مشاهدة النسخة كاملة : قتراح الي كل مشتركي الدي اس ال في مصر ارجو من الكل المشاركة
wody2003
01-13-2007, 10:12 PM
قبل ما اقول الاقتراح احب اوضح نقطة بسيطة بالنسبة لسرعة التحميل لمشتركي الدي اس ال في الشركات المختلفة
نوع الاشتراك
256(130جنيه)
سرعة التحميل مابين 20 الي 32 كيلو
512 من 40 الي 60 كيلو
1 ميجا
120 الي 150 كيلو
طبعا كلكم عارفين الاسعار بتبدأ من 130 جنيه وده اقل حاجة
طيب انتم عارفين المشترك في بلاد برة خلينا في امريكا بيدفع كام اشتراك والسرعة بتبقي عنده كام
المشترك في ادني فئة عندهم بيدفع ما يتراوح بين 30 الي 40 $
وبيحصل علي اشتراك يبدأ من ا ميجا
عارفين ادني سرعة داونلووود عندهم كام
400 كيلو في الثانية وانا متأكد من اللي باقوله ماحدش يقولي عرفت الكلام ده منين
يعني بيدفع مايقارب من 150الي 200 جنيه مصري وبيحصل علي خدمة تفوق الخدمة اللي عندنا 20 مرة
طيب ليه احنا ساكتين علي كدة مافيش حاجة نقدر نعملها
لأ فيه ممكن كل واحد يدخل علي موقع الشركة اللي مشترك فيها ويبعتلهم اعتراض
وهم هايسمعوا كلامنا
90% لا بس كل واحد يبقي عمل اللي عليه وهم لو لاقوا عدد كبير داخل وبيبعتلهم اعتراض علي مستوي الخدمة المقدم
ممكن
ممكن نكتب ايه طيب
ممكن كل واحد يدخل يقولهم انه مشترك في الشركة وانه مش عاجبه السرعة الفعلية للتصفح والدونلووود البطئ
وانه بيفكر بشكل جدي بالغاء اشتراكه في الشركة
تفتكروا لو عدد كبير من المشتركين عمل كدة وقالهم انه بيفكر بالغاء اشتراكه ايه ممكن يحصل
في ناس هاتقول موقع الشركة مش معايا انا حاطط مواقع الشركات اللي انا اعرفها وياريت حد يحط باقي المواقع
www.tedata.net
www.link.net
www.menanet.net
www.yallamisr.com
ويارب تتفاعلوا مع الموضوع
BaShEnGiNeer
01-13-2007, 10:26 PM
فكرة كويسة اوى يا باشا ... ودا موقع شركة ايجيبت نت ورك وفرعها فى طلخا فى المنصورة للعلم فقط :)
http://www.EGYPTNETWORK.com/
hossam_2530
01-14-2007, 01:06 AM
هى فكرة ونبقى عملنا اللى علينا
بس طبعا الشركات ولا هتعبر حد
wody2003
01-14-2007, 08:15 AM
يبدو ان مفيش مصريين مشتركين dsl او ان السرعة والمبلغ عاجبهم او انهم زي كل المصريين مش بيحبوا يعترضوا علي اي حاجة وراضيين :smailes57:
مؤمن أحمد
01-14-2007, 09:11 AM
الموضوع رائع
ولكن اعتقد ان السرعه دى اللى مخليها كده هيه الشبكه الأرضيه بتاعه التليفونات فى مصر مش بأيد الشركات
عندهم فى بلاد بره الشبكات الإرضيه انضف من عندنا بكتير
ولا انا غلطان
wody2003
01-14-2007, 10:50 AM
ممكن يكون في جزء من المسئولية علي السنترال بس هاقولك برضه دي مسئولية شركات الدي اس ال لأنها كان المفروض تشوف حل للجزئية دي كمان في جزئية تاني احب اوضحها ان الشركات المزودة للخدمة استغلالين انت عارف الخط اللي انت واخده بيبقي share علي كام واحد 8 واحيانا اكثر وفي الاخر الواحد يدفع فلوس كتيير طيب مافي دول تاني بيدفعوا زي ماحنا بندفع والسرعة والخدمة افضل بكتير وانا عطيت مثال علي كدة ( ماتقوليش الشبكة عندنا وحشة امال احنا بندفع ليه علشان يسيبوها زي ماهي)
prince 13
01-14-2007, 11:15 AM
كل كلام هذا الاخ تمام . واتمنى من الله ان يشارك كل مصرى فى هذا الموضوع بجد عشان نتحسن ونتغير شوية
موضوع ممتاز وانا هاكون اول واحد يشارك بجد في الموضوع ده وهابعت رسالة دلوقتي للشركة عشان عايزين نتحسن بجد مش كتر كلام وبس (عشان كده مش هانتقدم ابدا)
prince 13
01-14-2007, 11:18 AM
لابد من التحرك بجد فى هذا الموضوع وانا عن نفسى مشترك دى اس ال والسرعة فى التحميل والتصفح زفت الا بعد الساعة 2 بالليل وطبعا مش كل يوم لازم اسهر بعد الساعة 2 عشان خاطر عيون النت
dr_nazy
01-14-2007, 06:58 PM
يا جماعة
الشركات مش هاتقدر تنزل الاسعار بتاتا
لية
اعتقد انكم كلكم عارفين ان الخط الي جاي مصر واصل عن طريق فرنسا
وناهيك عن الكابلات و الطاقة المستخدمة في نقل الانترنت من مصدرها من امريكا لحد هنا
كل دة مش ببلاش
يعني الخط الي واصلك بيبدا من امريكا لفرنسا و يعدي علي 50 سنترال لحد ما يوصلك
وتكاليف النقل بتدفعها الشركات و بينعكس علي ايجارات النت
يعني الاسعار الامريكية ممكن تطبق في مصر في حالة واحدة
ان الدنيا تتقلب و تبقي مصر هي مصدر الانترنت في العالم
لكن طالما احنا بناخدها منهم
يبقي ندفع و رجلنا فوق رقبتنا
bdh_m
01-14-2007, 07:11 PM
ادى الموضوع خاص بالمصريين بس يا ريت يكون عندنا بالمغرب.
[img=http://www.servamega.com/img/38801099b1e1401d240888a78db716bf/bdh.gif] (http://www.servamega.com)
sheme_sheme
01-16-2007, 02:32 AM
يا جماعة
الشركات مش هاتقدر تنزل الاسعار بتاتا
لية
اعتقد انكم كلكم عارفين ان الخط الي جاي مصر واصل عن طريق فرنسا
وناهيك عن الكابلات و الطاقة المستخدمة في نقل الانترنت من مصدرها من امريكا لحد هنا
كل دة مش ببلاش
يعني الخط الي واصلك بيبدا من امريكا لفرنسا و يعدي علي 50 سنترال لحد ما يوصلك
وتكاليف النقل بتدفعها الشركات و بينعكس علي ايجارات النت
يعني الاسعار الامريكية ممكن تطبق في مصر في حالة واحدة
ان الدنيا تتقلب و تبقي مصر هي مصدر الانترنت في العالم
لكن طالما احنا بناخدها منهم
يبقي ندفع و رجلنا فوق رقبتنا
أسف أخي الكريم بس سعدتك معلوماتك قديمه الكلام ده كان في التسعينات من القرن الماضي أنت سعدتك مداخل النت ألي أنت شغال عليه كلها موجوده علي ال nil sat 2 وده من زمن و الخط الربط القديم ألي مع فرنسا شغال يخدم شبكه التعليم العالي فقط .
عموما أنا قدمت اعتراضي للشركه الزفت ألي أنا مشترك معاها وياريت الكل يشارك وميكنش سلبي دي مش أنتخابات :smailes57: :smailes57: :smailes57: :smailes57: :smailes57: :smailes57: :smailes57: :smailes57: :smailes57: :smailes57: :smailes57: :smailes57: :smailes57: :smailes57: :smailes57: :smailes57: :smailes57: :smailes57: :smailes57: :smailes52: :smailes52: :smailes52:
dr_nazy
01-16-2007, 04:55 AM
بالراحة علينا يا عم ماغلطناش في البخاري
وعلي العموم منك نستفيد
بعدين لو عايزين تشتكوا يبقي تشتكوا لوزارة الاتصالات لان هيا الي متحكمة في اسعار النت و هي الي فارضة الاسعار دي علي الشركات(ارجو ان المعلومة دي ماتبقاش قديمة برضة)
يعني مثلا من سنة تقريبا قامت شركة تي داتا بتنزيل عرض لخطوط نت بثمن اقل كان لمن يشترك في فترة محددة
تم الحكم عليها من جانب وزارة الاتصالات بعدم تركيب خطوط لمدة شهر كامل كعقاب
(معلومة قديمة بس حصلت)
bibo wolf
01-18-2007, 11:30 AM
ومني ليكم ده موقع شركة رايه
www.rayadsl.com
lotfyelkady
01-18-2007, 11:54 AM
واللة انا مش عارف اقوال اية بس انت عندك حق محدش هايسمع دلوقتي
egystar
01-18-2007, 12:45 PM
يا اخى احب اقولك انك بتحرت فى البحر دول مافيا
احنا بلد بتلم فلوس من غير ما تعمل حاجة
يا اخونا شركات الـ DSL بتقدم خدمه لكن
تقدرى تقولى ممكن تعمل ايه مع شركة الكهرباء اللى بتلم فلوس للنظافة اللى احنا مانعرفش هى فين النظافة دى اللى بيلمولها فلوس
ولو اتكلمت يقولك ادفع الاول وبعدين اشتكى
وبعد ما تشتكى يقولك فوت علينا بكرة يا سيد
وبعدين بالرجاء القاء نظرة على فاتورة تليفونك اكيد هاتلاقى فيها بارضو شوية حاجات غير مفهومة
وبعد دا كله تقولى ان مشكلتنا مع شركات الـ DSL بس
اتمنى ان يكون هناك وقفه
طبعا غير وقفة العيد
انا بصراحة مشترك فى شركة اخر قرف من حيث السرعة وكمان لما بيلاقوا ضغط دونلود على الخط لا بيرحموا ولا بيخلوا رحمة ربنا تنزل يقعدوا يعملوا رستارت متكرر للرواتر اللى عندهم على الخط بتاعى هما كانوا بعتوا استمارة كدا على ايميلى اسئلة عن رايى فى جودة الخدمة والدعم الفنى للشركة انا طبعا جاوبت بكل صراحة انها شركة فاشلة على الاقل معايا واعتقد كل الناس عارفة انا بتكلم عن شركة ايه بس فى الاخر معملوش حاجة لا وعلى فكرة ال 256 اقل حاجة 12 واقصى حاجة 32 ودائما ماتقل عن 12 واستحالة تصل لل32 بالكتير 25 ومش منتظمة طبعا بعديها تلاقيها ب15 وهكذا كدا يعنى ياريت ان دا يكون مطلب كل المشتركين انهم يهتموا شوية بجودة الخدمة مش بياخدوا فلوس وبس واكيد العضو اللى بيقول بعد 2 بليل مشترك فى نفس الشركة اللى انا مشترك فيها شركة الخدمات الليلية دى
عموما موضوع هايل يستحق اشتراك كل المصريين فيه
snipermezo
01-18-2007, 04:37 PM
انا معاكم وقدمت الشكوه بالفعل يلا ياجماعه انشروا الموضوع ده مع الكل
مؤمن أحمد
01-18-2007, 10:41 PM
يا جماعه موضوع الفلوس منتهى لأن الحكومه هيه اللى بتحدده الأخ صاحب الموضوع يقصد ان احنا نطلب تحسين الخدمه مش تقليل الإشتراك
هو دا اللى احنا بنتكلم فيه من الصبح تحسين الخدمة طبيعى جدا ان الاسعار هتنزل بس السؤال ليه مبيدخلوش خدمة adsl2 طبعا عشان شبكة الاتصالات فى مصر ضعيفة فاقصى سرعة هى 2 ميجا مع ان بره مصر فى بلاد عربية كمان عندهم سرعة 10 ميجا على الاقل لما تنزل السرعات دى هتكون 256 دى بتدخل على التليفون ببلاش او ب5 جنيه فى الشهر بالكتير اوووى
abo_saad
01-19-2007, 06:55 AM
بص ياباشا هى مشاركتى جت متاخر بس فى حاجة انت ما قولتهاش احنا مش زى امريكا
mostvet
01-21-2007, 05:52 PM
[QUOTE=prince 13;2396202]كل كلام هذا الاخ تمام . واتمنى من الله ان يشارك كل مصرى فى هذا الموضوع بجد عشان نتحسن ونتغير شوية
بص , انا هاقول اللي هيحصل , البلد دية مافيش فيها اي فايدة , والناس عالطول هاتخد على دماغها علشان احنا مش منطبين , و مش ممكن تلااقي عمل جماعي زي م تحب علشان شعار وانا مالي , وياريت ما تجبيش سيرة البلاد المحترمة علشان الناس ماتتعقدش ,,, ما حدش يزعل دي الحقيقة
[COLOR="Red"]
futurestar
01-22-2007, 08:47 AM
موضوع جميل وبحب اضيف ان انا موزع خدمة للمنازل واكبر سرعه هنا عندى 512 اقولهم يا جماعه انا عاوز سرعه اكبر يقولى منين السنترال دى اخر سرعه فيه محسسنى ان السنترال مولد كهربا وبيشتغلوا البنى قادمين ودى طبعا شركة تابعه ل تى داتا
SEMSEMNET83
01-22-2007, 11:39 AM
يا جماعة
الشركات مش هاتقدر تنزل الاسعار بتاتا
لية
اعتقد انكم كلكم عارفين ان الخط الي جاي مصر واصل عن طريق فرنسا
وناهيك عن الكابلات و الطاقة المستخدمة في نقل الانترنت من مصدرها من امريكا لحد هنا
كل دة مش ببلاش
يعني الخط الي واصلك بيبدا من امريكا لفرنسا و يعدي علي 50 سنترال لحد ما يوصلك
وتكاليف النقل بتدفعها الشركات و بينعكس علي ايجارات النت
يعني الاسعار الامريكية ممكن تطبق في مصر في حالة واحدة
ان الدنيا تتقلب و تبقي مصر هي مصدر الانترنت في العالم
لكن طالما احنا بناخدها منهم
يبقي ندفع و رجلنا فوق رقبتنا
لو كل الناس فكرت فى مبدأك عمرنا ما ها نتغير لاننا بنلاقى دايما مبرر لسكوتنا
badblood
01-22-2007, 10:54 PM
مش فكره عدم الاعتراض بالعكس apsoltily
لو كان في امل في البلد دي واحد في الميه كانا بقنا حاجه تانيه من زمان
اختصار الكلام وعشان مضيعش وقت كتير عليكوا
المهم حاجه واحده انه نايم في مصر الجديدة ومستريح
بلاش ازعاج
ماهو كل حاجه في مصر ماشيه غلط حتى اشارات المرور
صباح الخير با مصر
moha797
05-03-2007, 07:25 AM
قبل ما اقول الاقتراح احب اوضح نقطة بسيطة بالنسبة لسرعة التحميل لمشتركي الدي اس ال في الشركات المختلفة
نوع الاشتراك
256(130جنيه)
سرعة التحميل مابين 20 الي 32 كيلو
512 من 40 الي 60 كيلو
1 ميجا
120 الي 150 كيلو
طبعا كلكم عارفين الاسعار بتبدأ من 130 جنيه وده اقل حاجة
طيب انتم عارفين المشترك في بلاد برة خلينا في امريكا بيدفع كام اشتراك والسرعة بتبقي عنده كام
المشترك في ادني فئة عندهم بيدفع ما يتراوح بين 30 الي 40 $
وبيحصل علي اشتراك يبدأ من ا ميجا
عارفين ادني سرعة داونلووود عندهم كام
400 كيلو في الثانية وانا متأكد من اللي باقوله ماحدش يقولي عرفت الكلام ده منين
يعني بيدفع مايقارب من 150الي 200 جنيه مصري وبيحصل علي خدمة تفوق الخدمة اللي عندنا 20 مرة
طيب ليه احنا ساكتين علي كدة مافيش حاجة نقدر نعملها
لأ فيه ممكن كل واحد يدخل علي موقع الشركة اللي مشترك فيها ويبعتلهم اعتراض
وهم هايسمعوا كلامنا
90% لا بس كل واحد يبقي عمل اللي عليه وهم لو لاقوا عدد كبير داخل وبيبعتلهم اعتراض علي مستوي الخدمة المقدم
ممكن
ممكن نكتب ايه طيب
ممكن كل واحد يدخل يقولهم انه مشترك في الشركة وانه مش عاجبه السرعة الفعلية للتصفح والدونلووود البطئ
وانه بيفكر بشكل جدي بالغاء اشتراكه في الشركة
تفتكروا لو عدد كبير من المشتركين عمل كدة وقالهم انه بيفكر بالغاء اشتراكه ايه ممكن يحصل
في ناس هاتقول موقع الشركة مش معايا انا حاطط مواقع الشركات اللي انا اعرفها وياريت حد يحط باقي المواقع
www.tedata.net
www.link.net
www.menanet.net
www.yallamisr.com
ويارب تتفاعلوا مع الموضوع
مشكور يا أخي على هذا التفاعل وبالمناسبة إن أسوأ شركة في مصر dsl هي raya
ولازم نعلمهم الادب وربنا معانا
fon2010
05-03-2007, 09:06 AM
السلام عليكم اسف للتاخر علي الرد واقول اني مشترك في سرعه 512 من ايجي نت والسرعه واصله عندي زي الزفت التصفح والدونلود بطي جدا ولمي اجي اقعد بعد الساعه 4 الاقي وصلت كامله مش معني لمي اقعد في النهار الاقي السرعه زي الزفت وعلما بان الشرعه بها عطل وكررت الاتصال بالشركه عده مرات قالولي انهم بيعيدوا تشغيل الخط يعني حيفصلوا شغالين فيه مدي الحياه وافضل في الشركه الزفت والسرعه وادفع اشترك باهظ كل شهر من غيرما اخذ الحق بتاعي في السرعه ارجو من الاعضاء المشتركين بشركه ايجي نت اضافه اقتراحهم واميلي fon200540@yahoo.com وانا منتظر الي عاوز يكلمني انا موجود وشكرا لاضافه موضوعي م : محمد جمال
h_2you
05-03-2007, 10:01 AM
انا بفكر ارفع قضيه
(بس على ايه ولا ايه ولاايه)
وانا هديهم شكوى رسميه من الاخر
raedpaplo
05-03-2007, 12:57 PM
انا مشترك فى شركة رايه والسرعة المفروض ان هيه 512 بس مبتحصلشى 128
فنصيحة لكل واحد مشترك فى الشركة دى يلغى من غير ما يفكر لأنها صراحتا شركه خدماتها معفنة
وسرعة الدونلود عندى بتوصل أحيانا ل0
عارفين طبعا معنى ان سرعة الدونلود توصل للصفر
يعنى خط التليفون أحسن منها بكتير
وانا عن نفسى أخر أشتراك معايه فى يوم 5-5
وهلغى اشتراكى وهوصل من شركة تى اى داتا
لأنها بصراحة حلوه بس مش أوى برده بس نقدر نقول جمله واحده عن الشركه دى
أنها ( أحسن الوحشين فى مصر )
ويا ريت حد يدينى موقع شركة رايه علشا أبعتلهم شكوى وافصل النت منهم
وشكرا على الموضوع الرائع أنا فعلا كنت عايز أتكلم فى الموضوع ده
انا مشترك في شركة Tedata و انا بجد تعبت جدا مع الشركة دي و من الاخر مفيش فايدة كل لما تيجي تكلمهم علي التليفون لازم تنتظر من 30 دقيقة الي ساعة واكتر وانت بتسمع موسيقي مستفزة و بعد ما يتكرموا البشوات ويردوا عليك, يعد الميكانيكي ( قصدي التقني ) يقولك اقفل الراوتر و افتح الراوتر و بفتح مواقع وداونلود ( طبعا بيضحكوا علينا ) علشان يوهمك ان المشكلة من عندك و اصلا المشكلة انهم بيحطوا ناس كتير علي نفس الخط او يجيب المشكلة من السنترال و العجيب ان النت بيتظبط كام ساعة بس بعد ما تتصل و ترجع ريما لعادتها القديمة حتي تحرق دمك تاني ( قصدي اتصل تاني ) وهلما جرا و طبعا ساعات تانية يطلعولي بأن السرعة اللي انا مشترك عليها قليلة و ازم اعمل Upgrade و طبعا انا زي ال .... بعمله و طبعا الحاجة الوحيدة اللي بتعملها Upgrade فعلا هي اللي انت بتدفعه بس واوعي تفكر و لو للحظة انك بتعمل Upgrade للسرعة كمان ..... انسي
وانا اكتشفت فعلا ان ال Dial Up كانت افضل علي الاقل انت عارف انها بطيئة و مش محتاج تحرق اعصابك يوميا جريا وراء سراب انك ممكن يبقي عندك نت زي الناس
مشترك في خدمة حرق الاعصاب بمصر
DR.DEVIL
05-16-2007, 08:14 AM
يعنى الراجل عمال يقولو اعترضو ومحدش يسكت على حقو
الموضوع رائع
ولكن اعتقد ان السرعه دى اللى مخليها كده هيه الشبكه الأرضيه بتاعه التليفونات فى مصر مش بأيد الشركات
عندهم فى بلاد بره الشبكات الإرضيه انضف من عندنا بكتير
ولا انا غلطان
الاخ شكلو بيتكلم فى الخطوط الاتصال العادى بس يا اخى الفاضل العيب من الشركات الى بتمص دم المصرين فى الاشتراك واستغلال الشعب المصرى تخيل دلقوتى انا اشتريت موبيل ب 100 جنية اجى ابعهولك ب 1000 جنية طيب انا نصبت عليك وبكدا برضو انا انسان مش كويس
بس انا عملت فيك كدا علشان انتا اهبل وانا عارف ومتاكد انك مش هتقدر تتكلم معايا ولو اتكلمت اقولك اخبط راسك فى الحيط ودة الى عملتو شركات الانترنت الوسخة وشركات الموبيلات الزبالة والشعب المصرى الى النيل رواة و ادالو على قفاة والهى العظيم
يااااااااااااااريت الرجالة بجد تنشر الموضوع دة والله العظيم اقود الحملة دى وهولعها نار بس بجد حراااااام الى بيحصل هوا الواحد بياخد مرتب كام علشان يدفع 130 جنية ولا 95 جنية فى الشهر طيب انا راجل مثلاً شغال وباخد مثلاً مثلاً 500 جنية تخيل مصريفى + الاشتراك دة واجب عليك شهرى وبتاخد خدمة زبالة والدعم الفنى الى 50 % بصراحة منو خرفان وبيقعدو يحور عليك ان العيب مش عندهم لزم تقول كلام مش كويس علشان يحترم نفسو الخروف بتاع الدعم الفنى وخصوصاً بتوع شركة te data العالم النصابة ( ياريت الناس المشتركة تتصل بشركة على رقم 19777 وتسئل على العرض الجديد الى نازل فى موقعم وبيقول ادفع 3 شهور مقدم وتاخد روتر 3 كوم ويرلس مجاناً ) انا اول واحد اتصل اية يارجالة الموضوع دة انا قولت ادفع 3 او 4 سنين قدام واخد الرواتر ابعها بس للاسف طلو بيدحكو على الناس وبيخلوك تدفع ثمن الروتر ههههههههه عالم وسخة
اسف على الاطالة وانا متابع الموضوع ويا انا يا انتى يابلد
DR.DEVIL
05-16-2007, 08:30 AM
انتو ياعالم بطلو كلام كتير عوزين فعل ابعتو رسائل لكل الشركات ان كونت مشترك فيها ولا لا خليهم ينزلو الاسعار ونشوف الارخص ونرح لية او على الاقل لو شركة نزلت السعر يبقا فى تنافس وانا بعت لشركة TEDATA الشركة المصرية الزبالة فى نقل البيانات زى ما بيقولو
شكوى في أسعار الشركة المرتفعة جداً
أرجو حل هذه المشكلة وفى الرقيب سوف تلحظون كثرة الشكاوى على أنزال أسعار
وكفاية يابقا مص فى دمنا حرام عليكم
حسبيى الله ونعم الوكيل فيكم
وانا فى انتظار ردهم على اميلى او على موبيلى
hassanbasha66
05-16-2007, 09:30 PM
يا اخى الكريم الخدمة فى مصر سيئة جدا انا مشترك فى شبكة سرعتها 1024 لكن مع الاسف الذى يصل الى الراوتر فقط400 فقط ومش عارف ايه الحل فى كل هذا الفاقد وبعتنا اكثر من شكوى ولا حياة لمن تنادى يعنى احنا بنأذن فى مالطة وشكرا لك على اى حال
alextrade
05-21-2007, 04:46 PM
شكرا لك اخي الكريم
NightSpy
05-21-2007, 08:04 PM
كلام جميل والله بس احنا قرفناهم وبنعمل شبكات بنا وبين بعضينا يعنى انا مثلا موصل 2 ميجا بثلاثون جنية واقرش ذياة معى شوية شبابا مجدع فى المنطقة واحنا وراهم وراهم لحد لما توصل 512 بثلالثين جنية وساعتها ........ برضوا هنعمل شبكات هههههههههههههههههههههههههههههههههههههه
Mohamed Nazeeh
05-21-2007, 09:28 PM
انتو ياعالم بطلو كلام كتير عوزين فعل ابعتو رسائل لكل الشركات ان كونت مشترك فيها ولا لا خليهم ينزلو الاسعار ونشوف الارخص ونرح لية او على الاقل لو شركة نزلت السعر يبقا فى تنافس وانا بعت لشركة TEDATA الشركة المصرية الزبالة فى نقل البيانات زى ما بيقولو
شكوى في أسعار الشركة المرتفعة جداً
أرجو حل هذه المشكلة وفى الرقيب سوف تلحظون كثرة الشكاوى على أنزال أسعار
وكفاية يابقا مص فى دمنا حرام عليكم
حسبيى الله ونعم الوكيل فيكم
وانا فى انتظار ردهم على اميلى او على موبيلى
الأخ الكريم
أولاً شركة TEDATA أفضل شركة فى مصر لخدمات الـ DSL
ثانيًا فيه قرار من الدكتور / أحمد نظيف أن أسعار الاشتراكات تكون موحده على كافة الشركات مزودة خدمة الـ ADSL
ثالثًا إذا كانت الخدمة سيئة فى بعض المناطق فهذا يرجع لضعف خدمات السنترال والبنية التحتية لهذه المناطق
عادل غمرى
05-22-2007, 04:09 AM
اعتقد ان تحديد السرعة والسعر دة شىء يعتبر من سياسة شركات الadsl فى مصر مكل الشركات فى مصر كدة وما اعتقدش ان تغيير الاسلوب دة حيحصل لمجرد اعتراض المشتركين علية
كما ان تقنية الadsl عندنا مش زى امريكا واحنا ما نعرفش كفاءة النت عندهم عاملة اية غير بالسمع دون معرفة اية اوجهة الاختلاف بينا وبينهم اية غير انهم متقدمين عننا
basemjok
05-22-2007, 09:01 AM
ده رابط الشكاوى لشركه تى اى داتا
http://www.tedata.net/arabic/support_feedback.htm
dody26
05-22-2007, 11:57 AM
السلام عليكم
فعلا يا جماعة الخدمة في كل حتة في مصر زي الزفت وللعلم المشكلة مش مشكلة سنترالات ولا ان الخط جاي من فرنسا او جاي من النيل سات المشكلة ان الخط اللي انت بتتعاقد علية هنقول مثلا انة 1 ميجا المفروض انها انترناشنول لكن للأسف الميجا انترناشنول بتتوزع علي 16 مشترك حسب البورتات اللي موجودة في السنترال عارفين كدة معناة اية ان كل 1 ميجا بناخدها بيكسبوا قصدها 15 مشترك متعاقدين علي 1 ميجا يعني اموضوع مش موضوع بنية تحية ولا سنترالات ولا شركات للاسف احنا بنتسرق عيني عينك ومش عارفين ولا هنقول حاجة وشكرا وسلم لي علي مصر
sword 2000
03-30-2008, 11:41 PM
بسم الله الرحمن الرحيم
انا عايز اقول كلمتين ؟؟؟؟؟؟؟؟؟؟؟؟
اولا:انا وزير الاتصالات هوالمسئول الاول والاخير فى تحديد الاسعار وتحديد السرعه؟؟؟؟؟؟؟؟؟؟؟
ثانيا:جميع الشركات dsl فى مصر مثل link dot net - te data الخ الخ الخ
كل هذة الشركات ما هى ال شركات وهميه فهمين يعنى ايه وهميه
يعنى كلها تبع الشركة المصرية للاتصالات يعنى ؟؟؟؟؟؟؟؟؟؟؟؟؟؟؟؟؟؟؟؟ (حكومه)
يعنى بيشتغلونه ههههههههههههههههههههه
ashrf2000
06-08-2008, 06:37 PM
يائسفنى ان اقول ان الموقع المرفع علىه هذه المواضيع ادنى موقع فى طرقه التحميل
king3d
06-09-2008, 01:37 AM
بس افتكر اننا لو قارنا سرعة النت فى مصر وسرعتها في امريكا مثلا
هنلاقى انهم بيستخدموا تكنولوجيا حديثة جدا فى نقل البيانات الالياف الضوئية مثلا
وهنلاقى اننا عشان نستخدم الالياف الضوئية فى مصر قدامنا 10 سنين او اكتر
امريكا لو بتستخدم نفس التكنولوجيا اللى عندنا فى مصر افتكر ان سعر خط النت هيبقا مكلف
وبالتالى تضطر الشركات الى رفع التكلفة على المشتركين
مع ان امريكا هي المصدر الرئيسي فى انتاج تكنولوجيا الاتصالات والانترنت هيبقا الفرق بينا وبينهم كبير اوي
ممكن نقارن مستوى الخدمة عندنا فى مصر مع اي بلد في نفس مستوى مصر الاقتصادي هنلاقى اننا متفوقين عليهم مش كتير اوي بس بدرجة صغيرة وده بيرجع الى اننا بنحاول نتقدم
انا يا جماعة مستخدم عادي مثلكم عشان محدش يقول اننى تبع الشركات دي , لأ والله مش منهم
بس انا بتمنى ان كلام حضرتك يتحقق لان كل ده فى مصلحة المشترك اولا واخيرا
ومع انى من المشتركين والمستخدم النهائي للخدمة اتمنى ان سرعة النت فى مصر تبقا شبيهه
بمستوى الخدمة فى الدول المتقدمة وانخفاض تكلفة الاشتراك اهم من اي حاجة لان سعر التكلفة عامل مهم جدا اهم من سرعة الخدمة نفسها لاننا لو بحثنا دلوقتي هنلاقى ان سرعة النت فى مصر دلوقتي بقت 24 ميجا فى الثانية وسعرها 2000 جنيه فى الشهر !!!!!!!!!!!!!!!!
تفتكر ان ممكن مستخدم او مشترك مثلي ومثلك ممكن يدفع 2000 جنيه فى الشهر ؟!
abodaaaa
06-10-2008, 08:48 AM
ياجماعه باختصار احنا بنعيب الشركات والعيب فينا وما لشركتنا عيب سوانا ههههههههههههه مع كامل احترامى انا اتعملت مع جميع شركات مصر ولا اجد اى فرق كلها خدمه تحت مستوى التعامل البشرى والخدمه دى من المصرين للمصرين وانا منهم واسف على التعبير لانى جربت الخدمه دى بالخارج وعرفت اد ايه احترامهم للفرد العادى
abodaaaa
06-10-2008, 08:48 AM
ياجماعه باختصار احنا بنعيب الشركات والعيب فينا وما لشركتنا عيب سوانا ههههههههههههه مع كامل احترامى انا اتعملت مع جميع شركات مصر ولا اجد اى فرق كلها خدمه تحت مستوى التعامل البشرى والخدمه دى من المصرين للمصرين وانا منهم واسف على التعبير لانى جربت الخدمه دى بالخارج وعرفت اد ايه احترامهم للفرد العادى
markoshistory
06-12-2008, 02:26 AM
يبقي انت اكيد في مصر
لو عملت اللي ميتعمل مش هزودو السرعه بالعكس دي ممكن تنقص
ًصعب جدا بس ياريت يحصل
و انا هدخل موقع الشركه و هعترض
يمكن الحلم يتحقق
وشكرا اخي علي النصيحه
bolbol_100100
06-12-2008, 10:08 PM
الموضوع رائع
ولكن اعتقد ان السرعه دى اللى مخليها كده هيه الشبكه الأرضيه بتاعه التليفونات فى مصر مش بأيد الشركات
عندهم فى بلاد بره الشبكات الإرضيه انضف من عندنا بكتير
ولا انا غلطان
ايوه غلطان انا بعتلهم قالو اشترك في سرعه اكبر ودي خطه اسعارنا
hamza2_hamza
06-14-2008, 12:40 PM
http://www.egynet.com.eg/
شاهيين
07-03-2008, 09:24 PM
والله ما قصرت بس احنا اتعودنا على السكوت ولكن انا سوف ادخل الى الموقع و هاحاول و ان شاء الله هانشر موضوعك فى كل المنتديات الى انا مشترك عليها
جنات رضا
08-30-2008, 09:07 PM
واللهي انا متاكد انهم مش هيعبرونا
عامر الزيات
08-31-2008, 05:02 PM
ابقوا قابلوني .. انا اسف , بس في المشمش لما يعبرونا
الحل الامثل لو نتوفق في شركة من دول ندفع لها بالانترنت و نستلم خط 2 واي عن طريق الستالايات , بس يا رب اسعار الانترنت عن طريق الستالايات ترخص , وقتها غصب عنهم ها يرخصوا الاسعار و يحسنوا الخدمات .. ما بنجيش الا بضرب ال *****
hoda_krakech
08-31-2008, 09:47 PM
هههههههه
انا مشترك مع شبكة 2 ميغا wireless ب 25 جنية والتحميل السرعة مبتنزلش عن 220 واحيانا أعلى والي معايا 25 شخص كدة احسن من الاشتراك العادي
AHLAAAWY
09-01-2008, 09:33 PM
وربنا انا مستعد افصل عن تى اى داتا النت شهر 2 3 4
بس نكون كتييييييير ولازم يكون فى تجمع قصاد الشركة هههههههه
<<< مش ارهابى يا عمو ههههههه
بس والله بتكلم جد نعمل اضراب جماعى
من الاخر كده مظاااااهره انترنتيه ههههههههههههه
وربناااااااااا بجد
