موضوع للمناقشه افضل شركات الانترنت فى مصــــــر

[redic]

السلام عليكم

اخوانى الاعضاء وخبراء الشبكات نحن بحاجه لمعرفه افضل الشركات التى توجد بمصر بالنسبه لى انا ابحث واسئل عن افضل شركه توجد بمصر للاشتراك بها فياريت نشارك جميعا ونتبادل الاراء والتجربه مع كل شركه حتى نتوصل الى احسن خدمه موجوده وافضل روتر لهذه الشركه

شكر خاص لاداره المنتدى العظيم لمساعدتنا على تبادل الاراء والافكار والخبرات مع تمنياتى للجميع بالتوفيق والنجاح

[redic]

ايه ياجماعه محدش عايز يناقش ويقول رأيه؟

[اسلام2010]

احسن شركة Yalla انا موصل 256 وبيدني دونلود 32 الي 30 مبقلش

[redic]

مظنش ان شركه yalla انها احسن شركه فى مصر فى انا جمعت الاراء وطلعت النتيجه te data بس مش على تجربه بيها انا شغال مع egy net وتمام والدعم الفنى ممتاز

[LoooK2]

lolz

انا مش مصر ولا كان من عيوني افدتك :)

[octapus2002]

امتلك راوتر سيد تاتش 546 وحساب بالشركة المذكورة بسرعة 256/64 وسرعة التصفح لاتزيد عن 100 والتحميل لايعلو عن 25-27 مطلقا ولا يوجد دعم فني
وعلي فكرة انا بدأت اشوف اعلانات لشركة دس اس ال جديدة اسمها علي اكتاف العمالقة وباين عليها جديدة وشكلنا هنشوف شركات جديدة بمصر في المجال ده خاصة بعد أن لاقت شبكات الواي فاي والواي ماكس رواجا في بعض الدول المجاورة وبداية انتشار تلك الشبكات بعدما بدأت الشبكة الثالثة للمحمول في الظهور بمصر خلال 2007
الخلاصة فشركة دي اس ال تأخذ تقدير 6/10 في رأيي الشخصي
وعلي فكرة دي تقديرات ممكن تختلف من شخص لآخر
أرجو أن أكون قد أفدت
والسلام عليكم ورحمة الله وبركاته
أحمد من مصر
Octapus2002!hotmail.com

[DR.DEVIL]

انا معا te data



والهى ولا احسن من كدا مفيش ناس محترمة والسرعة تمام ونادر لو النت فصل وفى ثوانى يرجع تانى وعلى فكرة النت هيرخص فى مصر

[amr0122]

انا اتعاملت مع شركة لنك دون نت و شركة تى اى داتا والاتنين اتحسنو كتير الفترة الاخيرة لكن لكل واحدة ميزة وعيب الاولى ميزتها سرعة دون لود وهمية يعنى تاخد حقك على الاخر والدعم الغنى ممتاز و يبعتولك واحد عاى البيت يزبطلك النت لكن سعات بيتهبلو و يرمو العيوب على شركة التليفونات مع العلم انها مظلومة ولايمكن ان يكوون العيب من السنترال الا فى حالات نادرة
اما الشركة الثانية فالبراوزنج سرعتة حلوة لكن الدون لود مش سريع يعنى ميدكش حقك كلة

[abokfe]

اظن لينك او تى اى داتا

[مؤمن أحمد]

تى داتا فى رأيى أحسن من لينك لأنى اتعاملت مع الإتنين وجربتهم تى داتا التصفح والدونلود معقولين
اما لينك فاشغاله بمزجها شويه مره سريييييع اوى عن الطبيعى ومره تانيه زى الزفت

وشكرا

[PROFESSIONALV.I.P]

بصبح عليك انا من رأيى افضل شركه هيا
te datبيأجرولك روتروما بيتفصلش النت عليك خالص من الشركة بس المشكله ان فى قرار حينزل بيقولوا ان لك 50 ساعة بس فى الشهر وفى ناس ياماه طبعا حيشيلوا النت وفى مظهرات على هذا القرار انا من رأيى تأخذ بالك لو عايز توصل النت من الشركه شوف القرار حيطبق والا لا لو حيطبق بلاش واى خدمة:smailes21:

[noble911]

كل سنترال و له ظروفه و كل خط تليفون و له حدود و امكانيات
عليك بسءال الناس اللي معاك في نفس السنترال
و اشترك
و اذا لم تعجبك الشركة غيرها باخري موثوق فيها و مجربة من جيرانيك

مع العلم ان ارزل حاجة في الشركات الكنسله و الموضوع ده ممكن ياخد شهر غير رزالة الشركة و الموظفين

[احمد فكرى الكينج]

اعتقد ان الزعبلاوى من احسن الشركات عشان بتدينى سرعه 2 ميجا و داون لود 120 و مش بيقل

[ahmedelrefaey]

انا افضل ايجى نت وشايف ان خدمتها جميلة
انا فى محافظة الغربية وشايف انها الافضل هنا

[hamada_marwa35]

JUst TE DATA only

hamada@@@@

[heshamzn]

ايجى نت حاليا على ما عتقد تحتضر وانخفض معدل الداونلوود فى الداونلود مانجر وانا على 512 الان احمل بسرعة 35 على الداونلود مانجر وغيرى كله بيحمل على 64 من تى داتا مثلا مش عارف دى مشكلتى لوحدى ولا غيرى كمان

[اسلام الصالحى]

الكلام ده على ايجى فى مصر كلها وان شاء الله هتظبط قريب
هى ليها ميزة انها مبتقطعش نهائيا غير ان الابلود بتاعها فى ال 256 يصل 26 وده اعتقد اعلى من ابلود خط ميجا مع تى داتا

ثانيا بتوصل بسرعة لو سنترالك فيه مكان اما تى داتا غالبا هتلطعك شهرين على ما يوصلولك

[fon2010]

السلام عليكم ورحمه الله وبركاته ايه اخباركم يا جماعه حبيت اقولكم اني جربت موضوع شركات النت حيث جربت سرعه ايجي نت وتي دانا واقولكم افضل شركه علي مستوي جمهوريه مصر العربيه te data نهائي واللي خايف يروح اقولكم اختارت تي داتا ليه اولا انا بدء في اختيار شركه اسمها ايجي نت لانشاء شبكه انترنت حيث تم توصيل لي الخط في حوالي 15 يوم وبعد وصول الخط كنت ماشي علي سرعه 256 وكان معدل الدونلود والتصفح افضل فقول ازودها الي 512 فروحت مزودها والحال ماشي وكنت ماشي علي سرعه 256 لمده شهريه واستمريت بعد ذلك في ال512 وكان النظام مظبوط بس الدعم الفني دايما بيكون محترم وغير محترم وهكذا استمر الحال وفي يوم من الايام اتبهدلت علي سرعه 512 فولت ازودها الي 1 ميجا وعند زيادتها الي 1 ميجا اصبحت السرعه عندي 512 حيث ان الدونلود لا يزيد عن 65 او 67 وينزل فقولت ايه ده دلونلود بنفس النظام اتصلت بالوكيل والشركه كذا مره ولا فايده وبرضه البينج المحدد للشركه بيقطع نهائي لماذا اعتبرت ان الشركه غير مهتمه بضبط السرعه طيب ايه الحل اعمل ايه وعلما بانني قمت بارسال رسائل كتير للشركه وبتقولي انها لسه مشكله الازحام في المنطقه الي عايش فيها روحت بعتلهم رساله قولتلهم اذ مضبطوس السرعه حلغي اشتراكي نهائي وهذا قرار مني ولم يرد علي احد وفضلت رايح جاي زي ما بيقولوا صعيدي رايح جاي ومش عارف اعمل ايه قولت اغير الشركه روحت مغيرها ل تي داتا قعدت معايا شهرين الله يخربيت ايجي نت مش عاوزين اي حد يطلع منهم الا برقم الالغاء فضلت متحير في الرقم شهرين لحد ما وصل الخط وبداء حياه جديده مع شركه تانيه اسهما tedata وجربت التحميل والتصفح طلع مليون قشطه والله تحميل وتصفح مظبوط في اي وقت الف حمد وشكر ليك يا رب تعرف دونلود طول الوقت 120 ومش بينزل نهائي شركه محترمه وايضا لم اجرب الدعم الفني للشركه لذلك اقولكم ان شركه تي داتا افضل شركه علي مستوي جمهوريه مصر العربيه نهائي ومش عاوز حد يقولي لينك ولا عباس ولا يلا افضل شركه تي داتا واللي يتحدي واللي خايف يروح وكمان بقولكم قبل ما تشتركوا في النت لازم يكون خط التليفون الخاص بك ( المنزلي ) مباشر و غير مقدم لشركه انترنت اخري وكمان لازم تعمل اختيار علي خط التليفون بتاعك من السنترال قبل ما توصل علشان تعرف الخط بتاعك حيوصل كام جهاز نت وهذا ضروري جدا لذلك انتهيت من موضوعي واقول لكم ان افضل شركه في مصر تي داتا وشكرا والي عاوز يكلمني علي الاميل انا موجود طول اليوم وهذا اميلي fon200540@msn.com الكاتب م : محمد جمال وشكرا والسلام عليكم رحمه الله وبركاته واتمني قد يكون موضوعي وصل لوزير الاتصالات وكل المنتديات والله الموافق ويكون موضوعي واضح جدا وشكرا

[zyadzyad]

of course te data is the best
انا مرة رسترت الروتر و كنت مبتدئ ايامها و قرفت الراجل على التليفون لحد مرجعتو يشتغل تانى و بكلم الدعم الساعة تلاتة بليل و بيردو عادى تى اى داتا rocks rocks

[EMOO86]

تي اي داتا بدون كلام افضل شركه انترنت عن تجربه 9 اشهر

[ghadooda]

أنا مشتركة فى TeData والسرعة سيئة جداً جداً وعملت كذا إختبار سرعة بلاقى بالكثير بتبقى 120 kb
والمفروض السرعة عندى 256 kb
وخد بالك kb مش kB

وبعتلهم إيميلات كثير جدا فيهاً كذا Screenshots لإختبارات السرعة ولا حد عبرنى

وخدمة العملاء مشغولة دائماً
وأبسط شئ النت يوم ما ييجى ميعاد الدفع بيقطع على طوول بدون رسالة قبلها وطلبت كذا مرة حد ييجى يحصل ولا عبرونى

بكل بساطة انا كنت مشتركة قبلها فى لينك ولما كان يقرب ميعاد الدفع كان بيطلعلى رسالة أحدد فيها ميعاد الدفع والطريقة
ولما كنت ببعت إيميل للينك بالكثير ساعة ولازم ألاقى إتصال منهم
آخر حاجة اهو بعت ل TeData إيميل من 3 أيام وكتبت رقم تليفونى والموبايل والإيميل ولا الهوا!!

يمكن بتختلف فعلاُ من سنترال للتانى بش مفيش أى عذر للإهمال فى خدمة العملاء

وشكراً

[one__online]

EgYNet...............

[minaelza3em]

TeData
is the best

[nana_77]

تى اى داتا احسن
وعندى سرعة النت 256 و سرعة التحميل 25
اما شركة لينك وحشة خالص مرة جربت سرعة النت 256 سرعة التحميل عادى وبعد ما زودت سرعة 512 برضة نفس سرعة التحميل ومفيش فرق
اهااا

[yasooboss]

انا موصل يلة مصر نعم بتدى التحميل من 28 الى 32 لكن التصفح زى الزفت

[aliyunis]

السلام عليكم
انا مشترك في شركة يلا وظهر اخيرا انها تاخذ الخدمة من شركة تلي داتا

[redic]

انا لسه بقول لحد انهاره ان ايجى نت هى الاساس فى مصر ياريت الموضوع يتثبت لانه دلوقتى يعتبر من اهم المواضيع فى مصر لازم نهتم بيها ونعرف من بعض

احسن شركه فى مصر عشان الكل يستفيد

[anwar79]

كانت فى الاول لينك ووقعت وبعد كده ايجى نت وبرضه وقعت وحاليا احسن الوحشين تي داتا

[كريم 2222]

انا شغال مع egy net وتمام والدعم الفنى ممتاز

[redic]

تسلم كريم 2222

[hesha_56]

بصراحه انا بدخل المنتدى بحساب صديق ليا لانى كسلان جدا و مش هاقدر افتح حساب ...اما عن الموضوع الشيق فانا حبيت احط رايى كمختص فى الشبكات و اعمل فى إحدى شركات مزودى الخدمه فى مصر ... بصوا يا رجاله من غير رغى كتير مصر فيها نوعين من الشركات ISP , ISP resellerو الفرق البسيط بين الإتنين إن ISP هوا صاحب الخدمه الحقيقى , ISP reseller ماهو إلا بياع و مصر لا يوجد بها غير 3 شركات فقط ISP هما link.net و TE.Data و EgyNetأما عن كل الشركات بدون أى إستثناءات هيا مجرد resellerانا حبيت بس أوضح و أكيد ال 3 شركات هما أحسن مكان تتعاقد معاه لأن هما الدعم الحقيقى مش الدعم اللى بيثبتك فى التليفون و أرجو تكونوا إستفدتم من الرد و شكرا لكم جزيل الشكر

[redic]

الف شكرا على اشتراتك ودعمك للموضوع

[bethoven2200]

والله النت فى مصر كلو وحش فى البلاد الغربية النت صارووخ ودة كلو بسبب الكابلات اللى بتحمل وتنقل البيانات

[redic]

ماهى دى حاجه معروفه انت بتقارن بلبلاد الغربيه احنا بنقول فى مصر

بس شكرا على مشركتك

[redic]

فين الاعضاء نستقر على شركه ونشوف التصويت

[حماده العربى]

ايجى نت ............

[redic]

فعلا ايجى نت..............

[theresearcher]

After searching and experimenting most of internent service companeis .
TE DATA
YALLA
AGE NET
LINK
RAYA

[nouras]

يا جماعه انا وكيل لاكتر من شركه انا isp لائيجي نت وواخد وكيل تي داتا وبشغل في لينك لائن لينك مش بتدي وكل للئسف وكمان اشتغلت مع يلا مصر

بصراحه مع احترامي لائي حد مهما كانت صفته مفيش انضف من ايجي نت بس لينك عندها تكنولوجيا اعلي من ايجي بس مش مهتمه بمناطق كتير تي داتا بقا عندها بندوتث بلهبل بس للئسف تبع الحكومه يعني روتين وقرف وتركيب في شهر وخدمه عملاء جزرين معرفوش يعني ايه خدمه عملا ايجي محترمه في كل حاجه اه هي وقعت الفتره الي فاتت بس دي مؤقت دي شركه كبيره يا جماعه وشغاله من سنه 2004 واربعه يعني قبل تي داتا بكتير وفعلا الابلود بتاع ايجي نت في الخط ال256 يساوي ضعف ابلود تيي داتا في خط 1 ميجا يعني في تساوي في الابلود والدون لود . يعني لو قلنا في السستم التشغل علي الترتيب
لينك طبعا في الاول لانها اعلي سستم في التشغيل في مصر
ورها ايجي نت اكيد لان الفروق بينها بسيطه
تي داتا تيجي وراهم نها معندهاش سستم اساسا عندها بادوتش بتاع المصريه للئتصلات وبس
يلا مصر شركه دخله تنافس بس لسه مثبتتش رجلها في المدار طبعا يعني لسه سمكه صغيره في بحر الشبكات

[easemat]

بصراحه انا بدخل المنتدى بحساب صديق ليا لانى كسلان جدا و مش هاقدر افتح حساب ...اما عن الموضوع الشيق فانا حبيت احط رايى كمختص فى الشبكات و اعمل فى إحدى شركات مزودى الخدمه فى مصر ... بصوا يا رجاله من غير رغى كتير مصر فيها نوعين من الشركات ISP , ISP resellerو الفرق البسيط بين الإتنين إن ISP هوا صاحب الخدمه الحقيقى , ISP reseller ماهو إلا بياع و مصر لا يوجد بها غير 3 شركات فقط ISP هما link.net و TE.Data و EgyNetأما عن كل الشركات بدون أى إستثناءات هيا مجرد resellerانا حبيت بس أوضح و أكيد ال 3 شركات هما أحسن مكان تتعاقد معاه لأن هما الدعم الحقيقى مش الدعم اللى بيثبتك فى التليفون و أرجو تكونوا إستفدتم من الرد و شكرا لكم جزيل الشكر

جوزيت عنا خيرا مباركا كثيرا أوفقك فيما كتبت وأظنك مصيبا فيما عدا أن من يملك الأجهزة فى السنترال يتحكم فى الأمر( وبعضهاشركات أىاس بى صغيرة -ومن المختصين يبدوا الآتى:-
أن ايجى نت شركة كبيرة كانت تملك الأجهزة القديمة وتى داتا هى ممولوكة لشركة الاتصلات وهى أيضا كبيرة وتملك صلاحيات المكان والخطوط ولنك شركة جديدة لوأحسنت الادارة لاستفادت كثيرا اذا
وبعض كبراء المهندسين لايحسنون ضبط ألاجهزة وبعضها وشركاتهم لايريدون
فليس امامهم الا التصارع والطعن فى الظهر أو التسوية والتقسيم ولى محاولات للتعقيب فى موضوع يوضح بعض النقاط رجاء زياتى والادلاء بالرأى ليس من أجلى ولكن من أجل فائدة الجميع

[redic]

شكرا لتعاونكم واشتراككم بالموضوع الرائع الذى استفاد منه الجميع

[sdeek]

يا جماعه هناك شركات شغاله فى مناطق ميميه ومناطق تانيه زفت ونيله وقطران يعنى انت تسأل اى شركه كويسه قى منطقطك الاول وبعدين تشترك

يعنى احلى اجهزه خدمه هى لينكا بس فى المنيل والمناطق القريبه بس

وtedata بس سيئه خارج القاهره

الخ .......... يعنى مش عملية استفتاء دى عملية قرب وبعد من مقر الشركه الرئيسى
بس لو يوجد ربط بين هذه الشركات كان ممكن للشركات دى انها تغطى الدوله وبأفضل حال
بس شركاتنا يهمها المستوى الاول الفلوس والربح وكل وحده عايزه تكسب اكتر من التانيه
ومفيش اهتمام بالعميل نهائى

وربنا يرحم

[redic]

عنددددددددددك حق

[Mohamed Hussein]

شباب ايجى نت شركة زبالة ونصابة هى و انترنت ايجبت و انترنت مصر لية بص يا شباب
الأشترال ال 256 كيلو بت المفروض يديك سرعة داونلود 32 كيلو بايت لانك بتقسم على 8 لمل تيجى تحول البت للبايت- المهم الداونلود عندهم لل 256 كيلو بت 14 كيلو بايت و بتوصل ل 8 و 7 كمان تتصل بالدعم الفنى بتاعهم بعد عذاب يقولولك انة دة الربنج بتاع السيرفر اللى الأكونت بتاعك علية ومش هينقلوك منة لو عملت الالى بأختصار شغل نصب وسرقة و يسيبوك تشتكى و محدش يسأل فيك و يقولولك ممكن نزودلك السرعة بس تدفع ثمن الأشتراكات القديمة اللى كان 150 جنية لل 256 كيلو بت و الكونيكشن كان بيقطع 24 ساعة لما السيرفرات بتاعتهم حصل فيها مشاكل فى شهر 11 و يقولك اسفين مش هنعوضك عن الفترة دية كلا ب و نصابيين بيستغلو ان الناس متعرفش الليمت بتاع الكونيكشن كام و يسرقوا فى الأشتراكات

[ahmedamin12]

عن تجربة تؤكد ان شركة انترنت مصر im ممتازة جدا والخدمة بتاعتها عالية وكمان الدعم الفني ناس محترمين ومتمكنين من عملهم انا شغال معاهم من سنتين ومفيش ولا شكوي غير الشركات التانية مفيش شهر بيعدي الا واعرف من اصدقائي المشتركين في الشركات التانية أن عندهم مشكلة

[mjmj]

جربت اربع شركات : ايجي ولينك ويلا وتي داتا
الأفضل تي داتا ويلا
وبعدين ايجي وبعدين لينك

[Mohamed Hussein]

شركة انترنت مصر im شركة نصابة و زبالة و مفيهاش خدمة عملاء شوية بهايم مبيردوش على التليفون ولو ردو بعد كام اسبوع يقولك سيب رقمك واخنا نتصل بيك عالم واطية و شغل نصب

[redic]

فعلا الموضوع جاب نتيجه وبقى الكل مستفيد