كل الاحترام لمدرب الزمالك -هنيري ميشيل

[fsalem]

كل التقدير لمدرب الزمالك الذي قام بطرد اللاعب اينو من التدريب
رفض ميشيل نزول إينو إلى الملعب خاصة أن اللاعب ابتعد عن الفريق في الفترة الماضية ورفض اللعب في مباراة فيتالو البوروندي في دوري أبطال أفريقيا دون سبب واضح.

كما أكد أحمد عبد الله مدير الكرة بالفريق الأبيض أن اللاعب سيتم تحويله إلى التحقيق من قبل مجلس إدارة النادي.

يذكر أن إينو قد رفض تجديد عقده مع الزمالك قبل الحصول على مليوني جنيه كتعويض عن المواسم السابقة ، بالإضافة إلى حصوله على مليون جنيه لكل موسم في العقد الجديد.
وهذا اللاعب يعطي نموذج لنكران الجميل ازاء النادي الذي صعد بة من الناشئين وحجز لة مكان في الفريق الاول
وسوف تثبت الايام مدى الخطاء الي ارتكبة بحق نادية -عموما صعد من هو افضل من عبد الرؤف

[vambire888]

طبعا موقف ايجابى من هنرى ميشيل ومحمود سعد
وهمو كدة بيحاربو الفوضة اللى كانت موجودة فى الفريق

[solomeso]

ويبقي يقابلني اينو ده لو فلح بعد كده

[ahmedfayez]

يبقى يقابلنى معاك لو عمل حاجه
حيلعب بدل مين فى الاهلى هو الاهلى ناقص
ولا هو كتر لعيبه وخلاص
مفكر نفسه حيكون اساسي يبقى يقابلنى ( على كبرى عباس )

[أحمد محمد سلامه]

انا من اول ما قابلت اينو وجها لوجه في الفندق ماريوت في الكويت بعد انتهاء مباراة الزمالك والكويت والكويتي في البطولة العربيه العام الماضي
تخيلت ان اللاعب ده فيه حاجه مش مظبوطه ومع السلامه يا اينو الباب يفوت جمل يا بابا

[romio1975]

اهلآ بيك يا اينو فى الأهلى عمهم وحابس دمهم

كلكم دلوقتى سنيتوا السكاكين ونازلين بهدلة فى الواد
لكن محدش سأل نفسه لما اينو قعد 6 شهور يصرخ ويطلب حد من مجلس الادارة يتكرم ويتعطف ويتنازل ويقعد معاه هو وابوه عشان يجددوا ومحدش عبر اهله
طبعآ اصل لاعب لسه بيكون مستقبلة نديه حقه ليه
نديه فلوسه ليه
لا
لازم نديه فوق دماغه وما ندهوش فلوسه ولا نجدد العقد يلعب ببلاش احسن
ما تفكروا بعقل الاحتراف بقى وبلاش الشعارات دى
لاعب الكره دى مهنته اللى فاتح منها بيت وبياكل هو وعيلته منها
لو حد من حضرتكم وخصوصآ انت يا سلامه لا قدر الله الشركه بتاعتك عقدك قرب يخلص ولا حد قلك حاجه عن التجديد ولا حد فاتحك وقعدت 6 شهور على اعصابك هتعمل ايه ؟؟ هتفضل مكمل لله وللوطن والا هتلحق نفسك وتدور على مكان تانى تاكل منه عيش
فوقوا بقى ولوموا ادارتكم قبل ما تلوموا الموظف

[gsm1990]

عندك حق يا رميو
من وقت قريب الكل كان منفضله مشمعنا النهارده جاين وتكلم اوووى

[wanoooos]

طبعا انا بضم صوتى لصوت اخى/AhmedRagab
ويا اهلا بيك يا اينو فى صفوف الاهلى

[solomeso]

يا روميو اللاعب لو كويس مكنش عمل اللي بيعمله دلوقت

وانت ياخ ونووس اشبعوووو بيه يا حبيبي مالطيور علي اشكالها تقع

[vambire888]

انا عايز ارد على روميو اللى بيقول كان بيتحايل على حد يقعد معاه

متشوف احمد عبدالرؤوف اللى ان شاء الله هيكون احسن خط وسط فى مصر
قال ايه فى برنامج احمد شوبير
احنا بنتكلم على انتماء اللاعب
وبعدين احنا بنشكر اينو على تمرده اللى ادة الفرصة للاعب صاعد هيكون ليه مستقبل كبير
ان شاء الله

وبعدين يروح الاهلى مفيش حد كان فى الزمالك وراح الاهلى الا لما فشل وندم على اختياره زى رضا عبد العال

وبعدين برضه احنا اللى كنا بنرمى لاعبينا لما بيحصل لهم حاجة زى جمال عبد الحميد

[xmen_love_14]

يا جماعه مش عارف مين اينو الي بتكلمو عليه هو تاريخه ايه ولا عمل ايه وبعدين السنه الي فاتت كان هيروح المصري ويموت زي الي ماتو ولكن حظه انه لعب كام ماتش وجاب هدفين وبعدين مفيش لاعب كويس يجري ورا الفلوس اللاعب الكويس يشوف هو هيقدم ايه لفرقته

[midooocool]

اينو احنا مش عايزينو
والزمالك انشاء الله هياخد الدورى