اذا دق جرس الفسحه

[layth1990]

الشباب في الفسحة ..


- تلقى واحد منهم نايم طول الحصة واول مايدق الجرس يدعي على اليوم اللي دش فيه المدرسة ( لان حلمه انقطع بسببهم )


- واثنين من الطلاب ينتظرون متى يروح المدير اللي صار له واقف ساعة قدام الصف واول مايتحرك خطوتين يشلون شلايلهم وينطون من الجدار وينحاشون من المدرسة ويمرون على كم دكان في طريقهم وبعد نص ساعة يرجعون المدرسة ..



- وشلة تروح ورا المدرسة ويجلسون يدخنون لين ما يقولون بس وما امداهم يقومون الا واحد رايح يفتن عند المدير وما يحسون الا المدير حابسهم ويتصل تليفون حق ابائهم .


- اما واحد تشوفه فارش غترته على الارض ويكمل رقاده ( لان طول الليل مارقد يشوف فلم ويلعب سوني )



وانروح انشوف شيسووون البنــــــات

اول ما يدق جرس الفسحة

- تشوف شلة بنات داخلين الحمام " الله يكرمكم".. اللي تعدل شعرها والثانية تعدل كحلها وكل وحدة منهم تسولف عن اللي سوتا في اخوها الصغير امس ..


- كل وحده تمشي وفمخباها ( شكولاته ) واذا عطيتها شيبس تقولك : سوري .. انا مسوية ريجيم .. ( الله واكبر ) .. اول ماترد البيت على طول تتصل تليفون للدكان اللي على الشارع ..


- والبنات الدوافير اول مايدق الجرس تشوفها داخلة غرفة المدرسات تبي المدرسه تشرح لها الدرس اللي كانت غايبه فيه.


- وبعض البنات اتشوفهم متحذفين ورا السلم يحلون واجب الرياضيات اللي ماحلوه في البيت ..


- اما الاهم .. تشوف بعض البنات يستأذنون من الحصة قبل البريك بثلاث دقايق ويركظون المقصف –يحجزون لهم مكان – واول مايدق الجرس الاكل كله مخلص مافيه الاعصير يتهاوشون البنات عليه واخرتها يطلع طعمه شين ....



ارائكم ياحلوووين