speranza
01-30-2007, 01:05 PM
مقارنه بين الزوجة الرائعة والزوجه النكديه
________________________________________
اذا وقع الزوج عن الدرج:
الرائعة : ولي على آمتي، سلامتك حبيبي أنشاء الله أناولا إنتا ابن عمي (ميته خوف عليه).
النكديه : شو مالك دخت؟ الله ما برمي الناس بحجار خطيتي الله لا يردك (بتستناه يموت علشان تورث).
إذا الزوج بدو يسافر:
الرائعة : انتبه لنفسك ابن عمي، جهزتلك الشنطه، كتّر خيرك على الأغراض إللي اشتريتها، بيكفوا سنة لقدام، الله لايحرمنا من دخلتك علينا، أولي على آمتي، تروح وترجع بألف سلامه.
النكديه : أسبوع مبوزة قبل السفر، وكل شوي دموع، ومتىبدك تروح؟ ومع مين بدك تطلع هناك آه؟ مش تتطلع علبنات!!إحلف إنك مش رايح تروح على أماكن فيها بنات! ما تتأخربلاش ينقصنا إشي وإنت مسافر. وكل يوم بتتصل بالتلفون عشان تشوف وينك وتحكيلك إنه الولد سخن، وبنتك بدها تموت،وكل المصايب بتقلك إياها وبتلاحقك فيها وين ما تروح(هوايتها نكد).
إذا الزوج تأخر بره في شغل أو مع صديق:
الرائعة : شو إبن عمي! غلي ألبي عليك تؤبشني يا حءء،وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا (يؤبرني الدلع ).
النكديه : شرّفت!! وين كاين؟ مهو أنا كاينه حيوانه في الدار، طول نهاري أكنس وأمسح!! مع مين من أصحابك الهمل كاين تتصرمح؟ إيش جبتلنا معاك؟ وللا جاي إيد قدام وإيد ورا، كويس عرفت إلك دار وروحت (لا تعليق).
إذا طلبت شي منه :
الرائعة : إبن عمي... تؤبشني تؤبر ألبي... حبيب ألبي فيك تجيبلنا شي حلو من دياتك الحلوة وعلى زوئك؟ شو بعشق زوئك أنا يا حياتي.
النكديه : إغلط مرة وجيبلك شغله حلوة معك بقلاوة وللاكنافة... بدي أحلي تمّي إللي مرّر من هالعيشة إللي بتقرف(هاى طخها حلال).
إذا جابلها هدية :
الرائعة : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن
الله لايحرمنى منك يا عمري.
النكديه : والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن (حسبي الله).
إذا بدك شي منها :
الرائعة : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بحب سماك أنا... دخيلو أناشو بحبووو... على راسى حبيب ألبي.
النكديه :
مهو حرام نستريح شوي، لازم حياتي تظل تعب ونكد، هو فش غيرك في الدار؟ مش فاضية، وللا أقلك اطلع من الدار حل عنى روح شوفلك شغله سويها، فقعت مرارتى من شغل البيت اففففف اففففف.
لو طلبت منها فنجان قهوة :
الرائعة :
من عيوني ابن عمى، أحلا فنجان بن من دياتي يستاهل تمك، وبدياتي راح شربك كمان، تعبك راحة ابن عمي،ما في أغلا منك حبيب ألبي (تخيل فنجان القهوة بس).
النكديه :
بدك قهوة؟ هي إخوانك مرميين في الحوش روح اشرب معهم، وللا أقلك... روح عند أمك تعملك، أترك شغلي وأعملك قهوة؟؟ هادا اللي ناقص، ياااارب موتني وخلصني من هالعيشةاللى بتقرف (كل هادا علشان فنجان قهوة ريتو سم ياشيخة).
إذا حكالها (بدك شي؟) وهو طالع:
الرائعة :
تسلملي حبيب ألبي ابن عمى، ما بدي غير سلامتك مكفيني من كل شي مو ناقصني شي، تسلملي ياحءءءء، بس حبيب ألبي ما تتأخر كثير بشتائلك أنا ابن عمي، بدك أعملك شي لمن ترجع؟ (بتكون غبي لو طلعت
وتركتها).
النكديه :
لأأأأ (مع تبويزه طولها شبرين)... بديش إشي،وين بدك تروح؟ ومع مين بدك تقعد؟ إن شاء الله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي.
الذوق والتنويع في الأكل:
الرائعة :
سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ما عندها بقدونس راح تعملك تبولة هههههههههه بيكفىإنها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من إيدي، طيب كمان هاي دوءها وإحكيلى شورأيك، طيب هاي كمان وحياتي عندك لتاكلها من إيدي ابن عمىنفسك بشي وما عملته؟ صحتين على ألبك ابن عمي.
النكديه :
لو عندها كل أنواع الخضار، والثلاجة مليانه أغراض ولحمه وسمك، هو هو فش غيره طبيخ مقلوبة أو ملوخيةأو فريكه، وإذا غلبت حالها صينية بالفرن، هذا إذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز إذا بدك توكل.طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتيرالكهربا والميه، متى بدك تدفعهم ؟ اليوم انكسرت إيدالحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره. وأهم أشي:
بس تخلّص أكل ودّيني عند أهلي، طلعت روحي طول اليوم فى المطبخ ( يعني عاملة الغنايم ما شاءالله ) ...خليها تروح
يمكن تنفتح نفسك وتاكل زي الخلق :smailes110:
________________________________________
اذا وقع الزوج عن الدرج:
الرائعة : ولي على آمتي، سلامتك حبيبي أنشاء الله أناولا إنتا ابن عمي (ميته خوف عليه).
النكديه : شو مالك دخت؟ الله ما برمي الناس بحجار خطيتي الله لا يردك (بتستناه يموت علشان تورث).
إذا الزوج بدو يسافر:
الرائعة : انتبه لنفسك ابن عمي، جهزتلك الشنطه، كتّر خيرك على الأغراض إللي اشتريتها، بيكفوا سنة لقدام، الله لايحرمنا من دخلتك علينا، أولي على آمتي، تروح وترجع بألف سلامه.
النكديه : أسبوع مبوزة قبل السفر، وكل شوي دموع، ومتىبدك تروح؟ ومع مين بدك تطلع هناك آه؟ مش تتطلع علبنات!!إحلف إنك مش رايح تروح على أماكن فيها بنات! ما تتأخربلاش ينقصنا إشي وإنت مسافر. وكل يوم بتتصل بالتلفون عشان تشوف وينك وتحكيلك إنه الولد سخن، وبنتك بدها تموت،وكل المصايب بتقلك إياها وبتلاحقك فيها وين ما تروح(هوايتها نكد).
إذا الزوج تأخر بره في شغل أو مع صديق:
الرائعة : شو إبن عمي! غلي ألبي عليك تؤبشني يا حءء،وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا (يؤبرني الدلع ).
النكديه : شرّفت!! وين كاين؟ مهو أنا كاينه حيوانه في الدار، طول نهاري أكنس وأمسح!! مع مين من أصحابك الهمل كاين تتصرمح؟ إيش جبتلنا معاك؟ وللا جاي إيد قدام وإيد ورا، كويس عرفت إلك دار وروحت (لا تعليق).
إذا طلبت شي منه :
الرائعة : إبن عمي... تؤبشني تؤبر ألبي... حبيب ألبي فيك تجيبلنا شي حلو من دياتك الحلوة وعلى زوئك؟ شو بعشق زوئك أنا يا حياتي.
النكديه : إغلط مرة وجيبلك شغله حلوة معك بقلاوة وللاكنافة... بدي أحلي تمّي إللي مرّر من هالعيشة إللي بتقرف(هاى طخها حلال).
إذا جابلها هدية :
الرائعة : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن
الله لايحرمنى منك يا عمري.
النكديه : والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن (حسبي الله).
إذا بدك شي منها :
الرائعة : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بحب سماك أنا... دخيلو أناشو بحبووو... على راسى حبيب ألبي.
النكديه :
مهو حرام نستريح شوي، لازم حياتي تظل تعب ونكد، هو فش غيرك في الدار؟ مش فاضية، وللا أقلك اطلع من الدار حل عنى روح شوفلك شغله سويها، فقعت مرارتى من شغل البيت اففففف اففففف.
لو طلبت منها فنجان قهوة :
الرائعة :
من عيوني ابن عمى، أحلا فنجان بن من دياتي يستاهل تمك، وبدياتي راح شربك كمان، تعبك راحة ابن عمي،ما في أغلا منك حبيب ألبي (تخيل فنجان القهوة بس).
النكديه :
بدك قهوة؟ هي إخوانك مرميين في الحوش روح اشرب معهم، وللا أقلك... روح عند أمك تعملك، أترك شغلي وأعملك قهوة؟؟ هادا اللي ناقص، ياااارب موتني وخلصني من هالعيشةاللى بتقرف (كل هادا علشان فنجان قهوة ريتو سم ياشيخة).
إذا حكالها (بدك شي؟) وهو طالع:
الرائعة :
تسلملي حبيب ألبي ابن عمى، ما بدي غير سلامتك مكفيني من كل شي مو ناقصني شي، تسلملي ياحءءءء، بس حبيب ألبي ما تتأخر كثير بشتائلك أنا ابن عمي، بدك أعملك شي لمن ترجع؟ (بتكون غبي لو طلعت
وتركتها).
النكديه :
لأأأأ (مع تبويزه طولها شبرين)... بديش إشي،وين بدك تروح؟ ومع مين بدك تقعد؟ إن شاء الله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي.
الذوق والتنويع في الأكل:
الرائعة :
سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ما عندها بقدونس راح تعملك تبولة هههههههههه بيكفىإنها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من إيدي، طيب كمان هاي دوءها وإحكيلى شورأيك، طيب هاي كمان وحياتي عندك لتاكلها من إيدي ابن عمىنفسك بشي وما عملته؟ صحتين على ألبك ابن عمي.
النكديه :
لو عندها كل أنواع الخضار، والثلاجة مليانه أغراض ولحمه وسمك، هو هو فش غيره طبيخ مقلوبة أو ملوخيةأو فريكه، وإذا غلبت حالها صينية بالفرن، هذا إذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز إذا بدك توكل.طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتيرالكهربا والميه، متى بدك تدفعهم ؟ اليوم انكسرت إيدالحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره. وأهم أشي:
بس تخلّص أكل ودّيني عند أهلي، طلعت روحي طول اليوم فى المطبخ ( يعني عاملة الغنايم ما شاءالله ) ...خليها تروح
يمكن تنفتح نفسك وتاكل زي الخلق :smailes110: