الطرش كلو هنا...... [الأرشيف]

speranza

01-30-2007, 12:27 PM

الطرش كلو هنااااااا
________________________________________
الأول : الاتوبيس ده بيروح مصر الجديدة؟

الثاني : على الحديدة !!... ليه انت طالب احسان؟

الأول : بذرة الكتان !! لا ..دي تلاقيها عند العطار

الثاني : جزار !! اه ..قوللي كده .. عايز لحمه

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر؟

الثاني : رأس البر !!! ..ده مــصيف هادي دي منطقة جميلة

الأول : عايز بليله ؟!! أنت شكلك كده جعان

الأول : عيان ؟!!! أي والله .انت باين عليك عيان ..طيب ما تروح
للدكتور

الثاني: الحنطور !! ده احسن من الأتوبيس ، وبيوصلني لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! يانهار اسود........ده مرض خطير

الأول : لا والله مش عايز.؟ وبعدين مش بأحب الفطير.. تقيل على
المعدة
وتمنه غالي

الثاني: خالي.. انت تعرف خالي ؟ ده راجل كبير في السن

الأول : الجن .. نهارك مش فايت ..انت عليك عفريت !؟

الثاني : لا والله ممعاييش.. انت عايز الكبريت ليه ........عايز تولع؟؟

:الأول : أدّلع ! أدّلع عليك انت !؟ انت
ما تملاش عنيا

الثاني : يقبضوا عليا !! ليه !؟

الأول : انت غريب يا راجل انت..شكلك شحات
(يدفعه من القميص)
روح اشتغل شغلة تاكل منها عيش

الثاني : خيش !! والله ده صوف انجليزي

الأول: بنتك زيزي !!! ربنا يخلّي

الثاني : إنتاج محلي !!! ده مستورد
يمر شاويش ... يلفت انتباهوه الحوار، : بتعمل ايه يا جدع
منك ليه !!!!!!!!

الاتنين: مافيش يا شاويش ...احنا مستنيين الأتوبيس

الشاويش : نهاركم مش فايت .... جواسيس !!! قدامي على القسم :smailes53: