drawer
09-04-2005, 10:26 AM
السلام عليكم
معى اليوم اسكتش قمت بكتابته من شريط عندى .....
فلنبدا :-
-----------------------------------------------------------------------------------------------------
م1 المذيع الاول / م2 المذيع الثانى / ع الكابتن عباس الخسران
م1 : سيداتى ساداتى اهلا و سهلا بكم فى برنامجكم المفضل المحبوب .. لوحة شرف .. النهارده, يسعدنا و احنا بنتكلم عن دورة ( برصبونة ) الأوليميبة .. ان احنا نستضيف هذا الصرخ الشامخ فى سماء الرياضة فى مصر .. و هذا الأسطورة الذى حقق النتائج المبهرة لمصر على المستوى المحلى و العالمى .. يسعدنا أن نلتقى مع هذا الكابتن الفحل من فحول الرياضة المصرية .. اتفضل يا كابتن مجدى ( م2 ) ...
م2 : شكرا يا كابتن مجدى .. شكرا يا كابتن .. سيداتى آنساتى سادتى .. أهلا و سهلا بكم فى برنامجنا الرياضى الأسبوعى .. لوحة شرف ..النهاردة بنستضيف معانا نجم لامع من نجوم الرياضة المصرية .. الجندى المخبول فى دو.......
م1. الللللللللللللللللل لا لا لا لا لا يا كابتن ..
م2 : اسف اسف اسف .. الجندى المجهول فى دورة برصبونة الأوليمبية .. الكابتن الكبير قوى .. الكابتن عباس الخسران .. اهلا بيك يا كابتن ..
ع: أهلا بيك ..
م1: لو سمحت يا فندم فى بداية البرنامج .. احب أسألك سؤال مهم سؤال خطير يا فندم .. تحب تشرب ايه يا فندم؟
ع:يا ريت كباية شاى .. و شندوتش فول و حجر معسل ...
م1: ماشى يا فندم .. شوفوا الحاجات اللى طلبها الكابتن عباس ..
م2: طب يا فندم .. الناس الكبيرة كلها عارفاك يا فندم .. بس الشباب ميعرفكش .. طبعا لازم نعرف الشباب أمجادنا و تاريخنا .. تعرف نفسك للشباب .. تقول ايه يا فندم؟
ع: عباس عبد الحميد الخسران .. مواليد 25/5/25 .. ليسانس آداب قسم كمبيوتر .. و فاتح محل على اول الشارع ..
م1: بيكسب كتير يا فندم ...
ع: آه الحمد لله بيكسب كتييييييير ...
م1 و م2 : الحمد لله يا فندم ...... الحمد لله ..
م1 : طب يا فندم كلنا بنحب مصر .. و بندى مصر كل حاجة بدون ما نبخل عليها باى حاجة .. فيه ناس بتقول ان احنا بندفع فلوس كتير جدا للرياضة و مبنشوفش حاجة من الناس اللى اللى بتروح للرياضة و لا بتحقق نتائج ..و الفلوس دى احسن نصرفها على حاجات نستفيد بيها و الشعب يستفيد بيها .. تقول ايه يا فندم؟
ع: أقولهم إحنا مخسرناش حاجة .. إحنا كسبنا كتير جدا جدا جدا .. يكفى حب الناس .. يكفى رضا الوالدين .. أنا أمى راضية عنى؟ .. و أمك راضية عنك ؟ ..و أمه راضية عنه؟ يبقى كفاية قوى .. مش عاوزين ننهب .. ثانيا :- إحنا هنفنجر مفاجئة ...
م1 : نعم يا فندم؟
ع: هنفنجر مفاجئة ...
م1 : اه ... فنجر يا فندم ..
ع: المصاريف بتاع الدورة كلها الدولة مدفعتش فيها و لا مليم ..
م1 : معقولة يا فندم؟ أمال الناس دى جابت الفلوس منين؟
ع: كلها بالزهود الجاتية ..
م1 : ايه يا فندم؟
ع: الزهود الجاتية .. انا هقل لحضرتك على سبيل المثال ..نرجس مراتى .. باعت الحلق بتاعها و الجذمة بتاعتى عشان نساعم فى مصاريف الدورة ...
م1 : يا سلام يا فندم .. ده كله عشان مصر؟
ع : طبعا .. امال عشان اسكندرية؟
م2: بس يا فندم أنا شايف أن حضرتك لابس جذ مة كويسة ...
ع: أنا كنت جاى البرنامج حافى ... و ماشى فى الشارع .. لقيت الناس بيقولوا مش ده الكابتن عباس الخسران بتاع دورة برصبونة؟
م2 : الناس بتحبك أوى يا فندم ..
ع: بتحبنى .. المهم .. و اللى قلع الجذمة و اللى قلع الشبشب ..و كله بيحدف عليا .. مفيش حد مبيحدفش ..
م1 : حب يا فندم ...
ع: اه حب .. رحت واخد فردة جذمة كويسة و جاى بيها ... الحمد لله ...
م2 : الحمد لله يا فندم.. الحمد لله .. أكيد حضرتك المسؤل عن الياضة فى مصر ..و بالذات دورة برصبونة الاوليمبية .. نحب يا فندم ناخد كام لعبة من اللعب بتاعنا و نشوف ابطالنا حققوا ايه و ايه هى النتائج .. و بالراحه كده عشان الناس تفهم ..نبدأ بالسباحة .. نحب نتعرف ابطالنا يا فندم ...
ع: إحنا اشتركنا بـ 10 شباحين من أمهر الشباحين .. أثناء التدريب و احنا هناك .. و من فرط الحماسة .. غرق 8 منهم ..
م1 : يااااااااااااااااه .. مش كتير يا فندم ؟
ع: معلش عشان مصر .. و كان معاهم المدرب كمان .. غرق معاهم .. و اتبقى معانا 2 شباحين من امهر الشباحين .. دول اللى دخلنا بيهم البطولة .. الكابتن فوزى الدرفيل .. و الكابتن عبد السلام الحوت ...
م1 : فوزى ايه يا فندم؟
ع: الدرفيل ... وزنه 299.5 كيلو ... و بيعوم فراشة ...
م2 : الميه بتشيل يا فندم ...
ع: تشيل أكثر من كده ... تشيل سفينة .. كابتن فوزى ده فيه حاجة مهياش فى باقى اللعيبة .. كل اللعيبة بينزلوا حمام السباحة بالطول ... الا هو ... بينزل بالعرض ..
م1 : يااااااااااااااااه .. ليه كده يا فندم؟
ع: وزنه ... جسمه مبيساعدهوش .. حمام السباحة ضيق عليه .. فلما بيعوم, أكتافه بتخبط فى الجدار ...
م2 : امكانيات ...
ع: امكانيات .. معلش .. بدأ السباق.. الحكم صفر .. راح اللعيبة نازلين بالطول .. و الكابتن فوزى نزل بالعرض .. نزل على 4 سباحين ... غرقهم ...
م1 و م2 : يااااااااااااااااااااه ...
ع: مش دى المشكلة يا كابتن .. المشكلة انه لما نزل .. الحبال بتاع حمام السباحة لفت على رقبته .. و غرق ...
م2 : لا حول و لا قوة الا بالله ...
ع: يله .. معلش .. فى داهية .. يتعوض ...فضل معانا الكابتن عبد السلام الحوت ...
م1 : أيوا يا فندم ..
----------------------------------------------------------------------------------------------------
اذا لقيت منكم ردود يا اخوانى ساضع بقية الاسكتش ان شاء الله ....
و جزاكم الله خيرا
معى اليوم اسكتش قمت بكتابته من شريط عندى .....
فلنبدا :-
-----------------------------------------------------------------------------------------------------
م1 المذيع الاول / م2 المذيع الثانى / ع الكابتن عباس الخسران
م1 : سيداتى ساداتى اهلا و سهلا بكم فى برنامجكم المفضل المحبوب .. لوحة شرف .. النهارده, يسعدنا و احنا بنتكلم عن دورة ( برصبونة ) الأوليميبة .. ان احنا نستضيف هذا الصرخ الشامخ فى سماء الرياضة فى مصر .. و هذا الأسطورة الذى حقق النتائج المبهرة لمصر على المستوى المحلى و العالمى .. يسعدنا أن نلتقى مع هذا الكابتن الفحل من فحول الرياضة المصرية .. اتفضل يا كابتن مجدى ( م2 ) ...
م2 : شكرا يا كابتن مجدى .. شكرا يا كابتن .. سيداتى آنساتى سادتى .. أهلا و سهلا بكم فى برنامجنا الرياضى الأسبوعى .. لوحة شرف ..النهاردة بنستضيف معانا نجم لامع من نجوم الرياضة المصرية .. الجندى المخبول فى دو.......
م1. الللللللللللللللللل لا لا لا لا لا يا كابتن ..
م2 : اسف اسف اسف .. الجندى المجهول فى دورة برصبونة الأوليمبية .. الكابتن الكبير قوى .. الكابتن عباس الخسران .. اهلا بيك يا كابتن ..
ع: أهلا بيك ..
م1: لو سمحت يا فندم فى بداية البرنامج .. احب أسألك سؤال مهم سؤال خطير يا فندم .. تحب تشرب ايه يا فندم؟
ع:يا ريت كباية شاى .. و شندوتش فول و حجر معسل ...
م1: ماشى يا فندم .. شوفوا الحاجات اللى طلبها الكابتن عباس ..
م2: طب يا فندم .. الناس الكبيرة كلها عارفاك يا فندم .. بس الشباب ميعرفكش .. طبعا لازم نعرف الشباب أمجادنا و تاريخنا .. تعرف نفسك للشباب .. تقول ايه يا فندم؟
ع: عباس عبد الحميد الخسران .. مواليد 25/5/25 .. ليسانس آداب قسم كمبيوتر .. و فاتح محل على اول الشارع ..
م1: بيكسب كتير يا فندم ...
ع: آه الحمد لله بيكسب كتييييييير ...
م1 و م2 : الحمد لله يا فندم ...... الحمد لله ..
م1 : طب يا فندم كلنا بنحب مصر .. و بندى مصر كل حاجة بدون ما نبخل عليها باى حاجة .. فيه ناس بتقول ان احنا بندفع فلوس كتير جدا للرياضة و مبنشوفش حاجة من الناس اللى اللى بتروح للرياضة و لا بتحقق نتائج ..و الفلوس دى احسن نصرفها على حاجات نستفيد بيها و الشعب يستفيد بيها .. تقول ايه يا فندم؟
ع: أقولهم إحنا مخسرناش حاجة .. إحنا كسبنا كتير جدا جدا جدا .. يكفى حب الناس .. يكفى رضا الوالدين .. أنا أمى راضية عنى؟ .. و أمك راضية عنك ؟ ..و أمه راضية عنه؟ يبقى كفاية قوى .. مش عاوزين ننهب .. ثانيا :- إحنا هنفنجر مفاجئة ...
م1 : نعم يا فندم؟
ع: هنفنجر مفاجئة ...
م1 : اه ... فنجر يا فندم ..
ع: المصاريف بتاع الدورة كلها الدولة مدفعتش فيها و لا مليم ..
م1 : معقولة يا فندم؟ أمال الناس دى جابت الفلوس منين؟
ع: كلها بالزهود الجاتية ..
م1 : ايه يا فندم؟
ع: الزهود الجاتية .. انا هقل لحضرتك على سبيل المثال ..نرجس مراتى .. باعت الحلق بتاعها و الجذمة بتاعتى عشان نساعم فى مصاريف الدورة ...
م1 : يا سلام يا فندم .. ده كله عشان مصر؟
ع : طبعا .. امال عشان اسكندرية؟
م2: بس يا فندم أنا شايف أن حضرتك لابس جذ مة كويسة ...
ع: أنا كنت جاى البرنامج حافى ... و ماشى فى الشارع .. لقيت الناس بيقولوا مش ده الكابتن عباس الخسران بتاع دورة برصبونة؟
م2 : الناس بتحبك أوى يا فندم ..
ع: بتحبنى .. المهم .. و اللى قلع الجذمة و اللى قلع الشبشب ..و كله بيحدف عليا .. مفيش حد مبيحدفش ..
م1 : حب يا فندم ...
ع: اه حب .. رحت واخد فردة جذمة كويسة و جاى بيها ... الحمد لله ...
م2 : الحمد لله يا فندم.. الحمد لله .. أكيد حضرتك المسؤل عن الياضة فى مصر ..و بالذات دورة برصبونة الاوليمبية .. نحب يا فندم ناخد كام لعبة من اللعب بتاعنا و نشوف ابطالنا حققوا ايه و ايه هى النتائج .. و بالراحه كده عشان الناس تفهم ..نبدأ بالسباحة .. نحب نتعرف ابطالنا يا فندم ...
ع: إحنا اشتركنا بـ 10 شباحين من أمهر الشباحين .. أثناء التدريب و احنا هناك .. و من فرط الحماسة .. غرق 8 منهم ..
م1 : يااااااااااااااااه .. مش كتير يا فندم ؟
ع: معلش عشان مصر .. و كان معاهم المدرب كمان .. غرق معاهم .. و اتبقى معانا 2 شباحين من امهر الشباحين .. دول اللى دخلنا بيهم البطولة .. الكابتن فوزى الدرفيل .. و الكابتن عبد السلام الحوت ...
م1 : فوزى ايه يا فندم؟
ع: الدرفيل ... وزنه 299.5 كيلو ... و بيعوم فراشة ...
م2 : الميه بتشيل يا فندم ...
ع: تشيل أكثر من كده ... تشيل سفينة .. كابتن فوزى ده فيه حاجة مهياش فى باقى اللعيبة .. كل اللعيبة بينزلوا حمام السباحة بالطول ... الا هو ... بينزل بالعرض ..
م1 : يااااااااااااااااه .. ليه كده يا فندم؟
ع: وزنه ... جسمه مبيساعدهوش .. حمام السباحة ضيق عليه .. فلما بيعوم, أكتافه بتخبط فى الجدار ...
م2 : امكانيات ...
ع: امكانيات .. معلش .. بدأ السباق.. الحكم صفر .. راح اللعيبة نازلين بالطول .. و الكابتن فوزى نزل بالعرض .. نزل على 4 سباحين ... غرقهم ...
م1 و م2 : يااااااااااااااااااااه ...
ع: مش دى المشكلة يا كابتن .. المشكلة انه لما نزل .. الحبال بتاع حمام السباحة لفت على رقبته .. و غرق ...
م2 : لا حول و لا قوة الا بالله ...
ع: يله .. معلش .. فى داهية .. يتعوض ...فضل معانا الكابتن عبد السلام الحوت ...
م1 : أيوا يا فندم ..
----------------------------------------------------------------------------------------------------
اذا لقيت منكم ردود يا اخوانى ساضع بقية الاسكتش ان شاء الله ....
و جزاكم الله خيرا