smsm_n
08-12-2006, 12:19 AM
بسم الله الرحمن الرحيم
الأول أحب أعرفكم بشخصيات القصة وهي طبعا شخصيات وهمية بترمز لدولة وهمية إسمها دولة أزعرينا:
سحتوت: رئيس دولة أزعرينا.
شلتوت: ابن الحاكم سحتوت.
زغلول: رئيس الوزراء لدولة أزعرينا.
بلاص: ظابط في مخابرات أزعرينا.
* مشهد رقم واحد:
سحتوت في صالة بيته، يجلس على سجادة صلاة بشكل علم أزعرينا، ويمسك في يده مصحف،
وعلى الأرض نسخة من قانون الضرايب الجديد، تركز الكاميرا على الساعة التي تشير عقاربها إلى الرابعة AM, ويعلو صوت سحتوت بالتسبيح..
سحتوت: يا رب، يا رب الواد شلتوت ربنا يهديه كدة ويكمل نص دينه، ويارب أشوف ابنه ييجي يصلي معايا العصر ونبقى أنا وهو أكيد في أزعرينا.. يا رب أشوف ابنه بيشجع معايا أزعرينا في بطولة كأس أفريقيا 2030.. يا رب..
صوت الباب يفتح، ويدخل شلتوت وهو يمشي مترنح..
سحتوت: إنت جيت يا حبيبي
شلتوت: إحم.. بابا.. إنت إيه اللي مصحيك لحد دلوقتي.. إنت موش وراك حكم الصبح، كدة تروح الرئاسة متأخر..
سحتوت: يا ابني.. أنا من ساعة ما حكمت البلد دي وأنا موش شايف شكل النوم، الأمانة اللي في رقبتنا تقيلة قوي، يلا بقى عشان تيجي تشيل معايا الحمل
شلتوت (وهو يقبل قانون الضرايب): ربنا يخليك لينا يا بابا
سحتوت: يا أبني بقى موش ناوي تعقل وتكمل نص دينك
شلتوت: وهو أنا عرفت أجيب النص الأولاني
سحتوت: بتتريق حضرتك، طيب اتفضل أدخل أوضتك، محروم من لجنة السياسات لمدة أسبوع، ومفيش مؤتمرات ولا مناكفة مع عمك زغلول غير لما تتجوز، يلا أمشي من وشي، جتكوا نيلة.. مليتوا الحزب
شلتوت: والله ده ظلم
سحتوت: بتبرطم بإيه يا ابن الـ......
* مشهد رقم اتنين:
أمام الجامعة الأمريكية، الطريق واقف، عربات مصفحة على اليمين والشمال، يقف
شلتوت في وسط الشارع أمام باب الجامعة، يرتدي بنطلون جينز وتيشيرت أخضر مكتوب عليه "فكر جديد"، ونضارة شمس مرسوم عليها صورة سحتوت، وفي فمه لبان سحري اللي لونه بيتغير..، تخرج من البوابة بنت برنزية اللون، واسمها خديجة، واحتمال تبقى خطيبته في المشهد الجاي...
شلتوت: أنا..
خديجة : اشمعنا..
شلتوت : طالب القرب
خديجة : يا سم
شلتوت : والنبي أنا موش نقصاني حاجة، مال وجمال ولجنة سياسات، وقريب هجيب موبايل 6600، ويمكن أغير عربيتي على آخر الصيف..
خديجة : باباك يعرف إنك هنا
شلتوت : لو سمحتي.. أنا ليا شخصيتي المستقلة، وعندي عقدة أوديب..
خديجة : تقدر تروح تكلم بابايا
* مشهد رقم تلاتة:
منزل العروسة، صوت سارينة في الشارع، تخرج خديجة من غرفتها إلى الصالة، وهي تصرخ..
خديجة: وصل يا بابا وصل
باباها: بس يا بنت إختشي، واضح إن عريسك متريش
خديجة : سامع يا بابا سامع، يا حلاوة سارينته
باباها : خلي سعدية تفتح الباب...
شلتوت : الحقيقة يا عمي.. أنا جاي أصلح غلطتي، وأطلب القرب من بنتك
باباها : معندناش بنات للجواز
شلتوت : ليه يا عمي
باباها : مينفعش تيجي لوحدك، لازم أبوك يكون معاك
شلتوت : هجيبه حالا..
* مشهد رقم أربعة:
نفس سجادة الصلاة, وسحتوت يجلس نفس الجلسة، يدخل شلتوت وهو ينهج
شلتوت: بابا، حبيبي.. شوف بقى... أنا جايبلك خبر حلو
سحتوت : إيه يا ابني.. الـ88 بتوع الإخوان غرقوا في العبارة
شلتوت : لا .. حاجة أحلى
سحتوت : العبارة لسه مغرقتش
شلتوت : لأ أحلى
سحتوت : إيه، حركة (كفاية) بقت جماعة محظورة
شلتوت : لأ يا بابا.. أنا نويت أصلح غلطتك
سحتوت : (ينزل بيده على وجه شلتوت).. جتك نيلة، وهو حد يعرف يصلحها.. يا أبني أنا غلطت مع الشعب كله
شلتوت : لا يا بابا، هصلح غلطتي أنا وأتجوز
سحتوت : يا ما انت كريم يا رب..
* مشهد رقم خمسة:
بيت العروسة، الأب وبنته ومراته وشلتوت وأبوه وأمه وأخوه وعيال أخوه ومراته، و..زغلول..
شلتوت : الحقيقة يا عمي..
باباها : عارف يا أبني، السيد بلاص من المخابرات كان هنا من شوية، وفهمني كل حاجة
سحتوت : طيب، حيث كدة أحب أقول إننا هنجيب السجاد وطقم المعالق و..
باباها : يا باشا إنت تأمر.. أنا بس كنت عايز أسأل العريس بيشتغل إيه..
سحتوت : بيشتغلنا يا حبيبي..
* مشهد رقم 76...بعد فترة طويلة يعنى:
قناة دريم، فيلم الدعاية لحملة شلتوت الانتخابية لفترة رئاسة عاشرة، يجلس شلتوت وبجواره خديجة
شلتوت : عجبني فيها إنها بدأت معايا من البداية وأنا لسه موظف صغير في لجنة السياسات، ودلوقتي برضه مستحملاني وأنا مشغول بهموم الوطن.
خديجة : كان روش قوي، يا ما اتمشينا مع بعض على كورنيش نهر الراين، وكان بيقبض أول ما أتجوزنا مليونين بس، لكن أنا كنت شاطرة وكنت بعرف أوفر، وبعدين زمان كان المليونين دول يقدروا يفتحوا بيت كويس، لكن الحمد لله ربنا
فتحها عليه من وسع..
أرجو أن تكون أعجبتكم وأن يكون مغزاها قد وصل كما أتمنى ألا أكون بهذه المشاركة قد خالفت أي من قواعد المنتدى ... وسلامتكم
الأول أحب أعرفكم بشخصيات القصة وهي طبعا شخصيات وهمية بترمز لدولة وهمية إسمها دولة أزعرينا:
سحتوت: رئيس دولة أزعرينا.
شلتوت: ابن الحاكم سحتوت.
زغلول: رئيس الوزراء لدولة أزعرينا.
بلاص: ظابط في مخابرات أزعرينا.
* مشهد رقم واحد:
سحتوت في صالة بيته، يجلس على سجادة صلاة بشكل علم أزعرينا، ويمسك في يده مصحف،
وعلى الأرض نسخة من قانون الضرايب الجديد، تركز الكاميرا على الساعة التي تشير عقاربها إلى الرابعة AM, ويعلو صوت سحتوت بالتسبيح..
سحتوت: يا رب، يا رب الواد شلتوت ربنا يهديه كدة ويكمل نص دينه، ويارب أشوف ابنه ييجي يصلي معايا العصر ونبقى أنا وهو أكيد في أزعرينا.. يا رب أشوف ابنه بيشجع معايا أزعرينا في بطولة كأس أفريقيا 2030.. يا رب..
صوت الباب يفتح، ويدخل شلتوت وهو يمشي مترنح..
سحتوت: إنت جيت يا حبيبي
شلتوت: إحم.. بابا.. إنت إيه اللي مصحيك لحد دلوقتي.. إنت موش وراك حكم الصبح، كدة تروح الرئاسة متأخر..
سحتوت: يا ابني.. أنا من ساعة ما حكمت البلد دي وأنا موش شايف شكل النوم، الأمانة اللي في رقبتنا تقيلة قوي، يلا بقى عشان تيجي تشيل معايا الحمل
شلتوت (وهو يقبل قانون الضرايب): ربنا يخليك لينا يا بابا
سحتوت: يا أبني بقى موش ناوي تعقل وتكمل نص دينك
شلتوت: وهو أنا عرفت أجيب النص الأولاني
سحتوت: بتتريق حضرتك، طيب اتفضل أدخل أوضتك، محروم من لجنة السياسات لمدة أسبوع، ومفيش مؤتمرات ولا مناكفة مع عمك زغلول غير لما تتجوز، يلا أمشي من وشي، جتكوا نيلة.. مليتوا الحزب
شلتوت: والله ده ظلم
سحتوت: بتبرطم بإيه يا ابن الـ......
* مشهد رقم اتنين:
أمام الجامعة الأمريكية، الطريق واقف، عربات مصفحة على اليمين والشمال، يقف
شلتوت في وسط الشارع أمام باب الجامعة، يرتدي بنطلون جينز وتيشيرت أخضر مكتوب عليه "فكر جديد"، ونضارة شمس مرسوم عليها صورة سحتوت، وفي فمه لبان سحري اللي لونه بيتغير..، تخرج من البوابة بنت برنزية اللون، واسمها خديجة، واحتمال تبقى خطيبته في المشهد الجاي...
شلتوت: أنا..
خديجة : اشمعنا..
شلتوت : طالب القرب
خديجة : يا سم
شلتوت : والنبي أنا موش نقصاني حاجة، مال وجمال ولجنة سياسات، وقريب هجيب موبايل 6600، ويمكن أغير عربيتي على آخر الصيف..
خديجة : باباك يعرف إنك هنا
شلتوت : لو سمحتي.. أنا ليا شخصيتي المستقلة، وعندي عقدة أوديب..
خديجة : تقدر تروح تكلم بابايا
* مشهد رقم تلاتة:
منزل العروسة، صوت سارينة في الشارع، تخرج خديجة من غرفتها إلى الصالة، وهي تصرخ..
خديجة: وصل يا بابا وصل
باباها: بس يا بنت إختشي، واضح إن عريسك متريش
خديجة : سامع يا بابا سامع، يا حلاوة سارينته
باباها : خلي سعدية تفتح الباب...
شلتوت : الحقيقة يا عمي.. أنا جاي أصلح غلطتي، وأطلب القرب من بنتك
باباها : معندناش بنات للجواز
شلتوت : ليه يا عمي
باباها : مينفعش تيجي لوحدك، لازم أبوك يكون معاك
شلتوت : هجيبه حالا..
* مشهد رقم أربعة:
نفس سجادة الصلاة, وسحتوت يجلس نفس الجلسة، يدخل شلتوت وهو ينهج
شلتوت: بابا، حبيبي.. شوف بقى... أنا جايبلك خبر حلو
سحتوت : إيه يا ابني.. الـ88 بتوع الإخوان غرقوا في العبارة
شلتوت : لا .. حاجة أحلى
سحتوت : العبارة لسه مغرقتش
شلتوت : لأ أحلى
سحتوت : إيه، حركة (كفاية) بقت جماعة محظورة
شلتوت : لأ يا بابا.. أنا نويت أصلح غلطتك
سحتوت : (ينزل بيده على وجه شلتوت).. جتك نيلة، وهو حد يعرف يصلحها.. يا أبني أنا غلطت مع الشعب كله
شلتوت : لا يا بابا، هصلح غلطتي أنا وأتجوز
سحتوت : يا ما انت كريم يا رب..
* مشهد رقم خمسة:
بيت العروسة، الأب وبنته ومراته وشلتوت وأبوه وأمه وأخوه وعيال أخوه ومراته، و..زغلول..
شلتوت : الحقيقة يا عمي..
باباها : عارف يا أبني، السيد بلاص من المخابرات كان هنا من شوية، وفهمني كل حاجة
سحتوت : طيب، حيث كدة أحب أقول إننا هنجيب السجاد وطقم المعالق و..
باباها : يا باشا إنت تأمر.. أنا بس كنت عايز أسأل العريس بيشتغل إيه..
سحتوت : بيشتغلنا يا حبيبي..
* مشهد رقم 76...بعد فترة طويلة يعنى:
قناة دريم، فيلم الدعاية لحملة شلتوت الانتخابية لفترة رئاسة عاشرة، يجلس شلتوت وبجواره خديجة
شلتوت : عجبني فيها إنها بدأت معايا من البداية وأنا لسه موظف صغير في لجنة السياسات، ودلوقتي برضه مستحملاني وأنا مشغول بهموم الوطن.
خديجة : كان روش قوي، يا ما اتمشينا مع بعض على كورنيش نهر الراين، وكان بيقبض أول ما أتجوزنا مليونين بس، لكن أنا كنت شاطرة وكنت بعرف أوفر، وبعدين زمان كان المليونين دول يقدروا يفتحوا بيت كويس، لكن الحمد لله ربنا
فتحها عليه من وسع..
أرجو أن تكون أعجبتكم وأن يكون مغزاها قد وصل كما أتمنى ألا أكون بهذه المشاركة قد خالفت أي من قواعد المنتدى ... وسلامتكم