لماذا واين ........؟؟؟؟؟؟!!!!!!!!!!

[ana02005]

السلام عليكم ورحمة الله وبركاتة

بعد فوز الاهلى بكأس مصر بصعوبة بفوزة على الزمالك 4-3 بعد تقدم الزمالك ثلاث مرات بعد ان قدم الفريقان مباراة رائعة

نأتى لنقول اين منتخب مصر ؟؟؟؟؟؟؟؟؟؟؟!!!!!!!!!!!!!!

نبدأ بلاعبى الزمالك
عبد المنصف مش الفروض يلعب اساسى فى منتخب مصر حتى لو على حساب الحضرى
اعلم انا هناك مدافعين فى منتخب مصر اكفاء لذا لن اتكلم عن المدافعين
طارق السيد الا يجب ان يلعب اساسى بدلا من سيد معوض
احمد غانم يجب ان يلعب اساى حتى لو فى المنتخب الاوليمبى لانة صااااااروخ
علاء عبد الغنى وتامر عبد الحميد لية لو على الاقل واحد منهم يدخل المنتخب
شيكابالا مكانة اساسى فى المنتخب
جمال حمزة من الاماكن الاساسية فى المنتخب يعنى مش كل المباريات يلعب اساسى
عمرو ذكى ررااااائع جدا ويجب ان يكون اساسى

لاعبى الاهلى امير عبد الحميد اقولها للاهلوية لم يخطئ الا فى الهدف الاول
ما بالكم بأحمد حسام السبب فى الهدف ال3 وال4 بعد اصابة العابدى
احمد صديق واسلام الشاطر يجب ان يكون واحد منهم على الاقل فى المنتخب وانا فى رأيى احمد صديق
شوقى يجب ان يكون اساسى وحسام عشاور مثل غانم سلطان
تريكة يجب ان يكون اساسى
بركات فى رأيى لم يقدم الكثير
متعب يجب ان يكون من الاساسيين
اسامة حسنى يحسن اختيار الاماكن لكن معرفش يكون فى المنتخب ولا لأ اصل فى ميدو وزيدان وعمرو ذكى فأنا اترك الرائى لكم

فمنتخب مصر وضع نفسة فى موقف محرج وجعل الجماهير الصرية تعتقد انة لن يتأهل

فتخيلوا كل هؤلاء النجوم ومنتخب مصر يضع نفسة فى موقف محرج وممكن ميخدش البطولة

لا اعلم ما الذى يحدث؟؟؟؟؟؟؟

هذا الموضوع للنقاش فقط ولا اريد تعصب...

[romio1975]

عبد المنصف مش الفروض يلعب اساسى فى منتخب مصر حتى لو على حساب الحضرى

طارق السيد الا يجب ان يلعب اساسى بدلا من سيد معوض

علاء عبد الغنى وتامر عبد الحميد لية لو على الاقل واحد منهم يدخل المنتخب

بركات فى رأيى لم يقدم الكثير


اولآ حمد الله على السلامة من الأعصار والطوفان اللى غرقكم

ثانيآ عبد المنصف مين ده اللى يكون اساى على الحضرى ؟؟؟ انت بتتكلم جد والا بتهزر ؟؟؟؟

طارق السيد ده آخرة تبوسو وتحطه جنب الحيطة

علاء عبد الغنى مين اللى يدخل المنتخب ؟؟؟؟ احنا ناقصين جوان فى نفسنا ؟؟؟ مش كفاية عبد الظاهر السقا ومهاجمى المنتخبات الأخرى ؟؟

آخر نقطة بتاعت بركات لم يقدم الكثير مش محتاجة تعليق لأنها اثبتت بالفعل انك لسة مدروخ من الأعصار

[totti272]

موضوع كويس

بس أظن فيه لعيبة إنت قلت عليهم بيلعبوا فى الزمالك

ما يستحقوش يكونوا أساسيين فى المنتخب

ممكن إحتياط

وأولهم جمال حمزة ،، تقدر تقولى عمل ايه فى الماتش غير الجون السكة اللى جابه ،، ولا حاجة

لكن انا لو مدير فنى لمنتخب مصر

هحط

الحضرى ، وائل جمعة ، (شادى أو النحاس) ، تريكة ، شوقى ، بركات ، متعب ، حسنى عبد ربه ، عمرو زكى ، شيكابالا

والباقى تشكيل

شكرا

[hmd007]

عبد المنصف مش الفروض يلعب اساسى فى منتخب مصر حتى لو على حساب الحضرى


من وجهه نظرى مستواه لا يأهل لكى يكون اساسى فى المنتخب (مع احترامى ليه)
ممكن يكون بديل لحد ما يرجع عبد الواحد السيد

طارق السيد الا يجب ان يلعب اساسى بدلا من سيد معوض
انا فى رائى فيه اتنين كويسين اوووى
أحمد أبو مسلم (المحترف فى نادى سترازبورج الفرنسى)
أسامه محمد (لاعب فريق بتروجيت)


احمد غانم يجب ان يلعب اساى حتى لو فى المنتخب الاوليمبى لانة صااااااروخ

لو دخل فى سباق جرى مع أحمد عادل
أحمد عادل هيكسب
كلاهما عندهم سرعه
بس نسيو اساسيات كره القدم


علاء عبد الغنى وتامر عبد الحميد لية لو على الاقل واحد منهم يدخل المنتخب

عندك حسنى عبد ربه ومحمد شوقى وحسام غالى واحمد حسن وحسن مصطفى
اللى هيدخل دا على حساب مين


شيكابالا مكانة اساسى فى المنتخب
شيكابالا الكل عارفه
بس ناقصه الخبره ودى هيكتسبها مع المباريات ومن الاعيبه اللى فى المنتخب زى ابو تريكا

جمال حمزة من الاماكن الاساسية فى المنتخب يعنى مش كل المباريات يلعب اساسى

عندك ابو تريكه وشيكابالا
هتلعب جمال حمزه مكان مين
هو كويس
بس ينفع بديل للاتنين دول


عمرو ذكى ررااااائع جدا ويجب ان يكون اساسى

عمرو ذكى مع عماد متعب
هيعملو احلى شغل



احمد صديق واسلام الشاطر يجب ان يكون واحد منهم على الاقل فى المنتخب وانا فى رأيى احمد صديق

فعلا اسلام الشاطر المفروض يبقى رقم واحد فى الجبهه اليمين فى المنتخب
بس عمو حسن شحاته قال انه بيعمل تحليل دم:) للمنتخب

شوقى يجب ان يكون اساسى وحسام عشاور مثل غانم سلطان


شوقى يستحقها عن جداره
حسام عاشور اساسى فى المنتخب الاولمبيى
وانتظرو قريبا فى المنتخب الاول
مش عاوز اقول حاجه عن غانم سلطان علشان منمسكش فى بعض
بس هقول حاجه غانم سلطان زيه زى احمد عادل
مارثون جرى وبس


تريكة يجب ان يكون اساسى
بركات فى رأيى لم يقدم الكثير
متعب يجب ان يكون من الاساسيين

الثلاثه يستحقوا ان يكونو من الاساسين فى المنتخب


اسامة حسنى يحسن اختيار الاماكن لكن معرفش يكون فى المنتخب ولا لأ اصل فى ميدو وزيدان وعمرو

أسامه مينفعش فى المنتخب لسببين
1- مش بيلعب باستمرار مع الاهلى + كثير الاصابه
2- وجود منافسه شديده فى المهاجمين فى المنتخب
فيه عماد متعب وعمرو ذكى ومحمد زيدان ومحمد ابراهيم


انا شايف ان اسامه حسنى يفيد المنتخب اكتر من أحمد حسام
(قصدى المنتخب)

[ana02005]

اولآ حمد الله على السلامة من الأعصار والطوفان اللى غرقكم

ثانيآ عبد المنصف مين ده اللى يكون اساى على الحضرى ؟؟؟ انت بتتكلم جد والا بتهزر ؟؟؟؟

طارق السيد ده آخرة تبوسو وتحطه جنب الحيطة

علاء عبد الغنى مين اللى يدخل المنتخب ؟؟؟؟ احنا ناقصين جوان فى نفسنا ؟؟؟ مش كفاية عبد الظاهر السقا ومهاجمى المنتخبات الأخرى ؟؟

آخر نقطة بتاعت بركات لم يقدم الكثير مش محتاجة تعليق لأنها اثبتت بالفعل انك لسة مدروخ من الأعصار


عبد المنصف كان رأع جدا فى مباراة الاهلى والى يقول غير كدة يبقى ......
وطارق السيد احسن بكتير من سيد معوض ولا اية ؟؟؟
وعلاء عبد الغنى لعب مباراة رائعة وكان راجع من اصابة اينعم ممكن يدخل المنتخب وممكن لا

وانا مقولتش ان بركات وحش انا قلت ان هو لم يقدم الكثييير ذى زمان

[ana02005]

موضوع كويس

بس أظن فيه لعيبة إنت قلت عليهم بيلعبوا فى الزمالك

ما يستحقوش يكونوا أساسيين فى المنتخب

ممكن إحتياط

وأولهم جمال حمزة ،، تقدر تقولى عمل ايه فى الماتش غير الجون السكة اللى جابه ،، ولا حاجة

لكن انا لو مدير فنى لمنتخب مصر

هحط

الحضرى ، وائل جمعة ، (شادى أو النحاس) ، تريكة ، شوقى ، بركات ، متعب ، حسنى عبد ربه ، عمرو زكى ، شيكابالا

والباقى تشكيل

شكرا

جون سكة اية دة حط الجون فى حتة صعبببببببة جدا لكن يجب ان يكون فى المنتخب ص ولا لأ؟؟؟؟؟؟؟

[hmd007]

جون سكة اية دة حط الجون فى حتة صعبببببببة جدا لكن يجب ان يكون فى المنتخب ص ولا لأ؟؟؟؟؟؟؟

الهدف جميل فعلا
وجاء من مهاره فرديه
بس مش علشان جاب هدف يبقى لازم يدخل المنتخب
على كده اسامه حسنى يبقى قبله فى القايمه

[misry]

اللي يستحق اللعب للمنتخب من الزمالك هم :::


1- عمرو زكي ... (( أساسي ))

2- جمال حمزة ... (( احتياطي ))

3- شيكابالا ...(( احتياطي ))

4- أحمد غانم (( احتياطي للاحتياطي ))

اما الباقي ... فميستحقوش اللعب للمنتخب أبدا ...