تقرير مسيو ميشيل: يتضمن استبعاد سبعة لاعبين وينصح عبدالحليم على بالاعتزال

[حسين سيف الدين]

تضاءلت فرص مجلس إدارة نادى الزمالك فى الإبقاء على هنرى ميشيل المدير الفنى لفريق الكرة بعد أن تلقى الأخير ستة عروض جدية عبر الشركة المرتبط معها بعقد وكالة مما دفع ميشيل لمطالبة إدارة النادى بتقديم عرض رسمى إلى الشركة لدراسته مع بقية العروض وعلمت الأهالى أن عرض تدريب المنتخب السنغالى فى أمم أفريقيا القادمة وتصفيات كأس العالم 2010 هو الأبرز حيث يحصل ميشيل على 60 ألف دولار راتبا شهريا يأتى هذا فى الوقت الذى نفى فيه المدير الفنى موافقته على تجديد عقده وفقا لما أعلنه ممدوح عباس رئيس النادى الذى وجد نفسه متورطا فى الإعلان عن ذلك خلال أحد البرامج التليفزيونية الشهيرة وتحسبا لرحيل ميشيل وطلب البرتغالى نيلو فينجادا المدير الفنى السابق للمنتخب الأوليمبى مهلة شهرا قبل الرد على عرض الزمالك فتح مجلس الإدارة قنوات اتصال مع أكثر من وكيل لاعبين لترشيح عدد من المدربين حيث ترغب إدارة النادى فى الاستقرار مبكرا على المدير الفنى الجديد للحفاظ على حالة الهدوء التى يعيشها النادى خصوصا فى ظل العرض الإماراتى الذى تلقاه فينجادا من نادى النصر الإماراتي.
من ناحية أخرى بدأت إدارة النادى رحلة البحث عن حارس مرمى إفريقى لضمه بدءا من الموسم القادم لتعويض الغياب المحتمل لعبدالواحد السيد بعد تكرار إصابته بالرباط الصليبى ويعد حارس مرمى الهلال السودانى أحد أبرز المرشحين بعد المستوى المتميز الذى ظهر عليه اللاعب خلال مباراة الفريقين فى دورى رابطة الأندية الأفريقية الأمر الذى دفع إدارة النادى لرصد أكثر من لاعب من الفريق السودانى ويعتبر أحمد سعد حارس مرمى الترسانة البديل المحلى لسد النقص فى حراسة المرمى فى حال فشل التعاقد مع حارس أفريقى خاصة أنه ظهر بشكل طيب فى مباريات فريقه الأخيرة وانضمامه للمنتخب القومي.. وعلمت الأهالى أن العرض الزملكاوى لضم حارس الترسانة يتضمن مبادلته بوائل زنجا مع منح عماد السيد الحارس الصاعد الفرصة فى الفترة القادمة خاصة بعد تزكيته من جانب عبدالواحد السيد.
يأتى هذا فى الوقت الذى ر فض فيه محمد عبدالمنصف عرض النادى بالبقاء حتى نهاية عقده وأصر على خوض تجربة الاحتراف بنادى لاتسيو الإيطالى على اعتبار أنه يعود إلى دكة البدلاء فور عودة زميله عبدالواحد.
على صعيد آخر استقر هنرى ميشيل المدير الفنى على ملامح التقرير الذى ينوى التقدم به إلى مجلس الإدارة ووفقا لأحد المقربين من الجهاز الفنى فإن ميشيل طلب الاستغناء عن سبعة لاعبين هم: وائل زنجا وتامر أبوجبل وعمرو الصفتى ومحمود محمود وتامر عبدالحميد وأحمد حسام وأسامة حسن فيما تراجع عن موقفه المتشدد إزاء الاستغناء عن جمال حمزة بعد تألقه فى قيادة الفريق للفوز على المقاولون فى آخر مباراة للفريق بالدورى ونصح تقرير ميشيل عبدالحليم على مهاجم الفريق بالاعتزال مع عدم التفريط فى عمرو زكى أو تجهيز بديل مناسب يستطيع سد الفراغ الذى يسببه رحيل اللاعب باعتباره المهاجم الأول فى صفوف الفريق.
وطلب التقرير ضرورة دعم عدد من المراكز أبرزها قلبا الدفاع ومركز الظهير الأيمن فضلا عن صانع الألعاب وأوصى الاستعانة بالمحترفين الأفارقة مطالبا بضرورة الاستفادة من اختيار ناد مثل الهلال السودانى للاعبيه المحترفين.

[romio1975]

اذا الأخ ناوى يمشى ماله هو مين يعتزل ومين يفضل

[vambire888]

ان شاء الله هنرى ميشيل هيفضل فى الزمالك
ولو هيمشى يبقى روميو عنده حق فى الكلام اللى بيقوله

[agmal_a7sas2002]

سبعه يتكلو على الله
وكمان واحد يعتزل
دا لو على 11 لعيب
يعنى الزمالك بيلعب من بدايه الموسم ب 3 لعيبة
الراجل دا شكلو عايز يمشى وناوى على كده
بالتوفيق يا هنرى بيه

[حسين سيف الدين]

مهو عايز يخربها قبل ميميشي

[علاء حمدان]

يخرب ايه هى اصلا كده كده خربانه
حال الزمالك لا يسر عدو ولا حبيب
ارجوا ان يجد الزمالك ضالته وافضل حل للزمالك
على اعضاء مجالس ادارته التقرب من مجلس ادارة النادى الاهلى والفرصه سانحه بوجود احتفالات المئويه وليبداءعصر جديد يتم فيه تؤمه وتأخى بين الناديين الكبيران ويتم تبادل اللاعبين بينهم دون اية حساسيه وتكون روح المنافسه فى المباريات بالابتسام وليست بالسباب
والله العظيم فرصه والاهلى مش هيرفض وخلونا نعيش شويه فى جو احتراف حقيقى

[Ruud Van Nistlroy]

يمكن يكون مقلش الكلام ده
وثانيا عبد الحليم علي من اكتر الناس اللي بتجري في الزمالك
اي نعم انا مبحبوش خالص
وكمان بيضيع كتير
بس هو من الزملكاوية القليلين جدا اللي قلبه عالفريق

[علاء حمدان]

ايه يا رود هو اللاعيب بالجرى عيب يا راجل
ايه الفايده ما هو عبد الحليم كان بيجرى فى ماتش الهلال وكان مقطع نفسه بين ال 18 بتاع الهلال وال 18 بتاع الزمالك المهم اللمسه يعنى ابوتريكه فى نهائى رابطة الابطال اللى فات ما كانش بمستواه الكبير اللى عارفينه عنه ولكنه بلمسه واحده خلص بطوله وهو ده الفرق
الاعب الحقيقى بيجرى بالكورة جوه عقله وبعدها يسدد او يمرر او يرفع

[Ruud Van Nistlroy]

ايه يا رود هو اللاعيب بالجرى عيب يا راجل
ايه الفايده ما هو عبد الحليم كان بيجرى فى ماتش الهلال وكان مقطع نفسه بين ال 18 بتاع الهلال وال 18 بتاع الزمالك المهم اللمسه يعنى ابوتريكه فى نهائى رابطة الابطال اللى فات ما كانش بمستواه الكبير اللى عارفينه عنه ولكنه بلمسه واحده خلص بطوله وهو ده الفرق
الاعب الحقيقى بيجرى بالكورة جوه عقله وبعدها يسدد او يمرر او يرفع
لا يا عم علاء
انا مقلتش ان اللعيب بالجري
ولا حاولت اقارن بينه وبين ابو تريكة

انا كل اللي قلته ان اللعيب بالجري
انما في حالة الزمالك لازم شوية لعيبة من اللي بيجروا
لان مفيش حد تاني بيجري
يعني بمعني اصح
شوية يعوضوا بطء التانيين
وكمان شوية يعوضوا فقدان الروح عند الباقيين

[علاء حمدان]

انا كده فهمت معنى كلامك ان الفريق بيتكون من مجموعتين شويه بيجروا وشويه بينفذوا
لكن فى الزمالك شويه بيجروا وشويه بيجروا وراهم

[Mohamed_Hamdy]

رغم شهرة هنري ميشيل في قارة افريقيا ،،،

الا انه لم يقدم للزمالك جديد ،،،

نية الرحيل تلوح في الافاق ،،،

والزمالك اكبر من هنري ميشيل ،،،

[proman82]

واللة الراجل عندة حق فى كلمة قالها شوية اللعيبة الى ذكر اسمائهم حريم يلبسو الفانلة البيضة
باستثناء عمر الصفتى

[ibnhazm_906]

والله العظيم الزمالك فرقة جامدة جداا وفيها مواهب أنا شايف إنها مش موجودة إلا فيه وبس زي حازم إمام وإن كان ينقصه الجسم وطبعا مصطفى جعفر اللي عمل كورة في ماتش المقاولون لا يمكن أنساها ...بس الفريق يفتقد الروح بشكل غير عادي والزمالك عمال يضيع في نفسه ...

[MMORTEGA2002]

انا شايف ان الرجل مش بطال ياشباب

[bad boy555]

ياجماعة كل الكلام دة غير صحيح لان اذا دخلتم على موقع نادى الزمالك هتلقى ان هنرى ميشيل جدد مع الزمالك لمدة سنين ودة كلام نهائى