فكرة ميشيل.. جيدة [الأرشيف]

sasaxp123

07-09-2007, 02:44 AM

فكرة ميشيل.. جيدة

http://www.sport-ivoire.ci/images/02-06-2006-18-55hm.gif

مطالبة هنري ميشيل المدير الفني لفريق الزمالك بعدم الاشتراك في كأس السوبر الذي سيقام يوم التاسع من أغسطس القادم أمام النادي الأهلي قد تبدو في نظر البعض هروباً من لقاء منافسه التقليدي.

المدربون الأجانب لا يفكرون بهذه العقلية أبداً ويحسبونها بحسابات أكثر عقلانية غير التي تحسبها بها الجماهير وربما المسئولون.

المباراة ستكون قبل أيام قليلة من انطلاق الدوري العام للموسم الجديد.. بالتالي فإن أي صدمة جديدة يتلقاها الفريق في هذا الوقت بالذات ستكون ضربة "قاصمة" لظهر الفريق وستؤثر عليه سلباً خاصة وأن فترة الإعداد ستكون قد انتهت أو أوشكت علي الانتهاء واللاعبون لم يحصلوا علي القدر الكافي من التكيف البدني والفني والمهاري مع بعضهم البعض في الوقت الذي يتمتع فيه الخصم "الأهلي" بلياقة بدنية ومهارية عالية جداً واستعداد قوي لأن مشاركاته في المباريات الرسمية لم تتوقف وبالتالي فإن قوته ستكون أفضل وسيكون أقرب إلي الفوز وبالتالي فإن الزمالك ليس في حاجة إلي صدمات جديدة توجع رأس جماهيره ومسئوليه.

أظن أننا جميعاً نتذكر يوم أعطي مانويل جوزيه المدير الفني للأهلي راحة سلبية للأعمدة الرئيسية في الفريق طمعاً في منحهم الراحة المطلوبة بسبب تشابك المواسم وبذلهم مجهوداً زائداً عن الحد. بل انه نفسه سافر إلي بلاده في اجازة قامت الدنيا عليه وهاجموه لأنه ترك الفريق قبل لقاءي الزمالك والإسماعيلي وقالوا: إنه مدرب مستهتر ويجازف بسمعة الفريق.. وقالوا: إن شوكته صارت أقري من شوكة مجلس الإدارة وانه يفرض رأيه عليهم ولا يستطيع أحد أن يناقشه في شيء لأنه يجلب بطولات ويحقق إنجازات وبالتالي لماذا يفتعل النادي مشاكل معه.. وفي النهاية وضع الموسم أوزاره وحقق جوزيه الكأس مع الدوري وتغيرت النبرة تماماً وقالوا إن جوزيه مدرب يعرف قدراته جيداً وأنه يفكر بطريقة واقعية وبدلاً من أن يكون مخطئاً صار محقاً وبدلاً من أن يكون أحمق صار أعقل المدربين وربنا يهدي.

** الحدق يفهم: ستتغير الصورة عندنا تماماً عندما تتغير طرق تفكيرنا وتقديرنا للأمور.

ahmed_emad2011

07-09-2007, 04:53 AM

كلام جميل

Ruud Van Nistlroy

07-09-2007, 05:13 AM

عموما كله هيبان
وكله باوانه
بالتوفيق للزمالك

yasserbasha2006

07-09-2007, 09:11 AM

هههههههههههههههههه
عجبا لكم يا زملكاوية !!!!

الإنسحاب من بطولة اصبح فكرة جيدة
بينما اراحة اللاعبين(و ليس الإنسحاب) في نهاية الموسم
-خصوصا بعد حسم البطولة- يبقى هروب وخوف من الزمالك

بذمتكم مش مكسوفين من اللي انتوا بتقولوه دة؟؟؟

و بعدين مفروض ان اتلإعداد دة بيكون عشان البطولة
أما انك تنسحب من البطولة عشان الإعداد....تبقوا بتضحكوا على روحكوا

و بعدين السوبر هيكون قبل الدوري علطول
يعني مفروض يكون الإعداد خلص خلاص
و لا انتوا بتعملوا اعداد في وسط الموسم؟؟

التفسير المنطقي الوحيد هو ان ميشيل خايف يصطدم بالأهلي
في بداية الموسم حتى لا يبدأ اللاعبون الموسم بمعنويات في الأرض

و بصراحة الراجل الشجاع بس هو اللي ياخد القرار دة
فعلا....فكرة ميشيل جيدة...بل جيدة جدا
و لكن ليس للسبب اللي انت قلته يا صاصا

totti272

07-09-2007, 09:13 AM

النكتة دة ،،،،،،،،،،،،،،،،،،،،،،،، جديدة

h131200

07-09-2007, 09:18 AM

yasserbasha2006

07-09-2007, 09:32 AM

هي دي بطولة ؟؟؟؟؟؟؟!!!!!!!!!!!!!1
الكل اجمع ان هاي بطولة فلوووس وبس ودعايات واعلانات لصالح اتحاد الكورة
والزمالك انسحب من مباراة ميشان بطولة (الحسابات تكون بهيك شكل....مش زي مانت حسبتها)
وبالنهاية بالتوفيق للزمالك

هههههههههههههههه
لأ ظريف يا بهاء

يا بابا دي بطولة موجودة في كل انحاء العالم
لكن الفرق انها بتتلغي لما فريق يجمع الدوري و الكاس

h131200

07-09-2007, 09:42 AM

اه ظريف
ودمي شربات
وخفيف الظل يا خفيف
انت قلتها
البطولة لاغية ..لان الاهلي هو السوبر
وحسن اسلوبك معايا

esa140

07-09-2007, 09:45 AM

بسم الله الرحمن الراحيم
------------------------------------------
عفوا يا أهلويه
جمهور الزمالك محايد أكثر من الأهلى
-------------------------------
عنون المقال: إنسحاب الزمالك أكبر صح و تمسك الإتحاد بدون مبرر .
--------------------------------------------
من هوه السوبر المصرى
هوه ملاقات بطل الدورى (الأهلى) x مع بطل الكأس (الأهلى)
يعنى بالعربى الأهلى هوه سوبر مصر ده كلام لوائح إتحاد الكوره

طلب إتحاد الكره المصرى إقامة بطوله للسوبر المصرى بين بطل الدورى و الوصيف
فكان الرد كالتالى
الأهلى/ معنديش مشاكل إقامة مباراه وديه بين الزمالك لإكساب اللعبين الخبره اللزمه
الزمالك/حقيقه الأهلى بتاع أخر 3 مباريات بإثتثناء مبارة الزمالك هوه فريق عالمى يشبه فى قوته منتخب إطاليا الفائز بكأس العالم مع فارق الإمكانيات
و يؤسفنى أن أقول أن أرتفاع مستوى الأهلى بشكل رهيب و مخيف لكل الأنديه الأفريقيه و العربيه و المصريه و فى ظل أن الأهلى يشترى أقوى لاعبين فى مصر مثل (حسنى عبد ربه)
أن الأهلى يستطع الفوز ببطولة أفريقيا و الوصول لمركز متقدم فى بطولة العالم للأنديه
الأول أو الثانى
بمعنى أن الزمالك يريد ترتيب صفوفه حتى يعود إلى المستوى المعهود القلعه البيضاء
و ده أكيد على حسب مايرى المدير الفنى هنرى مشيل أن عدم دخول مباراه وديه مع الأهلى سيحن من مستوى الزمالك على حساب أن بكل المقاييس أن كل مايحدث فى الزمالك مشكله نفسيه بدون شك .
جماهير الأهلى / عايزه تفرح ببطوله و خلاص (على الرغم إنها مباراه وديه) .
جماير الزمالك / نحن مع هنرى لحد النهايه
إتحاد الكوره / هوه عايز يحقق دخل و شهره للكره المصريه يبقى قولوا مباراه وديه متدحقوش العالم علينا.
و فى النهايه نتمنى رجوع مستوى الزمالك و الإسماعيلى إلى افضل ما كانوا بإذن الله
توقيع
أهــــــــــــــــــــــــــــــــــــــــلاوى مخلص

misry

07-09-2007, 10:54 AM

اه ظريف
ودمي شربات
وخفيف الظل يا خفيف
انت قلتها
البطولة لاغية ..لان الاهلي هو السوبر
وحسن اسلوبك معايا

با بهاء خلي روحك رياضية ...

ايه اللي جرا لك ..؟؟

بالتوفيق للزمالك ...:)

conan_net

07-09-2007, 11:00 AM

ههههههههههه

امال فين ايمن منصور بتاع سنفوز بالسوبر

MMORTEGA2002

07-09-2007, 11:54 AM

لاء هو خايف من فضيحه تانيه
من الاهلى هيبقى كل ماتش كده يبقى مش هيكمل مع الزمالك فهمت ليه بقا مش عايز يلعب السوبر

ana02005

07-09-2007, 02:49 PM

اية يا اهلوية ما انتوا قولتوا انكم بتريحوا اللاعبين فيها اية لما احنا نريح لاعبينا

wanoooos

07-09-2007, 03:19 PM

اية يا اهلوية ما انتوا قولتوا انكم بتريحوا اللاعبين فيها اية لما احنا نريح لاعبينا

كلامك صح

من حقك انك تريح اللاعبين بتوعك بعد موسم طووووووويييييل " بمعنى انه بيشترك فى أكثر من بطوله و كلها مطلعش منها ايد وره و ايد قدام " او بمعنى أخر احنا مفكرناش نريح اللاعبين الا بعد 3 مواسم نجاح و بطولات اى بعد 3 مواسم متلاحمه .

انا من رأى ان قرار هنرى فيه شئ من الخطأ .

لان الراجل عامل فتره اعداد محترمه و هيلاعب فرق عالميه زى " باريس سان جيرمان " ، و خلافا عن اذا كانت مباراه السوبر مباراه دعايه و فلوس بس انا شايف انها مباراه محترمه يجب على هنرى ميشيل ان يخوضها لانها مع بدايه الموسم الكروى ، و بذلك سيبدأ الموسم بمباراه تظهر له كمدرب عالمى عيوب فريقه قيل بدايه الموسم الكروى و من هنا يبدأ فى تفاديها و ليس الانسحاب من مباراه اراها مفيده جدا جدا لكلا الفريقين مع بدايه موسم كروى " اتمناه قوى بقوه مباراه الكأس بأمر الله "

و بالتوفيق للزمالك و مدربه هنرى ميشيل

MMORTEGA2002

07-10-2007, 08:27 AM

اية يا اهلوية ما انتوا قولتوا انكم بتريحوا اللاعبين فيها اية لما احنا نريح لاعبينا

احنا بنريح لاعيبنا علشان ناخد بطولات مش نعتز عنها
ههههههههههههههههههههههههههههههههههههه

ana02005

07-10-2007, 08:57 AM

فكرة ميشيل فعلا رررررررررائعة لانة انسحب من كأس السوبر ليس خوفا من الاهلى او هروبا منة ولكن اذا هزم الزمالك تكون صدمة كبيرة للاعبين وممكن ان يبدأ الفريق موسم سيئ

yasserbasha2006

07-10-2007, 02:00 PM

فكرة ميشيل فعلا رررررررررائعة لانة انسحب من كأس السوبر ليس خوفا من الاهلى او هروبا منة ولكن اذا هزم الزمالك تكون صدمة كبيرة للاعبين وممكن ان يبدأ الفريق موسم سيئ

ايوااااااااااااا

كدة ابتدينا نتكلم صح

sasaxp123

07-10-2007, 08:54 PM

الزمالك يترجع عن الاعتذار ويطلب التاجيل

MMORTEGA2002

07-11-2007, 06:02 AM

الزمالك يترجع عن الاعتذار ويطلب التاجيل
هههههههههههههههههههههههههههههههههههههههههههههههههه ههه

yasserbasha2006

07-11-2007, 08:20 AM

الزمالك يترجع عن الاعتذار ويطلب التاجيل

لا والله...تصدق ضحكتني يا راجل
ههههههههههههه

فين المصدر يا طعم؟؟؟

hazi_mazi

07-11-2007, 09:00 AM

و فيها ايه يعنى نقول اننا لو لعبنا حتبقى فرصنا اقل فى الفوز ودى راجعه لان الاهلى فى كامل لياقته البدنيه والذهنيه واحنا ملعبناش متوشه حقيقيه من شهر

2.الخساره مش حتبقى فى السوبر بس لو حصلت بالعكس دى حتبقى فى اللاعيبه الجديده اللى لسه منسجموش اما يلعبوا اول ماتش امام بطل افريقا وهما مش متجانسين ومخدوش خبره المبارايات حيبقى ظلم كبيييير ليهم وحرق ليهم

3.ثالثا الخوف من الهزيمه مش عيب وانا شايف ان مفهاش حاجه يعنى ان الواحد يفكر بعقله مش بعواطفه وعواطف بعض جمهوره
4. لو الاهلى فى نفس الظروف وحصل العكس اعتقد كان مانويل جوزيه سيأخذ نفس القرار

5. وفى حاجه نسيتها النقاد والجرايد الهبله اللى عايزه تملى ورق وخلاص مش حيسيبونا فى حالنا لان حتبقى فرصتهم جت علشان يدمروا الفريق ويتشفوا فيه

chemist m

07-11-2007, 04:28 PM

كلام صريح http://www.akhbarelyom.org.eg/riada/images/general/blank.gif
http://www.akhbarelyom.org.eg/riada/images/general/blank.gif
لم يصدمني أو يفاجئني قرار مجلس إدارة نادي الزمالك بالانسحاب من مباراة 'السوبر' أمام الأهلي، فقد كنت أتوقع ذلك، بل كنت واثقا من ذلك عقب نهاية مباراة نهائي كأس مصر، والتي فاز فيها الأهلي علي الزمالك 4/3، واحتفظ بكأس البطولة التي فاز بها في نهاية الموسم الماضي.. ومنذ أيام وبينما كنت جالسا مع الزميل والصديق فتحي سند الناقد الرياضي الكبير ورئيس التحرير، سألني: هل صحيح يمكن أن ينسحب الأهلي من السوبر؟ فأجبته: علي العكس، الزمالك هو الذي سينسحب. وكان توقعي مبنيا علي أسس عديدة، لاداعي للخوض فيها لأن الجميع يعرفونها.. ولكن ما أضحكني هو إصرار المسئولين بالزمالك سواء كانوا من الإداريين أو الفنيين بأن ذلك الانسحاب لا يعد هروبا من مواجهة النادي الأهلي.. مع أن أحدا لم يذكر حكاية الهروب هذه، ولكن كما يقول المثل: 'اللي علي راسه بطحة يحسس عليها'، ومن الواضح أن الزمالك 'علي راسه بطحات كثيرة'!!
http://www.akhbarelyom.org.eg/riada/images/general/blank.gif
http://www.akhbarelyom.org.eg/riada/images/general/blank.gif
ولاشك أن محاولة مسئولي الزمالك نفي تهمة الهروب من مواجهة الأهلي، تؤكد أن ما حدث هو هروب بالفعل.. لأن مسئولي الزمالك خشوا من هزيمة جديدة متوقعة، وأرادوا أن 'يمشوا جنب الحيط أفضل'، والجهاز الفني هو الآخر عمل بالمثل القائل: 'ابعد عن الشر وغني له'!!.. والخاسر الوحيد هم اللاعبون الذين من المؤكد أن هذا القرار سيفقدهم الثقة بأنفسهم، ويرسخ في أعماقهم أنه لا قبل لهم بمواجهة الأهلي، وبمثل هذه الروح سوف يبدأون الموسم الجديد والذي سيكون مثل المواسم السابقة 'أبيض يا ورد'!
http://www.akhbarelyom.org.eg/riada/images/general/blank.gif
http://www.akhbarelyom.org.eg/riada/images/general/blank.gif
إذا كان يحيي الكومي يجيد 'اللف والدوران' كرجل أعمال في عالم 'البيزنس'.. فإن ذلك لا يعني أن 'اللف والدوران' يصلح لعالم إدارة الأندية.. وأرجو أن يراجع نفسه إذا أراد الاستمرار!
http://www.akhbarelyom.org.eg/riada/images/general/blank.gif
http://www.akhbarelyom.org.eg/riada/images/general/blank.gif
محمد عبدالمنصف حارس الزمالك الشهير.. تجري ورائه أندية إيطاليا.. بس خلاص النكتة خلصت!