Aopotter
08-13-2006, 08:30 PM
زي مانتوا عارفين ابو لمعه انه دائما بيحب يفشر كتير
ودي حكايه من حكاياته الغريبه والعجيبه
ابو لمعه : شوف يا خواجه ، وانا في آخر رحله ليا في الاسكيمو ، كنت لابس الجلابيه الدبلان المخططه بتاعه اخويا شلبي ، ومقيل تحت شجره جيلاتي !
بيني وبينك انا نمت وانا فاتح بقي علشان اول ما حته جيلاتي تستوي ، تقع في بقي علي طول ،
بس لجل البخت الاسود ، تعبان شاف بقي مفتوح افتكره جحر راح داخل فيه.
الخواجه بيجو : دا اكيد تعبان صغير بقي اللي عرف يدخل في بقك ده ؟
ابو لمعه : صغير مين يا خواجه ده طوله 700 متر !
الخواجه بيجو : يا سلام ، دخل التعبان اللي طوله 700 متر في بقك وانت نايم من غير ما تحس ولا تصحي ؟
ابو لمعه : لأ ما انا صحيت في نصه كده ، لقيت ده داخل في بطني قعدت اشد فيه وهو يتزفلط اشد فيه وهو يتزفلط ، لحد ما دخل كله جوه بطني !
الخواجه بيجو : يا خبر ابيض ، وعرفت تطلعه ؟
ابو لمعه : ابدا وحياتك ، عملت البدع علشان اطلعه ما فيش فايده آخر ما غلبت رحت قالع ونازل له !
الخواجه بيجو : نازل له فين ؟
ابو لمعه : في بطني ! وهو شافني نازل راح واخد ديله في سنانه وطالع يجري وانا وراه ،
يدخل يمين ادخل وراه ، يدخل شمال ادخل وراه ، لحد ما وصل بيت الكلاوي ، راح داخل البيت وقفل الباب علي نفسه !
الخواجه بيجو : طبعا ما عرفتش تدخل وراه ورحت مروح
ابو لمعه : لأ ، اروح ازاي ، انت عارف تحت بيت الكلاوي فاتح واحد حلاق ،
قلت اخش اخد دقني واستني التعبان لما يخرج ، نص ساعه كده ولقيته مطله راسه من الباب ، بص يمين بص شمال ما شافنيش راح متسحب خارج ،
رحت خاطف الموس من ايد الحلاق وهاجم علي التعبان ، شوف يا خواجه ، هي ضربه واحده بالموس قسمته نصين !
الخواجه بيجو : بضربه واحده قسمت التعبان ال 700 متر ؟
ابو لمعه : بالطول وحياتك .......
ودي حكايه من حكاياته الغريبه والعجيبه
ابو لمعه : شوف يا خواجه ، وانا في آخر رحله ليا في الاسكيمو ، كنت لابس الجلابيه الدبلان المخططه بتاعه اخويا شلبي ، ومقيل تحت شجره جيلاتي !
بيني وبينك انا نمت وانا فاتح بقي علشان اول ما حته جيلاتي تستوي ، تقع في بقي علي طول ،
بس لجل البخت الاسود ، تعبان شاف بقي مفتوح افتكره جحر راح داخل فيه.
الخواجه بيجو : دا اكيد تعبان صغير بقي اللي عرف يدخل في بقك ده ؟
ابو لمعه : صغير مين يا خواجه ده طوله 700 متر !
الخواجه بيجو : يا سلام ، دخل التعبان اللي طوله 700 متر في بقك وانت نايم من غير ما تحس ولا تصحي ؟
ابو لمعه : لأ ما انا صحيت في نصه كده ، لقيت ده داخل في بطني قعدت اشد فيه وهو يتزفلط اشد فيه وهو يتزفلط ، لحد ما دخل كله جوه بطني !
الخواجه بيجو : يا خبر ابيض ، وعرفت تطلعه ؟
ابو لمعه : ابدا وحياتك ، عملت البدع علشان اطلعه ما فيش فايده آخر ما غلبت رحت قالع ونازل له !
الخواجه بيجو : نازل له فين ؟
ابو لمعه : في بطني ! وهو شافني نازل راح واخد ديله في سنانه وطالع يجري وانا وراه ،
يدخل يمين ادخل وراه ، يدخل شمال ادخل وراه ، لحد ما وصل بيت الكلاوي ، راح داخل البيت وقفل الباب علي نفسه !
الخواجه بيجو : طبعا ما عرفتش تدخل وراه ورحت مروح
ابو لمعه : لأ ، اروح ازاي ، انت عارف تحت بيت الكلاوي فاتح واحد حلاق ،
قلت اخش اخد دقني واستني التعبان لما يخرج ، نص ساعه كده ولقيته مطله راسه من الباب ، بص يمين بص شمال ما شافنيش راح متسحب خارج ،
رحت خاطف الموس من ايد الحلاق وهاجم علي التعبان ، شوف يا خواجه ، هي ضربه واحده بالموس قسمته نصين !
الخواجه بيجو : بضربه واحده قسمت التعبان ال 700 متر ؟
ابو لمعه : بالطول وحياتك .......