شرح بالصور لطريقة تنزيل الفيديوهات من على يوتيوب ودايلى موشن وبلايب تى فى بدون برامج

[Bo0o0o0ha]

صبح صبح يا عم الحاج
علشان ما اطولش عليكم فى الكلام انا عارف ان الطريقة اتحطت اكتر من مرة بس انا هحطها بالصور للمبتدئين واللى مش يقدروا يتعاملوا مع الموقع مع قصة لذيذة كده على الله تعجبكم
ملحوظة : بعض الناس مش هتقدر تقرا الكلام كويس لانه مكتوب بالصعيدى بس هتفهمه من سياق النص عادى ان شاء الله
نبتدى على بركة الله
هنفترض بقى ان فيه شخص عادى خالص
بيتصفح النت
وليكن فى الصعيد المصرى الجوانى
ودخل على موقع يوتيوب وعجبه فيديو ونفسه ينزله عنده على الجهاز بس مش عارف
بالصور بقى وواحدة واحدة هنشوف الراجل الغلبان ده هيعمل ايه ومأساته مع موقع يوتيوب واذا كان هيقدر ينزل الفيلم هو وابن عمله ولا لأ
بالمناسبة الراجل ده اسمه هريدى وقاعد جنبه ابن عمه حمدان
هريدى : بجولك ايه يا حمدان ما تيجى اكده يا واد عمى ندخل نتفرجلنا على كام فيديو حلوين من على الموقع ديه بتاع جاوجل
حمدان : ايه جاوجل ده يا هريدى؟؟
محل فيديو؟؟
هريدى : ايوة .. محل فيديو كبير جوى جوى فيه فيديوهات ببلاش
وتصويرات كمان
حمدان : يا حلاوة يا حلاوة
طيب يللا يا هريدى ندخل بجا نشوفلنا كام تصويرة وفيديو
وده ملخص للمأساة اللى حصلت لحمدان وهريدى جوه موقع اليوتيوب

http://img146.imageshack.us/img146/2625/haridyhemdangy4.png

http://img179.imageshack.us/img179/5218/haridyhemdan2ov1.png
.
حمدان : علشان خاطرى يا هريدى نزلى الفيلم ديه على الجهاز علشان آخده معايا فى جرص (cd) علشان اجعد اتفرج عليه انا وامى وابويا والجاموسة
هريدى : ازى بس يا حمدان الحاجات دى لما بتاخدها لازم تدفعلها ايجار مش بتبجا ببلاش
حمدان : ماليش صالح بجا انا عايز اتفرج عليه انا وامى والجاموسة
اتصرف وهاتهالى يا عم هريدى
هريدى : ماشى يا حمدان
استنى بجا 5 دجايج اعمل سارش على جاوجل وادور فى المنتدى ديه اللى اسمه برامج نت واشوف ازاى اجدر انزل الافلام
حمدان : ماشى يا هريدى بس متعوجش علشان الجاموسة مستنيانى هى والبهيمة على اول السكة الزراعية
وبعد
5
http://img150.imageshack.us/img150/313/clockfy7.gif
سنين
----------
حمدان : ها يا هريدى عايز اجوم اشوف الجاموسة والبهيمة
هريدى : انتا لسه فاكر يا حمدان
تلاجيهم اتحللوا واتفعنوا وكلهم الدود
حمدان : يللا فى داهية كده كده البهيمة كانت عرجا و الجاموسة كانت مبتنزلش لبن
المهم عترت على الموجع اللى بننزل من عليه التصويرات دى ولا لسه
هريدى : الحمد لله
حمدان : يرحمكم الله يا عم الحاج
أومال منزلتهاش ليه
هريدى : استنى بجا انا لجيت موجع اما ندخل ونشوف هنعرف ننزلها من عليه ولا لأ
حمدان : هات طيب الموقع أما أدخل ابص معاك عليه وافتحه من على اللاب طوب
هريدى : ماشى يا عم حمدان
دوس على الصورة اللى جاية دى وادخل الموجع واعمل زى ما هجولك بالظبط

http://img140.imageshack.us/img140/3623/youtubevc5.jpg (http://e-boha.com/getvd/)

وكالعادة مأساة جديدة لهريدى وحمدان فى موقع جديييييد

http://img296.imageshack.us/img296/7265/magicalsnap200706272320vj4.png

هريدى : الترجمة بتجول اننا لازم نجيب الرابط بتاع الفيلم اللى احنا عايزين ناخده من الموقع بتاع اليوتيوب ده علشان نعرفه ننزله على الجهاز
وبعدها نحمل برنامج لتشغيل الفلاشة دى وتتفرج عليها عادى انتا وامك وابوك والجاموسة
حمدان : انتا نسيت ولا ايه
مش الجاموسة ماتت خلاص
هريدى : البجية فى حياتك
حمدان : حياتك الباجية
عجبال جواميسكم
هريدى : فى حياتك ان شاء الله
المهم دلوجتى اننا نجيب الرابط من موقع اليوتيوب
انا هدخل بسرعة اجيبه وآجى
متجيش ورايا الموقع يا حمدان
حمدان : بس متعوجش الله يرضا عنك لحسن امى وابويا يحصلوا الجاموسة
هريدى : متجلجش مش هتأخر عليك
ويدخل هريدى تانى ويطلع بسرعة المرة دى

http://img151.imageshack.us/img151/5923/codefd5.png

حمدان : طب يللا بجا بينا علشان نخلص لحسن ابويا زمانه طلج أمى
هريدى : المهم دلوجتى نروح نجرى على الموجع التانى ونحط فيه الكود وننزل الفيديو
ويدخل المرة دى هريدى وحمدان مع بعض

http://img87.imageshack.us/img87/9567/downloadti2.png

http://img87.imageshack.us/img87/6248/magicalsnap200706272347vq7.png

http://img87.imageshack.us/img87/7532/magicalsnap200706272348lc5.png

وبعد نوم طويل لهريدى لان سرعة النت كانت بطيئة شوية (2كيلو بايت)
صحى هريدى على صوت عالى بيقول

http://img146.imageshack.us/img146/9528/magicalsnap200706272355gl8.png

http://img172.imageshack.us/img172/4720/linkma6.png

http://img401.imageshack.us/img401/6320/magicalsnap200706280008ba5.png

http://img156.imageshack.us/img156/1374/magicalsnap200706280009gj5.png

بعد ما نزل البرنامج قام هريدى صطبه تمام واكتشف بعد حوالى كمان كام سنة انه لازم يغير اسم اى ملف ينزل من على الموقع ويضيفلها .flv
يعنى مثلا الملف اللى نزل اللى هو ده

http://img179.imageshack.us/img179/8059/magicalsnap200706280025vz6.png

هريدى عمله rename وضاف لآخره .flv
يعنى اسمه يبقى get_video.flv
و بعد ما داس enter بقى الملف بالشكل ده

http://img179.imageshack.us/img179/7363/magicalsnap200706280027ky4.png

بعدها هريدى اخيرا شغلها تمام التمام و اتفرج على الفيلم هو وحامد ييجى 100 او 150 مرة وبعدها بقى اداه لحامد على cd أو (جرص) زى ما بيقولوا
وروح فعلا حامد البيت وهو طاير من الفرحة وهو معاه السيديهاية واول ما وصل البيت لقى جنازة كبيرة وبيسأل الناس جنازة مين دى قالوله ابوك وامك ماتوا من الحسرة عليك وهما مستنيينك
راح حامد خد البندقية وطلع يجرى على بيت هريدى وضربه بالنار وضرب الجهاز بالنار وطخ اللاب طوب وبعدها ضرب نفسه بالناس وانتحر
ودى كانت نهاية مأساة هريدى وحامد
والبقاء لله
ملحوظة : صلاة الجنازة يوم الجمعة الجاية ان شاء الله فى جامع الشاذلية الحامدية بعد صلاة الجمعة
أما العزا فبالليل الساعة 9 بعد المسلسل الاجنبى بتاع القناة التانية ان شاء الله
وصبح صبح يا عم الحاج

[anass016]

شكرا اخي شكرا
لك جزيل الشكر على المجهود

[hhh2009]

مشكور عالمجهود الكبير بس انا جربت كل الطرق مع موقع dailymotion بس ما نفع شي دايما يقول erorr URL ممكن تفهمني شو المشكلة