لو سمحت مره اخرى

[eslam_aly1985]

ممكن اعمل تزامن مع الكمبيوتر والهاتف عن طريق الانفرارد ولا شرط كبيل usbنظرا ان جهازى i-mate jam
وممكن برامج الاتصال بين الكمبيوتر والهاتف

[smsm_n]

معلش إني إتأخرت عليك في الرد شوف ياسيدي بالنسبة للسؤال الأول عملتلك ليه موضوع كامل يجاوب على كل تساؤلاتك تقدر تزورو من هنااااا (http://www.bramjnet.com/vb3/showthread.php?p=1521773#post1521773) أما بالنسبة للسؤال التاني أنا مفهمتوش أوي فياريت لو توضحلي تقصد إيه وإن شاء الله أجاوبك

[eslam_aly1985]

السوال التانى يا باشا البرنامج الى بعمل من عليه التزامن اتمسح اجيبو منين تانى شكرا على اهتمامك يا اوى اوى بجد مش عارف اقلك ايه

[eslam_aly1985]

وبعدين مفيش حاجه اسمها اتاخرت فى الرد انت اكفايه ان انتا فاكرنا شكرا مره اخرى على اهتمامك

[smsm_n]

شوف يا eslam_aly1985 باشا أول حاجة انت لازم تحفظ أسماء البرامج إلي بتتعامل معاها عشان لما تحب تطلبها يبقى شكلك محترف ومفيش زيك ;) المهم البرنامج اسمو ACTIVESYNC (أكتيف سينك) والمرة دي مش هبعتك في أي مكان عشان متقعدش تدور بس هقولك تجيبو منين على طول قدامك 3 طرق وانت اختار إلي يريحك أول حاجة هتلاقيه في السي دي بتاع الآيميت إلي انتا واخدو مع التلفون تاني حاجة هتلاقيه في موقع شركة ميكروسوفت في قسم الـ Windows Mobile وآخر طريقة بقى ياباشا إنك تدوس هناااااااااااااا (http://download.microsoft.com/download/7/8/e/78ebe631-739b-4076-a169-b929d5df9950/setup.exe) وتريح دماغك.وأي خدمة ياباشا :) أنا تحت أمرك :)

[eslam_aly1985]

طيب ونبى لو واحد مكانى يقلك ايه مفيش كلام غير الله يجزيك كل خير

[eslam_aly1985]

وبعدين انا االتليفون بتاعى مش جى معاه cd

[smsm_n]

والله الدعوة الحلوة دي أحسن من أي كلام وبعدين لو انت شاري التلفون جديد بالكرتونة يبقى المحل ناصب عليك لإن مينفعش أساسا أي تلفون في الدنيا يجي من غير السي دي حتى النوكيا فما بالك بالآي ميت روح هد المحل على دماغهم وتجيب منهم السي دي بس إتأكد برضو الأول من الكرتونة تاني وبعدي اعمل كدا أصل يطلع السي دي موجود وانت مش واخد بالك ساعتها هما إلي هيهدوها علينا المهم السي دي دا مهم جدا لسبب بسيط قوي إنو بتاعك ومن حقك ومش هتلاقيه بسهولة وانت لما دفعت تمن التلفون المفروض ان السي دي ضمن التمن فعشان كدا إوعى تسيب حقك نهاااااااااااااااااااااااائي واسمع الكلام وروح هاتو منهم

[eslam_aly1985]

دانا هروح اخربها عليهم بس رجاءكله يفتح قناه الجزيره النهرده انشاء الله هتشفونى وانا بكسر
انا جايب الليفون كمان الكرتوبه بتاعته عليها كيسه مغلف يعنى يعنى انا اول شخص افتحو

[smsm_n]

أيوه كدا وياسيدي أديني مستني قدام الجزيرة وترجعلنا بالسلامة وتكون كويس ومن غير ما تدعي علي ومن غير أي خدوش ولا كسور ربنا معاك :)