DarkAngel4u
10-28-2006, 12:37 PM
السلام عليكم ورحمة الله وبركاته
وكل سنة وأنتوا طيبين وعيد سعيد على الجميع بإذن الله
أنا عايز مساعده منكم وبالتحديد من أخواني مبرمجين فيجوال بيسك . الموضوع هو أني فكرت في أنشاء برنامج يقوم بإظاهر أسم الطالب . لحظة بس وأنا أفهمكم كل حاجه بس متزهقوش مني وخليكم معايا وأنا أوضح الفكرة تماماً .
بصوا فكرة البرنامج كالتالي أنا بالنسبه ليا عندي خط النت DSL يعني ملهوش علاقة بالتليفون خالص لحد هنا وكويس ... أنا عندي خاصية أظهار رقم الطالب في التليفون بس المشكلة في حاجه أنك لازم تحفظ الارقام اللي بتظهر ليك في التليفون كل ما حد يتصل ، عشان تبقى عارف مين اللي بيتصل وإذا كنت عايز ترد عليه أو لأ . طب بفرض وده الأكيد أنك أنسان محبوب موووووووت وفي كتير بيتصلوا بيك يومياً طب هتحفظ رقم مين ولا مين .
عشان كده عايزين بعون الله نعمل برنامج وسيط وبسيط ، فكرته بتعتمد على قاعدة بيانات تدخل فيها كل أسماء اللي تعرفهم وأرقام تليفوناتهم وتبقى مركب كارت فاكس مودم في الجهاز هيدخل خط التليفون الاساسي فيه ( مدخل ) وهتوصل التليفون ذات نفسه بمخرج الكارت ( مخرج ) لأن أي كارت فاكس مودم فيه فتحتين ( مدخل خط التليفون الاساسي - مخرج للتليفون )
نيجي بقى للبرنامج : البرنامج هيكون وسيط بينك وبين الفاكس مودم وبين التليفون كمان عشان لو عايز ترد أو لأ . بحيث البرنامج هيظهر ليك رقم وأسم المتصل بعد ما يبحث في قاعدة البيانات اللي أنتا دخلت فيها الاسماء وأرقام التليفونات وهيظهر النتيجة بسرعه في أقل من ثانيه وساعتها هيبقى ليك الاختيار في أنك ترد أو لأ على المكالمة .
أنا وصلت لكل حاجه وقدرت أعمل قاعدة البيانات وأوصلها بفيجوال بيسك ويعمل البرنامج بحث بواسطة الرقم بعد ما يظهر الرقم سواء في Label أو أي كان ويطلع نتيجة البحث في ثواني . بس المشكلة بقى في الكود اللي يقدر يجيب ليا رقم المتصل من الفاكس مودم أول لما يتصل حد .
مع العلم أن في برنامج في أسطوانة تعريف كارت الفاكس مودم بيقوم بإظهار رقم الطالب بس مش فيه إمكانية أضافة أسماء أو أظهارها حتى .
وبعدين بقى يا حلوين أنتوا أنا مش عارف أعمل أيه عملت كل حاجه ومش عارف أتصل أزاي بالفاكس مودم ومش عارف أزاي أخلي الفاكس يظهر ليا رقم التليفون في Label .
أنتوا عارفين ممكن بعد كده نطور البرنامج نخليه يعمل قائمة بأسماء اللي أتصلوا بيك وكام مرة أتصلوا وأنتا مش موجود مع أظهار الوقت والتاريخ اللي أتصلوا فيه وأمكانية الاتصال السريع بأي منهم والقصص دي كلها بس أزاي أتصل من خلال برنامجي بجهاز الفاكس مودم هو ده اللي أنا عايز أوصله .
ياريت تساعدوني في البرنامج ده عشان هينفعنا كلنا مش أنا لوحدي ويبقى تم أنشاء البرنامج بمجهود مشترك . أرجوكم يعني تساعدوني لو في أي حد عنده فكرة أو معلومة يساهم بيها هنا . حتى لو كلمة شكراً يدعم بيها الفكرة دي .
تحياتي ليكم وانا في أنتظار ردودكم ،،
وكل سنة وأنتوا طيبين وعيد سعيد على الجميع بإذن الله
أنا عايز مساعده منكم وبالتحديد من أخواني مبرمجين فيجوال بيسك . الموضوع هو أني فكرت في أنشاء برنامج يقوم بإظاهر أسم الطالب . لحظة بس وأنا أفهمكم كل حاجه بس متزهقوش مني وخليكم معايا وأنا أوضح الفكرة تماماً .
بصوا فكرة البرنامج كالتالي أنا بالنسبه ليا عندي خط النت DSL يعني ملهوش علاقة بالتليفون خالص لحد هنا وكويس ... أنا عندي خاصية أظهار رقم الطالب في التليفون بس المشكلة في حاجه أنك لازم تحفظ الارقام اللي بتظهر ليك في التليفون كل ما حد يتصل ، عشان تبقى عارف مين اللي بيتصل وإذا كنت عايز ترد عليه أو لأ . طب بفرض وده الأكيد أنك أنسان محبوب موووووووت وفي كتير بيتصلوا بيك يومياً طب هتحفظ رقم مين ولا مين .
عشان كده عايزين بعون الله نعمل برنامج وسيط وبسيط ، فكرته بتعتمد على قاعدة بيانات تدخل فيها كل أسماء اللي تعرفهم وأرقام تليفوناتهم وتبقى مركب كارت فاكس مودم في الجهاز هيدخل خط التليفون الاساسي فيه ( مدخل ) وهتوصل التليفون ذات نفسه بمخرج الكارت ( مخرج ) لأن أي كارت فاكس مودم فيه فتحتين ( مدخل خط التليفون الاساسي - مخرج للتليفون )
نيجي بقى للبرنامج : البرنامج هيكون وسيط بينك وبين الفاكس مودم وبين التليفون كمان عشان لو عايز ترد أو لأ . بحيث البرنامج هيظهر ليك رقم وأسم المتصل بعد ما يبحث في قاعدة البيانات اللي أنتا دخلت فيها الاسماء وأرقام التليفونات وهيظهر النتيجة بسرعه في أقل من ثانيه وساعتها هيبقى ليك الاختيار في أنك ترد أو لأ على المكالمة .
أنا وصلت لكل حاجه وقدرت أعمل قاعدة البيانات وأوصلها بفيجوال بيسك ويعمل البرنامج بحث بواسطة الرقم بعد ما يظهر الرقم سواء في Label أو أي كان ويطلع نتيجة البحث في ثواني . بس المشكلة بقى في الكود اللي يقدر يجيب ليا رقم المتصل من الفاكس مودم أول لما يتصل حد .
مع العلم أن في برنامج في أسطوانة تعريف كارت الفاكس مودم بيقوم بإظهار رقم الطالب بس مش فيه إمكانية أضافة أسماء أو أظهارها حتى .
وبعدين بقى يا حلوين أنتوا أنا مش عارف أعمل أيه عملت كل حاجه ومش عارف أتصل أزاي بالفاكس مودم ومش عارف أزاي أخلي الفاكس يظهر ليا رقم التليفون في Label .
أنتوا عارفين ممكن بعد كده نطور البرنامج نخليه يعمل قائمة بأسماء اللي أتصلوا بيك وكام مرة أتصلوا وأنتا مش موجود مع أظهار الوقت والتاريخ اللي أتصلوا فيه وأمكانية الاتصال السريع بأي منهم والقصص دي كلها بس أزاي أتصل من خلال برنامجي بجهاز الفاكس مودم هو ده اللي أنا عايز أوصله .
ياريت تساعدوني في البرنامج ده عشان هينفعنا كلنا مش أنا لوحدي ويبقى تم أنشاء البرنامج بمجهود مشترك . أرجوكم يعني تساعدوني لو في أي حد عنده فكرة أو معلومة يساهم بيها هنا . حتى لو كلمة شكراً يدعم بيها الفكرة دي .
تحياتي ليكم وانا في أنتظار ردودكم ،،