهم وفي الاخر تقول هما السبب
وبعدين المفروض الكل يتعاقب واولهم اتحاد الكورة ثم طلبة ثم اللاعبين
h131200
07-23-2007, 06:10 PM
قال يعني شكا وغانم هم سبب الوكسة اللي هم فيها
ويعني المنتخب زي الفل وبطل العالم في الاولمبياد ...بس وجود شيكا وغانم عاملين اعاقة لمنتخب مصر من حصد البطولات
!!!!!!!!!!!!!!!!!!!!!!
toto_na16
07-23-2007, 07:57 PM
يبقى شيكابالا واحمد غانم
ايه ذنبهم
وبعدين شيكابالا دلوقتى بقى وجوده ضرورى فى المنتخب الاول
ضروري منين عندنا ابو تريكة احسن منه مليون مرة
ولاعب جماعي مش فردي وأناني
وكمان في محمد زيدان ولاعيبه ممتازين
أحسن من شيكا
vambire888
07-23-2007, 08:25 PM
ضروري منين عندنا ابو تريكة احسن منه مليون مرة
ولاعب جماعي مش فردي وأناني
وكمان في محمد زيدان ولاعيبه ممتازين
أحسن من شيكا
ابوتريكة كويس
مع أنى مش بحبه
بس مش احسن منه مليون مرة زى ما بتقول
شوف فرق السن اللى بينهم وبعدين اتكلم
بس انا بتكلم وجوده ضرورى لانه ما ينفعش يلعب ابوتريكة لوحده
لازم يكون فى واحد جنبه
واستنى حازم امام الموسم اللى جاى هتشوفه هيكون عامل ازاى ان شاء الله
misry
07-23-2007, 10:30 PM
مع أنى مش بحبه
غريبة والله ...؟؟!!
أول مرة اقابل واحد زملكاوي مش بيحب أبوتريكة ...؟؟
ياريت تقول السبب ...
misry
07-23-2007, 10:36 PM
وبعدين شيكابالا دلوقتى بقى وجوده ضرورى فى المنتخب الاول
شيكابالا لاعب كويس جدا ,,, بس في لاعبين أفضل منه وعندهم خبرة أكثر منه
زي أبوتريكة ومحمد زيدان وأحمد حسن ...
agmal_a7sas2002
07-23-2007, 11:46 PM
قرار غبى
من اتحاد اهبل
Ruud Van Nistlroy
07-24-2007, 12:28 AM
لو كان الايقاف لاسباب اخلاقية وسوء سلوك فانا مع القرار تماما
لكن لو كان لسوء حالته في الملعب فدا ميديهمش الحق انهم يعاقبوه لان الله اعلم بظروف اللقاءات وهو يعني مثلا ابو تريكة احسن لاعب في مصر عمره ما كان وحش في ماتش
بلاش ابو تريكة
هو يعني رونالدينيو في كاس العالم الاخيرة عمل ايه ؟؟؟؟
يا جماعة مبتتقسش كدة
اما بخصوص شيكابالا فهو احد افضل لاعبي مصر بل هو من افضل خمس لاعبين في مصر
فهو في سن صغيره ولكنه يملك شخصية قيادية داخل الملعب ووجوده احدث طفرة هجومية في الزمالك
وبامانة لو لعب بجوار ابو تريكة في المنتخب او حتي احتياطي له سيصبح من افضل لاعبي مصر في تاريخها بس بشرط انه يستفيد من خبرات زملاءه
مش عيب انه يتعلم من زمايله
وربنا يحميه يا رب
ويبعده عن الغرور
اما احمد غانم سلطان فحدث ولا حرج
انا الصراحة مش عارف هو بيلعب كورة ليه بالضبط ؟؟؟
دا انا بعتبره الخليفة الرسمي لطارق السيد ولكنه في الجهة اليمني ؟؟؟
فبدل ما يكون في الزمالك شارع واحد مفتوح بقوا شارعين
وربنا يهدي الجميع
xander
07-24-2007, 04:36 AM
ابوتريكة كويس
مع أنى مش بحبه
بس مش احسن منه مليون مرة زى ما بتقول
شوف فرق السن اللى بينهم وبعدين اتكلم
بس انا بتكلم وجوده ضرورى لانه ما ينفعش يلعب ابوتريكة لوحده
لازم يكون فى واحد جنبه
واستنى حازم امام الموسم اللى جاى هتشوفه هيكون عامل ازاى ان شاء الله
هههههههههههههههههههههههههه
لا طبعا
احسن منه بمليون مرة
اللعيب الصح يبان ف اي وقت يا مان
وابو تريكة
ما شاء الله عليه
صعب يتقارن باي لعيب مصري
لان فيه مميزات افضل لاعبي العالم بشهادة الجميع
ومتحبوش قال
!!
عشان بيروقكم ولا ايه يا صديقي :smailes60: :smailes60:
xander
07-24-2007, 04:37 AM
لو كان الايقاف لاسباب اخلاقية وسوء سلوك فانا مع القرار تماما
لكن لو كان لسوء حالته في الملعب فدا ميديهمش الحق انهم يعاقبوه لان الله اعلم بظروف اللقاءات وهو يعني مثلا ابو تريكة احسن لاعب في مصر عمره ما كان وحش في ماتش
بلاش ابو تريكة
هو يعني رونالدينيو في كاس العالم الاخيرة عمل ايه ؟؟؟؟
يا جماعة مبتتقسش كدة
اما بخصوص شيكابالا فهو احد افضل لاعبي مصر بل هو من افضل خمس لاعبين في مصر
فهو في سن صغيره ولكنه يملك شخصية قيادية داخل الملعب ووجوده احدث طفرة هجومية في الزمالك
وبامانة لو لعب بجوار ابو تريكة في المنتخب او حتي احتياطي له سيصبح من افضل لاعبي مصر في تاريخها بس بشرط انه يستفيد من خبرات زملاءه
مش عيب انه يتعلم من زمايله
وربنا يحميه يا رب
ويبعده عن الغرور
اما احمد غانم سلطان فحدث ولا حرج
انا الصراحة مش عارف هو بيلعب كورة ليه بالضبط ؟؟؟
دا انا بعتبره الخليفة الرسمي لطارق السيد ولكنه في الجهة اليمني ؟؟؟
فبدل ما يكون في الزمالك شارع واحد مفتوح بقوا شارعين
وربنا يهدي الجميع
ههههههههههههههههههههههه
جمدة
:smailes60: :smailes60:
h131200
07-24-2007, 07:43 AM
لو كان الايقاف لاسباب اخلاقية وسوء سلوك فانا مع القرار تماما
لكن لو كان لسوء حالته في الملعب فدا ميديهمش الحق انهم يعاقبوه لان الله اعلم بظروف اللقاءات وهو يعني مثلا ابو تريكة احسن لاعب في مصر عمره ما كان وحش في ماتش
بلاش ابو تريكة
هو يعني رونالدينيو في كاس العالم الاخيرة عمل ايه ؟؟؟؟
يا جماعة مبتتقسش كدة
اما بخصوص شيكابالا فهو احد افضل لاعبي مصر بل هو من افضل خمس لاعبين في مصر
فهو في سن صغيره ولكنه يملك شخصية قيادية داخل الملعب ووجوده احدث طفرة هجومية في الزمالك
وبامانة لو لعب بجوار ابو تريكة في المنتخب او حتي احتياطي له سيصبح من افضل لاعبي مصر في تاريخها بس بشرط انه يستفيد من خبرات زملاءه
مش عيب انه يتعلم من زمايله
وربنا يحميه يا رب
ويبعده عن الغرور
اما احمد غانم سلطان فحدث ولا حرج
انا الصراحة مش عارف هو بيلعب كورة ليه بالضبط ؟؟؟
دا انا بعتبره الخليفة الرسمي لطارق السيد ولكنه في الجهة اليمني ؟؟؟
فبدل ما يكون في الزمالك شارع واحد مفتوح بقوا شارعين
وربنا يهدي الجميع
تصدق
لأ ان شاء الله حتصدق
انا معاك في كل اللي قلته ...وكمان في نقطة احمد غانم
bobman
07-24-2007, 11:06 AM
لو عرفنا السبب نقدر نحكم علي الموضوع لكن احنا بنستنتج اي موضوعات كدة
Ruud Van Nistlroy
07-24-2007, 11:11 AM
ههههههههههههههههههههههه
جمدة
:smailes60: :smailes60:
في الخدمة دايما يدرش
انت بس تقشر واحنا نلم القشر
Ruud Van Nistlroy
07-24-2007, 11:12 AM
تصدق
لأ ان شاء الله حتصدق
انا معاك في كل اللي قلته ...وكمان في نقطة احمد غانم
وهو انت يعني
عقلك وزك
وكنت بتفكر تعارضني؟؟
hazi_mazi
07-24-2007, 02:20 PM
هههههههههههههههههههههههههه
لا طبعا
احسن منه بمليون مرة
اللعيب الصح يبان ف اي وقت يا مان
وابو تريكة
ما شاء الله عليه
صعب يتقارن باي لعيب مصري
لان فيه مميزات افضل لاعبي العالم بشهادة الجميع
ومتحبوش قال
!!
عشان بيروقكم ولا ايه يا صديقي :smailes60: :smailes60:
ايه هو حب ابوتريكه بقى بالعافيه ولا ايه ؟؟
ولا اللى ميحبش ابو تريكه يبقى فاسق ؟؟
انا مش فاهم ايه الارهاب الفكري ده
وحكاية من افضل لاعبى العالم دى وسعت منك شويه يا برنس
لان واحد لحد مبقى عنده 26 سنه مفيش مدرب فى اى مرحله سنيه فكر يضمه فى اى منتخب ان شالله حتى منتخب منطقة الجيزه معتقدش انه يبقى عالمى
ولو عالمى سيبوه يحترف و يورينا
مع انى والله بحبه جدا وبحترم فيه تدينه واخلاقه لكن مبحبش المغالاه فى الاشخاص للدرجه دى
h131200
07-24-2007, 02:26 PM
وهو انت يعني
عقلك وزوك
وكنت بتفكر تعارضني؟؟
انت راح تسوق فيها ؟!!
vambire888
07-24-2007, 02:44 PM
وبعدين لو لبوتريكة كان عليه العين من صغره
كان الجنرال محمودالجوهرى عمل معاه زى ما كان بيعمل
مع حازم امام
واللى اتفرج على حلقة الجوهرى بتاعت الكورة مع دريم
هايفهم كلامى ده كويس
Ruud Van Nistlroy
07-24-2007, 07:57 PM
ايه هو حب ابوتريكه بقى بالعافيه ولا ايه ؟؟
ولا اللى ميحبش ابو تريكه يبقى فاسق ؟؟
انا مش فاهم ايه الارهاب الفكري ده
وحكاية من افضل لاعبى العالم دى وسعت منك شويه يا برنس
لان واحد لحد مبقى عنده 26 سنه مفيش مدرب فى اى مرحله سنيه فكر يضمه فى اى منتخب ان شالله حتى منتخب منطقة الجيزه معتقدش انه يبقى عالمى
ولو عالمى سيبوه يحترف و يورينا
مع انى والله بحبه جدا وبحترم فيه تدينه واخلاقه لكن مبحبش المغالاه فى الاشخاص للدرجه دى
يا عم ولا ارهاب فكري ولا بتاع ؟؟؟
حب اللي تحبه انت حر
بس نفسي مرة الاقي زملكاوي محايد
غير اجمل احساس طبعا
يعني انا لما بتكلم عن شيكابالا بقول ممكن يبقي من احسن لاعبي العالم
ولما اتكلم عن عمرو زكي اقول لو احترف هيبقي عالمي
وانتوا ابو تريكة
اللي هو ابو تريكة
اللي هو ملهوش حل
اللي هو عالمي ورهيب كمان
واعتبره ارهاب فكري وارهاب وكباب لو عايز
مش عالمي ازاي ؟؟؟؟
دا عالمي غصب عن اي ارهابي في العالم
vambire888
07-24-2007, 09:14 PM
يا عم ولا ارهاب فكري ولا بتاع ؟؟؟
حب اللي تحبه انت حر
بس نفسي مرة الاقي زملكاوي محايد
غير اجمل احساس طبعا
يعني انا لما بتكلم عن شيكابالا بقول ممكن يبقي من احسن لاعبي العالم
ولما اتكلم عن عمرو زكي اقول لو احترف هيبقي عالمي
وانتوا ابو تريكة
اللي هو ابو تريكة
اللي هو ملهوش حل
اللي هو عالمي ورهيب كمان
واعتبره ارهاب فكري وارهاب وكباب لو عايز
مش عالمي ازاي ؟؟؟؟
دا عالمي غصب عن اي ارهابي في العالم
الحكاية يا روود مش حكاية حياد
ابوتريكة كويس مختلفناش
بس مش يجى واحد مثلا يقولك
شيكابالا مين ده ده لاعب ملوش لازمة
والكلام اللى من النوع دع
يبقى انت عايز ساعتها الرد يكون ازاى:smailes12:
Ruud Van Nistlroy
07-24-2007, 09:59 PM
الحكاية يا روود مش حكاية حياد
ابوتريكة كويس مختلفناش
بس مش يجى واحد مثلا يقولك
شيكابالا مين ده ده لاعب ملوش لازمة
والكلام اللى من النوع دع
يبقى انت عايز ساعتها الرد يكون ازاى:smailes12:
انا معاك في دي
بس احنا دايما بنقول ان شيكابالا لعيب جامد
وقلة اوي اوي اللي بيقولوا العكس
انما انتوا يا مصاصين
غالبيتكوا طبعا
مش بتقولو كلمة عدلة في حق لاعب من الاهلي ؟؟؟
vambire888
07-24-2007, 10:14 PM
انا معاك في دي
بس احنا دايما بنقول ان شيكابالا لعيب جامد
وقلة اوي اوي اللي بيقولوا العكس
انما انتوا يا مصاصين
غالبيتكوا طبعا
مش بتقولو كلمة عدلة في حق لاعب من الاهلي ؟؟؟
والله مش قلة هى اللى بتقول الكلام ده
عارف فى المنتدى تقريبا انا بقول تقريبا
مفيش غيرك انت وياسر اللى بتقولو الكلام ده
ويمكن يكون فى حد تانى بس انا مش فاكر
بس انا كنت عايز اعرف رأيك فى اللى كان بيعملو الجوهرى مع حازم :smailes60: :smailes60:
انا الصراحة لما سمعت الكلام ده فى دريم كان أول مرة اعرفه
Ruud Van Nistlroy
07-24-2007, 11:26 PM
والله مش قلة هى اللى بتقول الكلام ده
عارف فى المنتدى تقريبا انا بقول تقريبا
مفيش غيرك انت وياسر اللى بتقولو الكلام ده
ويمكن يكون فى حد تانى بس انا مش فاكر
بس انا كنت عايز اعرف رأيك فى اللى كان بيعملو الجوهرى مع حازم :smailes60: :smailes60:
انا الصراحة لما سمعت الكلام ده فى دريم كان أول مرة اعرفه
والله معرفش ايه اللي الجوهري قاله وايه اللي كان بيعمله مع حازم
بس حازم اكتر لاعب اتغيرحبي ليه
بعد ما كان من احسن اللاعبين اللي بحبهم
الا ان اهماله لنفسه وتقصيره في التدريب خلاني معدتش بحب اتفرج عليه خالص
وبامانة بقاله زمان من نقاط ضعف الزمالك
بس ممكن مع ميشيل يرجع لمستواه
ونشوف بعد المعسكر
vambire888
07-25-2007, 05:25 AM
والله معرفش ايه اللي الجوهري قاله وايه اللي كان بيعمله مع حازم
بس حازم اكتر لاعب اتغيرحبي ليه
بعد ما كان من احسن اللاعبين اللي بحبهم
الا ان اهماله لنفسه وتقصيره في التدريب خلاني معدتش بحب اتفرج عليه خالص
وبامانة بقاله زمان من نقاط ضعف الزمالك
بس ممكن مع ميشيل يرجع لمستواه
ونشوف بعد المعسكر
اقولك الجوهرى كان بيعمل ايه مع حازم
هما جايبين الجوهرى فى الكورة مع دريم اتكلم على حازم وموهبته والكلام ده
وبعدين راح كلمو حازم وقال ان الجوهرى كان بياخدو يدريو لواحدو
وكان بيعملو تمارين ولياقة وكلام من ده
بس الكلام ده كله كان بيحصل
قبل ما حازم يتعرف حتى فى الزمالك
والله محمود الجوهرى ده يوم عن التانى بيزيد حبى ليه
Ruud Van Nistlroy
07-25-2007, 03:33 PM
ااااااااااااااااااااااااااه علشان كدة
طيب تعرف ان ده اللي بوظ حازم
اهه الوقتي مش لاقي حد يدربه ههههههههههه
يا عم حسام حسن والحضري بيروحوا التدريب يدربوا لوحدهم قبل التدريب بساعتين علشان كدة هما الوقتي
حسام حسن وعصام الحضري
انما حازم امام وخالد بيبو وعمرو سماكة وغيرهم وغيرهم كلهم الوقتي فالصوا
عايزين اللي ياخد بايدهم
yasserbasha2006
07-25-2007, 06:29 PM
اتحاد فاشل فاشل
ربنا ياخدهم
من بقك لباب السما
هيندموا جامد على شيكابالا و الله
انما سلطان دة فكك منه....زي قلته
yasserbasha2006
07-25-2007, 06:34 PM
ِشيكابالا لا يصلح إلا للعب فى الزمالك فقط
لا لا لا لا لا
انا مش معاك يا توتي
لعيب ممتاز و مهاري و سريع
مش معنى انه زملكاوي يبقى نقلل من حجمه
yasserbasha2006
07-25-2007, 06:36 PM
واستنى حازم امام الموسم اللى جاى هتشوفه هيكون عامل ازاى ان شاء الله
خليك واقعي زيي يا فامبير
حازم انتهى تماما خلاص
yasserbasha2006
07-25-2007, 06:41 PM
وبعدين لو لبوتريكة كان عليه العين من صغره
كان الجنرال محمودالجوهرى عمل معاه زى ما كان بيعمل
مع حازم امام
واللى اتفرج على حلقة الجوهرى بتاعت الكورة مع دريم
هايفهم كلامى ده كويس
انا فاهم كلامك كويس
بس للأسف كلامك دة ملوش معنى
ابوتريكة مظلوم من صغره بسبب وجوده في الترسانة
و لو الترسانة وافق على انتقاله للأهلي من زمان كان الأمر هيختلف
و كفاية كلام تير هنري عنه في البيت بيتك
و في تسليم جوائز افضل لاعب في أفريقيا اللي حضرها هنري
