رسالة لكل زملكاوي يهمه الامر

[bobman]

في ايه بيجري للزمالك !!! مع كل الي بيحصلوا والجمهور بيحضرلوا ..... ومع كل نكسة وكل كبسة بيحضر جمهور كبير ولا اكنه فاز كتير ... واللعيبة مفيهاش حماس مفيهاش احساس بالجمهور الي بيجري عليها وبالمدرجات يمليه .... ارجوا من رابطة جمهور الزمالك ان تقف وقفة صارمة فالزمالك منذ 3 سنوات اصبح فريق مهلهل وغير قادر علي الانتصارات ... عدم حضور المباريات اقل اعتراض علي نتائج الفريق وانا اهلاوي وكنت اتمني ان الزمالك يرجع تاني لكنه خيب آمالي .

مع تحياتي ..

[romio1975]

يا بوب الزمالك خيب ظنك فى ايه ؟
هو صحيح اتعادل مع المحلة بس يا جماعة الراجل لسة اول ماتش يمسك الفرقة فيه الراجل مش ساحر عشان يقلب حال الفريق من يوم وليلة
المحلة فريق محترم الموسم ده وبينافس على المركز الثالث لحد الآن والتعادل معاه فى المحلة مش كارئه او مصيبه عشان نبدأ نعلق المشانق
على الأقل لازم شهر عشان تبان بصماته على الفرقة
خلونا نصبر شوية ونفكر بمنطقية وبعقل
وبلاش الاستعجال الغير مبرر ده

[elmaystro007]

ياسيدى العزيز الزمالك فى حالة شتات اليومين دول وبقاله كتير على كده واحنا بندعى ان يكون الحل عن هنرى ميشيل بأى طريقة كانت
والكاتش بتاع المحله ده كان بيلعبو بالاحتياطى احنا عندنا 6 لاعيبه اساسيين عندهم انذارات فمعلش نسامح هنرى الماتش ده وندعى يرجع الزمالك من تانى ومشكورين ياأهلاوية على روحكم الطيبه دي ومش تريقة والله رفعتو راسنا فى العالم كله

[bobman]

يا روميو مشاكل الفريق مش في مدرب مشاكله في الادارة وزي ما بتقول هو لو ميشيل ساحر فعلا !!! حيعمل حاجة معاه وانا منتظر الزمالك الي كلنا نعرفه وهذا كله يصب في مصلحة المنتخب

[agmal_a7sas2002]

يا جماعه صبرا جميلا
دا اول ماتش
واحده واحده
ربنا يسهل وباذن الله هيعمل حاجه بس اللعيبه دى لازم تتغير بجد
نص اللعيبه دول لازم يمشىىىىىىىىىىىىىىىىىىىىىىىى
http://aammrr99.jeeran.com/ZFC-Logo.gif

[ahmedfayez]

يابوب ان الجماهير متحضرش دا مش حل
المفروض طول ما الفريق فى اذمه يكون الجمهور وراه مهما حصل
شكل ماقال الحبايب دا اول ماتش وربنا يسهل بقى فى اللى بعد كدا
(شكرا للاهلاويه على روحهم فى جديد فى الروح بعد الماتش مكناش بنشوف كدا قبل ماتش الاهلى والزمالك )

[منى شوقى]

ربنا معاهم يارب والله من كل قلبى