الحياة مليئة بالأهداف - ممكن تقولنا ايه هو هدفك في الحياة

[بسام_القلوب]

طبعا عارفين ايه الفرق بين الهدف والحلم الهدف حاجة بتتحرك يعني كل ما وصلت لهدف تلاقيه يتحرك ويبقي عندك هدف تاني سواء الهدف الجديد مرتبط بالهدف اللي قبله ولا لاء .
الحلم بقي ده حاجة تتمني انها تتحقق وده هيخليك في منتهي السعاده وتديك شعور ان تحقيق الحلم ده كفايه في حياتك .

المهم عيزين تقولنا ايه هدفك في حياتك عشان تفيد الأخرين ولو معندكش هدف ياريت تفكر في حاجة حالا لان الأنسان اللي معندوش هدف في حياته معلش يبقي عامل زي الأنعام .

اكتب عن هدفك بصراحة وهل ممكن تححققه والوقت الخاص بهدفك انت محدده ولا سيبها كده ماشية لوحده ؟ احكي فيد نفسك قبل ما تفيد غيرك . ارجو التفاعل مع الموضوع .

[tamimi123]

مشكووووووووووووور

[bismilah]

هدفي ان اسعد من احب

[بسام_القلوب]

يا جماعة في اسئلة ارجو الإجابة عليها مش مهم الرد المهم تجاوب علي كل الأسئلة حتي ولو في نفسك .
أنا هدفي دايما متحرك ممكن لحد لدوقت ممسكتش حاجة في ايدي لكن الهدف من صغري اني اصبح طيار ولكن بمجرد تخرجي من الثانوي لقيت والدي مش موافق اي حاجة عسكرية في مصر وقالي " لو انت اخلاقك حلوه هيبهدلوك وانا مش عايزك تتبهدل ولو خلو اخلاقك وحشة يبقي خسرت نفسك" ده السبب الأول والسبب التاني ظروف خاصه مش عايز حد يعرفها بعد كده مجموعي مدخلنيش هندسة وجاتلي علوم المنيا والمكان بعيد عن البيت فحولت تربية نوعية قسم حاسب ألي وشوية تصميم علي شوية صيانة وشوية بحاول اخش في تجارة اللحوم واهه بخبط في الدنيا الهدف الحالي ابقي محترف تصميم . والهدف اللي بعده اتزوج . واكون داعية الي الله سواء لغير المسلمين او للمسلمين ان معرفتش اكون لغير .
اما حلمي اني لو مت اموت علي طاعة واكون شهيد حرب او حتي اموت ونفسي بتحدثني الشهادة.

[بنت بغداد السلام]

يا جماعة في اسئلة ارجو الإجابة عليها مش مهم الرد المهم تجاوب علي كل الأسئلة حتي ولو في نفسك . الهدف الحالي ابقي محترف تصميم . والهدف اللي بعده اتزوج . واكون داعية الي الله سواء لغير المسلمين او للمسلمين ان معرفتش اكون لغير .
اما حلمي اني لو مت اموت علي طاعة واكون شهيد حرب او حتي اموت ونفسي بتحدثني الشهادة.

ماشاء الله اهداف عظمية واحلام اعظم
وفقك الله لتحقيقها

هدفي اكمل الماجستير
اما حلمي ان ترجع بلادي كما كانت وأفضل من قبل