سؤالين لعباقرة الشبكات مهم جدا

[khaledprof]

السلام عليكم

ارجوكم ليه استفسار

1- انا هفتح سايبر وعاوز اعرف ايه افضل طريقة لتركيب سيرفر على الشبكة يعنى

من الشارع ثم على الاسبليتر الى الرواتر الى السويتش الى الاجهزة وجهاز منهم يكون سيرفر

ولا من الشارع ثم على الاسبيليتر الى الراوتر ثم جهاز سيرفر بكارتين شبكة ثم على سوينش ومنه على الاجهزة وهل جهاز السيرفر مش ممكن يتلف من كتر التشغيل

وليه معلش سؤال تانى هتقل عليكم

2- اسلاك الكيبل لو مشيت جانب بعض ملتزقة فى بعض ممكن تعمل مشاكل فى الارسال والاستقبال ولا عادى ولو بتعمل مشاكل ايه الحل يعنى فى سايبر لو هوصل للجهاز رقم عشرة يعنى السلك هيمر على تسع اجهزة وهيمشى جنبهم هل هيعمل مشاكل فى كل الاجهزة

افيدونى افادكم الله واعزكم

[dr_nazy]

بالنسبة للسؤال الاول
الطريقة التانية هي الي هاتنفع
من الشارع, سبليتر, راوتر, جهاز السيرفر, سويتش, الاجهزة
بالنسبة لجهاز السيرفر
هو ممكن يتعب من كتر التشغيل لانة هايشتغل 24 ساعة في اليوم 7 ايام في الاسبوع
بالنسبة للسؤال التاني
ماعتقدش انة هايحصل حاجة
في سيبرات موصلة بال 50 سلك جنب بعض و مش بيحصل حاجة
وربنا معاك

[khaledprof]

شكرا يا دكتور على ردك الجميل ده بس فيه استفسار

ليه الطريقة الاولى مبتنفعش وهل هيا اسما طريقة النظير للنظير وبتشيل كام جهاز

وانا شايف ان محدش رد عليا غير الاخ الدكتور بس ربنا يباركله

ياريت يشباب تجبونا والى عنده خبره ميبخلش علينا

وتفضلو بقبول فائق الاحترام والتحية

[dr_nazy]

في الطريقة الاولي كل الاجهزة هاتبقي متوصلة بالسويتش فمفيش جهاز منهم هايبقي سيرفر
وياريت توضح باقي الاستفسار
وانا في الخدمة

[khaledprof]

اخى الكريم
شكرا على اهتمامك بالرد على موضوعى بارك الله فيك

بس انا ليه استفسار

انا بشوف فى معظم السيبرات انه مفيش كرتين شبكة فى الجهاز الرئيسى يعنى معندهمش سيرفر

وكمان انا سالت واخد صحبى فاتح سايبر قلى ممكن تعمل بالطريقة الاولى الى ذكرتها سيرفر والدليل الموقع الى هكتبهولك ادخل وشوف بنفسك

http://www.weethet.nl/english/adsl_mxstream_pcs.php

شوف الطريقة التانية فى الموقع وهتلاقى كلامى صح

ايه عيوب الطريقة ديه
ارجوك افدنى افادك الله

[dr_nazy]

ادرس الموضوع و اقولك

[khaledprof]

انا فى انتظار ردك اخى الكريم

ربنا يباركلك ويزيدك علم

[dr_nazy]

الموقع بيشرح استخدام برنامج يخلي الجهاز سيرفر
لكن في الحقيقة انا لم اجرب هذة الطريقة و لم اجرب البرنامج من قبل
لكني جربت الطريقة التانية بنفسي و نفعت لكن بالطبع الجهاز تعب من كتر التشغيل
يعني هي تنفع لو كان في جهاز فاضي يشتغل سيرفر بس
يعني لو جهاز قديم بانتيم 2 ينفع

[hichamid]

لا انصحك باستعمال جهازك كسيرفر، فهي طريقة غير فعالة.
يمكنك استعمال سيرفر خارجي ، او استعمال routeur/ فهو اكثر فعالية

[khaledprof]

ربنا يخليك يارب على الاجابة يا دكتور انت والاخ الكريم هشام

معلش لو هتقل عليكم
بالنسبة للمصنفات صحيح لازم يكون لكل جهاز ويندوز مرخص يعنى قصدى نسخة مرخصة مش كوبى ولا عادى

وازاى الواحد يتصرف مع المصنفات بفلوس ولا ايه نظامهم

وايه المنصنفات الى بتفتش عليه فى السايبر

ولكم جزيل الشكر

[dr_nazy]

الحقيقة ماليش في الحكاية دي
اسال واحد فاتح سايبر

[hichamid]

في المغرب و اظن الدول العربية مثل المغرب، لا توجد متابعة قاونية للاستعمال الغير القانوني لنسخ الويندوز، الا في بعض الحالات النادرة.
فهنيئا لك بنسخ ويندوز المقرصنة

[مؤمن أحمد]

اللى انا اعرفه ان لكل جهاز لازم يكون ليه نسخة ويندوز اصليه
ده حتى لو انت فاتح سنترال صغير وحاطط فيه جهاز ها يجوا برضه وياخدوا الجهاز منك لو انت مش معاك اسطوانه اصليه والكلام ده حصل قدامى
هيه ها تكلفك فى الأول شويه تقريبا نسخة الويندوز الأصليه ممكن توصل ل 350 جنيه بس ها تريحك بعد كده اصل الناس بتوع المصنفات دول ما بيرحموش
وربنا معاك

[khaledprof]

السلام عليكم

اولا احب اشكر كل من ساعدنى شكرا خاص

ثانيا الاخ الكريم مؤمن احمد شكرا على كلامك المفيد بس بعد اذنك احب استفسر على شئ منك

هيا المنصفات بتفتش على الويندوز بس ولا الالعاب والاغانى والبرامج وكل حاجة على الهارد

ارجوك جاوبنى افادك الله

[SEMSEMNET83]

السلام عليكم

اولا احب اشكر كل من ساعدنى شكرا خاص

ثانيا الاخ الكريم مؤمن احمد شكرا على كلامك المفيد بس بعد اذنك احب استفسر على شئ منك

هيا المنصفات بتفتش على الويندوز بس ولا الالعاب والاغانى والبرامج وكل حاجة على الهارد

ارجوك جاوبنى افادك الله

مبدأيا ربنا يوفقق فى المشروع
بس بانسبه لموضوع المصنفات فهى بتبص على كل حاجه بس بمزاجهم
يعنى لو لو عايزين يا خدو اجهزه من عندك والله لو مايكروسوفت مشاركاك فى السيبر ها يخدوهم ها يخدوهم
انا ليا واحد صاحبى كان فاتح سيبر وقفله بسبب المصنفات