القصيده الممنوعه من النشر (الرئيس يخاطب شعبه الحبيب)

[tantawy]

واحب اللى ينصب واحب اللى يكدب واحب الى ينهب ويسرق تلال



واحب اللى شايف وعارف وخايفوبالع لسانة وكاتم ماقال



واحب الى قافل عيونة المغفل واحب البهايم واحب البغال



واحب اللى راضى واحب اللى فاضى واحب الى عايز يربى العيال



واحب اللى يائس واحب اللى بائس واحب اللى محبط وشايف محال



واحبك تسافر وتبعد تهاجر وتبعت فلوسك دولار او ريال



واحبك تطبل تهلل تهبل عشان ماتش كورة وفيلم ومقال



واحبك تايد تعظم تمجد توافق تنافق وتلحس نعال



تحضر نشادر تجمع كوادر تلمع تقمع تضبط مجال



لكن !! لو تفكر تخطط تقرر تشغلى مخك وتفتح جدال



وعايز تنور وعايز تطور وتعملى روحك مفرد رجال



ساعتها هجيبك .. لا يمكن اسيبك وراح تبقى عبرة وتصبح مثال



هابهدل جنابك واذل اللى جابك وهيكون عذابك دا فوق الاحتمال



وامرمط سعادتك واهزأ سيادتك واخللى كرامتك فى حال هزال



وتلبس قضية وتصبح رزية وباقى حياتك تعيش فى انعزال



هتقبل هحبك ... هترفض هلبك ... هتطلع هتنزل هجبلك جمااااااااااااال

[hunter_men]

قصيدة جميلة من زعيم دكتاتوري
لكن لا أعتقد أن الشعب خائفا بل كان نائما ولا أعتقد أن الليل في بدايته بل أؤمن بأنه في نهايته
جازاك لله خيرا مشرفنا الغالي على القصيدة

[shania]

جازاك لله خيرا مشرفنا الغالي على القصيدة

[atlantis]

قصيده لايقه لمقام سيادة الرئيس