ممكن مساعده .. من مصر

[nan_nos]

السلام عليكم و رحمه الله و بركاته...

الموضوع و ما فيه انى لسه مخلص ثانويه عامه و ربنا اكرمنى بمجموع 99.87 % و دلوقتى جت الحبرة ..... هل طب ؟؟ ولا طب الاسنان ؟؟ و لا الصيدله ؟؟... ممكن من اللى يقدر يفيدنى يتفضل ......

[a.hanafy]

السلام عليكم ..

أخي العزيز .. رأيي الشخصي أن طالب الطب في مصر يجب أن تتوفر فيه صفات الدأب والجد والعمل المتواصل .

طبعا مجموعك خير دليل على توافر هذه الصفات فيك .. لكن زيادة في الاطمئنان أقول لك >> إذا كان بإمكانك دراسة 6 سنوات بمعدل دراستك في الثانوية العامة فكلية الطب خير مكان لك .. لا مجال للتهاون في الطب هنا في مصر ..

طب الأسنان >> اختيار جيد وأخف قليلا في الدراسة على ما أعتقد من الطب البشري ..

الصيدلة >> بصراحة أنا لا أنصح بها .. ولا أجد دراستها مجدية .. أخي في نفس ظروفك ونصحته بالابتعاد عن صيدلة ..
طبعا هذا إلا إذا كان لك ميول خاصة وتجد نفسك في هذا المجال .. فستنجح فيه بإذن الله ..

ما سبق كان رأيي الخاص .. انتظر رأي زملاءنا الأطباء وطلاب الطب في المنتدى وابني قرارك بنفسك حتى لا تندم عليه ..

بالتوفيق ..

[دكتور98]

اولا مبروك من كل قلبي على المجموع
ثانيا انا طالب احترت كتير زيك السنة اللي فاتت و دخلت الطب
ثالثا لا مجال للراحة في كل الكليات و لكن كلية الطب تحتاج الى مجهود من اول شهر 11 ده سنة اولى لكي لا تتعب في الاخر
رابعا الكلية سهلة نوعا الطب و لكن نصيحة ذاكر من الاول
يمكن سمعت ان طب اسنان اسهل ولكنها ليست بلا مذاكرة ان ماكنتش هاتذاكر من الاول بلاش الطب دي نصيحتي و الله الموفق للجميع
اخوك احمد سنة تانية ان شاء الله طب المنصورة
متفرقش 6 سنين طب من 5 صيدلة و لكن انظر للمستقبل
تحياتي

[mem6of]

السلام عليكم انا من رأيى انك تشوف نفسك هتصمد فى الطب ولا
يعنى هتقدر تتحمل 6 سنين مذاكرة بنفس مجهود الثانوى بل يمكن اكتر
وتشوف ميولك رايحة لانى اتجاه انك تقف فى صيدلية وتبيع ادوية وحاجات تانية
ولا انت شايف نفسك قاعد فى مستشفى من بتوع وزارة الصحة الجمال
بس نصيحتى لك انك تتانى وتسال ناس اكبر منك وخلصوا كلياتهم وبعدها قرر انت عايز ايه واعمله بصرف النظر عن اى ضغوط تانية
والف مبروك على المجموع