صاحب السعادة
04-29-2007, 04:25 PM
بسم الله نبدأ
* بالنسبة للشباب:
- الشاب اللي عامل شعره على جنب ده بيحب يركن مشاكله من غير ما يحلها.
- واللي عامله على ورا ده بيرمي ماضيه وراه وينساه.
- واللي على قدام إنسان باصص للمستقبل.
- الأقرع كسلان ومستسلم للرياح لأنها مهما عملت مش هتأثر.
- اللي عنده تعلبة ده المشاكل بتجيله من كل جانب.
- واللي عامل شعره "spike" حياته جادة وصلبة وهو شخصية مش مرنة.
- اللي عامله "فيرزاتشي" شخصية ضعيفة كيييك بيستخبى ورا شعره، قصدي ورا قناع يحميه.
- أما اللي عامل زرع شعر ده بيجدد نفسه وتقريباً كده كان ماضيه مهبب وعلشان كده غير شكله.
- اللي مركب باروكة بقى ده إنسان مزيف وبيستخبى ورا الأقنعة.
- الشباب الهيبز اللي بيقوموا من النوم وينزلوا كدة وسايبين شعرهم مع نفسه دول ناس مهملة ومش قد المسئولية.
- اللي مطول شعره ده باله طويل أد شعره "بيصبر على الرز لما يستوي".
- بس اللي مقصر شعره ده واد مخلص وبيجيب من الآخر "بيقطع عرق ويسيح دمه".
- عارفك تعالالي >>>>> اللي نزل حلقها زيرو ده بقى ده واحد رايق عايز ينسى الدنيا " ويمزمز ميريندا".
- اللي شعره فيه حاجة غير كده يبقى شخص عجيب بقى أو أنا اللي مش واخد بالي كويس لكن عامة:
- اللي بيعمل كل يوم نفس التسريحة ده إنسان روتيني "ولا تغديني" وكل حياته مملة.
- اللي كل يوم بيعمل تسريحة ده بقى شاب نيولووك وبكذا شخصية " بيتحول يعني".
- لكن اللي بيعمل حاجة مش موجودة خالص يبقى " هيتمرد ع الوضع الحالي ومش هسهر في هواكي ليالي".
* أما البنات بقى:
- اللي مرجعة شعرها ورا دي بقى زي الواد اللي فوق ده بالظبط لكن الفرق إنها "بترمي ماضيها وراها وتنساه".
- اللي عاملة شعرها فرق من الجنب اليمين زي باقي البنات بتبقى بنت عادية.
- لكن اللي عاملة شعرها فرق من الجنب التاني "الشمال" دي بتطالب المساواة ما بينها وما بين الولاد.
- اللي مضفرة شعرها تخلي بالها من "السمسم".
- اللي عاملة شعرها بطريقة سيريالية أو مجعد "curly" شخصية curly غير محددة الملامح.
- اللي عاملة شعرها على قدام بنوتة بريئة " طبعاً كله هتقولك أنا عاملاه على قدام".
- اللي بتقصر شعرها أو بتعمله spike أو فيرزاتشي دي بقى يا جماعة بنت "cool" جداً و"cute" لأنها بتعمل زي الولاد.
- اللي مش بتقصر شعرها متصاحبش البت اللي قبلها دي.
بس كدة أنا تعبت من تسريحات البنات لأنهم كتير جداً واللي تعمل حاجة غير كدة يبقى عادي لأن ده من الطبيعي إن كل واحدة تغير مكان خصلة عن اليوم اللي قبله تقولك أنا عملت نيولووك
* دي مش كل التسريحات ومحدش هيقدر يحصرها كلها
لأن أصلا دلوقتي مفيش تسريحة معينة بقيت ثابتة ومعروفة, لكن اللي بيحصل إن أي حد بيسرح شعره يعجبه على كدة وينزل وأنا شخصيا منهم.
قسم خاص للمحجبات والمنقبات:
بلاش نتكلم عنهم دول ناس كويسين واختاروا الطريق السليم
لكن بقى اللي جايبة الحجاب على قدام ......
- م خلاص خلصنا
- لكن برضه في بنات مش محجبة وكويسة لكن برضه المحجبة أفضل،
- بس أحياناً بتكون مش محجبة ومحترمة
- بس الـ .... " البيضة ولا الفرخة ".
ده وإن دل على شئ فإنما يدل على إن الكلام اللي بيتقال ده مش دقيق ولا سمنة ولا أي حاجة تانية ولا ينطبق على كل الأشخاص.
كلمة "المصفف" المؤلف:
- طبعاً كل ده مالوش أي لازمة ولا يمت للواقع بـصلة, وأي تشابه وارد بين التسريحات المذكورة و بين أي شخص، "الكوافير" غير مسئول عنه, وطبعاً التسريحات دي موجودة فعلاً لكن التشبيه والتحليل من نسج خيال "المصفف".
لازم نكون عارفين إن كل الناس اللي بتقول كدة كلام على الفاضي واجتهادات مثل المواضيع المعروفة التي ترتبط حول علاقة الشخصية بالحاجات العجيبة التانية
أحياناً بتجيلي إيميلات وبشوف مواضيع عن كده:
"إعرف شخصيتك من لون عينيك".....
"إعرف شخصيتك من أول حرف في إسمك".....
حتي إني فكرت في موضوع يكون عنوانه " إعرف شخصيتك من لون جذمتك"
ليس هناك رابط أو علاقة بينهم وإن كانت هناك بعض المواضيع التي لها تحليل نفسي لكنه يجب أن يكون القائم بالتحليلات متخصص ومش أي حد يقوله.
فما علاقة " ثورة الرابع والعشرون من أغسطس" بـ " أصابع القدم اليسرى"
* للعلم فقط: ليس هناك أي ثورة في الرابع والعشرين من أغسطس
ولكن من يدري ريما يقوم أحد اليساريين الراديكاليين بتكوين حركة جديدة معلناً عن قيام ثورة باسم "حركة أصابع القدم اليسرى" في هذا اليوم.
أرجو ألا يثير هذا الموضوع "الكوافيرجية" أو "المزينيين" بتنظيم مظاهرة (المَقَصْ التِلِمْ).
كما أرجو ألا يثير غضب من يقرأ هذا الموضوع فأنا لا أسخر من البنت أو الولد بقدر ما استفذني ما نسمعه ونصدقه (يجب أن ترى) مع الاعتذار لأي كفيف.
وكما قالت سعاد حسني رحمها الله : " البنت زي الولد و مش كمالة عدد "
تأليف وإخراج: سمير فتحي
* بالنسبة للشباب:
- الشاب اللي عامل شعره على جنب ده بيحب يركن مشاكله من غير ما يحلها.
- واللي عامله على ورا ده بيرمي ماضيه وراه وينساه.
- واللي على قدام إنسان باصص للمستقبل.
- الأقرع كسلان ومستسلم للرياح لأنها مهما عملت مش هتأثر.
- اللي عنده تعلبة ده المشاكل بتجيله من كل جانب.
- واللي عامل شعره "spike" حياته جادة وصلبة وهو شخصية مش مرنة.
- اللي عامله "فيرزاتشي" شخصية ضعيفة كيييك بيستخبى ورا شعره، قصدي ورا قناع يحميه.
- أما اللي عامل زرع شعر ده بيجدد نفسه وتقريباً كده كان ماضيه مهبب وعلشان كده غير شكله.
- اللي مركب باروكة بقى ده إنسان مزيف وبيستخبى ورا الأقنعة.
- الشباب الهيبز اللي بيقوموا من النوم وينزلوا كدة وسايبين شعرهم مع نفسه دول ناس مهملة ومش قد المسئولية.
- اللي مطول شعره ده باله طويل أد شعره "بيصبر على الرز لما يستوي".
- بس اللي مقصر شعره ده واد مخلص وبيجيب من الآخر "بيقطع عرق ويسيح دمه".
- عارفك تعالالي >>>>> اللي نزل حلقها زيرو ده بقى ده واحد رايق عايز ينسى الدنيا " ويمزمز ميريندا".
- اللي شعره فيه حاجة غير كده يبقى شخص عجيب بقى أو أنا اللي مش واخد بالي كويس لكن عامة:
- اللي بيعمل كل يوم نفس التسريحة ده إنسان روتيني "ولا تغديني" وكل حياته مملة.
- اللي كل يوم بيعمل تسريحة ده بقى شاب نيولووك وبكذا شخصية " بيتحول يعني".
- لكن اللي بيعمل حاجة مش موجودة خالص يبقى " هيتمرد ع الوضع الحالي ومش هسهر في هواكي ليالي".
* أما البنات بقى:
- اللي مرجعة شعرها ورا دي بقى زي الواد اللي فوق ده بالظبط لكن الفرق إنها "بترمي ماضيها وراها وتنساه".
- اللي عاملة شعرها فرق من الجنب اليمين زي باقي البنات بتبقى بنت عادية.
- لكن اللي عاملة شعرها فرق من الجنب التاني "الشمال" دي بتطالب المساواة ما بينها وما بين الولاد.
- اللي مضفرة شعرها تخلي بالها من "السمسم".
- اللي عاملة شعرها بطريقة سيريالية أو مجعد "curly" شخصية curly غير محددة الملامح.
- اللي عاملة شعرها على قدام بنوتة بريئة " طبعاً كله هتقولك أنا عاملاه على قدام".
- اللي بتقصر شعرها أو بتعمله spike أو فيرزاتشي دي بقى يا جماعة بنت "cool" جداً و"cute" لأنها بتعمل زي الولاد.
- اللي مش بتقصر شعرها متصاحبش البت اللي قبلها دي.
بس كدة أنا تعبت من تسريحات البنات لأنهم كتير جداً واللي تعمل حاجة غير كدة يبقى عادي لأن ده من الطبيعي إن كل واحدة تغير مكان خصلة عن اليوم اللي قبله تقولك أنا عملت نيولووك
* دي مش كل التسريحات ومحدش هيقدر يحصرها كلها
لأن أصلا دلوقتي مفيش تسريحة معينة بقيت ثابتة ومعروفة, لكن اللي بيحصل إن أي حد بيسرح شعره يعجبه على كدة وينزل وأنا شخصيا منهم.
قسم خاص للمحجبات والمنقبات:
بلاش نتكلم عنهم دول ناس كويسين واختاروا الطريق السليم
لكن بقى اللي جايبة الحجاب على قدام ......
- م خلاص خلصنا
- لكن برضه في بنات مش محجبة وكويسة لكن برضه المحجبة أفضل،
- بس أحياناً بتكون مش محجبة ومحترمة
- بس الـ .... " البيضة ولا الفرخة ".
ده وإن دل على شئ فإنما يدل على إن الكلام اللي بيتقال ده مش دقيق ولا سمنة ولا أي حاجة تانية ولا ينطبق على كل الأشخاص.
كلمة "المصفف" المؤلف:
- طبعاً كل ده مالوش أي لازمة ولا يمت للواقع بـصلة, وأي تشابه وارد بين التسريحات المذكورة و بين أي شخص، "الكوافير" غير مسئول عنه, وطبعاً التسريحات دي موجودة فعلاً لكن التشبيه والتحليل من نسج خيال "المصفف".
لازم نكون عارفين إن كل الناس اللي بتقول كدة كلام على الفاضي واجتهادات مثل المواضيع المعروفة التي ترتبط حول علاقة الشخصية بالحاجات العجيبة التانية
أحياناً بتجيلي إيميلات وبشوف مواضيع عن كده:
"إعرف شخصيتك من لون عينيك".....
"إعرف شخصيتك من أول حرف في إسمك".....
حتي إني فكرت في موضوع يكون عنوانه " إعرف شخصيتك من لون جذمتك"
ليس هناك رابط أو علاقة بينهم وإن كانت هناك بعض المواضيع التي لها تحليل نفسي لكنه يجب أن يكون القائم بالتحليلات متخصص ومش أي حد يقوله.
فما علاقة " ثورة الرابع والعشرون من أغسطس" بـ " أصابع القدم اليسرى"
* للعلم فقط: ليس هناك أي ثورة في الرابع والعشرين من أغسطس
ولكن من يدري ريما يقوم أحد اليساريين الراديكاليين بتكوين حركة جديدة معلناً عن قيام ثورة باسم "حركة أصابع القدم اليسرى" في هذا اليوم.
أرجو ألا يثير هذا الموضوع "الكوافيرجية" أو "المزينيين" بتنظيم مظاهرة (المَقَصْ التِلِمْ).
كما أرجو ألا يثير غضب من يقرأ هذا الموضوع فأنا لا أسخر من البنت أو الولد بقدر ما استفذني ما نسمعه ونصدقه (يجب أن ترى) مع الاعتذار لأي كفيف.
وكما قالت سعاد حسني رحمها الله : " البنت زي الولد و مش كمالة عدد "
تأليف وإخراج: سمير فتحي